O LUKAS9
1O Yesus wo'iaho'o yaamogioo'o de yamidi-di awi ni-nii'i, de wo'i'ula o'uaha la o to'ata yaginii'i de o panya'e, yohiai'i.2De aha wo'ihulo'o ona yotagi, yo'ihiai'i yopa-panya'e de yohingahu o Habari ma Jou ma Dutu awi pareta ma ngale wo'oana.3O Yesus wotemo ona'a <<Uwa o'iani nioaha niadodagio'a, uwa nioaha o papadi, o toe, o hada'a e'ola o inomo, e'ola o pipi, e'ola nia nga-ngali o ngodumu modi-di'ani.4Na'o niai'a la 'ayomode'e nimanoa, niogogele 'ageena'a hiadono niamadali ma bendara geena.5De na'o 'ia'a la ona 'ayomahi gumadanowa, niamada ma bendara geena, de niodata-tara niadou ma hoata ma 'a'awo, ho'ao dodungu moi ma Jou ma Dutu aha wo'ihu'umu.>>6Geena'a de Awi ni-nii'i yotagi o hoa-ohani'a yohingahu o Habari ma owa geena, de yo'ihiai'i yopa-panya'e o ngi moi-moi'a.7Ma oraha o Herodes nage wopareta o Galilea'a, woihene idaa-dadi geenadau moi-moi, awi hingina duru i'aruae. Matiti naga ma regu yotemo, o Yesus geena o Yohanes woohi-ohi'i, wowango'au oli.8Naga ma regu yotemo, o Elia woboa'ali. O nyawa ma homoahi naga yotemo, o nabi-nabi ma hila itimoi yowango'ali.9Ho o Herodes wotemo, <<Ngoi mahirete to'ihulo'o o Yohanes awi toma yatobi'o'au. Ma, o nyawa Nuuna ma diai naguunaue? Ngoi ma lepe'au towi gi-giihene ma ngale una wodi-diai.>> Ho geena'a de o Herodes wohali'i o nge'omo la wina'o o Yesus.10O Yesus awi hu-hulo'o yoliono, de wihi ade-ade moi-moi yodidiaio'au ge. Geena'a de o Yesus wo'ihi duga la yotagi, yamahidiato'o o Betsaida ma bendari'a.11Ma o nyawa yolepe-lepe ge yo'ina'o, ho awi nii'i o Yesus. Una 'awomode'e dedeona, de wo'ihi ade-ade itoto'iau ma Jou ma Dutu wo'oana. De Una wo'ihiai'i yopa-panya'e geena'a.12Ho de o wange itumunou, awi ni-nii'i yo'aino o Yesusino de yotemo, <<Aba, o ngi neena imatinga'ino. Iholoi yaowa aba, no'ihulo'o noona yotagi yomadahali'i o inomo, de yomahihali'i manga do-dogumu o hoa-hoani'a neena'a naga nanga date-dateino.>>13Ma, o Yesus wopaluhu, <<Wolo! Nginiou 'iani ni'ihiodomo.>>
Awi ni-nii'i yotemo, <<Wae ma tongomi mia roti 'amotoa'a, de mia nao'o ma 'amodi-dio'a. Ho 'iani bote ingomi mio goo'ohi toona manga inomo>>14(Geena'a 'aonau-naulohi ona poelua yaaribuhu motoa.)
O Yesus wo'itemo awi ni-nii'ia, <<Ni'i hulo'o la ona yogogelu'u o bolu yamomoi, poelua o doomu moi yaamoritoa'a.>>15Awi ni-nii'i yodomote'e o Yesus awi demo. Ho yo'ihulo'o ma nyawa yolepe-lepe ge yogogelu'u.16De aha o Yesus waeheno o roti motoa, de o nao'o modidi geena, de womatawagade o diwangie, de wodahaubayanga ma Jou ma Dutude. Iduangino o Yesus wapela-pela'a ma roti, de ma nao'o geena de Awi giama, de wo'i'ula Awi ni-nii'i'a la yo'i'ato'u ma nyawa yolepe-lepe'a geena.17Ona moi-moi yoodomo hiadono yo'ipunuhu. De aha awi ni-nii'i yapolu, ma boloi o inomo geena o udi mogioo'o de modidiohi.18Ma moi'u, ma oraha O Yesus womadahaubayanga womatengo'a, awi ni-nii'i yoboa una'a. De o Yesus wo'ihano ona'a, <<Imote'e o nyawa-nyawa manga demo, Ngoi neena naguunau?>>19Ona yopaluhu, <<Naga yotemo o Yohanes woohi-ohi'i. Naga ma regu yotemo o nabi Elia, nagahi ma regu yotemo itimoi o Nabi ma hila yowango'auoli.>>20O Yesus wohano <<Ho imote'e ngini, Ngoi neena naguunau?>>
O Petrus wopaluhu, <<Aba Ngona ma 'oana wohiha-halamata, nage ma Jou ma Dutu wohijaa-jajio'au.>>21De o Yesus wo'itemo awi ni-nii'i'a, <<'amoi'a ma, uwa ni'ihingahu.>>22De o Yesus wo'itemoli, <<Ngoi o Nyawa ma ngowa'a itiai 'iani tamo'u o 'angela ilepe, de ii'adu'ulu o Yahudio'a ma balu-baluhu de o imam-imam, ihihae-hae'e de o agama yodoto-doto'o. Ngoi done aha iitooma ma, 'aowange haange ena tomomi'o'ali.>>23De aha o Yesus wo'itemo geena'a moi-moi, <<Na'o o nyawa inii'i ngoi, 'iani uwa yamote'e manga mau mahirete ma paralu, de yamo'u o salib yohiwange moi, geena aha de inii'i ngoi.24Matiti o nyawa na'o yoduhunu manga wowango, done iihanga manga wowango. Ma o nyawa yo'ula manga wowango matiti ngoi, ona aha yohalamata.25O 'iau ma utumu na'o o nyawa moi o dunia'a neena 'atoona, ma ona 'ayahoroma de iihanga manga wowango?26Na'o o nyawa yo'imae'e ma ngale ngoi de 'ai dodoto'i'a, ngoi o Nyawa ma Ngowa'a aha totemo <Ngoi 'ato'ina'owa> ma oraha Toboa de 'ai 'uaha'a, de 'ai dea awi 'uaha de o malai'ata ma 'uaha iofi-ofi!27'Iani niana'o neena'a naga ngini itimoi 'oyohongenua na'o awi ma'ewahi ma Jou ma Dutu wo'oana.>>28Poelua o wange tuangele ipahano, o Yesus wo'idoto'o'a moi-moi geena, Una wo'iaha o Petrus, o Yohanes, de o Yakobus yohawu o de'ude la, yomadahaubayanga.29Ma gi-giria'a o Yesus womadahaubayanga gena'a, awi biono ma, ingali de awi pa'eanga ma iarehe ihileto-letongo30De itodo'anino, o nyawa yamidi-di, goona o Musa de o Elia yomahi maiti manga roehe de o horoga ma hiwa. Ona yoma'a ade-ade de o Yesus ma ngale awi hongene 'ai taaowau aha idadi o Yerusalem ma bendaro'a.32Ma oraha geena o Petrus de awi ma-manai yonihu'o'au, ma yomatodo'anie yomomi'i, ona wima'e o Yesus de awi hiwa'a de geena'a o nyawa yamididi yomahigo'ono de Una.33Ma oraha yamididi geena wimada'au o Yesus, O Petrus wotemo O Yesus i'a <<Aba guru, duru 'aotero ngone neena'a bote mio higo'o o woa-woa haange, moi tongona Jou, moi too Musa, de moi too Elia.>> O Petrus womaa ade-ade ma, womahina'owa o'iau una waade-ade.34O Petrus 'awoma ade-adehi, de o 'amo-'amo o bolu moi iuti yo'iluwungu ona, ho ona yohawana.35De o 'amo-'amono geena yoihene o ilingi itemo, <<Nuuna 'ai ngowa'a Towiili'o'au. Ho niwihi gihene Una'a!>>36Ho de ma ilingi geena ipaha, ona wima'e o Yesus 'awomatengo'ahi geena'a. O Yesus awi ni-nii'i 'ayomalii-lilo'au, ma ngale moi-moi geena de 'aihi'a-'angahuwa amoi'ama, o'iau ona yama'e-ma'e'au.37Ho de ma dewelano o Yesus de yahaange awi ni-nii'i youti ma de'u'u geena, de o nyawa manga lepe yoboa o Yesusino.38Womatengo o naulu yolepe-lepe manga higoronano womaorehe, <<Aba Guru, tanu noiduhunu nowitaila'ohi aingowa'a, una 'ai ngowa'a 'auma tengo'a!39Na'o o omaha ma diiha widoboano, una woore-orehe de awi roehema, ito-tonorutu de womahi boha-boha hiadono awi uluha, o abo-abo ma ihupu. O toto'ata geena duru wihi'angela de 'aiolu'u ihupu unano!40Togaaho'o'au ani ni-nii'i'a la yaginii'i geena ma to'ata ma ona 'oyadadiwa.>>41O Yesus wopaluhu, <<'Aogu-guulewa ngini neena igoungu! Ngini duru niapalene, de duru 'a nionga'uwa! Hiadono muluo'a ngoi 'iani togogelohi de ngini de Toma tongohono hiadono muluo'a? Nowiahano ani ngowa'a geena.>>42Ho ma ngowa'a geena wa'aino o Yesusino, ma o to'ata geena wihiboha o tona'u'u de awi roehe itotonoruto'ali. Ma o Yesus wodorohu ho ma to'ata geena ihupu, de ma ngoa'a geena wotogumo'au. De aha Wiihigiama mahoata ma ngowa'a geena ma dea'a.43Moi-moi o nyawa yoheranga, matiti yama'e ma Jou ma Dutu awi 'uaha duru iamo'o. O Yesus wohingahuoli awi hongene (Mat. 17:22-23; Mrk. 9:30-32)
Ma oraha o nyawa-nyawa 'ayoherangohi, yama'e moi-moi wodi-diaio'au ge, O Yesus wo'itemoli awi ni-nii'i'a,44<<Nia hi-hingina nihi didiai de uwa niamongo 'ai demo-demo neena: O Nyawa ma Ngoa'a aha wihilapahi o dunia ma nyawa manga giama ma hoati'a.>>45Ma awi ni-nii'i 'oyomahi na'owa awi demo geena. Moi-moi nage wotemo-temo'au wo'ihipongono, ho ona 'ayomahina'owa. De aha ona ma, yododatoli yahano Awi demo ma dumutu geena.46O Yesus awi ni-nii'i manga hidogorona'a, o ributu idadi matiti nagonau iholoi yolamo'o.47O Yesus wana'o manga hingina'a, hababu gena una witoba'ino o ngowa'a ma ete'e moi, de umahigo'ono Awi date'o'a.48De aha una wo'iade-ade awi ni-nii'i'a, <<O nyawa yadawongo ma ngowa'a neena matiti ngoi, geena ona idawongo ngoi. De o nyawa nage idawongo ngoi, geena wi dawongo Una woi hulo-hulo'o ngoi. Hababu nginio'a neena, nagoonau yomahi tipo'o'u goona iholoi yolamo'o!>>49O Yohanes wotemo, <<Aba guru, ngomi miwima'e womatengo waginii'i o to'ata de ani ronga, de miwitaaele una'a, matiti una 'opoma'a-'anii'uwa.>>50O Yesus wo'itemo o Yohanes de awi ni-nii'i'a ma homoahi, <<Uwa niwitaaele una, hababu o nyawa aniibuhulua ngini'a, geena nihi boa nginino.>>51Ma oraha yaadonou o Yesus wigoa'a o horogade, Una waputuhu 'iani wotagi o Yerusalemie.52Ho Una wo'ihulo'o o nyawa yomatihilade. Wo'i hulo-hulo'o geena yotagi, de yoohama o hoana moi o Samaria'a, la tanu ihi'adiaiou moi-moi o Yesus wapa-paralu.53Ma, ma nyawa o hoana moi geena 'ayomahi gumadanowa o Yesus, hababu wina'o Awi dumutu o Yerusalemie.54Ho de ma oraha o Yesus awi ni-nii'i, o Yakobus de o Yohanes yana'o geena, ona yotemo, <<Jou, bote 'aidadi, ngomi miogaaho'o o u'u iuti o horoga'u la ngaro 'ayomurutu'au ma nyawa-nyawa noona?>>55O Yesus womalelo'o de wo'ingamo ona'a56De ipahano geena ona yotagi o hoana moi'ali.57Ma oraha o Yesus de awi ni-nii'i ihigila-gila manga dodagi, naga o nyawa moi witemo o Yesusi'a, <<Aba ngoi toni-nii'i, ngaro o'ia'aunaga ngona notagi!>>58Ma o Yesus wopaluhu, <<O boulamo de ma aru'o'a, de o namo o ginita'a ma de ma iguto'a ma o nyawa ma ngowa'a 'a'oiwa Awi ngi, la womahiaini de womaidu.>>59De o Yesus wiitemo o nyawa moi'a, <<Noinii'i ngoi.>>
Ma o nyawa guuna wotemo, <<Aba, tanu noihigumada toliohi jai-jai la, 'ai dea to wipoohu'o'ahi.>>60Ma o Yesus wopaluhu <<No'imada'a o nyawa ma hongene yo'ipoohu'u to ona manga hongene. Ma ngona, notagi de nohi'a'angahu o habari, notemo ma Jou ma Dutu wopareta'au.>>61Nagali womatengo wotemo, <<Aba, ngoi 'atomode'e to ni-nii'i ma, tanu ngoi toliohi la jai-jai tomahi demo'ahi 'ai baluhi'a.>>62Ma o Yesus wiitemo ma nyawa'a guuna <<O nyawa yobajaki'a de yomataila'o manga duduno'o, ona geena 'aidadiwa ma Jou ma Dutu awi 'awaha.>>
Awi ni-nii'i yotemo, <<Wae ma tongomi mia roti 'amotoa'a, de mia nao'o ma 'amodi-dio'a. Ho 'iani bote ingomi mio goo'ohi toona manga inomo>>14(Geena'a 'aonau-naulohi ona poelua yaaribuhu motoa.)
O Yesus wo'itemo awi ni-nii'ia, <<Ni'i hulo'o la ona yogogelu'u o bolu yamomoi, poelua o doomu moi yaamoritoa'a.>>15Awi ni-nii'i yodomote'e o Yesus awi demo. Ho yo'ihulo'o ma nyawa yolepe-lepe ge yogogelu'u.16De aha o Yesus waeheno o roti motoa, de o nao'o modidi geena, de womatawagade o diwangie, de wodahaubayanga ma Jou ma Dutude. Iduangino o Yesus wapela-pela'a ma roti, de ma nao'o geena de Awi giama, de wo'i'ula Awi ni-nii'i'a la yo'i'ato'u ma nyawa yolepe-lepe'a geena.17Ona moi-moi yoodomo hiadono yo'ipunuhu. De aha awi ni-nii'i yapolu, ma boloi o inomo geena o udi mogioo'o de modidiohi.18Ma moi'u, ma oraha O Yesus womadahaubayanga womatengo'a, awi ni-nii'i yoboa una'a. De o Yesus wo'ihano ona'a, <<Imote'e o nyawa-nyawa manga demo, Ngoi neena naguunau?>>19Ona yopaluhu, <<Naga yotemo o Yohanes woohi-ohi'i. Naga ma regu yotemo o nabi Elia, nagahi ma regu yotemo itimoi o Nabi ma hila yowango'auoli.>>20O Yesus wohano <<Ho imote'e ngini, Ngoi neena naguunau?>>
O Petrus wopaluhu, <<Aba Ngona ma 'oana wohiha-halamata, nage ma Jou ma Dutu wohijaa-jajio'au.>>21De o Yesus wo'itemo awi ni-nii'i'a, <<'amoi'a ma, uwa ni'ihingahu.>>22De o Yesus wo'itemoli, <<Ngoi o Nyawa ma ngowa'a itiai 'iani tamo'u o 'angela ilepe, de ii'adu'ulu o Yahudio'a ma balu-baluhu de o imam-imam, ihihae-hae'e de o agama yodoto-doto'o. Ngoi done aha iitooma ma, 'aowange haange ena tomomi'o'ali.>>23De aha o Yesus wo'itemo geena'a moi-moi, <<Na'o o nyawa inii'i ngoi, 'iani uwa yamote'e manga mau mahirete ma paralu, de yamo'u o salib yohiwange moi, geena aha de inii'i ngoi.24Matiti o nyawa na'o yoduhunu manga wowango, done iihanga manga wowango. Ma o nyawa yo'ula manga wowango matiti ngoi, ona aha yohalamata.25O 'iau ma utumu na'o o nyawa moi o dunia'a neena 'atoona, ma ona 'ayahoroma de iihanga manga wowango?26Na'o o nyawa yo'imae'e ma ngale ngoi de 'ai dodoto'i'a, ngoi o Nyawa ma Ngowa'a aha totemo <Ngoi 'ato'ina'owa> ma oraha Toboa de 'ai 'uaha'a, de 'ai dea awi 'uaha de o malai'ata ma 'uaha iofi-ofi!27'Iani niana'o neena'a naga ngini itimoi 'oyohongenua na'o awi ma'ewahi ma Jou ma Dutu wo'oana.>>28Poelua o wange tuangele ipahano, o Yesus wo'idoto'o'a moi-moi geena, Una wo'iaha o Petrus, o Yohanes, de o Yakobus yohawu o de'ude la, yomadahaubayanga.29Ma gi-giria'a o Yesus womadahaubayanga gena'a, awi biono ma, ingali de awi pa'eanga ma iarehe ihileto-letongo30De itodo'anino, o nyawa yamidi-di, goona o Musa de o Elia yomahi maiti manga roehe de o horoga ma hiwa. Ona yoma'a ade-ade de o Yesus ma ngale awi hongene 'ai taaowau aha idadi o Yerusalem ma bendaro'a.32Ma oraha geena o Petrus de awi ma-manai yonihu'o'au, ma yomatodo'anie yomomi'i, ona wima'e o Yesus de awi hiwa'a de geena'a o nyawa yamididi yomahigo'ono de Una.33Ma oraha yamididi geena wimada'au o Yesus, O Petrus wotemo O Yesus i'a <<Aba guru, duru 'aotero ngone neena'a bote mio higo'o o woa-woa haange, moi tongona Jou, moi too Musa, de moi too Elia.>> O Petrus womaa ade-ade ma, womahina'owa o'iau una waade-ade.34O Petrus 'awoma ade-adehi, de o 'amo-'amo o bolu moi iuti yo'iluwungu ona, ho ona yohawana.35De o 'amo-'amono geena yoihene o ilingi itemo, <<Nuuna 'ai ngowa'a Towiili'o'au. Ho niwihi gihene Una'a!>>36Ho de ma ilingi geena ipaha, ona wima'e o Yesus 'awomatengo'ahi geena'a. O Yesus awi ni-nii'i 'ayomalii-lilo'au, ma ngale moi-moi geena de 'aihi'a-'angahuwa amoi'ama, o'iau ona yama'e-ma'e'au.37Ho de ma dewelano o Yesus de yahaange awi ni-nii'i youti ma de'u'u geena, de o nyawa manga lepe yoboa o Yesusino.38Womatengo o naulu yolepe-lepe manga higoronano womaorehe, <<Aba Guru, tanu noiduhunu nowitaila'ohi aingowa'a, una 'ai ngowa'a 'auma tengo'a!39Na'o o omaha ma diiha widoboano, una woore-orehe de awi roehema, ito-tonorutu de womahi boha-boha hiadono awi uluha, o abo-abo ma ihupu. O toto'ata geena duru wihi'angela de 'aiolu'u ihupu unano!40Togaaho'o'au ani ni-nii'i'a la yaginii'i geena ma to'ata ma ona 'oyadadiwa.>>41O Yesus wopaluhu, <<'Aogu-guulewa ngini neena igoungu! Ngini duru niapalene, de duru 'a nionga'uwa! Hiadono muluo'a ngoi 'iani togogelohi de ngini de Toma tongohono hiadono muluo'a? Nowiahano ani ngowa'a geena.>>42Ho ma ngowa'a geena wa'aino o Yesusino, ma o to'ata geena wihiboha o tona'u'u de awi roehe itotonoruto'ali. Ma o Yesus wodorohu ho ma to'ata geena ihupu, de ma ngoa'a geena wotogumo'au. De aha Wiihigiama mahoata ma ngowa'a geena ma dea'a.43Moi-moi o nyawa yoheranga, matiti yama'e ma Jou ma Dutu awi 'uaha duru iamo'o. O Yesus wohingahuoli awi hongene (Mat. 17:22-23; Mrk. 9:30-32)
Ma oraha o nyawa-nyawa 'ayoherangohi, yama'e moi-moi wodi-diaio'au ge, O Yesus wo'itemoli awi ni-nii'i'a,44<<Nia hi-hingina nihi didiai de uwa niamongo 'ai demo-demo neena: O Nyawa ma Ngoa'a aha wihilapahi o dunia ma nyawa manga giama ma hoati'a.>>45Ma awi ni-nii'i 'oyomahi na'owa awi demo geena. Moi-moi nage wotemo-temo'au wo'ihipongono, ho ona 'ayomahina'owa. De aha ona ma, yododatoli yahano Awi demo ma dumutu geena.46O Yesus awi ni-nii'i manga hidogorona'a, o ributu idadi matiti nagonau iholoi yolamo'o.47O Yesus wana'o manga hingina'a, hababu gena una witoba'ino o ngowa'a ma ete'e moi, de umahigo'ono Awi date'o'a.48De aha una wo'iade-ade awi ni-nii'i'a, <<O nyawa yadawongo ma ngowa'a neena matiti ngoi, geena ona idawongo ngoi. De o nyawa nage idawongo ngoi, geena wi dawongo Una woi hulo-hulo'o ngoi. Hababu nginio'a neena, nagoonau yomahi tipo'o'u goona iholoi yolamo'o!>>49O Yohanes wotemo, <<Aba guru, ngomi miwima'e womatengo waginii'i o to'ata de ani ronga, de miwitaaele una'a, matiti una 'opoma'a-'anii'uwa.>>50O Yesus wo'itemo o Yohanes de awi ni-nii'i'a ma homoahi, <<Uwa niwitaaele una, hababu o nyawa aniibuhulua ngini'a, geena nihi boa nginino.>>51Ma oraha yaadonou o Yesus wigoa'a o horogade, Una waputuhu 'iani wotagi o Yerusalemie.52Ho Una wo'ihulo'o o nyawa yomatihilade. Wo'i hulo-hulo'o geena yotagi, de yoohama o hoana moi o Samaria'a, la tanu ihi'adiaiou moi-moi o Yesus wapa-paralu.53Ma, ma nyawa o hoana moi geena 'ayomahi gumadanowa o Yesus, hababu wina'o Awi dumutu o Yerusalemie.54Ho de ma oraha o Yesus awi ni-nii'i, o Yakobus de o Yohanes yana'o geena, ona yotemo, <<Jou, bote 'aidadi, ngomi miogaaho'o o u'u iuti o horoga'u la ngaro 'ayomurutu'au ma nyawa-nyawa noona?>>55O Yesus womalelo'o de wo'ingamo ona'a56De ipahano geena ona yotagi o hoana moi'ali.57Ma oraha o Yesus de awi ni-nii'i ihigila-gila manga dodagi, naga o nyawa moi witemo o Yesusi'a, <<Aba ngoi toni-nii'i, ngaro o'ia'aunaga ngona notagi!>>58Ma o Yesus wopaluhu, <<O boulamo de ma aru'o'a, de o namo o ginita'a ma de ma iguto'a ma o nyawa ma ngowa'a 'a'oiwa Awi ngi, la womahiaini de womaidu.>>59De o Yesus wiitemo o nyawa moi'a, <<Noinii'i ngoi.>>
Ma o nyawa guuna wotemo, <<Aba, tanu noihigumada toliohi jai-jai la, 'ai dea to wipoohu'o'ahi.>>60Ma o Yesus wopaluhu <<No'imada'a o nyawa ma hongene yo'ipoohu'u to ona manga hongene. Ma ngona, notagi de nohi'a'angahu o habari, notemo ma Jou ma Dutu wopareta'au.>>61Nagali womatengo wotemo, <<Aba, ngoi 'atomode'e to ni-nii'i ma, tanu ngoi toliohi la jai-jai tomahi demo'ahi 'ai baluhi'a.>>62Ma o Yesus wiitemo ma nyawa'a guuna <<O nyawa yobajaki'a de yomataila'o manga duduno'o, ona geena 'aidadiwa ma Jou ma Dutu awi 'awaha.>>
The Seed Company