O LUKAS23
1Geena'a de moi-moi ma dodoomu o'a geena, yomagoa'a dede yotagi, wi aha o Yesus o Pilatus awi bioni'a.2Geena'a ona iwi 'ala'i. Ona yotemo, <<Ngomi miwima'e ma nyawa nuuna wo'ihi doba'a o 'awaha ihowo-howoni'a. Una wo'ibuju'u o nyawa la uwa yohangu o balahitenge ma 'oana ma amo'i'a, hababu wotemo una o Kristus, o 'oana moi.>>3Geena'a de o Pilatus wihano o Yesusi'a, <<Igoungu ngona neena o Yahudio'a manga 'oana?>> O Yesus wopaluhu, <<Imote'e ho 'a ani demo.>>4De o Pilatus wotemo o imam-imam manga hae'i'a de o nyawa yolepe-lepe'a geena, <<Ngoi 'amoima 'otama'ewa awi howono ho'aidaadiwa ma nyawa nuuna powi ho-howono.>>5Ma ona duru iholoi oli yo ganamoto, yotemoli <<De awi do-doto'o una wo'ibaja o Yudea'a moi-moi; o Galilea'a de yaino hiadono neena'au yaino.>>6Ma oraha o Pilatus woihene geena, una wohano <<Igoungungu ma nyawa nuuna o Galilea'a?>>7Ho de iwihingahu o Yesus geena awiahala, ma tona'a o Herodes awipareta'a, o Pilatus wihidingoto o Yesus o Herodes i'a, o oraha geena unao ma o Yerusalemo'a waino.8O Herodes duru woma ere ma oraha una wima'e O Yesus, matiti ma daaou una wigiiheno'a de waigo wima'e Una. O Herodes, wongano-nganono done wama'e ihera-heranga o Yesus wodiai.9Hababu geena o Herodes wo'ula o hahano duru ilepe Una'a, ma, o Yesus'ao demo moi ma 'owopaluhuwa.10O imam manga hae'e-hae'e de manga Agama'a yodoto-doto'o ma, yotaali'a geena'a de iwihi roruju iwitae iholoi itoohau'u.11O Herodes de awi hurudado yomahi guguule de iwi hohedu o Yesus, de aha iwi hinoa'u o 'oana ma baju, de aha iwihidingotoli iwihigilio o Pilatusino.12O Herodes de o Pilatus 'amahilahi yoma'a buhulu, ma 'ama wange geena ona yoma'amanaio'auoli.13O Pilatus wo'i polu o imam manga hae-hae'e de yohibalu-baluhu de o 'awaha,14De wo'itemo ona'a, <<Ngini niwiahano ma nyawa nuuna ngoino, de niotemo una o nyawa-nyawa wo'iaha o diiha'a. O oraha neena niabiono'a ngoi towitaila'o'au, ma ngoi 'amoio de 'otama'ewa awi howono nage ngini niateho-tehongo.15'Ogeenali de o Herodes, hababu o Yesus wiihidingoto'au oli ngomino. Ma nyawa nuuna o wodiaiwa o howono hiadono 'iani powiho-hongene.16Matiti geena ngoi aha towipoha'a de towi pidilou.>>
[17Imote'e toona manga ma adata, o Paskah ma wange o pilatus 'iani wo'ihihupu o nyawa moi yobui-bui'a imote'e, to 'awaha.]18Ma, o nyawa yomalomu-lomuno geena'a, yomaorehe, <<Powi tooma'a Una! De niwihi hupu o Barabas ngomino!>>19(O Barabas wobui matiti o bendaro'a wa'a-'aruae de wotooma.)20Ma, o Pilatus tanu wiihipidili o Yesus, de o ho-howono geena, hababu geena Una womaa ade-adeli o nyawa yolepe-lepe'a.21Ma ona yomaorehe, <<Powihidele o Saliipu'u! Powi hidele o Saliipu'u!>>22Ho ma haange'au wodigali o Pilatus wo'itemo ona'a, <<Ma, o'iau done Awi howono? Ngoi 'amoio de 'otama'ewa touna awi howono ho 'ayadaenua de o ho-howono powiho-hongene! Ngoi aha towi poha'a una, de towipidili.>>23Ma, ona 'oyamadawa yomaorehe yapau-paude 'iani o Yesus wisalipi. De ma baha'u manga ga-gaaho'o geena o Pilatus wohimote'e24Ho, o Pilatus waputuhu o Yesus iwiho-hongene imote'e o nyawa goona manga mau,25de wiipidili o Barabas imote'e toona manga ga-gaaho'o, o Barabas guuna ge wobui matiti wohi bubura'iti de wototooma. De aha o Yesus iwiihilapahi o nyawa yolepe-lepe la, yodiai imote'e toona manga hingina ma mau.26Geena'a de o Yesus iwiaha. O nge'omo ma goronano, Ona yoma'ama'e de o nyawa moi awi ronga o Simon, awi ahala o Kireneno, o bendara ma duduno'a de waino Ona iwitago'ino de iwihulo'o wamo'u o Salib geena o Yesus awi dudunino.27Manga lepe o nyawa winii'i o Yesus awi dudunino, de yaamuluo naga ma nge-ngewe'a. Ona wigali o Yesusi'a yohi gali betongo.28Ma, o Yesus womalelo'o de wo'itemo, <<Ee! 'Odo ngini o Yerusalem ma nge-ngewe'a! Uwa nigali ngoi. Nio dagali tingini niaroehe mahirete de nia ngoa-ngoa'a.29Hababu ma oraha moi aha yaadono o nyawa done yotemo, <Duru youtumu o nge-ngewe'a nage, 'ayohiaha-ahawa o ngowa'a, de manga ngowa'a 'oiwa, de 'ayahuuhu-huwa o ngowa'a ma ete'e!>30Ma oraha geenau o nyawa aha yotemo o de'u-de'u'a, <Nimi tapadu ngomi!> De o do-doporoni'a, <Nimii tamunu ngomi!>31Hababu bali'uwa ngoi o gota ma wangono ma ona 'oneena yodiai, de na'o 'angini o gota ma hongeni'a done iholoioli nidiai.>>32Nagali ma homoa yamididi o nyawa ma diiha, ona yo'iahano la, yo'ihohongene yo'ihi'anii'i de ma Jou Yesus.33Ma oraha ona yomahi adono o ngii moi'a ma ronga o Tengkorak, Ona iwi Salib o Yesus de ma nyawa ma diiha yamidi-di geena, Womatengo awi guida'o'a de womatengoli Awi gubalio'a.34De aha o Yesus woma niata, <<Aba, tanu no'ihi apongo! Hababu ona 'oyana'owa o'iau yodiai neena.>>
Geena'a ona yoma'a to'u awi pa'eanga de ma nge'omo o undi youmo.35O nyawa manga lepe youngini yomahi go'o-go'ono geena'a, de o Yahudio'a yohibalu-baluhu, iwihohedu o Yesus de yotemo, <<Una 'aidadi o nyawa ma homoa wo'ihihalamata; bee'a o oraha neena Una wohihalamata awi roehe, na'o igou-goungu Una, ma 'oana wohi hahalamata nage wiili-ili'o'au ma Jou ma Dutu!>>36De o hurudado ma iwihohedu Una'a. Ona yoboano, yomahihori'a de Iwihio'ele o angguru icu'a-cu'a37De yotemo, <<Na'o ngona o Yahudio'a manga 'oana, i'au bee'a nohihalamatou Ani roehe mahirete!>>38Ma salib ma gota'o o Yesus awi hae'e ma de'ude, yatulihi'a ma demo 'oneena: <<Nuunau o Yahudio'a ma nyawa manga 'oana.>>39Naga womatengo o nyawa ma diiha iwisaliipi'a una ma, wiihohedu o Yesus. Una wotemo, <<Ngona neena ma 'oana no'ihi hahalamata ge? Bee'a nohi halamata ani roehe de dengomi imiimidi-di!>>40Ma o nyawa ma diiha womatengo witaaele awi manai'a geena, wotemo <<E idodoau ho ngona 'anowii domodongua ma Jou ma Dutu? Ngona ini hohongene hara'a Una.41Duga ngone inaamididi nanga ho-howono ima'a daene de podidiaio'au. Ma una duru awi howono 'a'oiwa!>>42De aha wotemo, <<Yesus,! Tanu Noi hingina ngoi, na'o ma oraha noboali de 'oano'au!>>.43O Yesus witemo <<Noi nga'u! 'A ma wange neena ngona de ngoi do'a o Firdaus ma doda'au.>>44Poelua o ta'o mogioo'o de modidi o wange i'orona, o wange 'oihiwa wau, De ma daera geena moi-moi'a italuhu hiadono o ta'o haange o wange ilenge'a.45Dema Jou ma Dutu Awi ngi ma da-dato'o ihide-hidelu'u ge iracanga ituele modidio'a.46De aha o Yesus womaorehe womahi gaho'o wa pau-paude, <<Aba Ani giama mahoati'a Tohilapahi 'ai nyawa!>> Woma ade-ade'au 'ogeena, Una wohongene.47Ma oraha o hurudado manga hae'e wama'e geena moi-moi, una wi higilili ma Jou ma Dutu. De aha wotemo, <<Igoungu! Una 'oiwa awi hala!>>48O nyawa manga lepe yoboano geena'a yaungini la, yama'e o 'iau idadi. Ona moi-moi yolio de manga hingina duru ihuha.49De moi-moi o Yesus awi ma-manai, de ma nge-ngewe'au nage winini'i o Galileano, yoma higo'ono maga'ulo'a de yoo gegelelo moi-moi geena.50Naga womatengo awi ronga o Yusuf, awi ahala o Arimatea ma bendarino o Yoda ma tona'o'a. Una o nyawa ma owa de o nyawa duru wihoromati de nage wotatama ma oraha ma Jou ma Dutu wopareta wodadi o 'oana. Ngaro igoungu una o Agama ma ha'imi, una 'owohi mote'ua o Agama ma ha'imi manga butuhu de manga didiai geena.52O Yusup una, wotagi o Pilatusi'a de wogaaho'o la o Yesus awi maiyeti yo'ula una'a la wiipoohu'u.53De aha una wohiguti o Yesus awi maiyeti o saliipu'u, de wihihaono de o hongene ma ha-hao o linen iare-arehe. Iduangino geena, Una wiinoa o boohu'o'a wodi-diai o de'u ihe-heleo'a. Ma boohu'u geena 'ama hungiohi54O wange geena o Jumata ma wange; de o hiaini ma wange ihorio'au.55Ma nge-ngewe'a iwini-nii'ino o Yesus o Galileano iwinii'i o Yusuf yataila'o ma boohu'u geena. De yataila'o itoto'iau o Yesus awi maiyeti yanoa o boohu'u ma doda'a.56De aha yolio de yohali'i ogooro de o'iauhona ma bounu ihemo-hemo la ihii'ili o Yesus awi maiyeti'a.
Yomahi ai-aini ma wange'a, ona yomahi aini ma ngale yamote'e toona manga agama ma demo.
[17Imote'e toona manga ma adata, o Paskah ma wange o pilatus 'iani wo'ihihupu o nyawa moi yobui-bui'a imote'e, to 'awaha.]18Ma, o nyawa yomalomu-lomuno geena'a, yomaorehe, <<Powi tooma'a Una! De niwihi hupu o Barabas ngomino!>>19(O Barabas wobui matiti o bendaro'a wa'a-'aruae de wotooma.)20Ma, o Pilatus tanu wiihipidili o Yesus, de o ho-howono geena, hababu geena Una womaa ade-adeli o nyawa yolepe-lepe'a.21Ma ona yomaorehe, <<Powihidele o Saliipu'u! Powi hidele o Saliipu'u!>>22Ho ma haange'au wodigali o Pilatus wo'itemo ona'a, <<Ma, o'iau done Awi howono? Ngoi 'amoio de 'otama'ewa touna awi howono ho 'ayadaenua de o ho-howono powiho-hongene! Ngoi aha towi poha'a una, de towipidili.>>23Ma, ona 'oyamadawa yomaorehe yapau-paude 'iani o Yesus wisalipi. De ma baha'u manga ga-gaaho'o geena o Pilatus wohimote'e24Ho, o Pilatus waputuhu o Yesus iwiho-hongene imote'e o nyawa goona manga mau,25de wiipidili o Barabas imote'e toona manga ga-gaaho'o, o Barabas guuna ge wobui matiti wohi bubura'iti de wototooma. De aha o Yesus iwiihilapahi o nyawa yolepe-lepe la, yodiai imote'e toona manga hingina ma mau.26Geena'a de o Yesus iwiaha. O nge'omo ma goronano, Ona yoma'ama'e de o nyawa moi awi ronga o Simon, awi ahala o Kireneno, o bendara ma duduno'a de waino Ona iwitago'ino de iwihulo'o wamo'u o Salib geena o Yesus awi dudunino.27Manga lepe o nyawa winii'i o Yesus awi dudunino, de yaamuluo naga ma nge-ngewe'a. Ona wigali o Yesusi'a yohi gali betongo.28Ma, o Yesus womalelo'o de wo'itemo, <<Ee! 'Odo ngini o Yerusalem ma nge-ngewe'a! Uwa nigali ngoi. Nio dagali tingini niaroehe mahirete de nia ngoa-ngoa'a.29Hababu ma oraha moi aha yaadono o nyawa done yotemo, <Duru youtumu o nge-ngewe'a nage, 'ayohiaha-ahawa o ngowa'a, de manga ngowa'a 'oiwa, de 'ayahuuhu-huwa o ngowa'a ma ete'e!>30Ma oraha geenau o nyawa aha yotemo o de'u-de'u'a, <Nimi tapadu ngomi!> De o do-doporoni'a, <Nimii tamunu ngomi!>31Hababu bali'uwa ngoi o gota ma wangono ma ona 'oneena yodiai, de na'o 'angini o gota ma hongeni'a done iholoioli nidiai.>>32Nagali ma homoa yamididi o nyawa ma diiha, ona yo'iahano la, yo'ihohongene yo'ihi'anii'i de ma Jou Yesus.33Ma oraha ona yomahi adono o ngii moi'a ma ronga o Tengkorak, Ona iwi Salib o Yesus de ma nyawa ma diiha yamidi-di geena, Womatengo awi guida'o'a de womatengoli Awi gubalio'a.34De aha o Yesus woma niata, <<Aba, tanu no'ihi apongo! Hababu ona 'oyana'owa o'iau yodiai neena.>>
Geena'a ona yoma'a to'u awi pa'eanga de ma nge'omo o undi youmo.35O nyawa manga lepe youngini yomahi go'o-go'ono geena'a, de o Yahudio'a yohibalu-baluhu, iwihohedu o Yesus de yotemo, <<Una 'aidadi o nyawa ma homoa wo'ihihalamata; bee'a o oraha neena Una wohihalamata awi roehe, na'o igou-goungu Una, ma 'oana wohi hahalamata nage wiili-ili'o'au ma Jou ma Dutu!>>36De o hurudado ma iwihohedu Una'a. Ona yoboano, yomahihori'a de Iwihio'ele o angguru icu'a-cu'a37De yotemo, <<Na'o ngona o Yahudio'a manga 'oana, i'au bee'a nohihalamatou Ani roehe mahirete!>>38Ma salib ma gota'o o Yesus awi hae'e ma de'ude, yatulihi'a ma demo 'oneena: <<Nuunau o Yahudio'a ma nyawa manga 'oana.>>39Naga womatengo o nyawa ma diiha iwisaliipi'a una ma, wiihohedu o Yesus. Una wotemo, <<Ngona neena ma 'oana no'ihi hahalamata ge? Bee'a nohi halamata ani roehe de dengomi imiimidi-di!>>40Ma o nyawa ma diiha womatengo witaaele awi manai'a geena, wotemo <<E idodoau ho ngona 'anowii domodongua ma Jou ma Dutu? Ngona ini hohongene hara'a Una.41Duga ngone inaamididi nanga ho-howono ima'a daene de podidiaio'au. Ma una duru awi howono 'a'oiwa!>>42De aha wotemo, <<Yesus,! Tanu Noi hingina ngoi, na'o ma oraha noboali de 'oano'au!>>.43O Yesus witemo <<Noi nga'u! 'A ma wange neena ngona de ngoi do'a o Firdaus ma doda'au.>>44Poelua o ta'o mogioo'o de modidi o wange i'orona, o wange 'oihiwa wau, De ma daera geena moi-moi'a italuhu hiadono o ta'o haange o wange ilenge'a.45Dema Jou ma Dutu Awi ngi ma da-dato'o ihide-hidelu'u ge iracanga ituele modidio'a.46De aha o Yesus womaorehe womahi gaho'o wa pau-paude, <<Aba Ani giama mahoati'a Tohilapahi 'ai nyawa!>> Woma ade-ade'au 'ogeena, Una wohongene.47Ma oraha o hurudado manga hae'e wama'e geena moi-moi, una wi higilili ma Jou ma Dutu. De aha wotemo, <<Igoungu! Una 'oiwa awi hala!>>48O nyawa manga lepe yoboano geena'a yaungini la, yama'e o 'iau idadi. Ona moi-moi yolio de manga hingina duru ihuha.49De moi-moi o Yesus awi ma-manai, de ma nge-ngewe'au nage winini'i o Galileano, yoma higo'ono maga'ulo'a de yoo gegelelo moi-moi geena.50Naga womatengo awi ronga o Yusuf, awi ahala o Arimatea ma bendarino o Yoda ma tona'o'a. Una o nyawa ma owa de o nyawa duru wihoromati de nage wotatama ma oraha ma Jou ma Dutu wopareta wodadi o 'oana. Ngaro igoungu una o Agama ma ha'imi, una 'owohi mote'ua o Agama ma ha'imi manga butuhu de manga didiai geena.52O Yusup una, wotagi o Pilatusi'a de wogaaho'o la o Yesus awi maiyeti yo'ula una'a la wiipoohu'u.53De aha una wohiguti o Yesus awi maiyeti o saliipu'u, de wihihaono de o hongene ma ha-hao o linen iare-arehe. Iduangino geena, Una wiinoa o boohu'o'a wodi-diai o de'u ihe-heleo'a. Ma boohu'u geena 'ama hungiohi54O wange geena o Jumata ma wange; de o hiaini ma wange ihorio'au.55Ma nge-ngewe'a iwini-nii'ino o Yesus o Galileano iwinii'i o Yusuf yataila'o ma boohu'u geena. De yataila'o itoto'iau o Yesus awi maiyeti yanoa o boohu'u ma doda'a.56De aha yolio de yohali'i ogooro de o'iauhona ma bounu ihemo-hemo la ihii'ili o Yesus awi maiyeti'a.
Yomahi ai-aini ma wange'a, ona yomahi aini ma ngale yamote'e toona manga agama ma demo.
The Seed Company