O MARKUS11
1Wa'utu o Yesus de awi ni-nii'i yohorio'au o Yerusalem ma bendari'a, de yomahiadono'au o Betfage de o Betania ma hoano'a nage o Zaitun ma de'uo'a, de o Yesus wo'ihulo'o awi ni-nii'i yamididi yotagi yohila.2De wobehehongo onane, <<Niotagi do'ai'a o hoana poda-daali'a ge. Ma oraha nioohama ma hoani'a geena, ngini aha niama'e o 'eledei ma ngoa'a 'ihili'o'a. O 'eledei geena 'a moiwahi yobalene. Ma 'eledei geena niahohe la niaahano neenano.3De na'o o nyawa yohano, dodoau ho o 'eledei geena niahohe, geena niotemo onane, ma Jou womau wapa'e o 'eledei neena, ma 'aitaaowa de wohigilio'au.>>4O Yesus womaade-ade iduangino, de awi ni-nii'i yamididi goona yotagi de yama'e o 'eledei ma goo'a yohili'o'a o woa ma bionino o nge'omo ma date'o'a. Ho ona yahohe o 'eledei ma lili'o geena.5Geena'a de yamuluo naga yomahigo'o-go'ono yo'itaaele ona'a, <<Ee! Idodoau ho ma 'eledei geena niahohe?>>6Ona yopaluhu harage o 'iau nage o Yesus wohibehehongo'au ge ona'a. Ho o nyawa yomahigo'o-go'ode goona yohigumada ona yaaha o 'eledei geena.7De aha yaaha ma 'eledei geena o Yesusi'a, de yohinao manga baju 'i'a-'a'ulu'u o 'eledei ma de'uo'a geena. Aha de o Yesus wobalene o 'eledeide geena.8Wa'utu o Yesus waboa, o nyawa manga lepe manga baju 'i'a-'a'ulu'u yohinao o nge'omo'a, de munu'a o gota ma jaga ge 'iete-ete'e yaeheno o bailo'a de yohinao o tapa'a ma gorona'o.9O nyawa manga lepe ge o Yesus wini-nii'i awi bioniha de awi duduno'o moi-moi yohigaho-gaho'o yote, <<Powipuji ma Jou ma Dutu! Powipuji Una'a nage ma Jou ma Dutu Wihulo'o'au woboa neenano.10Powipuji Una neena ge Wo'oanou, harage to ngone nanga edete de nanga dotumu ma hila ma 'oana o Daut. Powipuji ma Jou ma Dutu wo'a-'a'ulie nage!>>11Wa'utu yomahiadoni'a o Yerusalem ma bendaro'a, de o Yesus woohama ma Jou ma Dutu awi woa'a. Geena'a Una wota-taila'o ma doda'a moi-moi. Ma hababu 'italuhou, ho Una wohupu de yotagi de Awi ni-nii'i yamogio'o de yamididi o Betania ma hoani'a.12Ma dewelano, o Yesus de awi ni-nii'i yamada o Betania ma hoana. O nge'omo ma goronano o Yesus wamao wihawini.13'Ama ga'uli'ahi ena o Yesus wama'e'au o gota o ara o utu moi ma ho'a 'ilepe-lepe. Ho wa'ai'a la wataila'o de ma howo'o'a e'ola 'oiwa. Ma wa'utu wa'ai'a, ena ma howo'o 'amoio ma 'oiwa, ma 'ama ho'a duga bato. Hababu ma oraha geena o ara o ma orahuwahi 'ihowo'o.14Geena'a de o Yesus wotemo o ara ma utu'a geena, <<Neena de imahi'ai'a 'anohowo'uwau ho 'amoiwau o nyawa yaodomo to ngona ani howo'o!>>
O Yesus awi ni-nii'i ma yoihene o Yesus womaade-ade 'ogeena.15O Yesus de awi ni-nii'i yomahiadono o Yerusalem ma bendaro'a. De aha o Yesus wo'ai'ali ma Jou ma Dutu awi woa'a. Geena'a de Una wo'iginii'i ge yomawu'u-wu'unu geena'a dau. O pipi yohiali-aliti manga ama'a de o namo dara yowu'u-wu'unu manga go-gogele wapaga leoto.16Una ma 'awo'ihigumadawa o 'iani naga yaaha ma Jou ma Dutu awi Woa ma bibinino.17Geena'a de o Yesus wo'idoto'o geena'a dau. Wotemo, <<O Bo'u 'Ibe-berehi ma doda'u 'itulihu'u onane: Ma Jou ma Dutu wotemo: <To Ngoi 'ai Woa neena aha yohironga o hagala bangiha manga haubayanga ma ngii.> Ma ngini niadiai o nyawa yoora-ora manga ngii!>>18O imam ma hae-hae'e de o agama'a yodoto-doto'o yoihene Awi demo geena ho yohihali'i o nge'omo la witooma. Ma ona widomodongo 'Una'a, hababu o nyawa yolepe-lepe yaigo yohigihene Awi do-doto'o.19Wa'utu 'italuhou, o Yesus de awi ni-nii'i yamadali o Yerusalem ma bendara geena.20Ma dewela o de-dewelano, o Yesus de awi ni-nii'i yomadagioli. O nge'omo ma goronano, ona yama'e o ara ma utu ge o Yesus wohilo-lolai 'augoni'a nage 'ihonengo'au hiadono ma ngutu-ngutu'u'u.21Geena'a de o Petrus wodanganono o 'iau naga ge idadio'au 'augoni'a, ho o Petrus wotemo o Yesusi'a, <<Aba guru, bee'a nagelelo o ara ma utu nohilo-lolai ge 'ihonengo'au!>>22O Yesus wopaluhu, <<Halingou nihigou-goungu niwinga'u ma Jou ma Dutu'a!23Nioihene nihidi-diai e, Na'o naga demaena o nyawa yotemo o de'u'a neena, nomagoa'a de nomahibaiti o gahi'u, <Maraio'au idadi>24Mangale geena Tinitemo ngini'a: Na'o ngini nimadahaubayanga e'ola oiau hona nimagaaho'o, halingou nionga'u'au na'o ma Jou ma Dutu niwi'ula'au o 'iau naga ge nimagaaho'o, de ngini aha nimadama'e.25De na'o ngini nimadahaubayanga ma nia hingina 'aima'ahanaangua de o nyawa ma regu'a, geena halingou ni'iapongo itihila manga baradoha ngini'a la nia Dea o horoga'a ma Waapongo moi-moi tingini nia baradoha.>>26[Na'o ngini 'ani'iapongua o nyawa ge yobaradoha'au ngini'a, geena nia Dea o horoga'a ma 'Awaapongua moi-moi tingini nia baradoha.]27O Yesus de awi ni-nii'i ya'ai'ali o Yerusalemi'a. Ma oraha o Yesus waloliti ma Jou ma Dutu awi woa ma doda'a geena, de o imam ma hae-hae'e de o agama'a yodoto-doto'o de o Yahudio'a manga balu-baluhu, ya'aino o Yesusino.28De yohano, <<Nagoonau nihulo'o nodiai moi-moi geena? De nagoonau o 'uaha ni'ula?>>29O Yesus wopaluhu, <<Ngoi ma to mau tinihano, ho niopaluhu la Ngoi ma tinihingahu o 'uaha nagoonanou Ngoi todiai moi-moi geena.30Bee'a niohingahu Ngoino, nagoonau wi'ula o 'uaha o Yohanesi'a ho wo'iohi'i o nyawa? Ma Jou ma Dutuno bolo o nyawano?>>31Geena'a de o imam ma hae-hae'e de o Yahudio'a manga balu-baluhu yomulaenge yoma'aaturu. Ona yotemo <<Na'o ngone potemo ma Jou ma Dutuno, una aha wotemo, <De idodoau ho 'aniwinga'uwa o Yohanesi'a?>32Ma, 'aidadiwa potemo o nyawano.>> Ona yotemo 'ogeena, hababu ona yo'idomodongo o nyawa yolepe-lepe'a, hababu o nyawa moi-moi yana'o o Yohanes guuna 'igou-goungu o nabi moi.33Ho ona yopaluhu, <<Ngomi 'amiana'owa.>>
Geena'a de aha o Yesus wotemo ona'a, <<Na'o 'ogeena Ngoi ma tinihingahuwa o 'uaha nagoonanou Ngoi todiai moi-moi geena.>>
O Yesus awi ni-nii'i ma yoihene o Yesus womaade-ade 'ogeena.15O Yesus de awi ni-nii'i yomahiadono o Yerusalem ma bendaro'a. De aha o Yesus wo'ai'ali ma Jou ma Dutu awi woa'a. Geena'a de Una wo'iginii'i ge yomawu'u-wu'unu geena'a dau. O pipi yohiali-aliti manga ama'a de o namo dara yowu'u-wu'unu manga go-gogele wapaga leoto.16Una ma 'awo'ihigumadawa o 'iani naga yaaha ma Jou ma Dutu awi Woa ma bibinino.17Geena'a de o Yesus wo'idoto'o geena'a dau. Wotemo, <<O Bo'u 'Ibe-berehi ma doda'u 'itulihu'u onane: Ma Jou ma Dutu wotemo: <To Ngoi 'ai Woa neena aha yohironga o hagala bangiha manga haubayanga ma ngii.> Ma ngini niadiai o nyawa yoora-ora manga ngii!>>18O imam ma hae-hae'e de o agama'a yodoto-doto'o yoihene Awi demo geena ho yohihali'i o nge'omo la witooma. Ma ona widomodongo 'Una'a, hababu o nyawa yolepe-lepe yaigo yohigihene Awi do-doto'o.19Wa'utu 'italuhou, o Yesus de awi ni-nii'i yamadali o Yerusalem ma bendara geena.20Ma dewela o de-dewelano, o Yesus de awi ni-nii'i yomadagioli. O nge'omo ma goronano, ona yama'e o ara ma utu ge o Yesus wohilo-lolai 'augoni'a nage 'ihonengo'au hiadono ma ngutu-ngutu'u'u.21Geena'a de o Petrus wodanganono o 'iau naga ge idadio'au 'augoni'a, ho o Petrus wotemo o Yesusi'a, <<Aba guru, bee'a nagelelo o ara ma utu nohilo-lolai ge 'ihonengo'au!>>22O Yesus wopaluhu, <<Halingou nihigou-goungu niwinga'u ma Jou ma Dutu'a!23Nioihene nihidi-diai e, Na'o naga demaena o nyawa yotemo o de'u'a neena, nomagoa'a de nomahibaiti o gahi'u, <Maraio'au idadi>24Mangale geena Tinitemo ngini'a: Na'o ngini nimadahaubayanga e'ola oiau hona nimagaaho'o, halingou nionga'u'au na'o ma Jou ma Dutu niwi'ula'au o 'iau naga ge nimagaaho'o, de ngini aha nimadama'e.25De na'o ngini nimadahaubayanga ma nia hingina 'aima'ahanaangua de o nyawa ma regu'a, geena halingou ni'iapongo itihila manga baradoha ngini'a la nia Dea o horoga'a ma Waapongo moi-moi tingini nia baradoha.>>26[Na'o ngini 'ani'iapongua o nyawa ge yobaradoha'au ngini'a, geena nia Dea o horoga'a ma 'Awaapongua moi-moi tingini nia baradoha.]27O Yesus de awi ni-nii'i ya'ai'ali o Yerusalemi'a. Ma oraha o Yesus waloliti ma Jou ma Dutu awi woa ma doda'a geena, de o imam ma hae-hae'e de o agama'a yodoto-doto'o de o Yahudio'a manga balu-baluhu, ya'aino o Yesusino.28De yohano, <<Nagoonau nihulo'o nodiai moi-moi geena? De nagoonau o 'uaha ni'ula?>>29O Yesus wopaluhu, <<Ngoi ma to mau tinihano, ho niopaluhu la Ngoi ma tinihingahu o 'uaha nagoonanou Ngoi todiai moi-moi geena.30Bee'a niohingahu Ngoino, nagoonau wi'ula o 'uaha o Yohanesi'a ho wo'iohi'i o nyawa? Ma Jou ma Dutuno bolo o nyawano?>>31Geena'a de o imam ma hae-hae'e de o Yahudio'a manga balu-baluhu yomulaenge yoma'aaturu. Ona yotemo <<Na'o ngone potemo ma Jou ma Dutuno, una aha wotemo, <De idodoau ho 'aniwinga'uwa o Yohanesi'a?>32Ma, 'aidadiwa potemo o nyawano.>> Ona yotemo 'ogeena, hababu ona yo'idomodongo o nyawa yolepe-lepe'a, hababu o nyawa moi-moi yana'o o Yohanes guuna 'igou-goungu o nabi moi.33Ho ona yopaluhu, <<Ngomi 'amiana'owa.>>
Geena'a de aha o Yesus wotemo ona'a, <<Na'o 'ogeena Ngoi ma tinihingahuwa o 'uaha nagoonanou Ngoi todiai moi-moi geena.>>
The Seed Company