O MARKUS16
1Ipahi o Sabat ma wange 'ipaha'au, o ngo Maria Magdalena de o ngo Maria o Yakobus ma eha, de o ngo Salome yotagi yogoo'o o 'iau hona ma bounu 'ihemo-hemo la yohii'ili o Yesus awi maiyeti.2De o de-dewelano o hiaini ma wange'u wa'utu o wange aha 'ihiwade de ona yotagi o boohu'i'a.3O nge'omo ma goronano de ona yoma'atemo, <<Ee, na'o pomahiadoni'a do'a, nagoonau yalulu ma heleo geena la idadi poohama o boohu'u ma doda'a?>> Wa'utu yomahiadonou o boohu'i'a, ona yama'e ma heleo iluluo'au. Ena ma heleo geena 'ao amo'o.5Wa'utu ona yoohami'a, ona duru yohido-do'ana hababu wima'e o doguulu moi womahinoa'u o baju i'a-'a'ulu'u moi 'iare-arehe de wogogelu'u ma guida'o'a.6Ho ma doguulu guuna wotemo, <<Uwa niohawana! Ngoi tana'o ngini niwihali'i o Yesus o Nazaretino, gee wihidelo'au o salipo'a. Una womomi'o'au! Una 'awiiwau neena'a. Bee'a nitaila'o! Neena ma dingii yanoa awi maiyeti.7Ho o oraha neena, niotagiou, niohingahu o habari neena Awi ni-nii'i'a, de o Petrusi'a ma. Niotemo, <O Yesus wohila'au o Galilea'a, ho do'a aha niwima'e Una'a, harage 'a wotemo'au ngini'a.> >>8Yoihene 'ogeena, ona duru yohawana ho yoto-towoworo, geena'a de ona yoloa yo'o'ihupu ma boohu'ino geena, mangale yohawana ho o nge'omo ma goronano ona 'ayoma'atemowau moi de moi. O HABARI MA OWA NAGE O MARKUS WOTULI-TULIHI MA HILA O Yesus womahimaiti o ngo Maria Magdalena'a (Mat. 28:9-10; Yoh. 20:11-18)
[9O hiani ma wange ge o de-dewelano ena o Yesus womomi'o'au o hongenino, de womahimaiti 'ihila o ngo Maria'a o Magdalenano. (Ongo Maria gumunau ge o Yesus waginii'i o to'ata tumudiingi.)10Ho o ngo Maria motagi mohingahu o 'iau nage 'ida-dadio'au geena o Yesus awi ma-manai'a ge manga hingina 'ihuha'u de yoali'a.]11Ma ma oraha yoihene na'o o Yesus womomi'o'au de o ngo Maria mima'e'au, ma 'ayonga'uwa.12Geena iduangino, de o Yesus womahimaiti awi ni-nii'i'a yamididi, de awi rupa ma homoa. Geena idadi ma oraha awi ni-nii'i yamididi goona yotagi o hoana moi'a. Hababu awi rupa ingali, ma ma da-daao aha wina'o.13Ho ona yolio de yohingahu manga ma-manai'a, ma ona 'ayonga'uwa.14Ma baha'u, o Yesus womahimaiti awi ni-nii'i'a nage yamogio'o de yamoi'a goona wa'utu ona yoodomi'a. De o Yesus wo'ihidaele hababu ona manga ngonga'u i'uranga de manga hingina 'iopini ho ngaro o nyawa ge wima'e'au na'o o Yesus womomi'o'au, ma ona 'a yonga'uwa.15Geena'a de o Yesus wotemo ona'a, <<Niotagi moi-moi o dunia'a la nihingahu o nyawa'a moi-moi o Habari ma Owa ma Jou ma Dutuno ge.16Nagoonau yonga'u de yo'iohi'i aha yohalamata. Ma nagoonau 'ayonga'uwa aha yo'ihu'umu.17O nyawa ge yonga'u Ngoino geena, ma Jou ma Dutu aha wo'ula ona'a o 'uaha la yodiai o dudunguu one-neena: Ona aha o to'ata yoginii'i de to Ngoi 'ai ronga, ona aha yomaade-ade de o demo-demo ge ona o yana'owa.18De ngaro yagagao o ngia e'ola owo-wo'uhu yao'ele, ma 'ayododoawa, de na'o yo'igagao o nyawa yopa-panya'e'a, geena aha manga panya'e 'iai'i.>>19Iduangino ma Jou Yesus womaade-ade awi ni-nii'i'a, de wodoa o horogade, Geena'a Una wogogele de ma Jou ma Dutu awi guida'a.20Ho awi ni-nii'i yotagi yohingahu o Habari ma Jou ma dutuno o iya'a naga bato. De ma Jou ma wo'iduhunu ona yodiai o haala 'ihera-heranga la o nyawa-nyawa idadi yana'o ma Jou ma Dutu awi Demo geena itiai. O du-dulihi 'ihila-hila ge ma homoali
[9O nge-ngewe'a goona yotagi o Petrus de awi ma-manai'a. Geena'a de yohijarita 'ayohitipo'ono moi-moi gee o doguulu guuna wo'ihingahu-ngahuo'au.10Geena iduangino de o Yesus ma hirete wohihabari o Habari 'iofi-ofi de 'ahiado-adoni'a ma ngale o halamata 'ahiado-adoni'a, ma nge'omo awi ni-nii'i, dina o wange ma hiwa'a de daio'o o wange ma dumuno'o.]
[9O hiani ma wange ge o de-dewelano ena o Yesus womomi'o'au o hongenino, de womahimaiti 'ihila o ngo Maria'a o Magdalenano. (Ongo Maria gumunau ge o Yesus waginii'i o to'ata tumudiingi.)10Ho o ngo Maria motagi mohingahu o 'iau nage 'ida-dadio'au geena o Yesus awi ma-manai'a ge manga hingina 'ihuha'u de yoali'a.]11Ma ma oraha yoihene na'o o Yesus womomi'o'au de o ngo Maria mima'e'au, ma 'ayonga'uwa.12Geena iduangino, de o Yesus womahimaiti awi ni-nii'i'a yamididi, de awi rupa ma homoa. Geena idadi ma oraha awi ni-nii'i yamididi goona yotagi o hoana moi'a. Hababu awi rupa ingali, ma ma da-daao aha wina'o.13Ho ona yolio de yohingahu manga ma-manai'a, ma ona 'ayonga'uwa.14Ma baha'u, o Yesus womahimaiti awi ni-nii'i'a nage yamogio'o de yamoi'a goona wa'utu ona yoodomi'a. De o Yesus wo'ihidaele hababu ona manga ngonga'u i'uranga de manga hingina 'iopini ho ngaro o nyawa ge wima'e'au na'o o Yesus womomi'o'au, ma ona 'a yonga'uwa.15Geena'a de o Yesus wotemo ona'a, <<Niotagi moi-moi o dunia'a la nihingahu o nyawa'a moi-moi o Habari ma Owa ma Jou ma Dutuno ge.16Nagoonau yonga'u de yo'iohi'i aha yohalamata. Ma nagoonau 'ayonga'uwa aha yo'ihu'umu.17O nyawa ge yonga'u Ngoino geena, ma Jou ma Dutu aha wo'ula ona'a o 'uaha la yodiai o dudunguu one-neena: Ona aha o to'ata yoginii'i de to Ngoi 'ai ronga, ona aha yomaade-ade de o demo-demo ge ona o yana'owa.18De ngaro yagagao o ngia e'ola owo-wo'uhu yao'ele, ma 'ayododoawa, de na'o yo'igagao o nyawa yopa-panya'e'a, geena aha manga panya'e 'iai'i.>>19Iduangino ma Jou Yesus womaade-ade awi ni-nii'i'a, de wodoa o horogade, Geena'a Una wogogele de ma Jou ma Dutu awi guida'a.20Ho awi ni-nii'i yotagi yohingahu o Habari ma Jou ma dutuno o iya'a naga bato. De ma Jou ma wo'iduhunu ona yodiai o haala 'ihera-heranga la o nyawa-nyawa idadi yana'o ma Jou ma Dutu awi Demo geena itiai. O du-dulihi 'ihila-hila ge ma homoali
[9O nge-ngewe'a goona yotagi o Petrus de awi ma-manai'a. Geena'a de yohijarita 'ayohitipo'ono moi-moi gee o doguulu guuna wo'ihingahu-ngahuo'au.10Geena iduangino de o Yesus ma hirete wohihabari o Habari 'iofi-ofi de 'ahiado-adoni'a ma ngale o halamata 'ahiado-adoni'a, ma nge'omo awi ni-nii'i, dina o wange ma hiwa'a de daio'o o wange ma dumuno'o.]
The Seed Company