O MARKUS15
1O de-dewelano, de o Agama'a ma ha'imi moi-moi, de o 'imam ma hae-hae'e de o Yahudio'a ma balu-baluhu, de o agama'a yodoto-doto'o, yohijai-jai yama'aturu. Ona o Yesus wili'o de wiaha o Pilatusi'a.2O Pilatus wohano o Yesusi'a, <<Bote 'igoungu, ngona o Yahudio'a manga 'Oana?>>
O Yesus wopaluhu, <<'iyolo, 'iani ge de to ngona ani demo.>>3De aha o imam ma hae-hae'e witae o Yesusi'a, yote bali ma lepeu Una wodiai o haala iti-tiiha.4O Pilatus wihanoli Una'a 'onane, <<O nyawa manga lepe yotemo Ngona de ani hala'a, de idodoau ho 'anomalii-liilo'a?>>5Ma o Yesus 'awomalii-liilo'a, hiadono o Pilatus ma woheranga.6Wa'utu o Paska 'ihinoimi, o gubernur biaha wo'ihihupu womatengo o buino. O nyawa nage wihihupu geena 'imote'e de o nyawa yolepe-lepe manga mau.7Wa'utu geena, womatengo woti-tingi'ai awi ronga o Barabas. Una woohama o bui'a yoma'anii'i de o nyawa-nyawa ma reguoli hababu ona yo'itooma'au o nyawa nage yolawa-lawana o Roma ma pareta'a.8Ho o 'awaha yomatoomu de yogaaho'o o Pilatusi'a la wohihupu o nyawa womatengo wobui-bui'a harage 'a biahau una wodiai.9O Pilatus wo'ihano ona'a, <<Niomode'e o Yahudio'a manga 'Oana guuna towihihupu mangale ngini?>>10O Pilatus womaade-ade 'ogeena hababu wana'o, na'o o imam ma hae-hae'e yobu'u o Yesusi'a, hitigi wiota'a o Yesus unano. Ho o Pilatus wote bali o nyawa yolepe-lepe goona yogaaho'o la wihihupu o Yesusi'a, 'ao Barabasua.11Ma o imam ma hae-hae'e yo'ibaja o 'awaha'a la yogaaho'o o Pilatusi'a na'o o Barabas wihihupu ona'a.12Ho o Pilatus wotemo ona'a, <<Na'o 'ogeena, o nyawa gee niwihironga o Yahudio'a manga 'Oana guuna o 'iau halingou todiai Una'a?>>13De ona moi-moi yomaorehe, <<Niwihidele!>>14Duga o Pilatus wohanoli ona'a, <<Awi hala o 'iau?>>
Ma ona 'age'au yomaorehe, <<Niwihidele!>>15O Pilatus womau o nyawa yolepe-lepe goona manga hingina 'ihanaanga, ho o Barabas wihihupu ona'a. De wo'ihulo'o awi hurudado'a la wipoha o Yesusi'a, aha de wihigiama ma hoata la wihidele o salipo'a.16O hurudado wiaha o Yesus ma 'oana awi 'adato ma bibini'a. Geena'a de o hurudado goona yo'iaho'o manga ma-manai de yomalomu.17De aha o wihinoa'u o baju 'i 'a-'a'ulu ma ungu, de o gota ma jaga ihi-hihi'a yadiai o tuala ho o Yesus awi hae'o'a yohinoa'u.18Geena iduangino de wihiaga-aga yotabea una'a, yotemo, <<Tabea, o Yahudio'a manga 'Oana!>>19De aha, ona wipoha Awi hae'o'o de o papadi, de aha wiobili aha de yohuba awi biono'a.20Wihiaga-aga iduangino, ona yataai'i awi baju i'a-'a'ulu'u ge ma ungu de yohialiti de to Una ma hirete awi baju 'i 'a-'a'ulu'u. Geena'a de wiaha wihihupu o bendara ma duduni'a ma ngale wihidele o salipo'a.21O nge'omo ma goronano de ona yoma'ama'e de o nyawa womatengo awi ronga o Simon o Kirene ma nyawa. O Aleksander de o Rufus manga dea. Una aha o hoano'a de waino ho woohamou o bendarino. De o hurudado goona wipa'iha una'a la o Yesus awi salipi wamo'u.22Ona wiaha o Yesus o ngii moi'a ma ronga o Golgota, ma mangariti, <<O hae'e ma hahawi ma Ngii.>>23Ma oraha yomahiadoni'a geena'a, de o hu-hurudado yomau wi'ula Yesusi'a o anggur gee ihiganu-ganu'u de o houlu nage ma ronga o muuru, ma waolu'u.24Geena'a de wihidele o salipo'a, de awi pa'eanga yomahi'ado'u yoduundi ma ngale nagoonau yo'idaene.25O ta'o hiwo o de-dewelano de wihidele o salipo'a.26Awi salipi ma hae'ie idadu 'ihitulihiha nage witae ma demo, geenala, <<Nuuna Yahudio'a manga 'Oana.>>27De o Yesus wihidele de o nyawa yamididi yoora-ora, womatengo awi guidao'a, de womatengo awi gubalio'a.28[De 'ogeena, idadio'au harage 'itulihu'u'au o Bo'u 'Ibe-berehi'u geenala, <<Una ma widoimi harage de o nyawa yoti-tingi'ai.>>]29O nyawa gee yaboa geenano geena 'ayomagiwi-giwi mangale wihohedu o Yesusi'a. Ona yotemo Una'a, <<Ee Ngonau gee nomau ma Jou ma Dutu awi Woa naluba de aha nohigo'oli 'a o wange haange'a.30Bei'a nouti geena o salipo'a, de nomahihalamata ani roehe ma hirete!>>31O imam ma hae-hae'e de o agama'a yodoto-doto'o ma o Yesusi'a wihohedu. Ona yomatemo moi de moi, <<Una awadadi o nyawa ma homoa wo'ihihalamata, ma Una ma hirete o waa'unua womahihalamata!32Na'o ma gou-goungu Una o Israelo'a manga 'oana, ma 'Oana o Nyawa Wo'ihiha-halamata, geena 'iholoi yaowa 'oneena de wouti o salipo'a la ngomi miama'e de mionga'u 'Una'a!>>
De yamididi gee yo'ihideli'a de o Yesus ma wihohedu.33Wa'utu o wange 'i'orona o ta'o mogio'o de modidi, de o daera moi-moi geena italuhu 'aitodo'anu'u, ma daao o ta'o haangeno.34De ipahi o wange i'umulu'u o ta'o haange geena, de o Yesus womaorehe wapau-paude wapa'e o Aram ma demo. Wotemo, <<Eloi, Eloi lama sabakhtani!>> Ma mangariti, <<Jou ma Dutu, Jou ma Dutu, dodoau ho noimada'a?>>35Yoihene 'ogeena, de yamuluo naga yomahigo'o-go'ono geena'a yotemo onane, <<Bee'a niohigihene, Una wiaho'o ma nabi Elia'a.>>36De womatengo ona'a ge wohijai-jai waehe o spons de wohitabu o anggur ma cu'a'u, geena'a de wohiha'a'o o tiba'o de widotobe o Yesus awi ulude la Una wawiwihi. Ma nyawa guuna wodiai ma gigiria'a de wotemo onane, <<Podamaahi de pama'e, 'iani bote ma nabi Elia woboa de wihiguti Una'a.>>37Geena'a de o Yesus womaorehe wapau-paude de awi ngomaha 'itoa'a.38'Ipahi o Yesus awi ngomaha 'itoa'a de o da-dato'o o moha 'iamo-amo'o ge ma Jou ma Dutu awi woa ma doda'a 'iracanga da'u de yau'u hitigi dau'u'u'a idadi modidio'a.39De o hurudado ma baluhu gee womahigo'ono geena o salip ma biono'a. Wa'utu wama'e icara'iau o Yesus wohonenge, de wotemo, <<Itiaio'au o Nyawa nuuna ma Jou ma Dutu awi Ngoa'a!>>40Geena'a ma o nge-ngewe'a yamuluo naga ma yomatinga'i'a yoge-gelelo moi-moi geena. Manga hidogorona'a geena, de o ngo Salome'a, o ngo Maria Magdalena, de o ngo Maria o Yakobus wogoo-goo de o Yoses manga eha.41Onau noona gee winii-nii'i de wile-leleani o Yesusi'a ma oraha o Yesus 'a o Galilea'ahi. De manga lepehi o nge-ngewe'a ma regu geena'a dau gee yomahidoboano'au o Yerusalemo'a de o Yesus.42Naga womatengo awi ronga o Yusuf. Una guuna o Arimateano ma nyawa, una guuna o Agama'a ma Ha'imino moi. Ho o nyawa manga lepe wihoromati una'a. Una ma woda-damaa ma oraha ma Jou ma Dutu wopareta ma ngale Wo'oana. Ma wange geena, o Yahudio'a yomahi'a-'adiai mangale yodiai o Sabat ma wange. Ho ipahi o wutuou, o Yusuf womato-tomooni wa'ai'a o Pilatusi'a wogaaho'o o Yesus awi maiyeti.44Ma oraha woihene o Yesus wonengo'au de o Pilatus woheranga. Ho wohulo'o o Hurudado ma baluhu wiaho'o, de wohano, <<Bote O Yesus wohonengo'au?>>45De o hurudado ma baluhu guuna wotemo Pilatusi'a, <<Igoungu aba! O Yesus wohonengo'u.>> Wa'utu o Pilatus woiheno'au ho wohigumada o Yusuf waehe o Yesus awi maiyeti.46Geena'a de o Yusuf wogoo'o o honenge ma ha-hao 'ira-rahai, wohiguti'u o Yesus awi maiyeti geena, de ma moha geena wohihao. Geena'a de ma maiyeti geena waaha, ho wanoa o boohu'u ma hungi moi o heleo'a yodohonoto'i'a, geena'a de o heleo moi 'iamo-amo'o wodululu'a ma boohu'u ma ngoano'a wohitato'ino.47Ma oraha geena o ngo Maria Magdalena de ngo Maria o Yoses ma eha yoge-gelelo 'ia'a o Yesus wipoohu'u.
O Yesus wopaluhu, <<'iyolo, 'iani ge de to ngona ani demo.>>3De aha o imam ma hae-hae'e witae o Yesusi'a, yote bali ma lepeu Una wodiai o haala iti-tiiha.4O Pilatus wihanoli Una'a 'onane, <<O nyawa manga lepe yotemo Ngona de ani hala'a, de idodoau ho 'anomalii-liilo'a?>>5Ma o Yesus 'awomalii-liilo'a, hiadono o Pilatus ma woheranga.6Wa'utu o Paska 'ihinoimi, o gubernur biaha wo'ihihupu womatengo o buino. O nyawa nage wihihupu geena 'imote'e de o nyawa yolepe-lepe manga mau.7Wa'utu geena, womatengo woti-tingi'ai awi ronga o Barabas. Una woohama o bui'a yoma'anii'i de o nyawa-nyawa ma reguoli hababu ona yo'itooma'au o nyawa nage yolawa-lawana o Roma ma pareta'a.8Ho o 'awaha yomatoomu de yogaaho'o o Pilatusi'a la wohihupu o nyawa womatengo wobui-bui'a harage 'a biahau una wodiai.9O Pilatus wo'ihano ona'a, <<Niomode'e o Yahudio'a manga 'Oana guuna towihihupu mangale ngini?>>10O Pilatus womaade-ade 'ogeena hababu wana'o, na'o o imam ma hae-hae'e yobu'u o Yesusi'a, hitigi wiota'a o Yesus unano. Ho o Pilatus wote bali o nyawa yolepe-lepe goona yogaaho'o la wihihupu o Yesusi'a, 'ao Barabasua.11Ma o imam ma hae-hae'e yo'ibaja o 'awaha'a la yogaaho'o o Pilatusi'a na'o o Barabas wihihupu ona'a.12Ho o Pilatus wotemo ona'a, <<Na'o 'ogeena, o nyawa gee niwihironga o Yahudio'a manga 'Oana guuna o 'iau halingou todiai Una'a?>>13De ona moi-moi yomaorehe, <<Niwihidele!>>14Duga o Pilatus wohanoli ona'a, <<Awi hala o 'iau?>>
Ma ona 'age'au yomaorehe, <<Niwihidele!>>15O Pilatus womau o nyawa yolepe-lepe goona manga hingina 'ihanaanga, ho o Barabas wihihupu ona'a. De wo'ihulo'o awi hurudado'a la wipoha o Yesusi'a, aha de wihigiama ma hoata la wihidele o salipo'a.16O hurudado wiaha o Yesus ma 'oana awi 'adato ma bibini'a. Geena'a de o hurudado goona yo'iaho'o manga ma-manai de yomalomu.17De aha o wihinoa'u o baju 'i 'a-'a'ulu ma ungu, de o gota ma jaga ihi-hihi'a yadiai o tuala ho o Yesus awi hae'o'a yohinoa'u.18Geena iduangino de wihiaga-aga yotabea una'a, yotemo, <<Tabea, o Yahudio'a manga 'Oana!>>19De aha, ona wipoha Awi hae'o'o de o papadi, de aha wiobili aha de yohuba awi biono'a.20Wihiaga-aga iduangino, ona yataai'i awi baju i'a-'a'ulu'u ge ma ungu de yohialiti de to Una ma hirete awi baju 'i 'a-'a'ulu'u. Geena'a de wiaha wihihupu o bendara ma duduni'a ma ngale wihidele o salipo'a.21O nge'omo ma goronano de ona yoma'ama'e de o nyawa womatengo awi ronga o Simon o Kirene ma nyawa. O Aleksander de o Rufus manga dea. Una aha o hoano'a de waino ho woohamou o bendarino. De o hurudado goona wipa'iha una'a la o Yesus awi salipi wamo'u.22Ona wiaha o Yesus o ngii moi'a ma ronga o Golgota, ma mangariti, <<O hae'e ma hahawi ma Ngii.>>23Ma oraha yomahiadoni'a geena'a, de o hu-hurudado yomau wi'ula Yesusi'a o anggur gee ihiganu-ganu'u de o houlu nage ma ronga o muuru, ma waolu'u.24Geena'a de wihidele o salipo'a, de awi pa'eanga yomahi'ado'u yoduundi ma ngale nagoonau yo'idaene.25O ta'o hiwo o de-dewelano de wihidele o salipo'a.26Awi salipi ma hae'ie idadu 'ihitulihiha nage witae ma demo, geenala, <<Nuuna Yahudio'a manga 'Oana.>>27De o Yesus wihidele de o nyawa yamididi yoora-ora, womatengo awi guidao'a, de womatengo awi gubalio'a.28[De 'ogeena, idadio'au harage 'itulihu'u'au o Bo'u 'Ibe-berehi'u geenala, <<Una ma widoimi harage de o nyawa yoti-tingi'ai.>>]29O nyawa gee yaboa geenano geena 'ayomagiwi-giwi mangale wihohedu o Yesusi'a. Ona yotemo Una'a, <<Ee Ngonau gee nomau ma Jou ma Dutu awi Woa naluba de aha nohigo'oli 'a o wange haange'a.30Bei'a nouti geena o salipo'a, de nomahihalamata ani roehe ma hirete!>>31O imam ma hae-hae'e de o agama'a yodoto-doto'o ma o Yesusi'a wihohedu. Ona yomatemo moi de moi, <<Una awadadi o nyawa ma homoa wo'ihihalamata, ma Una ma hirete o waa'unua womahihalamata!32Na'o ma gou-goungu Una o Israelo'a manga 'oana, ma 'Oana o Nyawa Wo'ihiha-halamata, geena 'iholoi yaowa 'oneena de wouti o salipo'a la ngomi miama'e de mionga'u 'Una'a!>>
De yamididi gee yo'ihideli'a de o Yesus ma wihohedu.33Wa'utu o wange 'i'orona o ta'o mogio'o de modidi, de o daera moi-moi geena italuhu 'aitodo'anu'u, ma daao o ta'o haangeno.34De ipahi o wange i'umulu'u o ta'o haange geena, de o Yesus womaorehe wapau-paude wapa'e o Aram ma demo. Wotemo, <<Eloi, Eloi lama sabakhtani!>> Ma mangariti, <<Jou ma Dutu, Jou ma Dutu, dodoau ho noimada'a?>>35Yoihene 'ogeena, de yamuluo naga yomahigo'o-go'ono geena'a yotemo onane, <<Bee'a niohigihene, Una wiaho'o ma nabi Elia'a.>>36De womatengo ona'a ge wohijai-jai waehe o spons de wohitabu o anggur ma cu'a'u, geena'a de wohiha'a'o o tiba'o de widotobe o Yesus awi ulude la Una wawiwihi. Ma nyawa guuna wodiai ma gigiria'a de wotemo onane, <<Podamaahi de pama'e, 'iani bote ma nabi Elia woboa de wihiguti Una'a.>>37Geena'a de o Yesus womaorehe wapau-paude de awi ngomaha 'itoa'a.38'Ipahi o Yesus awi ngomaha 'itoa'a de o da-dato'o o moha 'iamo-amo'o ge ma Jou ma Dutu awi woa ma doda'a 'iracanga da'u de yau'u hitigi dau'u'u'a idadi modidio'a.39De o hurudado ma baluhu gee womahigo'ono geena o salip ma biono'a. Wa'utu wama'e icara'iau o Yesus wohonenge, de wotemo, <<Itiaio'au o Nyawa nuuna ma Jou ma Dutu awi Ngoa'a!>>40Geena'a ma o nge-ngewe'a yamuluo naga ma yomatinga'i'a yoge-gelelo moi-moi geena. Manga hidogorona'a geena, de o ngo Salome'a, o ngo Maria Magdalena, de o ngo Maria o Yakobus wogoo-goo de o Yoses manga eha.41Onau noona gee winii-nii'i de wile-leleani o Yesusi'a ma oraha o Yesus 'a o Galilea'ahi. De manga lepehi o nge-ngewe'a ma regu geena'a dau gee yomahidoboano'au o Yerusalemo'a de o Yesus.42Naga womatengo awi ronga o Yusuf. Una guuna o Arimateano ma nyawa, una guuna o Agama'a ma Ha'imino moi. Ho o nyawa manga lepe wihoromati una'a. Una ma woda-damaa ma oraha ma Jou ma Dutu wopareta ma ngale Wo'oana. Ma wange geena, o Yahudio'a yomahi'a-'adiai mangale yodiai o Sabat ma wange. Ho ipahi o wutuou, o Yusuf womato-tomooni wa'ai'a o Pilatusi'a wogaaho'o o Yesus awi maiyeti.44Ma oraha woihene o Yesus wonengo'au de o Pilatus woheranga. Ho wohulo'o o Hurudado ma baluhu wiaho'o, de wohano, <<Bote O Yesus wohonengo'au?>>45De o hurudado ma baluhu guuna wotemo Pilatusi'a, <<Igoungu aba! O Yesus wohonengo'u.>> Wa'utu o Pilatus woiheno'au ho wohigumada o Yusuf waehe o Yesus awi maiyeti.46Geena'a de o Yusuf wogoo'o o honenge ma ha-hao 'ira-rahai, wohiguti'u o Yesus awi maiyeti geena, de ma moha geena wohihao. Geena'a de ma maiyeti geena waaha, ho wanoa o boohu'u ma hungi moi o heleo'a yodohonoto'i'a, geena'a de o heleo moi 'iamo-amo'o wodululu'a ma boohu'u ma ngoano'a wohitato'ino.47Ma oraha geena o ngo Maria Magdalena de ngo Maria o Yoses ma eha yoge-gelelo 'ia'a o Yesus wipoohu'u.
The Seed Company