O LUKAS8
1'Ai taaowa ipahano, o Yesus wotagi waloliti o benda-bendari'a de o hoa-hoani'a, Una wohingahu o Habari ma owa geenala ma Jou ma Dutu wo'oano'au. Awi ninii'i Yaamogioo'o de yamidi-di ma 'aiwi ni-nii'i.2O geenali yamuluo naga o nge-ngewe'a nage wo'ihi ai'o'au o to'ata yo'ido-dongohami'a de o panya'e. Ona geena o ngo Maria ge mi teho-tehongo o ngo Magdalena, tumudiingi o omaha madiiha Wohi hupuo'a munano;3de o ngo Yohana, o Khuza awi we'ata, nage o Herodes awi 'adato'a yolele-leani manga baluhu; o ngo Susana de ma homoahi ma nge-ngewe'a. 'Aona duga manga arata mahirete, wihiduhunu o Yesus de awi ni-nii'i'a.4O nyawa manga lepe 'aitogumua yoboa o Yesusino, o benda-bendarino. De ma oraha yolepe'au ma nyawa yomapoluno, o Yesus wagoa'a o hi'atero ma ade-ade moi oli wotemo:5<<Naga woma tengo wotagi wohi barihi awi gihihi awi bailo'a. Ma oraha una wohibarihi, ma regu iota'a o nge'omu'u. Ho o nyawa yo'agido'u de ma regu o namo yaodomo.6Naga ma regu iota'a o tona'a dema he-heleo'a. Ho de ma oraha itoolide ena imoya'au, hababu ma tona'a idu-dungu.7De naga ma regu ma gihihi iota'a ihohi-hi'a'u. Ho ima'ani'ie iwango, ma o hihi'a geena yarangi ma gihi-hi geena hiadono ihongene.8Ma naga ma regu iota'a o tona'a irarahai'u ho iwango de ihowo'o o ratuhu moi ma gihihi ilio.>>
De woade-ade'a o hi'atero geena, o Yesus wotemo, <<O'iau Totemo'au nio ihene nihidi-diai!>>9O Yesus awi ni-nii'i yohano o Yesusi'a o'iau ma ngale o hi'atero geena.10O Yesus wopaluhu, <<Ngini ni'ula'au o cocatu la niana'o itoto'iau ma Jou ma Dutu wo'oana. Ma o nyawa ma homoa 'iani po'idoto'o de o hi'atero, la yahingina ma o yana'owa o'iau aha idadi; de ona yoihene, ma 'oyomahi na'owa.>>11<<Onane mangariti o hi'atero geena: O gihi-hi geena ma Jou ma Dutu awi demo.12O gihi-hi iota-ota'a o nge'omu'u geena hara ge 'ao nyawa yoihene o demo geena. Ma o to'ata ma 'oana iboa de yaora ma Jou ma Dutu awi demo geena manga hingina'a, la uwa ona yonga'u de uwa yohalamata.13O gihihi iota-ota'a o tona'a ihe-heleo'u, geena hara 'ao nyawa yoihene o habari geena de yaehe de duru yomagarago. Ma o habari geena 'aimahingutu'ua manga hingina'a. Ona yonga'u 'ajai-jai, ho de ma oraha o dadaili yaohana, ona 'ayonga'uwau ma Jou'a.14O gihihi iota-ota'a o hihi'a ma doda'u geena harage'ao nyawa yoihene o habari geena ma, yododato de manga wowango yodabali o dunia ma araata de o dunia ma hanaanga. Geenau moi-moi yo'ihiaduu'u, ho ona 'aihupuwa o howo'o ma owa.15O gihi-hi nage iota-ota'a o tona'a irarahai'u, geena harage 'ao nyawa yoiheno'au o habari ma Jou ma Dutuno, de yaiyunu manga hingina'a de yopeleeha yadiai ma Jou awi demo. Ngaro ona yaohana o 'angela ona 'ayoma togumua yodiai o owa manga wowango'a.>>16<<'Amoiwa o nyawa manga hilo yatuu'i'a de yatamunu'u de o rube e'ola yanoa'u manga dalingi ma timi'u. Ona aha yanoa toena ma ngiio'a la, na'o o nyawa yoohama ona yama'e ma hiwa.17Iiyu-iyuni'a aha imahi maiti ho yama'e de yana'o. De moi-moi nage 'ayapongo-pongono aha ihupu ho yoihene moi-moi.18Matiti geenau ho niohi-hininga o 'iau tinihi ngahuo'au neena. Na'o tonagoonau demaena'au, aha yo'ido-dogo iholoi iamo'oli; ma tonagoonau nage 'aihowono aha yaeheli onano.>>19O Yesus ma eha de awi ria dodoto, yoboa o Yesusino ma o nyawa 'ayolepeli ho ona 'ayadadiwa ya'ai'a.20Ho o nyawa moi yo'ai'a de yotemo o Yesusi'a, <<Aba, ani eha de ani riadodoto do'a ma duduno'a. Ona yomau nima'a ma'e de ngona Aba.>>21Ma, o Yesus wo'itemo ona'a, <<O nyawa yoihe-ihene ma Jou ma Dutu awi demo de yadiai, goona 'ai eha de 'ai riadodoto.>>22O wange moi'u o Yesus de awi ni-nii'i yodoa o ngootilie. De o Yesus wo'itemo, <<Niaino potagi o talaga ma hongona'a,>> ho ona ma yotagi.23Ma oraha ona magigiria'a yodihidete, O Yesus womaidu. De yatodo'anino o rato duru 'aopau ma talaga'a geena. Ma a'ele ma iohamo'au manga ngo-otilino ho, hali'i yoboditou.24Ho ona ya'ai'a de witomanga o Yesus. Ona yotemo, <<Aba guru, Aba guru, ngone po boditou!>> O Yesus womomi'i de wataaele o dado'o de o mo'u-mo'u geena. O dado'o de o mo'u-mo'u geena iogo, de o talaga ma durue 'aomuliili.25De o Yesus wo'itemo Awi ni-nii'i'a <<Idodoau ho ngini 'aninga'uwa Ngoino?>>
Ona yoheranga de yohawana. De yoma'a ade-ade moi de moi'a, <<Ee wolo 'ouwa igoungu ma nyawa moi nuuna, bee'a Wahulo'o o dado'o de o mo'u-mo'u iogo de ena ma wihi ngounu!>>26O Yesus de Awi ni-nii'i yogila-gila yodihidete hiadono o Gerasa ma daeraa'a o Galilea ma talaga ma hongona'a.27Ma oraha o Yesus wouti ma dudungiha, o naulu moi o to'ata widongohami'a, o bendaro'a de waino woboa o Yesusiino. Madaaonou una 'awomahe'ono'a de 'awoolu'u wogogele o woa'a. Una womanoa 'aoboohu'u ma woa-woa'a.28Ma oraha de wima'e o Yesus, una woma orehe de watilabu'u'u o Yesus awi biono'a de wogaaho'o, <<Yesus, ma Jou ma Dutu wo'a-'a'ulie Awi ngowa'a! Uwa noiruae, togaaho'o uwa noido-doa'ani!>>29Ma nyawa guuna woma orehe matiti o Yesus wahulo'o o to'ata geena imaai'ou awi roehino. Una geena wihidi-digalio'au widongohama o to'ata, hiadono ngaro awi giama de awi dou yali'o'au de o rante, de wigoana wihidi-diai, ma 'aidadiwa 'awatoa'o'a awi lili'o geena de aha o to'ata wiaha o tona'a i'a'ahane'a.30O Yesus wohano una'a, <<Ani ronga naguunau?>> De una wopaluhu, <<o Legiun,>> Hababu ma lepe'u o to'ata widongohamo una'a.31O to'ata geena ihidi-digali yomahi baja la, o Yesus uwa wo'iginii'i yoohama o hongene ma baa'oru'u.32Geena'a de 'ai'a'uli'awa, o booko ma lepe imadahali'i ma inomo o de'u ma timi-timino. O to'ata geena yomahi baja o Yesusi'a la yoohama o boo-booki'a. Ho o Yesus wo'ihi mote'e ona.33Geena'a o to'ata geena yohupu unano, de yoohama o boo-booki'a geena. Ho ena 'iloa, o ba'oro'a de yau'u ima tebulu, ho ilutuo'au otalaga'u.34O booko yogoa-goana yama'e o geena imadadi, ona yoloa yomapa-palitana, de yohi'a'angahu o habari geena o bendara de o hoa-hoani'a nage ihori-horino.35Ho o nyawa-nyawa yohupu la ona yataila'o o'iau idadio'au. Ona yo'aino o Yesusino, de geena'a ona wima'eno ma nyawa wihiai-ai'o'au, o to'atino ge, wogogelu'u o Yesus awi dou ma date'o'a. Una womabajuo'au de awi hingina itiaio'au. Ho ona duru widomodongo o Yesusi'a.36Ona nage yama'e-ma'e o oraha geena yohiade-ade o nyawa-nyawa'a ito-to'iau o Yesus wihiai'i ma nyawa guuna.37O Gerasa ma hoana moi geena, yogaaho'o de yohulo'o la o Yesus wamada o hoana geena matiti ona yohawana. Geena'a de Una wopalene o ngootilie de yolio o Galilea'a.38Ma nyawa wotogu-togumo'au ge, wogaaho'o o Yesusi'a la una woni-i'i. Ma o Yesus wiihulo'o wolio. De witemo,39<<Noliou ani woa'a, de nohi habari o'iau nage ma Jou ma Dutu wodiaio'au ngona'a.>>
Ho ma nyawa guuna wolio de wotagi wohiabari o bendarao'a geena, o'iau nage o Yesus wodiaio'au una'a.40Ma oraha o Yesus woliono o talaga ma hongonano, o nyawa manga lepe wihobo'o de dulu yoma ere, matiti Una wita-tamaau.41Geena'a de woboano womatengo awi ronga o Yairus. Una geena o Yahudio'a manga dodoomu iovi-ovi ma woa'a ma baluhu, una tilawabu'u-'u o Yesus awi douo'a de wogaaho'o la o Yesus wa'ai'a awi woa'a,42matiti awi ngowa'a o ngewe'a 'a momatengo'a, poelua ami taunu mogioo'o de modidi, hali'i mohongenou. Hode ona yomadagi'a o Yairus awi woa'a, moi-moino 'aiwi hibeeto'a.43Geena'a moma tengohi o taunu mogioo'o de modidiou, o aunu mo'opoa. Muna ma booto'au ami araata ma wu'unu la momahi houlu o dote-doteri'a ma 'amoiwa yadadi yaai'i ami panya'e.44Ma ngewe'a geena momahihori o Yesus awi duduniha, de ma tigi awi juba ma baleni'a. 'Ageena ma oraha ami panya'e itogumo'au.45O Yesus wohano, <<Nagoonau itigi Ngoino?>>
Moi-moi 'ayomahipongono. Duga o Petrus wotemo, <<Aba, o nyawa dulu yolepe nihi gilolitino; ona 'ainihi 'abeeto Aba!>>46O Yesus wotemo, <<Iolo ma naga o nyawa itigi Ngoi. Ngoi tomana'o, matiti naga o guata ihupu Ngoio'a.>>47Ma ngewe'a geena ma na'o o Yesus mina'o'au. Ho muna mo'aino moloha'o'a de ma tilabu'u-'u o Yesus awi biono'a. Geena'a de muna mohiade-ade o nyawa manga lepe-lepe'a geena, itoto'iau ho muna matigi o Yesus awi baju i'a-'a'ulu'u, de 'ageena ma oraha muna motogumo'au.48O Yesus mitemo muna'a, <<'ai ngowa'a, matiti ngona Noi nga'u, ho ngona noai'o'au. Notagiou de ma loaha.>>49Ma oraha o Yesus 'awoma ade-adehi, moi o hu-hulo'o yoboa o Yairus awi woa'a de yaino. Ona yotemo o Yairusi'a, <<Ani ngowa'a mohongeno'au. Ho ngaro uwau tuanga nowihiehe o huha ma Aba Guru'a.>>50Ma oraha o Yesus woihene geena, Una wiitemo o Yairusi'a, <<Uwa nohawana 'aido-doawa ho. Itigoo'o Noi nga'u, ani ngowa'a aha mowangoli.>>51Ho de o Yairus awi woa'a yomahiadoni'a, O Yesus 'awoolu'u geedau winii'i yoohama, duga-duga 'ao Petrus, o Yohanes, o Yakobus, ma eha de ma dea ma ngowa'a geena.52O nyawa manga lepe yoali de yodo-dora matiti ma ngowa'a geena ihongeno'au. Ma o Yesus wotemo, <<Uwa nioali. O ngowa'a neena 'a mohonengua, muna 'amonihu'o'a!>>53Ona wihi iyete o Yesusi'a, matiti ona yana'o-na'o ma ngowa'a geena mohongeno'au.54De o Yesus wagagao'a ami giami'a de aha wotemo, <<E nene nomomi'i>>55de ami nyawa ilio ho mowangoli de momomi'i. De aha o Yesus wohulo'o la ma ngoa'a geena mitowo.56Ma eha de ma dea duru yoheranga. Ma o Yesus 'awohigumadawa ona ihiade-ade geena o nyawa-nyawa'a.
De woade-ade'a o hi'atero geena, o Yesus wotemo, <<O'iau Totemo'au nio ihene nihidi-diai!>>9O Yesus awi ni-nii'i yohano o Yesusi'a o'iau ma ngale o hi'atero geena.10O Yesus wopaluhu, <<Ngini ni'ula'au o cocatu la niana'o itoto'iau ma Jou ma Dutu wo'oana. Ma o nyawa ma homoa 'iani po'idoto'o de o hi'atero, la yahingina ma o yana'owa o'iau aha idadi; de ona yoihene, ma 'oyomahi na'owa.>>11<<Onane mangariti o hi'atero geena: O gihi-hi geena ma Jou ma Dutu awi demo.12O gihi-hi iota-ota'a o nge'omu'u geena hara ge 'ao nyawa yoihene o demo geena. Ma o to'ata ma 'oana iboa de yaora ma Jou ma Dutu awi demo geena manga hingina'a, la uwa ona yonga'u de uwa yohalamata.13O gihihi iota-ota'a o tona'a ihe-heleo'u, geena hara 'ao nyawa yoihene o habari geena de yaehe de duru yomagarago. Ma o habari geena 'aimahingutu'ua manga hingina'a. Ona yonga'u 'ajai-jai, ho de ma oraha o dadaili yaohana, ona 'ayonga'uwau ma Jou'a.14O gihihi iota-ota'a o hihi'a ma doda'u geena harage'ao nyawa yoihene o habari geena ma, yododato de manga wowango yodabali o dunia ma araata de o dunia ma hanaanga. Geenau moi-moi yo'ihiaduu'u, ho ona 'aihupuwa o howo'o ma owa.15O gihi-hi nage iota-ota'a o tona'a irarahai'u, geena harage 'ao nyawa yoiheno'au o habari ma Jou ma Dutuno, de yaiyunu manga hingina'a de yopeleeha yadiai ma Jou awi demo. Ngaro ona yaohana o 'angela ona 'ayoma togumua yodiai o owa manga wowango'a.>>16<<'Amoiwa o nyawa manga hilo yatuu'i'a de yatamunu'u de o rube e'ola yanoa'u manga dalingi ma timi'u. Ona aha yanoa toena ma ngiio'a la, na'o o nyawa yoohama ona yama'e ma hiwa.17Iiyu-iyuni'a aha imahi maiti ho yama'e de yana'o. De moi-moi nage 'ayapongo-pongono aha ihupu ho yoihene moi-moi.18Matiti geenau ho niohi-hininga o 'iau tinihi ngahuo'au neena. Na'o tonagoonau demaena'au, aha yo'ido-dogo iholoi iamo'oli; ma tonagoonau nage 'aihowono aha yaeheli onano.>>19O Yesus ma eha de awi ria dodoto, yoboa o Yesusino ma o nyawa 'ayolepeli ho ona 'ayadadiwa ya'ai'a.20Ho o nyawa moi yo'ai'a de yotemo o Yesusi'a, <<Aba, ani eha de ani riadodoto do'a ma duduno'a. Ona yomau nima'a ma'e de ngona Aba.>>21Ma, o Yesus wo'itemo ona'a, <<O nyawa yoihe-ihene ma Jou ma Dutu awi demo de yadiai, goona 'ai eha de 'ai riadodoto.>>22O wange moi'u o Yesus de awi ni-nii'i yodoa o ngootilie. De o Yesus wo'itemo, <<Niaino potagi o talaga ma hongona'a,>> ho ona ma yotagi.23Ma oraha ona magigiria'a yodihidete, O Yesus womaidu. De yatodo'anino o rato duru 'aopau ma talaga'a geena. Ma a'ele ma iohamo'au manga ngo-otilino ho, hali'i yoboditou.24Ho ona ya'ai'a de witomanga o Yesus. Ona yotemo, <<Aba guru, Aba guru, ngone po boditou!>> O Yesus womomi'i de wataaele o dado'o de o mo'u-mo'u geena. O dado'o de o mo'u-mo'u geena iogo, de o talaga ma durue 'aomuliili.25De o Yesus wo'itemo Awi ni-nii'i'a <<Idodoau ho ngini 'aninga'uwa Ngoino?>>
Ona yoheranga de yohawana. De yoma'a ade-ade moi de moi'a, <<Ee wolo 'ouwa igoungu ma nyawa moi nuuna, bee'a Wahulo'o o dado'o de o mo'u-mo'u iogo de ena ma wihi ngounu!>>26O Yesus de Awi ni-nii'i yogila-gila yodihidete hiadono o Gerasa ma daeraa'a o Galilea ma talaga ma hongona'a.27Ma oraha o Yesus wouti ma dudungiha, o naulu moi o to'ata widongohami'a, o bendaro'a de waino woboa o Yesusiino. Madaaonou una 'awomahe'ono'a de 'awoolu'u wogogele o woa'a. Una womanoa 'aoboohu'u ma woa-woa'a.28Ma oraha de wima'e o Yesus, una woma orehe de watilabu'u'u o Yesus awi biono'a de wogaaho'o, <<Yesus, ma Jou ma Dutu wo'a-'a'ulie Awi ngowa'a! Uwa noiruae, togaaho'o uwa noido-doa'ani!>>29Ma nyawa guuna woma orehe matiti o Yesus wahulo'o o to'ata geena imaai'ou awi roehino. Una geena wihidi-digalio'au widongohama o to'ata, hiadono ngaro awi giama de awi dou yali'o'au de o rante, de wigoana wihidi-diai, ma 'aidadiwa 'awatoa'o'a awi lili'o geena de aha o to'ata wiaha o tona'a i'a'ahane'a.30O Yesus wohano una'a, <<Ani ronga naguunau?>> De una wopaluhu, <<o Legiun,>> Hababu ma lepe'u o to'ata widongohamo una'a.31O to'ata geena ihidi-digali yomahi baja la, o Yesus uwa wo'iginii'i yoohama o hongene ma baa'oru'u.32Geena'a de 'ai'a'uli'awa, o booko ma lepe imadahali'i ma inomo o de'u ma timi-timino. O to'ata geena yomahi baja o Yesusi'a la yoohama o boo-booki'a. Ho o Yesus wo'ihi mote'e ona.33Geena'a o to'ata geena yohupu unano, de yoohama o boo-booki'a geena. Ho ena 'iloa, o ba'oro'a de yau'u ima tebulu, ho ilutuo'au otalaga'u.34O booko yogoa-goana yama'e o geena imadadi, ona yoloa yomapa-palitana, de yohi'a'angahu o habari geena o bendara de o hoa-hoani'a nage ihori-horino.35Ho o nyawa-nyawa yohupu la ona yataila'o o'iau idadio'au. Ona yo'aino o Yesusino, de geena'a ona wima'eno ma nyawa wihiai-ai'o'au, o to'atino ge, wogogelu'u o Yesus awi dou ma date'o'a. Una womabajuo'au de awi hingina itiaio'au. Ho ona duru widomodongo o Yesusi'a.36Ona nage yama'e-ma'e o oraha geena yohiade-ade o nyawa-nyawa'a ito-to'iau o Yesus wihiai'i ma nyawa guuna.37O Gerasa ma hoana moi geena, yogaaho'o de yohulo'o la o Yesus wamada o hoana geena matiti ona yohawana. Geena'a de Una wopalene o ngootilie de yolio o Galilea'a.38Ma nyawa wotogu-togumo'au ge, wogaaho'o o Yesusi'a la una woni-i'i. Ma o Yesus wiihulo'o wolio. De witemo,39<<Noliou ani woa'a, de nohi habari o'iau nage ma Jou ma Dutu wodiaio'au ngona'a.>>
Ho ma nyawa guuna wolio de wotagi wohiabari o bendarao'a geena, o'iau nage o Yesus wodiaio'au una'a.40Ma oraha o Yesus woliono o talaga ma hongonano, o nyawa manga lepe wihobo'o de dulu yoma ere, matiti Una wita-tamaau.41Geena'a de woboano womatengo awi ronga o Yairus. Una geena o Yahudio'a manga dodoomu iovi-ovi ma woa'a ma baluhu, una tilawabu'u-'u o Yesus awi douo'a de wogaaho'o la o Yesus wa'ai'a awi woa'a,42matiti awi ngowa'a o ngewe'a 'a momatengo'a, poelua ami taunu mogioo'o de modidi, hali'i mohongenou. Hode ona yomadagi'a o Yairus awi woa'a, moi-moino 'aiwi hibeeto'a.43Geena'a moma tengohi o taunu mogioo'o de modidiou, o aunu mo'opoa. Muna ma booto'au ami araata ma wu'unu la momahi houlu o dote-doteri'a ma 'amoiwa yadadi yaai'i ami panya'e.44Ma ngewe'a geena momahihori o Yesus awi duduniha, de ma tigi awi juba ma baleni'a. 'Ageena ma oraha ami panya'e itogumo'au.45O Yesus wohano, <<Nagoonau itigi Ngoino?>>
Moi-moi 'ayomahipongono. Duga o Petrus wotemo, <<Aba, o nyawa dulu yolepe nihi gilolitino; ona 'ainihi 'abeeto Aba!>>46O Yesus wotemo, <<Iolo ma naga o nyawa itigi Ngoi. Ngoi tomana'o, matiti naga o guata ihupu Ngoio'a.>>47Ma ngewe'a geena ma na'o o Yesus mina'o'au. Ho muna mo'aino moloha'o'a de ma tilabu'u-'u o Yesus awi biono'a. Geena'a de muna mohiade-ade o nyawa manga lepe-lepe'a geena, itoto'iau ho muna matigi o Yesus awi baju i'a-'a'ulu'u, de 'ageena ma oraha muna motogumo'au.48O Yesus mitemo muna'a, <<'ai ngowa'a, matiti ngona Noi nga'u, ho ngona noai'o'au. Notagiou de ma loaha.>>49Ma oraha o Yesus 'awoma ade-adehi, moi o hu-hulo'o yoboa o Yairus awi woa'a de yaino. Ona yotemo o Yairusi'a, <<Ani ngowa'a mohongeno'au. Ho ngaro uwau tuanga nowihiehe o huha ma Aba Guru'a.>>50Ma oraha o Yesus woihene geena, Una wiitemo o Yairusi'a, <<Uwa nohawana 'aido-doawa ho. Itigoo'o Noi nga'u, ani ngowa'a aha mowangoli.>>51Ho de o Yairus awi woa'a yomahiadoni'a, O Yesus 'awoolu'u geedau winii'i yoohama, duga-duga 'ao Petrus, o Yohanes, o Yakobus, ma eha de ma dea ma ngowa'a geena.52O nyawa manga lepe yoali de yodo-dora matiti ma ngowa'a geena ihongeno'au. Ma o Yesus wotemo, <<Uwa nioali. O ngowa'a neena 'a mohonengua, muna 'amonihu'o'a!>>53Ona wihi iyete o Yesusi'a, matiti ona yana'o-na'o ma ngowa'a geena mohongeno'au.54De o Yesus wagagao'a ami giami'a de aha wotemo, <<E nene nomomi'i>>55de ami nyawa ilio ho mowangoli de momomi'i. De aha o Yesus wohulo'o la ma ngoa'a geena mitowo.56Ma eha de ma dea duru yoheranga. Ma o Yesus 'awohigumadawa ona ihiade-ade geena o nyawa-nyawa'a.
The Seed Company