O MARKUS12
1Geena'a de o Yesus wo mulaenge womaade-ade o imam ma hae-hae'i'a de o agama'a yodoto-doto'o de o Yahudio'a manga balu-baluhi'a, wapa'e de o hi'atero wotemo onane, <<Naga womatengo awi bailo'a o anggur wotudu'u, de ma batingino o pagara wohigilolito'a. Geena'a de o guhu wodiai mangale o anggur 'ide-deteo ma ngii, aha de wohigo'o o baili yogoa-goana manga ngii. Iduangino geena de o anggur ma baili ma dutu geena wo'ihihewa yo'a-'arajaangi'a yamuluo naga, de aha una wotagi o daera ma homoa'a.2Ma oraha yaadono o gugutu'u o anggur ma howo'o yatowi, o nyawa guuna wohidingoto awi gilaongo womatengo, o baili yogoa-goani'a, mangale waehe to una awi do'u.3Ma o baili yogoa-goana goona witago'o o baili ma dutu awi gilaongo guuna, de aha wipoha de wihulo'o wolio de awi giama omadodauwa.4Geena'a de o baili ma dutu guuna wohidingotoli awi gilaongo womatengoli, la wotagi o baili yogoa-goani'a. O gilaongo nuuna ma wipohali hiadono awi hae'e idabo de aha wigini'i de widoana.5O baili ma dutu guuna wihulo'oli awi gilaongo womatengoli, ma o gilaongo guuna ma witooma'au. De ma reguoli wo'ihulo'o ma ona goona, munu'a yo'ipoha de munu'a yo'itooma.6Neena, 'awomatengo'au, to una awi Ngoa'a towihiboho-bohono. Ho ma baha'u una wohulo'o awi ngoa'ia guuna wotagi ona'a. Wotemo onane, <Na'o ho to ngoi 'ai ngoa'a wo'ai'a maraio'au una wihoromati.>7Duga yo'a-'arajaanga goona yoma'atemo onane, <Nuunau ma puha'a ma dutu. Ho niaino ngone powitooma, la ngone pama'e to una awi puha'a!>8Ho ma ngoa'a guuna witago'o de witooma'au. De awi maiyeti yaumo o baili ma date'i'a geena.>>9Geena'a de o Yesus wohano, <<Ho o baili ma dutu guuna, o 'iau aha wodiai? Ma raio'au una aha wa'aino de wo'itooma o baili yogoa-goani'a goona. De aha o baili geena wo'ihiga-gaoli o nyawa yogoa-goana ma regu'ali.10Ngini maraio'au niabaca'au o Bo'u 'Ibe-berehi'u ma doda'a one,<O heleo nage 'ayaumo'u o woa yodi-diai,imadadio'au o woa ma babangini 'iua-'uata.11Ma Jou wodiai 'ogeena,hiadono ngone pataila'o geena duru 'irahai!> >>12Wa'utu yoihene geena, o Yahudio'a manga balu-baluhu yomangariti, o nyawa yoti-tingi'ai nage o hi'atero geena ma ma'uhuutu onau. 'Ageena'a, de ona yomau witago'o o Yesusi'a. Duga ona yododato o nyawa yolepe-lepe'a, ho ona yotagi o Yesus 'a wimada'a.13Geena'a de, o Yahudio'a manga balu-baluhu de o agama'a yodoto-doto'o yo'ihulo'o o Farisio'a yamuluo naga de ge o Herodesi'a winii-nii'i, la yotagi o Yesusi'a la wibole ma goa-goa.14Ona yo'ai'a o Yesusi'a de yotemo, <<Aba guru, ngomi miana'o ngona o nyawa Noti-tiai, de Ngona 'anohaduli'awa nagoonau bato manga didibanga mangale Ngona. Ma ngona Aba nodoto'o nohiti-tiai mangale ma Jou ma Dutu awi mau o nyawa'a, hababu ngona 'anoili-ili'ua. Ho bee'a nohingahu ngomino, <'Imote'e to ngone nanga agama ma behehongo, 'aidadi miohangu o balahiteenge ma kaisari'a e'ola 'aidadiwa?> >>15O Yesus wana'o to ona manga hininga ma diiha geena. Ho wotemo ona'a, <<idodoau ho niomau nitaili? Bee'a nihimaitino o pipi o hala'a o ngodumu moi.>>16Ho ona yo'ula o pipi o hala'a o ngodumu moi. Ho o Yesus wohano ona'a, <<To naguunau awi dulada de awi ronga neena?>>
De ona yopaluhu, <<To ma kaisar.>>17O Yesus wotemo, <<Na'o 'ogeena, nio'ula o kaisari'a o 'iau naga ge to ma kaisar de ma Jou ma Dutu'a o 'iau naga ge to ma Jou ma Dutu.>>
Ona yoheranga wa'utu yoihene awi ba-baluhu.18O Sadukio'a yamuluo naga yo'ai'a o Yesusi'a. (Ona geena yotemo na'o o nyawa yohonengo'au geena 'ayomomi'uwau.)19Ona yotemo, <<Aba Guru, ma hila o Musa wo'ula o autoranga ngoneno o neena, <Na'o o naulu womatengo wohongene ena awi ngoa'a 'a'oiwa, geena awi dodoto halingou mimodo'a o ba-bao gumuna la o ngoa'a yomadama'e de o ngoa'a geena wihitehongo ma lia'a wohonge-hongene awi guti'u.>20Ma hila idadio'au naga o lia'a de dodoto yatumudingo'a. O lia'a womodo'ano awi ngoa'a 'a'oiwahi de wohonengo'au.21De aha ma dodotoli mimodo'a o ba-bao gumuna, ma una ma awi ngoa'a 'a'oiwahi de wohonengo'au. 'Ogeenali ma idadi hiadono yahaange,22de 'ihigila-gila hiadono yatumudiingi awi ngoa'a 'a'oiwahi ena wohonengo'au de o ngewe'a gumuna ma mohongene.23Ho wa'utu ma oraha o nyawa yohonge-honengo'au yomomi'i, to naguunau awi we'ata ma ngewe'a gumuna? Hababu yatumudiingi goona moi-moi mimodo'a'a!>>24O Yesus wopaluhu, <<Ngini nia didibanga 'ihala. Hababu ngini 'aniomangaritiwa o Bo'u 'Ibe-berehi de ngini 'aniana'owa ma Jou ma Dutu awi 'uaha.25Hababu na'o o nyawa yohonge-hongeno'au yomomi'ie, geena 'a yomodo'awau, ma ona aha yowango 'iani ge de o malai'ata o horoga'a.26De mangale o nyawa yohonge-hongeno'au yohimomi'oli, niabaca'au o jarita ge o Musa watulihu'u'au to? Wa'utu una o ubutu 'ihihi-hi'a 'ito'a-to'ara ma date'o'a, ma Jou ma Dutu wotemo o Musa'a onane, <Ngoiou neena ge o Abraham, o Ishak de o Yakub 'ihuba-huba nage.>27Ma Jou ma Dutu guuna 'ayohone-honengua manga Jou. Ma Una geena o nyawa yowango-wango manga Jou. Ngini nia didibanga duru 'ihala!>>28Geeena'a de aha womatengo o agama'a wodoto-doto'o woboano wohigihene o Yesus de o Sadukio'a yoma'a-'atemo. Una wana'o'au o Yesus wopaluhu geena itiaio'au, ho una womahidutu'u o Yesusi'a de wohano, <<Moi-moi ma Jou ma Dutu awi hu'umu geena, 'ia'a 'iholoi 'i'a'ulie?>>29O Yesus wopaluhu ona'a onane, <<O hu'umu ma di-dihila'a de 'iholoi 'i'a'ulie geena la: <Ee, Israel ma nyawa! Ma Jou ma Dutu, Una geena ma Jou womatengo-tengo'a.30Niwidora nia Jou ma Dutu de nia hingina ma ngodumu, de nia wowango, de nia a'ala de nia guata moi-moi.>31O hu'umu 'ihidigali ma modidi'a geena la: <Nio'idora o nyawa'a 'iani ge de nia roehe mahirete!> 'A'oiwau o hu'umu ma reguoli nage 'iholoi 'i'a'ulie de o hu'umu o ngodumu modidi geena.>>32Geena'a de o agama yodoto-doto'o guuna wotemo o Yesusi'a, <<Duru 'igoungu ge notemo'au Aba guru. Ma Jou ma Dutu geena 'awomatengo-tengo'a, ma homoa 'a'oiwa.33De o nyawa halingou widora ma Jou ma Dutu'a de manga hingina ma ngodumu, de manga a'ala de manga guata moi-moi. De halingou yo'idora o nyawa'a, 'iani ge de manga roehe ma hirete yadora. Geena 'iholoi yaowa de ge o hu-huba yatuu-tuu'u de o hu-huba ma regu ge yohihuba ma Jou ma Dutu'a.>>34O Yesus wima'e o agama wodoto-doto'o guuna awi ba-baluhu geena ma rahai ho o Yesus wotemo una'a onane, <<Ngona 'ihorio'au noohama ma Jou ma Dutu awi pareta'a.>>
Geena iduangino de o moiwau yomooini yohano o Yesusi'a.35Wa'utu o Yesus wodoto'o ma gigiria'a ma Jou ma Dutu awi Woa'a, Una wotemo onane, <<Icara'iau ho o agama'a yodoto-doto'o yotemo na'o ma 'Oana wonahiha-halamata geena ma 'oana o Dautino awi guti'u?>>36Ena mo-mongo wa'utu o Dautu o Omaha 'Iofi-ofi wiparetano, ma 'oana o Daut mahirete wotemo,<Ma Jou wotemo 'ai Jou'a:Nogogelu'u 'ai guida'o'aHiadono tadiai ani ha-haturuu nihigihene ngona'a.>37Ho na'o ma 'oana o Dautu ma hirete ma wotemo ma 'Oana wonahiha-halamata geena to una awi Jou, 'icara'iahi done ngone potemo ma 'Oana wonahiha-halamata geena 'a ma 'oana o Dautu awi guti'u? De o nyawa yolepe-lepe duru yaigo yoihene nage o Yesus wotemo.38De Una wodoto'oli ona'a wotemo, <<Nimahidi-diai de o agama yodoto-doto'o. Ona yaigo yotagi-tagi de manga pa'eanga 'i'a-'a'ulu'u yomahinoa'u de yaigo yo'ihoromati o paharo'a.39Ona yaigo yogogele ma bionu'u na'o o dodoomu ma woa'a e'ola o rame'a la o nyawa yo'ima'e ona'a.40Ona yo'ihohori'i o ba-bao'a de manga woa ma yaora. De yatamunu manga diiha geena, de yomadahaubayanga ya'a'a'ulia! Toona manga baradoha done durue itubuho!>>41Wa'utu o Yesus wogogelu'u o hada'a ma ngii ma dete'o'a ma Jou ma Dutu awi woa'a, de wo'ige-gelelo o nyawa o pipi yodonoa geena ma ngii'u. Manga lepe yo'aya-'aya o pipi yodonoa ma amo'o.42Geena'a de o ba-bao momatengo mohu-huha ma moboa. Muna ma maino ami hada'a moota'a ami pipi o tambaga o ngodumu modidi ma dodoimi duru iete'e.43Ho o Yesus wo'iaho'o awi ni-nii'i de wotemo ona'a, <<Nioihene nihidi-diai e, Ma ba-bao numuna iholoi iamo'o mo'ula ami hada'a de geedau ma homoa.44Hababu ona manga pipi iholoi'u ho yo'ula de ma bo-boloio'a. Ma o ba-bao neena, ngaro durue 'amohuha, ma moi-moi ami pipi 'amohidu'ula'au.>>
De ona yopaluhu, <<To ma kaisar.>>17O Yesus wotemo, <<Na'o 'ogeena, nio'ula o kaisari'a o 'iau naga ge to ma kaisar de ma Jou ma Dutu'a o 'iau naga ge to ma Jou ma Dutu.>>
Ona yoheranga wa'utu yoihene awi ba-baluhu.18O Sadukio'a yamuluo naga yo'ai'a o Yesusi'a. (Ona geena yotemo na'o o nyawa yohonengo'au geena 'ayomomi'uwau.)19Ona yotemo, <<Aba Guru, ma hila o Musa wo'ula o autoranga ngoneno o neena, <Na'o o naulu womatengo wohongene ena awi ngoa'a 'a'oiwa, geena awi dodoto halingou mimodo'a o ba-bao gumuna la o ngoa'a yomadama'e de o ngoa'a geena wihitehongo ma lia'a wohonge-hongene awi guti'u.>20Ma hila idadio'au naga o lia'a de dodoto yatumudingo'a. O lia'a womodo'ano awi ngoa'a 'a'oiwahi de wohonengo'au.21De aha ma dodotoli mimodo'a o ba-bao gumuna, ma una ma awi ngoa'a 'a'oiwahi de wohonengo'au. 'Ogeenali ma idadi hiadono yahaange,22de 'ihigila-gila hiadono yatumudiingi awi ngoa'a 'a'oiwahi ena wohonengo'au de o ngewe'a gumuna ma mohongene.23Ho wa'utu ma oraha o nyawa yohonge-honengo'au yomomi'i, to naguunau awi we'ata ma ngewe'a gumuna? Hababu yatumudiingi goona moi-moi mimodo'a'a!>>24O Yesus wopaluhu, <<Ngini nia didibanga 'ihala. Hababu ngini 'aniomangaritiwa o Bo'u 'Ibe-berehi de ngini 'aniana'owa ma Jou ma Dutu awi 'uaha.25Hababu na'o o nyawa yohonge-hongeno'au yomomi'ie, geena 'a yomodo'awau, ma ona aha yowango 'iani ge de o malai'ata o horoga'a.26De mangale o nyawa yohonge-hongeno'au yohimomi'oli, niabaca'au o jarita ge o Musa watulihu'u'au to? Wa'utu una o ubutu 'ihihi-hi'a 'ito'a-to'ara ma date'o'a, ma Jou ma Dutu wotemo o Musa'a onane, <Ngoiou neena ge o Abraham, o Ishak de o Yakub 'ihuba-huba nage.>27Ma Jou ma Dutu guuna 'ayohone-honengua manga Jou. Ma Una geena o nyawa yowango-wango manga Jou. Ngini nia didibanga duru 'ihala!>>28Geeena'a de aha womatengo o agama'a wodoto-doto'o woboano wohigihene o Yesus de o Sadukio'a yoma'a-'atemo. Una wana'o'au o Yesus wopaluhu geena itiaio'au, ho una womahidutu'u o Yesusi'a de wohano, <<Moi-moi ma Jou ma Dutu awi hu'umu geena, 'ia'a 'iholoi 'i'a'ulie?>>29O Yesus wopaluhu ona'a onane, <<O hu'umu ma di-dihila'a de 'iholoi 'i'a'ulie geena la: <Ee, Israel ma nyawa! Ma Jou ma Dutu, Una geena ma Jou womatengo-tengo'a.30Niwidora nia Jou ma Dutu de nia hingina ma ngodumu, de nia wowango, de nia a'ala de nia guata moi-moi.>31O hu'umu 'ihidigali ma modidi'a geena la: <Nio'idora o nyawa'a 'iani ge de nia roehe mahirete!> 'A'oiwau o hu'umu ma reguoli nage 'iholoi 'i'a'ulie de o hu'umu o ngodumu modidi geena.>>32Geena'a de o agama yodoto-doto'o guuna wotemo o Yesusi'a, <<Duru 'igoungu ge notemo'au Aba guru. Ma Jou ma Dutu geena 'awomatengo-tengo'a, ma homoa 'a'oiwa.33De o nyawa halingou widora ma Jou ma Dutu'a de manga hingina ma ngodumu, de manga a'ala de manga guata moi-moi. De halingou yo'idora o nyawa'a, 'iani ge de manga roehe ma hirete yadora. Geena 'iholoi yaowa de ge o hu-huba yatuu-tuu'u de o hu-huba ma regu ge yohihuba ma Jou ma Dutu'a.>>34O Yesus wima'e o agama wodoto-doto'o guuna awi ba-baluhu geena ma rahai ho o Yesus wotemo una'a onane, <<Ngona 'ihorio'au noohama ma Jou ma Dutu awi pareta'a.>>
Geena iduangino de o moiwau yomooini yohano o Yesusi'a.35Wa'utu o Yesus wodoto'o ma gigiria'a ma Jou ma Dutu awi Woa'a, Una wotemo onane, <<Icara'iau ho o agama'a yodoto-doto'o yotemo na'o ma 'Oana wonahiha-halamata geena ma 'oana o Dautino awi guti'u?>>36Ena mo-mongo wa'utu o Dautu o Omaha 'Iofi-ofi wiparetano, ma 'oana o Daut mahirete wotemo,<Ma Jou wotemo 'ai Jou'a:Nogogelu'u 'ai guida'o'aHiadono tadiai ani ha-haturuu nihigihene ngona'a.>37Ho na'o ma 'oana o Dautu ma hirete ma wotemo ma 'Oana wonahiha-halamata geena to una awi Jou, 'icara'iahi done ngone potemo ma 'Oana wonahiha-halamata geena 'a ma 'oana o Dautu awi guti'u? De o nyawa yolepe-lepe duru yaigo yoihene nage o Yesus wotemo.38De Una wodoto'oli ona'a wotemo, <<Nimahidi-diai de o agama yodoto-doto'o. Ona yaigo yotagi-tagi de manga pa'eanga 'i'a-'a'ulu'u yomahinoa'u de yaigo yo'ihoromati o paharo'a.39Ona yaigo yogogele ma bionu'u na'o o dodoomu ma woa'a e'ola o rame'a la o nyawa yo'ima'e ona'a.40Ona yo'ihohori'i o ba-bao'a de manga woa ma yaora. De yatamunu manga diiha geena, de yomadahaubayanga ya'a'a'ulia! Toona manga baradoha done durue itubuho!>>41Wa'utu o Yesus wogogelu'u o hada'a ma ngii ma dete'o'a ma Jou ma Dutu awi woa'a, de wo'ige-gelelo o nyawa o pipi yodonoa geena ma ngii'u. Manga lepe yo'aya-'aya o pipi yodonoa ma amo'o.42Geena'a de o ba-bao momatengo mohu-huha ma moboa. Muna ma maino ami hada'a moota'a ami pipi o tambaga o ngodumu modidi ma dodoimi duru iete'e.43Ho o Yesus wo'iaho'o awi ni-nii'i de wotemo ona'a, <<Nioihene nihidi-diai e, Ma ba-bao numuna iholoi iamo'o mo'ula ami hada'a de geedau ma homoa.44Hababu ona manga pipi iholoi'u ho yo'ula de ma bo-boloio'a. Ma o ba-bao neena, ngaro durue 'amohuha, ma moi-moi ami pipi 'amohidu'ula'au.>>
The Seed Company