O MARKUS14
1O wange modidiohi de Paskah de o roti 'ai ragi-ragiwa ma wange yaadono. De ona ma yodiai o roti ge 'airagi-ragiwa ma wange ma amo'o. De wa'utu geena, o Yahudio'a manga imam ma hae-hae'e de o agama'a yodoto-doto'o yoma'aaturu yomahibongonino la o Yesus witago'o de witooma.2Ona yoma'atemo, <<Uwa powitago'o Una'a o wange ma amo'u'u, uwa hiadono irua o 'awaha manga hidogorona'a.>>3Ma oraha o Yesus o Betania ma hoano'a o Simon awi woa'a nage ma hila awi panya'e ho 'ao pado. Wa'utu o Yesus wogogelu'u woodomo ma gigiria'a de o ngewe'a momatengo ma'aino maahano o gooro ma baonu 'ihemo-hemo de 'ihali-hali o botolo moi. O gooro geena o gota ma ngutu'u ma bounu 'ihemo-hemo yadiai'u, ge ihironga o narwastu. Ma ngewe'a gumuna o botolo ma tomano ma pela'a ho o gooro geena modalihi mohidi-diai o Yesus awi hae'u'u.4O nyawa yamuluo naga geena'a dau yo'itootaha ho yoma'atemo moi de moi, <<O gooro ma bounu 'ihemo-hemo ma hali geena de mohigu-guule ge?5O gooro geena na'o la mawu'unu geena ma ija o hala'a o ratuhu haange 'iholoi de ma pipi o nyawa yohu-huha'a mo'i'ula.>> Ho ona yongamo muna'a.6Ma o Yesus wotemo, <<Idodoau ho nimingamo muna'a? Nimimada'a. Muna modiaio'au yaowa-owa ngoino.7O nyawa yohu-huha naga halalu de-de ngini. Ho na'o niomau, de idadi nio'iduhunu o oraha ihinoimi. Ma Ngoi 'ade-de nginiwa 'ahiado-adoni'a.8O ngewe'a gumuna modiaio'au o 'iau naga ge muna maa'unu ma diai. Muna o gooro ma bounu 'ihemo-hemo modaliho'au 'Ai roehu'u, harage de mohidiaio'au 'Ai maiyeti wa'utu 'ipoohu'ou.9Nioihene nihidi-diai e, o dunia'a neena ge 'ia'a naga bato o Habari ma Owa ma Jou ma Dutuno 'ihihabari, o ngewe'a numuna ami didiai aha 'ayohija-jarita ma, de 'amida-danganono.>>10Naga womatengo o Yesus awi ni-nii'i yamogio'o de yamididino, awi ronga o Yudas Iskariot. Una wa'ai'a o imam ma hae-hae'i'a wohingahuou ona'a, mangale womau wihigiama ma hoata o Yesus ona'a.11Wa'utu yoihene o Yudas awi hininga ma doda geena ona duru yohanaanga, ho ona yojaji aha wi'ula o pipi una'a. Geena iduangino, o Yudas wohali'i o wa'utu yaowa-owa mangale o Yesus wihigiama ma hoata ona'a.12O wange ma didihila'a wa'utu yodiai o wange ma amo'o o roti 'airagi-ragiwa, wa'utu geena halingou o duba yatoa'a, ge yohironga paska ma duba. Ho o Yesus awi ni-nii'i ya'ai'a Una'a de yohano, <<Aba guru, o 'ia'a 'iani ngomi mihidiai o inomo mangale o ngodomo ma wange ma amo'o'a nage 'ihironga o Paska mangale pomahidoodomo?>>13Yoihene 'ogeena de, o Yesus wo'ihulo'o awi ni-nii'i'a yamididi. Wotemo onane, <<Nio'ai'a o Yerusalem ma bendari'a, 'ido'a ngini aha nima'ama'e de o naulu moi wamo'uno o tampayanga 'ihinoa'u o a'ele. De niwinii'i una'a.14Hiadono o woa'a ia'a una woohama de nihidemo ma woa ma dutu'a guuna, <Aba, mia Guru wohulo'o miohano, 'ia'a ma dingii nage mia Guru wapa'e woodomo de awi ni-nii'i o inomo o wange ma amo'o ge ihironga o Paska?>15Geena'a de aha ma woa ma dutu guuna wohimaiti o dingii moi iamo-amo'i'a da'u ma de'uo'a, de moi-moi ma hagala ge dau 'ihidiai'u'au geena'a. Geena'au ngini nihi'diai o wange ma amo'o ma inomo ge ihironga o Paska.>>16Yoihene iduanga o Yesus womaade-ade 'ogeena, O Yesus awi ni-nii'i yamididi goona yotagi. Wa'utu yomahiadoni'a o bendaro'a de ona yama'e harage'a o Yesus watehongoau ge. Ho ona ma yohidiai o Paskah inomo.17Ma wutu'u o Yesus de awi ni-nii'i yamogio'o de yamididi yoboa.18Ma oraha ma gigiria'a yogogelu'u yoodomo de o Yesus wotemo, <<Nioihene nihidi-diai e, Nginio'a naga womatengo ge woodomo de-de Ngoi una aha woihigiama ma hoata.>>19O Yesus awi ni-nii'i Yoihene geena de manga hingina 'ihuha ho moi-moi yohano o Yesusi'a, <<Aba, 'angoiwa to?>>20O Yesus wopaluhu, <<Una geena naga ngini nimogio'o de modidi niahidogorona'a, nage awi roti wohitabu'u 'Ai hawo'u'u!21Itiai o Nyawa ma Ngoa'a 'iani tohongene ho'o'iau 'itulihu'u'au o Bo'u 'Ibe-berehi'u. Ma wobodito ma nyawa guuna, nage o Nyawa ma Ngoa'a wohigiama ma hoata, una aha wihu'umu witu-tubuho'u. 'Iholoi yaowa ma nyawa guuna uwau womaboa o dunia'a neena.>>22Wa'utu o Yesus de awi ni-nii'i ma gigiria'a yoodomo, o Yesus waehe o roti de wohaubayanga ma Jou ma Dutude. Geena'a de ma roti geena wapela-pela'a de awi giama de aha wo'ihi'ado'u awi ni-nii'i'a de wotemo, <<O roti neena to Ngoi 'ai roehe, niaehe de niaodomou.>>23Geena iduangino de waehe o anggur ma hawo'o, de wohaubayanga ma Jou ma Dutude aha de ma hawo'o geena wo'ula awi ni-nii'i'a. Geena'a de ona moi-moi yao'ele ma angguru geena.24Yao'elo'au de o Yesus wotemo, <<Neena geena to Ngoi 'ai aunu ge 'ihitatapu ma Jou ma Dutu awi jaji de o nyawa. O aunu ge 'ipoa mangale tatuuhu o nyawa manga ba-baradoha.25Nioihene nihidi-diai e, neena'a de imahi i'a Ngoi 'atoo'eluwau ma angguru neena hiadono ma Jou ma Dutu awi pareta yaadono.>>26Geena iduangino, de o Yesus de awi ni-nii'i yonyanyi wipuji ma Jou ma Dutu'a, geena'a de aha yotagi yohawu o Zaitun ma de'ude.27Geena'a yai'a de o Yesus wotemo awi ni-nii'i'a, <<Ngini moi-moi neena aha nia ngonga'u iruae ho Ngoi nida'aloa. Hababu naga o Bo'u 'Ibe-berehi ma doda'u 'itulihu'u, <Ma Jou ma Dutu aha wo'ipoha awi duba ma go-goana ho ma duba geena 'iloa 'ima'ati-tinga'a.>28Ma ma oraha Ngoi tomomi'oli, ngoi aha tohila'au tomahiadono de-de ngini o Galilea'a.>>29De o Petrus wotemo, <<Ngaro 'ai ma-manai nida'aloa Aba, ma ngoi 'ouwa.>>30O Yesus wotemo o Petrusi'a, <<Noihene nohidi-diai e, o wutu neena o namo 'a iholenuahi ma modidi ena ma haangeu nomahipongono, note 'anoina'owa!>>31Ma o Petrus de awi hininga ma ngodumu wopaluhu wote, <<Ngaro pomahidohongene ma ngoi aha 'atomahipongonua Aba!>>
De o Yesus awi ni-nii'i ma regu ma 'ogeena yotemo.32Geena iduangino, o Yesus de awi ni-nii'i yotagi o dingii moi'a ma ronga o Getsemani, yomahiadoni'a do'a de o Yesus wotemo awi ni-nii'i'a, <<Niogogelu'ohi neena'a e, Ngoi totagi tomadahaubayangohi.>>33Ma o Yesus wo'iaha o Petrus de o Yakobus de o Yohanes yotagi de-de Una. Wa'utu geena, Una wamao awi alu 'itonga.34Geena'a de wotemo ona'a, <<'ai hingina duru 'ihuha, tamao harage 'atohonengou. Ngini neena'ahi e, de nimago-goana.>>35Geena iduangino, o Yesus womatinga'i'a maube-ubewa de o tona'o'a womatilabu'u'u de womadahaubayanga. Awi haubayanga ma doda'a, wogaaho'o na'o 'aidadi de o hangihara ma oraha neena uwa waohana.36De wotemo, <<Ee Aba, Aba de, Ngoi tana'o moi-moi nadadi nodiai. 'A'oiwa 'aidadiwa. Ho Ngoi togaaho'o Aba tanu noihipidili o hangihara neena moi-moi Ngoino. Ma uwa 'imote'e de to Ngoi 'ai hingina ma mau, ma 'imote'e de to ngona Aba ani hininga mau.>>37Geena'a de o Yesus wa'ainoli ena ona yonihu'o'a de wotemo o Petrusi'a, <<Ee Simon, Idodoau ho nonihu'u? 'Ao ta'o moi ma 'aniadadiwa nimagoa-goana?>>38Geena'a de o Yesus wotemo ona'a, <<Nimagoa-goana de nimadahaubayanga la uwa nitaili. 'Igoungu nia hingina'a niomau niodiai yaowa-owa, ma nia roehe ayaa'unua.>>39Geena'a de o Yesus ma moioli wotagi womadahaubayanga ma awi haubayanga ma betongo 'a'ogeenali.40Iduangino womadahaubayanga, de wa'ainoli awi ni-nii'ino, de wo'ima'eno ena ona yonihu'o'ali hababu ona 'aiholoioli yonihu'u. Ho de yomomi'ino, ona 'ayohina'owau o iau halingou yotemo o Yesusi'a.41Geena'a de Una wotagioli womadahaubayangoli ma haange'a. Ma oraha o Yesus wa'ainoli onano de wotemo, <<'Anionihu'ohi de 'aniomomi'uwahi? Yaowa'au! Ma oraha yaadono'au, o Nyawa ma Ngoa'a wihigiama ma hoata o nyawa yoba-baradoha'a.42Niomomi'ieu, la potagiou. Niwima'e, o nyawa gee woihigiama ma hoa-hoatou woboa'u!>>43Wa'utu o Yesus 'awomaade-adehi, de o Yudas woboa. O Yudas geena o Yesus awi ni-nii'i nage yamogioo'o de yamididi. Manga lepe ma yomahidoboa de o Yudas, yaaha o humaranga de o bo-boha. Ona yoboa hababu o imam ma hae-hae'e de o agama'a yodoto-doto'o de o Yahudio'a ma balu-baluhu yo'ihulo'o.44O nyawa nage o Yesus wihigia-giama ma hoata wo'ihidemo'ua na'o, <<O nyawa nage towiame, geena guunau, ho niwitago'o de niwiaha niwigoana nihidi-diai!>>45O nyawa nage wihigiama mahoa-hoata woboa de 'awogila-gila o Yesusi'a de wotemo, <<Aba guru!>> De aha wiame o Yesusi'a.46Geena'a de o nyawa-nyawa gee yomahidoboano de o Yudas, witago'o o Yesusi'a de wili'o.47Ma geena'a dau womatengo awi humaranga ma sarumo'a wahiata de wioto ma 'Imam ma Amo'o awi gilaongi'a ho awi ngau'u ma watoa'o'a.48Geena'a de o Yesus wotemo ona'a, <<Bote niotemo Ngoi neena toti-tingi'ai? Ho ngini nioboa de niahumaranga de o bo-boha'a la nitago'o?49Ena momongo tohiwange moi ngoi tinidoto'o ma Jou ma Dutu awi woa'a, de idodoau ho 'a nitago'uwa? Ma ena halingou 'ogeenau idadi, la harage 'itulihu'u'au o Bo'u 'Ibe-berehi'u.>>50Geena'a de awi ni-nii'i moi-moi yo'o'iloa ho o Yesusi'a wimada.51Geena'a o doguulu womatengo 'awomabaonino wotagi o Yesus winii'i. De o nyawa yolepe-lepe ya'ai'a yomau witago'o,52duga awi moha wapidili ho woloa de awi he'ono'a.53Geena'a de o Yesus wiaha o 'Imam ma Amo'o awi woa'a. Geena'a dau moi-moi o 'imam ma hae-hae'e de o Yahudio'a manga balu-baluhu de o agama'a yodoto-doto'o ma yomatoomu.54O Petrus wini-nii'i o Yesus awi dudunino ma 'awomahidutu'ua, hiadono woohama ma 'Imam ma Amo'o awi woa ma bibini'a. Geena'a dau wogogelu'u womaau'ia o u'u ma date'o'a de o Yesus wigoa-goana nage.55Geena'a, o 'imam ma hae-hae'e de moi-moi o agama'a ma ha'imi ma balu-baluhu yohihali'i o Yesus awi hala la wihu'umu wiho-hongene. Ma 'amoio ma 'ayodama'ewa.56Manga lepe yoboa mangale yohingahu manga ha'ihi ma ngelu'u, ma ona yohingahu 'amoio ma 'aima'adaenua manga demo moi de moi.57Geena'a de yamuluo naga yomagoa'ie yohingahu manga ha'ihi ma ngelu'u onane:58<<Ngomi mioihene o nyawa nuuna wotemo, <Una aha waluba ma Jou ma Dutu awi Woa gee o nyawa yodiai'u. De 'ao wange haange ena Una wohigo'o moioli gee 'ao nyawawa yodiai!> >>59Ma o nyawa yoha-ha'ihii goona ma manga ha'ihii 'oima'adaenua.60Ho ma Imam ma Amo'o womagoa'ie ona moi-moi manga biono'a de wohano o Yesusi'a wotemo, <<O nyawa manga lepe yotemo de ani hala'a, de 'anomalii-liilo'a?>>61Ma o Yesus 'awomalii-liilo'a 'ama ube-ubewa ma 'awopaluhua. Geena'a de ma Imam ma Amo'o wohanoli una'a, <<Bote 'igoungu? Ngona ma 'Oana o Nyawa Wo'ihiha-halamata, ma Jou ma Dutu awi 'uaha ma batingi 'oiwa Awi Ngoa'a?>>62O Yesus wopaluhu, <<'iyolo, Ngoiou. Ngini aha niwima'e, o Nyawa ma Ngoa'a wogogele ma Jou ma Dutu awi guidao'a gee Awi 'uaha ma batingi 'oiwa de Woboa da'u o diwangu'u o 'amo-'amo 'ihaono!>>63De ma Imam ma Amo'o wongamo ho awi baju womahidaracanga de wotemo, <<Ngaro uwau ma ha'ihii!64Ngini ma hirete nioiheno'au awi demo-demo, una wiete-ete'e ma Jou ma Dutu'a. Ho imote'e ngini icara'iau ma nia butuhu?>>
Ona moi-moi yotemo o Yesus wahala, ho halingou powihu'umu powiho-hongene.65Geena'a de yamuluo naga wiobili o Yesusi'a de Awi la'o yali'o'o aha de wipoha, de yohano, <<Bei'a natehongo nagoonau nipoha?>> Yogoa-goana ma wipoha o Yesusi'a.66Ma wa'utu geena, o Petrus 'ao imam ma amo'o awi woa ma bibino'ahi.67De o ngewe'a moi mo lele-leani mima'e o Petrus wogogelu'u o u'u ma date'o'a geena. De muna mida-dananoho o Petrus awi biono'o, de motemo, <<Ngonau neena ma nima'anii'i de o Yesus, o Nazaretino ge!>>68Ma, o Petrus womahipongono. Una wotemo, <<Ngoi duru 'atana'owa de atomangaritiwa o 'iau notemo,>> Geena'a de o Petrus wo'ai'a ma 'Imam ma amo'o awi ngoana ma amo'i'a. [Ma oraha geena o namo 'iholene.]69Molele-leani gumuna mida-dananoholi o Petrusi'a, de motemoli o nyawa-nyawa'a geena'a dau ge, <<Ma nyawa nuuna ma yoma'a-'anii'i de o Yesus.>>70Ma o Petrus womahipongonoli.
'Aitaaowa, ena o nyawa-nyawa geena'a dau yotemo o Petrusi'a, <<'Aidadiwau nomahipongono ngona geena onano, hababu ngona o Galileano!>>71Geena'a de o Petrus womulaenge wo'oboto wote, <<Ngoi 'atowina'owa o nyawa ge niwiteho-tehongo!>>72'Ageena ma oraha de o namo 'iholene ma modidiou. De o Petrus wodanganono ge o Yesus wotemo'au una'a, <<Wa'utu o namo 'aiholene o ma modidiwahi ena nomahipongono ma haangeu.>> Ho o Petrus woali 'a wiho-howonu'u.
De o Yesus awi ni-nii'i ma regu ma 'ogeena yotemo.32Geena iduangino, o Yesus de awi ni-nii'i yotagi o dingii moi'a ma ronga o Getsemani, yomahiadoni'a do'a de o Yesus wotemo awi ni-nii'i'a, <<Niogogelu'ohi neena'a e, Ngoi totagi tomadahaubayangohi.>>33Ma o Yesus wo'iaha o Petrus de o Yakobus de o Yohanes yotagi de-de Una. Wa'utu geena, Una wamao awi alu 'itonga.34Geena'a de wotemo ona'a, <<'ai hingina duru 'ihuha, tamao harage 'atohonengou. Ngini neena'ahi e, de nimago-goana.>>35Geena iduangino, o Yesus womatinga'i'a maube-ubewa de o tona'o'a womatilabu'u'u de womadahaubayanga. Awi haubayanga ma doda'a, wogaaho'o na'o 'aidadi de o hangihara ma oraha neena uwa waohana.36De wotemo, <<Ee Aba, Aba de, Ngoi tana'o moi-moi nadadi nodiai. 'A'oiwa 'aidadiwa. Ho Ngoi togaaho'o Aba tanu noihipidili o hangihara neena moi-moi Ngoino. Ma uwa 'imote'e de to Ngoi 'ai hingina ma mau, ma 'imote'e de to ngona Aba ani hininga mau.>>37Geena'a de o Yesus wa'ainoli ena ona yonihu'o'a de wotemo o Petrusi'a, <<Ee Simon, Idodoau ho nonihu'u? 'Ao ta'o moi ma 'aniadadiwa nimagoa-goana?>>38Geena'a de o Yesus wotemo ona'a, <<Nimagoa-goana de nimadahaubayanga la uwa nitaili. 'Igoungu nia hingina'a niomau niodiai yaowa-owa, ma nia roehe ayaa'unua.>>39Geena'a de o Yesus ma moioli wotagi womadahaubayanga ma awi haubayanga ma betongo 'a'ogeenali.40Iduangino womadahaubayanga, de wa'ainoli awi ni-nii'ino, de wo'ima'eno ena ona yonihu'o'ali hababu ona 'aiholoioli yonihu'u. Ho de yomomi'ino, ona 'ayohina'owau o iau halingou yotemo o Yesusi'a.41Geena'a de Una wotagioli womadahaubayangoli ma haange'a. Ma oraha o Yesus wa'ainoli onano de wotemo, <<'Anionihu'ohi de 'aniomomi'uwahi? Yaowa'au! Ma oraha yaadono'au, o Nyawa ma Ngoa'a wihigiama ma hoata o nyawa yoba-baradoha'a.42Niomomi'ieu, la potagiou. Niwima'e, o nyawa gee woihigiama ma hoa-hoatou woboa'u!>>43Wa'utu o Yesus 'awomaade-adehi, de o Yudas woboa. O Yudas geena o Yesus awi ni-nii'i nage yamogioo'o de yamididi. Manga lepe ma yomahidoboa de o Yudas, yaaha o humaranga de o bo-boha. Ona yoboa hababu o imam ma hae-hae'e de o agama'a yodoto-doto'o de o Yahudio'a ma balu-baluhu yo'ihulo'o.44O nyawa nage o Yesus wihigia-giama ma hoata wo'ihidemo'ua na'o, <<O nyawa nage towiame, geena guunau, ho niwitago'o de niwiaha niwigoana nihidi-diai!>>45O nyawa nage wihigiama mahoa-hoata woboa de 'awogila-gila o Yesusi'a de wotemo, <<Aba guru!>> De aha wiame o Yesusi'a.46Geena'a de o nyawa-nyawa gee yomahidoboano de o Yudas, witago'o o Yesusi'a de wili'o.47Ma geena'a dau womatengo awi humaranga ma sarumo'a wahiata de wioto ma 'Imam ma Amo'o awi gilaongi'a ho awi ngau'u ma watoa'o'a.48Geena'a de o Yesus wotemo ona'a, <<Bote niotemo Ngoi neena toti-tingi'ai? Ho ngini nioboa de niahumaranga de o bo-boha'a la nitago'o?49Ena momongo tohiwange moi ngoi tinidoto'o ma Jou ma Dutu awi woa'a, de idodoau ho 'a nitago'uwa? Ma ena halingou 'ogeenau idadi, la harage 'itulihu'u'au o Bo'u 'Ibe-berehi'u.>>50Geena'a de awi ni-nii'i moi-moi yo'o'iloa ho o Yesusi'a wimada.51Geena'a o doguulu womatengo 'awomabaonino wotagi o Yesus winii'i. De o nyawa yolepe-lepe ya'ai'a yomau witago'o,52duga awi moha wapidili ho woloa de awi he'ono'a.53Geena'a de o Yesus wiaha o 'Imam ma Amo'o awi woa'a. Geena'a dau moi-moi o 'imam ma hae-hae'e de o Yahudio'a manga balu-baluhu de o agama'a yodoto-doto'o ma yomatoomu.54O Petrus wini-nii'i o Yesus awi dudunino ma 'awomahidutu'ua, hiadono woohama ma 'Imam ma Amo'o awi woa ma bibini'a. Geena'a dau wogogelu'u womaau'ia o u'u ma date'o'a de o Yesus wigoa-goana nage.55Geena'a, o 'imam ma hae-hae'e de moi-moi o agama'a ma ha'imi ma balu-baluhu yohihali'i o Yesus awi hala la wihu'umu wiho-hongene. Ma 'amoio ma 'ayodama'ewa.56Manga lepe yoboa mangale yohingahu manga ha'ihi ma ngelu'u, ma ona yohingahu 'amoio ma 'aima'adaenua manga demo moi de moi.57Geena'a de yamuluo naga yomagoa'ie yohingahu manga ha'ihi ma ngelu'u onane:58<<Ngomi mioihene o nyawa nuuna wotemo, <Una aha waluba ma Jou ma Dutu awi Woa gee o nyawa yodiai'u. De 'ao wange haange ena Una wohigo'o moioli gee 'ao nyawawa yodiai!> >>59Ma o nyawa yoha-ha'ihii goona ma manga ha'ihii 'oima'adaenua.60Ho ma Imam ma Amo'o womagoa'ie ona moi-moi manga biono'a de wohano o Yesusi'a wotemo, <<O nyawa manga lepe yotemo de ani hala'a, de 'anomalii-liilo'a?>>61Ma o Yesus 'awomalii-liilo'a 'ama ube-ubewa ma 'awopaluhua. Geena'a de ma Imam ma Amo'o wohanoli una'a, <<Bote 'igoungu? Ngona ma 'Oana o Nyawa Wo'ihiha-halamata, ma Jou ma Dutu awi 'uaha ma batingi 'oiwa Awi Ngoa'a?>>62O Yesus wopaluhu, <<'iyolo, Ngoiou. Ngini aha niwima'e, o Nyawa ma Ngoa'a wogogele ma Jou ma Dutu awi guidao'a gee Awi 'uaha ma batingi 'oiwa de Woboa da'u o diwangu'u o 'amo-'amo 'ihaono!>>63De ma Imam ma Amo'o wongamo ho awi baju womahidaracanga de wotemo, <<Ngaro uwau ma ha'ihii!64Ngini ma hirete nioiheno'au awi demo-demo, una wiete-ete'e ma Jou ma Dutu'a. Ho imote'e ngini icara'iau ma nia butuhu?>>
Ona moi-moi yotemo o Yesus wahala, ho halingou powihu'umu powiho-hongene.65Geena'a de yamuluo naga wiobili o Yesusi'a de Awi la'o yali'o'o aha de wipoha, de yohano, <<Bei'a natehongo nagoonau nipoha?>> Yogoa-goana ma wipoha o Yesusi'a.66Ma wa'utu geena, o Petrus 'ao imam ma amo'o awi woa ma bibino'ahi.67De o ngewe'a moi mo lele-leani mima'e o Petrus wogogelu'u o u'u ma date'o'a geena. De muna mida-dananoho o Petrus awi biono'o, de motemo, <<Ngonau neena ma nima'anii'i de o Yesus, o Nazaretino ge!>>68Ma, o Petrus womahipongono. Una wotemo, <<Ngoi duru 'atana'owa de atomangaritiwa o 'iau notemo,>> Geena'a de o Petrus wo'ai'a ma 'Imam ma amo'o awi ngoana ma amo'i'a. [Ma oraha geena o namo 'iholene.]69Molele-leani gumuna mida-dananoholi o Petrusi'a, de motemoli o nyawa-nyawa'a geena'a dau ge, <<Ma nyawa nuuna ma yoma'a-'anii'i de o Yesus.>>70Ma o Petrus womahipongonoli.
'Aitaaowa, ena o nyawa-nyawa geena'a dau yotemo o Petrusi'a, <<'Aidadiwau nomahipongono ngona geena onano, hababu ngona o Galileano!>>71Geena'a de o Petrus womulaenge wo'oboto wote, <<Ngoi 'atowina'owa o nyawa ge niwiteho-tehongo!>>72'Ageena ma oraha de o namo 'iholene ma modidiou. De o Petrus wodanganono ge o Yesus wotemo'au una'a, <<Wa'utu o namo 'aiholene o ma modidiwahi ena nomahipongono ma haangeu.>> Ho o Petrus woali 'a wiho-howonu'u.
The Seed Company