O LUKAS22
1Manga wange ma amo'o o roti 'oiragi-ragiwa, yatehongo o Paskah ma wange ihorio'au.2O imam-imam manga hae'e, de o agama yodoto-doto'o yohi'ahali'i ma nge'omo, la witooma o Yesus 'aya iyu-iyunu, matiti ona yo'idomodongo o nyawa yolepe-lepe'a.3Geena'a de o to'ata ma 'oana widongohama o Yudasi'a, nage witehongoli o Iskariot, una geena ma, o Yesus awi ni-nii'i yaamogioo'o de yamididio'a.4Ma ngale geena o Yudas wotagi o imam manga hae-hae'i'a, de ma Jou ma Dutu awi woa ma go-goana manga hae-hae'i'a, la itoto'iau una wihilapahi o Yesus ona'a.5Ona duru yomaere, de yotemo aha wi'ula o pipi6O Yudas wohimote'e de wohali'ou ma oraha la Una wihilapahi ona'a, o nyawa 'oyana'owa.7Hode yaadono manga wange maamo'o roti 'oiragi-ragiwa 'iani yotoa'a o duba la o Paskah ma wange ma ngodomo yodiai.8Ho, o Yesus wo'ihulo'o o Petrus de o Yohanesi'a, wotemo, <<Niotagiou lanihi'adiai tongone nanga Paskah ma wange ma inomo.>>9O na yohano <<O'ia'a 'iani ngomi mihi'adiai?>>.10O Yesus wopaaluhu, <<Ma oraha ngini nio o ohama o bendari'a ngini aha nima'a ma'e de o naulu moi o a'ele womahi mo'uno. Niwi nii'i awi woa'a hitigi una woohama,11de nio temo ma woa ma dutu'a geena: <Manaio, mia Aba guru wotemo, 'ia'a ma ngi 'ai ni-nii'i de Ngoi mio odomo o Paskah mainomo?>12Ma woa ma dutu geena, aha wohimaiti o ngii moi 'iamo-amo'o da'u o hilima'a, de ma pa'a'aha itiaio'au. Geena'a ngini nihi'adiai.>>13Geena'a, ona yotagi de itiai yama'e harage'a o Yesus watehongoau ge. Ho ona ma yohi'adiai o Paskah ma inomo.14Ho, de ma oraha yaadono ona yoodomo o Paskah ma inomo geena o Yesus de awi ni-nii'i yo gogelu'u yoodomo.15De o Yesus wo'itemo ona'a, <<Ngoi duru tomau toodomo o Paskah ma inomo neena dede ngini, ma oraha ngoi 'ai toomawahi!16Hababu, nio nga'u: Ngoi done 'atoodomuau hara 'oneenali hiadono ma mangariti ma ngodomo neena ihimaiti ma Jou ma Dutu awi pareta'a.>>17Geena'a de o Yesus wagoa'a o angguru ma hawo'o, de watehongo ma Jou ma Dutu'a, de aha Wotemo, Niaehe neena, de nima'ato'u'a;18De niana'o: Neena'a de imahi i'a ngoi 'otoo'eluwau ma angguru neena hiadono ma Jou ma Dutu wopareta'ahi.19Iduanga geena o Yesus waehe o roti. De wodahaubayanga, Una wapela-pela'a de awi giama, de aha wo'i'ula ona'a de wotemo, <<Neenau 'ai roehe ihilapahi matiti o ngini. Niadiai 'oneenau la niihingina Ngoi.>>20O geenali de iduangino yaodomo, Una wo'i'ula o hawo'o de ma angguro'a de wotemo, <<O hawo'o neena geena o jaji ma duulu ma Jou ma Dutuno nage ihi tatapu de 'ai aunu i'o-'opoa ma ngale ngini.21Ma, nimataila'o! Ma nyawa nage woihigimama hoa-hoata una neena'a naga woodomo dede ngoi!22O nyawa ma ngowa'a itiai 'iani wohongene ho'o'ia ma Jou ma Dutu wohitatapuo'au; ma wobodito ma nyawa guuna, nage woihigiama mahoa-hoata.23Ho geena'a de ona yoma'a'ahano moi de moi'a, nagoonau yodiaio'au toona manga hidogorona'a.24Awi nini'o'a ipuda o ganamoto matiti nagoonau iholoi yoamo'o manga hidogorona'a.25O Yesus wo'itemo ona'a; o bangiha ma 'oa-'oana nage awina'o-na'owa ma Jou ma Dutu yo'ituu'u manga 'awaha, de yo'u'uaha yo'itehongo o 'awaha ma gogoana.26Ma ngini 'aidadiwa o geena. Haramoioli, o nyawa yoamo'o nginio'a 'iani yodadi iholoi yoete'e nginio'a, de yohibalu-baluhu 'iani yoleleani.27Ho, nagoonau iholoi yoamo'o: o nyawa nage yogogelu'u yoodomo o ama'o'a, e'ola nage yoleleleani? 'Iani 'awogoo-gogelu'u nage. Ma Ngoi naga nginio'a todadi tini leleani.28'Ai hangihara ma hidogorona'a, ngini 'ade de ngoi.29Harage 'a 'ai Dea woihiataho'au la topareta, o geenali de ngini aha tinii'ula o ataha geena.30De o geenau done ngini aha 'ade-de ngoi pomahi ra-rahai poodomo de poo'ele o ama'o'a moi ma oraha ngoi to 'oano'au. De ngini aha niodogogele o 'oana awi gogogele mogioo'o de modidi, la nia pareta o Israelo'a manga bangihaa'a mogio'o de modidi.>>31<<Simon, Simon, noihene! O to'ata ma 'oana igaaho'o'au ma Jou ma Dutu'a la nitaili ngini'a; harage'ao bira ihi 'atinga'a de ma afa hiadono ma owa ihi'a tinga'a de ma diiha.32Ma ngoi to nii dahaubayango'au Simon, la ani ngonga'u uwa iihanga. De na'o ngona nolio'au oli Ngoino, ngona 'iani no'ihipau ani ria do-doto manga ngonga'u.>>33O Petrus wopaluhu, <<Jou ngoi 'atomode'e to bui de to hongene poma'a nii'i Jou!>>34O Yesus wotemo <<Ngaro 'anonga'u Petrus, ma wutu neena o namo 'ai holenuahi, ngona ma haangeu nomahi pongono.>>35Iduangino geena o Yesus wotemo ona'a, <<Ma hila ma oraha Ngoi tinii hulo'o ngini, de tini higumadawa nimagaha o pipi ma ngi, o toe e'ola o tarupa, bote naga nihi du'uranga?>> Ona yopaluhu <<'A'ouwa!>>36O Yesus wotemo, <<Nena'a naga, tonagoonau de manga pipi ma ngi, e'ola de manga toe'a 'iani niaahano; de toonagoonau manga dia, 'a'oiwa 'iani yawu'unu manga baju la Yoma do goo'o o dia.37Hababu, nio nga'u, o Bo'u iofi-ofi itemo'au o onane, Una harage 'ao nyawa ma diiha, geena 'iani idadi 'ai roeho'a. Hababu o'iau ituliho'au o Bo'u iofi-ofii'u idadio'au o oraha neena.>>38Awi ni-nii'i yotemo <<Jou, nama'e e nanga dia neena modidio'a.>>
O Yesus wopaluhu, <<Yaowa'au.>>39O Yesus wamada o bendara, de hara awi biaha una wotagi o Zaitun ma bohu'a de awi ni-nii'i ma yo ni'i.40Ma oraha yomahi adoni'a geena'a, Una wo'itemo ona'a, <<Nima dahaubayanga la uwa ngini nioota'a na'o nii taili.>>41Geena'a de una umatinga'a 'ai'a'uli'awa bote ho po'aweli'ani de o heleo ma ga'uli'a de aha watilabu'u'u de womadahaubayanga.42Una wotemo, <<Aba, na'o'ai dadi, de noihi tinga'a o hangihara nage 'iani Ngoi taoha-ohana neena. Ma, uwa imote'e de tongoi 'ai hingina, ma duga de atongona ani mau.>> [43O malai'ata moi iboa unano de wihi wi'ula o guata Una'a.44O Yesus awi hingina iholoi i'angela hiadono una 'age'au uma dahaubayanga. Awi goloingoto harage 'aoaunu itege o tona'u'u.]45Iduangino uma dahaubayanga, o Yesus woma 'ilioli awi ni-nii'ino. Una wo'i ma'eno ona yonihu'o'au ma ngale manga hingina ihuha.46De Una wo'itemo ona'a, <<idodoau ho ngini nio nihu'u? Nio momi'i de nima dahaubayanga la ngini uwa niaohana o dadaili.>>47O Yesus 'awomaa ade-adehi, ena yoboano'au o nyawa o duono moi. Geena'a de o Yudas womahidutu'u o Yesusi'a de wi ame una'a.48Ma, o Yesus wotemo una'a, <<Yudas noi ame neena ani mau o nyawa ma ngowa'a noi hilapahi?>>49Ma oraha awi ni-nii'i geena'a yama'e o geena imadadi ona yotemo, <<Jou mi'i cobou bote de nanga dia'a ho!>>50Geena'a de awi ni-nii'i womatengo wiioto o imam woamo-amo'o awi gilaongo de o dia hiadono awi ngau'u ma guida'a itoa'a.51Ma o Yesus wiitemo, <<Uwau!>> De aha Una wagagao awi ngau'i'a ho awi ngau'u ima 'agilio.52Geena'a de o Yesus wo'itemo o imam manga hae-hae'i'a, de ma Jou ma Dutu awi woa ma gogoana ma balu-baluhu, de o Yahudi o'a manga hae-hae'e, yoboa-boano witago'o ge, <<Bote niote ngoi neena totingi'ai, hiadono nio boano niitago'o de o dia de o palo-palo?53Ena tohiwange moi Ngoi de dengini ma Jou ma Dutu awi woa'a, ma ngini 'a niitago'uwa. Ma, neenau ma oraha ngini niodiai o neenau, ma oraha o daluhu ni'uahano.>>54Ona witago'o o Yesus de wiaha ma imam ma amo'o awi woa'a. O Petrus winniii'i ma aumahidutu'ua.55O bibino'a yataulie'au o u'u, o Petrus ma geena'a de nyawa-nyawa yogogogelu'u ihigogilolitino.56O ngewe'a moi mo le-leleani mima'e o Petrus wogogelu'u o u'u madate'o'a geena. De muna miigegelelo o Petrusi'a, de motemo, <<Ma nyawa nuuna 'aano yoma'anii'i de o Yesus!>>57Ma, o Petrus womahi pongono. Una wotemo, <<Ngoi duru 'atowina'owa ma nyawa guuna!>>58Geena'a de, ma homoali wima'e o Petrus de wotemo, <<Ngona o ma nowi niinii'i o Yesus!>>
Ma o petrus wopaluhu, <<'ouwa, 'angoiwa!>>59Poelua o ta'o moi ipahano, moi oli widorohu wotemo, <<Itiai! Ma nyawa nuuna o Yesus awini-nii'i hababu una ma, o Galilea ma nyawa!>>60Ma o Petrus wo paluhu, <<O'iau ani dumutu, ngoi 'a tana'owa!>> Ma una woma ade-ade 'ai paha wahi, ena o namo iholeno'au.61O Yesus woma 'ilio'o de wi taila'o Petrus i'a. De aha o Petrus womahingina ma Jou awi demo una'a, <<Neena ma wutu o namo 'ai holenuahi ngona ma haangeu nomahi pongono o 'anoi na'owa.62Ho o Petrus wohupu de woali aleua de wihowo-howonu'ou.>>63Ma Nyawa-nyawa nage wigoa-goana o Yesus, yomahi guguule de wi poha.64Ona awi la'o yatamuno'o de, wi hano, <<Bee'a na tataana nagoonau ini poha?>>65De, ma lepehi manga demo iti-tiiha wi hidemo Una'a.66Ma dewelano o Yahudi o'a manga balu-baluhu, o imam manga hae-hae'e de o Agama'a yo doodoto-doto'o yoma polu, de wi aha o Yesus toona manga Agama ma ha'imi'a.67Ona yotemo Una'a, <<Nimihi ngahuno, Ngonau neena ma 'oana wohi hahalamata?>>
O Yesus wopaluhu, <<Ngaro Ngoi tatehongo ngini'a, ma ngini o nio nga'uwa.68De na'o Ngoi tinii hano ngini'a ngini 'oniana'owa69Ma, neena de imahi i'a, o nyawa ma ngowa'a aha wo dogogele ma Jou ma Dutu duru wo 'u'uaha awi guidao'a.>>70Ona moi-moi yotemo, <<Na'o o geena, ngona neena ma Jou ma Dutu awi ngowa'a?>>
O Yesus wo paluhu, <<itiaio'au imote'ee niademo.>>71Geena'a de yotemo, <<Ngaro uwau de o ha'ihi! Ngone poiheno'au to una awi uluha mahirete!>>
O Yesus wopaluhu, <<Yaowa'au.>>39O Yesus wamada o bendara, de hara awi biaha una wotagi o Zaitun ma bohu'a de awi ni-nii'i ma yo ni'i.40Ma oraha yomahi adoni'a geena'a, Una wo'itemo ona'a, <<Nima dahaubayanga la uwa ngini nioota'a na'o nii taili.>>41Geena'a de una umatinga'a 'ai'a'uli'awa bote ho po'aweli'ani de o heleo ma ga'uli'a de aha watilabu'u'u de womadahaubayanga.42Una wotemo, <<Aba, na'o'ai dadi, de noihi tinga'a o hangihara nage 'iani Ngoi taoha-ohana neena. Ma, uwa imote'e de tongoi 'ai hingina, ma duga de atongona ani mau.>> [43O malai'ata moi iboa unano de wihi wi'ula o guata Una'a.44O Yesus awi hingina iholoi i'angela hiadono una 'age'au uma dahaubayanga. Awi goloingoto harage 'aoaunu itege o tona'u'u.]45Iduangino uma dahaubayanga, o Yesus woma 'ilioli awi ni-nii'ino. Una wo'i ma'eno ona yonihu'o'au ma ngale manga hingina ihuha.46De Una wo'itemo ona'a, <<idodoau ho ngini nio nihu'u? Nio momi'i de nima dahaubayanga la ngini uwa niaohana o dadaili.>>47O Yesus 'awomaa ade-adehi, ena yoboano'au o nyawa o duono moi. Geena'a de o Yudas womahidutu'u o Yesusi'a de wi ame una'a.48Ma, o Yesus wotemo una'a, <<Yudas noi ame neena ani mau o nyawa ma ngowa'a noi hilapahi?>>49Ma oraha awi ni-nii'i geena'a yama'e o geena imadadi ona yotemo, <<Jou mi'i cobou bote de nanga dia'a ho!>>50Geena'a de awi ni-nii'i womatengo wiioto o imam woamo-amo'o awi gilaongo de o dia hiadono awi ngau'u ma guida'a itoa'a.51Ma o Yesus wiitemo, <<Uwau!>> De aha Una wagagao awi ngau'i'a ho awi ngau'u ima 'agilio.52Geena'a de o Yesus wo'itemo o imam manga hae-hae'i'a, de ma Jou ma Dutu awi woa ma gogoana ma balu-baluhu, de o Yahudi o'a manga hae-hae'e, yoboa-boano witago'o ge, <<Bote niote ngoi neena totingi'ai, hiadono nio boano niitago'o de o dia de o palo-palo?53Ena tohiwange moi Ngoi de dengini ma Jou ma Dutu awi woa'a, ma ngini 'a niitago'uwa. Ma, neenau ma oraha ngini niodiai o neenau, ma oraha o daluhu ni'uahano.>>54Ona witago'o o Yesus de wiaha ma imam ma amo'o awi woa'a. O Petrus winniii'i ma aumahidutu'ua.55O bibino'a yataulie'au o u'u, o Petrus ma geena'a de nyawa-nyawa yogogogelu'u ihigogilolitino.56O ngewe'a moi mo le-leleani mima'e o Petrus wogogelu'u o u'u madate'o'a geena. De muna miigegelelo o Petrusi'a, de motemo, <<Ma nyawa nuuna 'aano yoma'anii'i de o Yesus!>>57Ma, o Petrus womahi pongono. Una wotemo, <<Ngoi duru 'atowina'owa ma nyawa guuna!>>58Geena'a de, ma homoali wima'e o Petrus de wotemo, <<Ngona o ma nowi niinii'i o Yesus!>>
Ma o petrus wopaluhu, <<'ouwa, 'angoiwa!>>59Poelua o ta'o moi ipahano, moi oli widorohu wotemo, <<Itiai! Ma nyawa nuuna o Yesus awini-nii'i hababu una ma, o Galilea ma nyawa!>>60Ma o Petrus wo paluhu, <<O'iau ani dumutu, ngoi 'a tana'owa!>> Ma una woma ade-ade 'ai paha wahi, ena o namo iholeno'au.61O Yesus woma 'ilio'o de wi taila'o Petrus i'a. De aha o Petrus womahingina ma Jou awi demo una'a, <<Neena ma wutu o namo 'ai holenuahi ngona ma haangeu nomahi pongono o 'anoi na'owa.62Ho o Petrus wohupu de woali aleua de wihowo-howonu'ou.>>63Ma Nyawa-nyawa nage wigoa-goana o Yesus, yomahi guguule de wi poha.64Ona awi la'o yatamuno'o de, wi hano, <<Bee'a na tataana nagoonau ini poha?>>65De, ma lepehi manga demo iti-tiiha wi hidemo Una'a.66Ma dewelano o Yahudi o'a manga balu-baluhu, o imam manga hae-hae'e de o Agama'a yo doodoto-doto'o yoma polu, de wi aha o Yesus toona manga Agama ma ha'imi'a.67Ona yotemo Una'a, <<Nimihi ngahuno, Ngonau neena ma 'oana wohi hahalamata?>>
O Yesus wopaluhu, <<Ngaro Ngoi tatehongo ngini'a, ma ngini o nio nga'uwa.68De na'o Ngoi tinii hano ngini'a ngini 'oniana'owa69Ma, neena de imahi i'a, o nyawa ma ngowa'a aha wo dogogele ma Jou ma Dutu duru wo 'u'uaha awi guidao'a.>>70Ona moi-moi yotemo, <<Na'o o geena, ngona neena ma Jou ma Dutu awi ngowa'a?>>
O Yesus wo paluhu, <<itiaio'au imote'ee niademo.>>71Geena'a de yotemo, <<Ngaro uwau de o ha'ihi! Ngone poiheno'au to una awi uluha mahirete!>>
The Seed Company