O LUKAS1
1Tabea Aba Teofilus.
O nyawa yolepe manga hingina itaino'au la, yatulihi de yadaoto ihidi-diai nage o Yesus wodidiaio'au tongone nanga hidogorona'a.2Harage'a ona yatuliho'au de inahiado-adono'au ngoneno imote'e ona, nage ma di-dihila'a yama'e-ma'e de manga la'o mahirete de aha yohidagi ma habari,3Ho de tataila'o tohidi-diai moi-moi geena, ma di-dihila'a, de yaino tongoi 'ai mama'e'a duru yaowa ho tatulihi tohididiai tonihingahu ngona'a Aba.4Ngoi todiai o geena la ngona aba nana'o o'iau nage nodoto'o'au igoungu itiai.5Ma oraha o Herodes o Yudea'a wo'oana, naga womatengo o imam, awi ronga o Zakaria o Abia awi duonino, ma we'ata ami ahala o Harun awi guti'u ami ronga o ngo Elisabet6Manga wowango o giawe'ata geena, itiai ma Jou ma Dutu Awi biono'a, de yodomote'e moi-moi ma Jou ma Dutu Awi pareta, de awi da-daaele 'oyapalenua7Ma ona 'oiwa manga ngowa'a, matiti o ngo Elizabet 'omaiwahi mohiaha o ngowa'a, de aha yopere'io'au.8O wa'utu moi'u, ma oraha yaadono, o Abia awi duono ma do'u, o Zakaria wodiai o imam manga 'arajaanga, ma Jou awi biono'a.9Hara ge 'atoona manga hilahi la, yana'o ma imam naguunau woleleani, ona youndi de o Zakaria widaene ho una woohama ma Jou awi woa ma doda'a, la wodutuu'u o maingaana.10Ma oraha geena o nyawa duru 'amanga lepe ma duduno'a yomadahaubayanga.11Geena'a ma Jou ma Dutu awi malai'ata moi imahimaiti o Zakaria'a. O malai'ata geena imahi go'ono o huba yotuu-tuu'u ma ngi ma guida'o'a.12Ma oraha wama'e o malai'ata geena, una wohidodo'ana de duru wohawana.13Ma o malai'ata geena witemo una'a <<E Zakaria! Uwa nohawana na'o ani ga-gaahoo, ma Jou ma Dutu woiheno'au de wohimote'o'au, ani haubayanga ho o ngo Elisabet aniwe'ata, aha moma'ualenge o ngowa'a moi tongona ani ngowa'a o naulu, de 'iani nowihi ronga o Yohanes!14Ngona aha nomagarago de o nyawa manga lepe ma done aha yomagarago matiti awi boa geena.15Una aha woamo'o ma Jou awi biono'a, de una done awoo'elua o angguru e'ola o dalu'u ibiha-biha, de una 'awoma boanohi ena ma Jou ma Dutu awi omaha iofi-ofi wiomango'au.16Una aha wadiai o Israelo'a manga lepe yoma'ilio toona manga Jou ma Dutuno,17de una aha wodadi ma Jou awi huhulo'o, duru wopau de awi 'uaha harage'ao Elia. Una aha wo'ihi'a looaha o dea de o ngowa'a, de o nyawa yopihi-pihi aha wo'ituda o nge'omo ma owa'a. De o geena imadadi, una wo'idiaio'au toma Jou awi umata moi.>>18Geena'a de o Zakaria wotemo o malae'ati'a, <<Done 'aigoungo'a neena aha idadi? Hababu ingoi de 'ai we'ata mio pere'io'au.>>19O malai'ata geena ipaluhu una'a, <<Ngoi neena o Gabriel! Towi le-leani ma Jou ma Dutu ngoi woihulo'o poma'a ade-ade, la tonihingahu o habari ma owa neena ngona'a.20O 'iau tatehongo'au, aha idadi 'aino'a. Ma ngona 'anoinga'uwa ho ngona aha anomaade-adewau; de nomou hiadono tateho-tehongo'au neena imadadi.>>21Ma oraha geena o nyawa manga lepe wida-dama O Zakaria, ona yatiba-tibanga ma ngale una 'awotaaoli ma Jou awi woa ma doda'a.22Ho de wohupuno, una 'owoma ade-adewau ona'a. Una 'awotumu-tumutou matiti womouo'au, geena'a ona yana'o'au itiai, una wama'e o 'iani moi ma Jou Awi woa'a.23Ho de ma oraha awi 'arajaanga iduanginou, o Zakaria wolio awi woa'a.24Aitaaowa ipahano, o ngo Elisabet o Zakaria ma we'ata mohiaha, de o mede motoano, muna 'amanga woa ma doda'a.25Muna motemo, <<Neena ma Jou wodiai ngoino de o oraha neena, una wai'ilo'au 'ai mae'e o nyawa manga biono'a.>>26Ma oraha o ngo Elizabet mohiahano'au o mede butanga ma Jou ma Dutu wahulo'o awi malai'ata o Gabriel itagi o Bendara moi'a o Galilea'a, ma ronga o Nasaret.27O Gabriel itagi moi o ngewe'a ma domori'a, ami mamane o naulu moi awi ronga o Yusup o Daut awi guti'u, ami ronga o ngo Maria28Ma oraha o malai'ata iohama ami woa'a, o malai'ata geena itemo, <<Tabea Maria! Ma Jou awi dora duru iamo'o ngona'a.>>29Ongo Maria mohido-do'ana moihene o demo geena de ami hingina'a itemo o'iau mangale o tabea neena.30O malai'ata itemo muna'a, <<Maria! Uwa nohawana Hababu ngona nama'e o dora, de o cocatu ma Jou ma Dutu awi biono'a.31Igoungu ngona aha nohiaha, de nowihidadi o ngowa'a o naulu moi, de halingou nowihi ronga o Yesus.32Una done awi 'uaha iamo'o, de aha witehongo ma Jou ma Dutu wo'a'a'ulie awi ngowa'a. Ma Jou ma Dutu aha wigoa'a wo'oana harage'a de ma 'oana o Daut to una awi goluwewe.33De Una aha wo'oana o Yakub awi gutiu 'ahiado-adoni'a de awi pareta geena 'oiwa ma baha.>>34Ongo Maria motemo o Malae'ati'a geena, <<Waee! Ma ngoi neena 'atomodo'awahi, o naulu ma tana'owahi de ito-to'iau ho o ngowa'a moi aha tomadama'e?>>35O malai'ata geena ipaluhu muna'a, <<O Omaha Ifi-ofi aha ni duguti ngona'u, de ma Jou ma Dutu wo'a'a'ulie awi 'uaha ni dowunu ngona'u; Mangale geena ma ngowa'a aha nowihi da-dadi geena, done aha witehongo woovi, ma Jou ma Dutu awi ngowa'a.36De nohi-hingina o ngo Elisabet ani dutu nage muna ma, mohiahano ami mede butangau, ngaro mopere'io'au, de ngaro o nyawa-nyawa yotemo na'o ma hila ami ngoa'a 'oiwa ge.37Hababu na'o de ma Jou ma dutu geena moi-moi 'aidadio'a.>>38De aha o ngo Maria motemo, <<Igoungu, ngoi neena ma Jou awi gilaongo; ho ngaro 'aidadiou ngoio'a hara'a anidemo geena.>> Geena'a de aha, o malai'ata mimada o ngo Maria.39'Aitaaowa ipahano o ngo Maria motagi o Bendara moi'a o Yudea'a ma tona'a ide'u-de'u'a.40Muna motagi o Zakaria awi woa'a. Hode muna moohama muna mitabea o ngo Elisabeti'a.41De ma oraha o ngo Elisabet moihene o ngo Maria ami tabea, ma ngowa'a o ngo Elisabet ami po'o'a nage, ima 'aruae de miomango'a de o Omaha Iofi-ofi.42Geena'a de o ngo Elisabet momaorehe, ma pau-paude o ngo Maria'a, <<'Angonahi nobaraati de o nge-ngewe'a moi-moi, de ibara'ati o ngowa'a ani po'o ma doda'a.43Ngoi neena, duru toutumo'au hababu ngaro 'ao'iawa idaene ma, ma Jou ma eha moboa moi adono.44Ma oraha ani tabea toihene o ngowa'a do'a 'ai po'o'a ma, ima'aruae ma ngale imagarago.45Ngona duru noutumu hababu nonga'u, na'o ma Jou watehongo'au 'iani idadi.>>46De aha o ngo Maria motemo,<<'ai hininga de ma ngodumu wihimulia ma Jou47De 'ai Nyawa duru imagaragoMatiti ma Jou ma Dutu woihi halamato'au.48Una 'awoihingina, awi gilaongo 'ao'iawa idae-daene neena!Neena'a de imahii'a o bangiha moi-moiaha yotemo ngoi toutumu,49Hababu ma Jou ma Dutu wo 'u'uahawodiaio'au ngoino yaowa-owaUna duru woovi50
De awi dora 'ahiado-adoni'a.O nyawa'a nage wihingou-ngounuMa Jou wo'idora51
Una wohimaiti awi 'uaha awi arajango'aDe wo'ihi'abarihi o nyawa, yomahi 'a'ulie dewa'aruae toona manga hingina.52O 'oa-'oana wo'ihigutide o nyawa o'iawa yadae-daene Wo'ihi 'a'ulie.53O nyawa yo'ihawi-hawini wo'ihi punuhu de awi owa,De o nyawa yo'aya-'aya wo'ihulo'o yotagi de manga giama amadodauwa.54Una wo'i duhunu o Israelo'a Awi 'awaha,imote'e wo'ijajio'autongone nanga edete de nanga dotumi'a55Ma Jou 'awa mongowa awi jajiUna awi hibohono o Abrahami'aDe awi guti'u 'ahiado-adoni'a.>>56Ongo Maria momanoa'a o ngo Elisabeto'a poelua ami mede haangeno, de aha molio ami woano.57Hode ma oraha yaadono o ngo Elisabet moma'ualenge. De ami ngowa'a o naulu.58Ma oraha yoma'a'adate'e de ami dutu yoihene, ma Jou mihimaito'au awi dora ilamo'o o ngo Elizabeti'a, ona yomagarago moi-moi.59Ma ngowa'a geena awi wange tuangelou ona yoboa la wihuna. De tanu wihi ronga o Zakaria imote'e ma dea awi ronga.60Ma ma eha motemo, <<'Aidadiwa! Una 'iani powihironga o Yohanes.>>61De ona yotemo muna'a, <<Ma 'amoiwa ani riadodoto manga ronga 'ogeena.>>62Geena'a de wihi mou-mou ma dea'a yohano, o ronga o'iau powihi ronga ani ngoa'i'a?63O Zakaria wogaaho'o ona'a o dudulihi o heleo moi, de watulihi, <<Awi ronga, o Yohanes.>> Geena'a de ona yoheranga.64'Ageena ma oraha, o Zakaria awi ulu ipelenga'ali de awi ahi-ahili ipaata ho womaade-ade'au de wipuji ma Jou ma Dutu.65Manga tihebanga moi-moi yohawana, de ma habari neena 'amanga ulu ma doe'a ho yaedo-edoni'a hiadono o Yudea ma tona'a ide'u-de'u'a.66De o nyawa moi-moi ge yoihe-ihene manga hingina'a i hano-hano, <<'Aino'a ma ngowa'a nuuna wodadi o nyawa ma amo-amo'o>> hababu una ma Jou awi giama ma hoato'a.67O Zakaria o Yohanes ma dea, una wiomango'a de ma Jou ma Dutu awi omaha iofi-ofi ho, una wohiadono o behehongo ma Jouno, wotemo:68<<Niaino ngone powi puji ma JouO israelo'a manga Jou ma DutuUna woboa'au woduhunu awi 'awahaDe wo'ihi halamato'au ona.69Una wona 'ula'au nanga duduhunu wopau-pauO Daut awi guti'u, touna awi gilaongo.70'Ama hilanohi imote'e o nabi wo'iili-ili'o'au,Ma Jou wojaji'au ona'a71La wonahi lehene de tongone nanga haturuuDe o nyawa ina buhu-buhulu manga giama ma hoati'a72La wo'ihi maiti awi hingina ma dipo'o'uNanga goluwewe'a, awi jaji iofi-ofi geena done wohi totomo.73Una wojajio'au nanga dea o Abrahami'a, hiadono wo'obotode wojajio'au wonahi lehene de nanga haturuu,la ngone uwa pododato powi leleani Una.75'Auna'a powi dodato de awi hingina padaene ma oraha 'apowangohi.76De aha o Zakaria wotemo E'odo! 'Ai ngowa'a ngona aha nitehongo ma Jou ma Dutu wo'a'a'ulie awi nabi.Ngona ni hulo'o 'iani nohila de ma Jou.La nowihi pairi awi nge'omo,77
la no'i hingahu awi 'awaha'a geena ona aha yohalamatana'o ma Jou ma Dutu wo'ihi apongo'au to ona manga baradoha.78Nanga Jou awi hingina 'itipo'o'u de wotadora;Geenau ho una woboa matiti, wonahi halamata ngone.Una waino harage'a o wangeipuda ode-dewelano,79O geenau Una wo'ula awi daraanga o nyawa'a moi-moinage 'ayo wangohi o daluho'a de yodomodongo o hongene.Una aha ngone o nge'omoma dumutu o dame'a.>>80O Zakaria awi ngowa'a geena 'aidogo-dogo woamo'o de awi hingina ma ito-tomo'au. Una wogogele, o tona'a idu-dudungo'a hiadono, ma oraha yaadono, una womahimaiti o Israel ma nyawa'a.
O nyawa yolepe manga hingina itaino'au la, yatulihi de yadaoto ihidi-diai nage o Yesus wodidiaio'au tongone nanga hidogorona'a.2Harage'a ona yatuliho'au de inahiado-adono'au ngoneno imote'e ona, nage ma di-dihila'a yama'e-ma'e de manga la'o mahirete de aha yohidagi ma habari,3Ho de tataila'o tohidi-diai moi-moi geena, ma di-dihila'a, de yaino tongoi 'ai mama'e'a duru yaowa ho tatulihi tohididiai tonihingahu ngona'a Aba.4Ngoi todiai o geena la ngona aba nana'o o'iau nage nodoto'o'au igoungu itiai.5Ma oraha o Herodes o Yudea'a wo'oana, naga womatengo o imam, awi ronga o Zakaria o Abia awi duonino, ma we'ata ami ahala o Harun awi guti'u ami ronga o ngo Elisabet6Manga wowango o giawe'ata geena, itiai ma Jou ma Dutu Awi biono'a, de yodomote'e moi-moi ma Jou ma Dutu Awi pareta, de awi da-daaele 'oyapalenua7Ma ona 'oiwa manga ngowa'a, matiti o ngo Elizabet 'omaiwahi mohiaha o ngowa'a, de aha yopere'io'au.8O wa'utu moi'u, ma oraha yaadono, o Abia awi duono ma do'u, o Zakaria wodiai o imam manga 'arajaanga, ma Jou awi biono'a.9Hara ge 'atoona manga hilahi la, yana'o ma imam naguunau woleleani, ona youndi de o Zakaria widaene ho una woohama ma Jou awi woa ma doda'a, la wodutuu'u o maingaana.10Ma oraha geena o nyawa duru 'amanga lepe ma duduno'a yomadahaubayanga.11Geena'a ma Jou ma Dutu awi malai'ata moi imahimaiti o Zakaria'a. O malai'ata geena imahi go'ono o huba yotuu-tuu'u ma ngi ma guida'o'a.12Ma oraha wama'e o malai'ata geena, una wohidodo'ana de duru wohawana.13Ma o malai'ata geena witemo una'a <<E Zakaria! Uwa nohawana na'o ani ga-gaahoo, ma Jou ma Dutu woiheno'au de wohimote'o'au, ani haubayanga ho o ngo Elisabet aniwe'ata, aha moma'ualenge o ngowa'a moi tongona ani ngowa'a o naulu, de 'iani nowihi ronga o Yohanes!14Ngona aha nomagarago de o nyawa manga lepe ma done aha yomagarago matiti awi boa geena.15Una aha woamo'o ma Jou awi biono'a, de una done awoo'elua o angguru e'ola o dalu'u ibiha-biha, de una 'awoma boanohi ena ma Jou ma Dutu awi omaha iofi-ofi wiomango'au.16Una aha wadiai o Israelo'a manga lepe yoma'ilio toona manga Jou ma Dutuno,17de una aha wodadi ma Jou awi huhulo'o, duru wopau de awi 'uaha harage'ao Elia. Una aha wo'ihi'a looaha o dea de o ngowa'a, de o nyawa yopihi-pihi aha wo'ituda o nge'omo ma owa'a. De o geena imadadi, una wo'idiaio'au toma Jou awi umata moi.>>18Geena'a de o Zakaria wotemo o malae'ati'a, <<Done 'aigoungo'a neena aha idadi? Hababu ingoi de 'ai we'ata mio pere'io'au.>>19O malai'ata geena ipaluhu una'a, <<Ngoi neena o Gabriel! Towi le-leani ma Jou ma Dutu ngoi woihulo'o poma'a ade-ade, la tonihingahu o habari ma owa neena ngona'a.20O 'iau tatehongo'au, aha idadi 'aino'a. Ma ngona 'anoinga'uwa ho ngona aha anomaade-adewau; de nomou hiadono tateho-tehongo'au neena imadadi.>>21Ma oraha geena o nyawa manga lepe wida-dama O Zakaria, ona yatiba-tibanga ma ngale una 'awotaaoli ma Jou awi woa ma doda'a.22Ho de wohupuno, una 'owoma ade-adewau ona'a. Una 'awotumu-tumutou matiti womouo'au, geena'a ona yana'o'au itiai, una wama'e o 'iani moi ma Jou Awi woa'a.23Ho de ma oraha awi 'arajaanga iduanginou, o Zakaria wolio awi woa'a.24Aitaaowa ipahano, o ngo Elisabet o Zakaria ma we'ata mohiaha, de o mede motoano, muna 'amanga woa ma doda'a.25Muna motemo, <<Neena ma Jou wodiai ngoino de o oraha neena, una wai'ilo'au 'ai mae'e o nyawa manga biono'a.>>26Ma oraha o ngo Elizabet mohiahano'au o mede butanga ma Jou ma Dutu wahulo'o awi malai'ata o Gabriel itagi o Bendara moi'a o Galilea'a, ma ronga o Nasaret.27O Gabriel itagi moi o ngewe'a ma domori'a, ami mamane o naulu moi awi ronga o Yusup o Daut awi guti'u, ami ronga o ngo Maria28Ma oraha o malai'ata iohama ami woa'a, o malai'ata geena itemo, <<Tabea Maria! Ma Jou awi dora duru iamo'o ngona'a.>>29Ongo Maria mohido-do'ana moihene o demo geena de ami hingina'a itemo o'iau mangale o tabea neena.30O malai'ata itemo muna'a, <<Maria! Uwa nohawana Hababu ngona nama'e o dora, de o cocatu ma Jou ma Dutu awi biono'a.31Igoungu ngona aha nohiaha, de nowihidadi o ngowa'a o naulu moi, de halingou nowihi ronga o Yesus.32Una done awi 'uaha iamo'o, de aha witehongo ma Jou ma Dutu wo'a'a'ulie awi ngowa'a. Ma Jou ma Dutu aha wigoa'a wo'oana harage'a de ma 'oana o Daut to una awi goluwewe.33De Una aha wo'oana o Yakub awi gutiu 'ahiado-adoni'a de awi pareta geena 'oiwa ma baha.>>34Ongo Maria motemo o Malae'ati'a geena, <<Waee! Ma ngoi neena 'atomodo'awahi, o naulu ma tana'owahi de ito-to'iau ho o ngowa'a moi aha tomadama'e?>>35O malai'ata geena ipaluhu muna'a, <<O Omaha Ifi-ofi aha ni duguti ngona'u, de ma Jou ma Dutu wo'a'a'ulie awi 'uaha ni dowunu ngona'u; Mangale geena ma ngowa'a aha nowihi da-dadi geena, done aha witehongo woovi, ma Jou ma Dutu awi ngowa'a.36De nohi-hingina o ngo Elisabet ani dutu nage muna ma, mohiahano ami mede butangau, ngaro mopere'io'au, de ngaro o nyawa-nyawa yotemo na'o ma hila ami ngoa'a 'oiwa ge.37Hababu na'o de ma Jou ma dutu geena moi-moi 'aidadio'a.>>38De aha o ngo Maria motemo, <<Igoungu, ngoi neena ma Jou awi gilaongo; ho ngaro 'aidadiou ngoio'a hara'a anidemo geena.>> Geena'a de aha, o malai'ata mimada o ngo Maria.39'Aitaaowa ipahano o ngo Maria motagi o Bendara moi'a o Yudea'a ma tona'a ide'u-de'u'a.40Muna motagi o Zakaria awi woa'a. Hode muna moohama muna mitabea o ngo Elisabeti'a.41De ma oraha o ngo Elisabet moihene o ngo Maria ami tabea, ma ngowa'a o ngo Elisabet ami po'o'a nage, ima 'aruae de miomango'a de o Omaha Iofi-ofi.42Geena'a de o ngo Elisabet momaorehe, ma pau-paude o ngo Maria'a, <<'Angonahi nobaraati de o nge-ngewe'a moi-moi, de ibara'ati o ngowa'a ani po'o ma doda'a.43Ngoi neena, duru toutumo'au hababu ngaro 'ao'iawa idaene ma, ma Jou ma eha moboa moi adono.44Ma oraha ani tabea toihene o ngowa'a do'a 'ai po'o'a ma, ima'aruae ma ngale imagarago.45Ngona duru noutumu hababu nonga'u, na'o ma Jou watehongo'au 'iani idadi.>>46De aha o ngo Maria motemo,<<'ai hininga de ma ngodumu wihimulia ma Jou47De 'ai Nyawa duru imagaragoMatiti ma Jou ma Dutu woihi halamato'au.48Una 'awoihingina, awi gilaongo 'ao'iawa idae-daene neena!Neena'a de imahii'a o bangiha moi-moiaha yotemo ngoi toutumu,49Hababu ma Jou ma Dutu wo 'u'uahawodiaio'au ngoino yaowa-owaUna duru woovi50
De awi dora 'ahiado-adoni'a.O nyawa'a nage wihingou-ngounuMa Jou wo'idora51
Una wohimaiti awi 'uaha awi arajango'aDe wo'ihi'abarihi o nyawa, yomahi 'a'ulie dewa'aruae toona manga hingina.52O 'oa-'oana wo'ihigutide o nyawa o'iawa yadae-daene Wo'ihi 'a'ulie.53O nyawa yo'ihawi-hawini wo'ihi punuhu de awi owa,De o nyawa yo'aya-'aya wo'ihulo'o yotagi de manga giama amadodauwa.54Una wo'i duhunu o Israelo'a Awi 'awaha,imote'e wo'ijajio'autongone nanga edete de nanga dotumi'a55Ma Jou 'awa mongowa awi jajiUna awi hibohono o Abrahami'aDe awi guti'u 'ahiado-adoni'a.>>56Ongo Maria momanoa'a o ngo Elisabeto'a poelua ami mede haangeno, de aha molio ami woano.57Hode ma oraha yaadono o ngo Elisabet moma'ualenge. De ami ngowa'a o naulu.58Ma oraha yoma'a'adate'e de ami dutu yoihene, ma Jou mihimaito'au awi dora ilamo'o o ngo Elizabeti'a, ona yomagarago moi-moi.59Ma ngowa'a geena awi wange tuangelou ona yoboa la wihuna. De tanu wihi ronga o Zakaria imote'e ma dea awi ronga.60Ma ma eha motemo, <<'Aidadiwa! Una 'iani powihironga o Yohanes.>>61De ona yotemo muna'a, <<Ma 'amoiwa ani riadodoto manga ronga 'ogeena.>>62Geena'a de wihi mou-mou ma dea'a yohano, o ronga o'iau powihi ronga ani ngoa'i'a?63O Zakaria wogaaho'o ona'a o dudulihi o heleo moi, de watulihi, <<Awi ronga, o Yohanes.>> Geena'a de ona yoheranga.64'Ageena ma oraha, o Zakaria awi ulu ipelenga'ali de awi ahi-ahili ipaata ho womaade-ade'au de wipuji ma Jou ma Dutu.65Manga tihebanga moi-moi yohawana, de ma habari neena 'amanga ulu ma doe'a ho yaedo-edoni'a hiadono o Yudea ma tona'a ide'u-de'u'a.66De o nyawa moi-moi ge yoihe-ihene manga hingina'a i hano-hano, <<'Aino'a ma ngowa'a nuuna wodadi o nyawa ma amo-amo'o>> hababu una ma Jou awi giama ma hoato'a.67O Zakaria o Yohanes ma dea, una wiomango'a de ma Jou ma Dutu awi omaha iofi-ofi ho, una wohiadono o behehongo ma Jouno, wotemo:68<<Niaino ngone powi puji ma JouO israelo'a manga Jou ma DutuUna woboa'au woduhunu awi 'awahaDe wo'ihi halamato'au ona.69Una wona 'ula'au nanga duduhunu wopau-pauO Daut awi guti'u, touna awi gilaongo.70'Ama hilanohi imote'e o nabi wo'iili-ili'o'au,Ma Jou wojaji'au ona'a71La wonahi lehene de tongone nanga haturuuDe o nyawa ina buhu-buhulu manga giama ma hoati'a72La wo'ihi maiti awi hingina ma dipo'o'uNanga goluwewe'a, awi jaji iofi-ofi geena done wohi totomo.73Una wojajio'au nanga dea o Abrahami'a, hiadono wo'obotode wojajio'au wonahi lehene de nanga haturuu,la ngone uwa pododato powi leleani Una.75'Auna'a powi dodato de awi hingina padaene ma oraha 'apowangohi.76De aha o Zakaria wotemo E'odo! 'Ai ngowa'a ngona aha nitehongo ma Jou ma Dutu wo'a'a'ulie awi nabi.Ngona ni hulo'o 'iani nohila de ma Jou.La nowihi pairi awi nge'omo,77
la no'i hingahu awi 'awaha'a geena ona aha yohalamatana'o ma Jou ma Dutu wo'ihi apongo'au to ona manga baradoha.78Nanga Jou awi hingina 'itipo'o'u de wotadora;Geenau ho una woboa matiti, wonahi halamata ngone.Una waino harage'a o wangeipuda ode-dewelano,79O geenau Una wo'ula awi daraanga o nyawa'a moi-moinage 'ayo wangohi o daluho'a de yodomodongo o hongene.Una aha ngone o nge'omoma dumutu o dame'a.>>80O Zakaria awi ngowa'a geena 'aidogo-dogo woamo'o de awi hingina ma ito-tomo'au. Una wogogele, o tona'a idu-dudungo'a hiadono, ma oraha yaadono, una womahimaiti o Israel ma nyawa'a.
The Seed Company