O LUKAS20
1Ma wange moi'u, o Yesus wodoto'o de wohiabari o habari ma owa ma Jou ma Dutuno, o nyawa manga lepe-lepe'a ma Jou ma Dutu awi woa'a. O imam manga hae-hae'e, o agama yodoto-doto'o, yoma'anii'i de o Yahudio'a manga hae-hae'e, yoboa2de yotemo o Yesusi'a, <<Bee'a nimihi ngahuno o'iau ma goa ho hiadono nodiai neena moi-moi? Nagoonau ini'ula o 'uaha ngona'a?>>3O Yesus wopaluhu, <<Ngoi ma tiniihanohi. Bee'a Niihingahuno,4O Yohanes woohi-ohi'i wo'iohi'i o nyawa de tonagoonau manga 'uaha, ma Jou ma Dutuno e'ola 'ao nyawano?>>5Ho ona yoma'a dibanga, yotemo <<Na'o ngone potemo, de ma Jou ma Dutu awi 'uaha, Una done wotemo, Na'o o geena idodoau ho 'aniwinga'uwa Una'a?6Ma na'o ngone potemo, de o nyawa ma 'uaha, o nyawa moi-moi done ina a'weli ngoneno de o heleo, Hababu ona yonga'u o Yohanes geena o nabi moi>>,7Ho ona yopaluhu yotemo, <<Ngomi 'omiana'owa.>>8Geena'a de o Yesus wotemoli ona'a, <<Na'o o geena, ngoi ma tatehonguwa ngini'a de tonagoonau manga 'uaha ngoi todiai moi-moi neena.>>9O Yesus wo'ihi ade-ade ma nyawa'a goona, o hi'atero moi oli wotemo. <<Naga womatengo o nyawa wotudu'u o angguru o baili moi. De wo'ihigagao'a yamuluo naga, de aha wotagi o tona'a ma homoa'a, do'a wai'a womanoa awi daao.10Ho de ma oraha yaadono yotowi ma angguru, ma baili ma dutuge wihulo'o womatengo wileleleani wotagi yo'a'arajaangi'a la waehe awi do'u. Ma yo'a'arajaanga goona wipoha wolele-leani'a guuna de wihulo'o wolio de awi giama ama dodauwa.11Ho, ma baili ma dutuge wiihulo'o wolele-leani womatengoli; una ma wipohali de wihi mae-mae'e yo'a'arajaanga nage, de aha wihulo'o wolio de awi giama ama dodauwa.12De aha ma baili ma dutu ge wihulo'oli womatengo woleleleani de nuuna ho, yahaangeu. Una ma 'aiwipoha'ali yo'a'arajaanga goona, de wiumo'a ma baili ma duduni'a.13Ma baha'u ma baili ma dutu wotemo, <Neena done tatoto'iahi? Ngoi aha towihulo'o 'ai ngowa'a ma dutu towihi boho-bohono ge. Na'o una geena maraio'au ona done wiihoromati.>14Ma de yo'a'arajaanga ge wima'e ma baili ma dutu awi ngowa'a, ona yoma'a ade-ade, <Nuunau ma baili ma dutu awi ngowa'a o warisi woga-ga-gao. Ho niaino powitooma'a la ma baili neena 'atongoneuho.>15Geena'a de ona wido-doba'a o baili ma duduni'a de witooma'a.>>
De aha o Yesus wohano, <<Ho na'o ma baili ma dutu woliono, una done wo'idodoau yo'a'arajaangi'a ge?16Geena done woboano de wo'itooma wo'iboo-booti'a yo'a'arajaanga goona, de wo'ihi gagao yo'a'arajaanga ma homoali.>>
Ma nyawa yoihe-ihene geena'a yotemo o Yesusi'a.
<<E tanu uwa hiadono 'ogeena imadadi!>>17O Yesus wo'igelelo'a de wotemo, <<Na'o o geena, itoto'iau ma mangariti o Bo'u ibe-berehi ma rue'u neena?O heleo ge yaumo-umo'a o woa yodidiai, imadadio'au o woa ma babangini.18Moi-moi o nyawa na'o yo'itapadu ma heleo'u geena done yowedele; de nagoonau yo'itapadu ma heleo geena yo'ipeeto ho, yodadi harage 'a o beetou.>>19O agama'a yodoto-doto'o de o imam manga hae-hae'e yoma na'o ma hi'atero geena ma dumutu ona'a. Matiti geena ho ona yohi'ahali'i la witago'o 'ageena ma oraha, ma ona yo'idomodongo o nyawa yolepe-lepe'a.20Ho ona yohali'i ma oraha itero-tero. Ona yo'idahangu o nyawa-nyawa'a la, yomadiai harage 'ao nyawa yotitiai, de yohulo'o ona'a wibole ma goa-goa de manga ha-hano o Yesusi'a la ona hiadono idadi wi'ala'i, de wiaha ma gubernur awi pareta'a.21Ho ma nyawa-nyawa yo'idadahanguo'au ge, witemo o Yesusi'a, <<Aba guru, ngomi mia na'o moi-moi nateho-tehongo'auge, de ani dodoto'o geena itiai. De mia na'o Aba nodoto'o nimihi titiaino, ma ngale ma Jou ma Dutu awi mau o nyawano, hababu aba ngona o nyawa 'a noili-ili'uwa.22Matiti geena ho bee'a nimihingahuno, imote'e mia agama ma behehongo, 'Aidadi pohangu o balahiteenge ma 'oana maamo'i'a e'ola 'oidadiwa?>>23Ma o Yesus wana'o manga hingina'a itiiha. Matiti geena ho una wotemo,24<<Be'a niihimaitino o tiwi o hala'a o ngodumu moi. Tonagonau manga gambara de manga ronga neena?>>
Ona yopaluhu <<Toma 'oana ma amo'o!>>25O Yesus wo'itemoli ona'a <<Na'o o geena, nio'ula ma 'oana ma amo'i'a, na'o toma 'oana ma amo'o de ma Jou ma Dutu'a na'o toma Jou ma Dutu.>>26O nyawa yolepe-lepe manga biono'a geena 'amoio de 'oyama'ewa o Yesus awi hala. Ona 'ayohidiliilu'u de yoheranga touna awi babaluhu geena.27Ya muluo naga o Farizio'a yo'aino o Yesusino. Ona goona 'oyonga'uwa o nyawa yohongeno'a de yowangoli. Ona wihano o Yesusi'a,28<<Aba guru, o Musa watuliho'au tongone nanga bobita 'onaneda: Na'o naga o naulu moi wohongene de una awi ngowa'a 'oiwa, geena 'iani ma dodoto mimodo'a ma bao gumuna, la na'o o ngoa'a yomaa dama'e una wohi gila-gila, awi guti wohonge-hongeno'au ge.29Naga yatumudiingi olia'a de dodoto. O lia-lia'ie womodo'a, ma una hiadono wohongene awi ngowa'a 'a'oiwa.30De aha widadu'u miimodo'ali ma bao geena, ma una ma 'awohongene awi ngowa'a 'oiwa.31O geenali idadi ma dodotu'u moi oli hiadono yaa tumudiingi hona yohongene yoboobooti'a ma manga ngoa'a 'oiwa.32Ma baha'u ma ngewe'ali mohongene.33Ho na'o ma oraha o nyawa yohonge-hongene yowangoli, nagoonau done manga we'ata ma ngewe'a gumuna? Ona yaa tumudiingi hona mimodo'a'au.>>34O Yesus wopaluhu, <<O oraha neena o nyawa yowango-wango yomodo'a,35Ma o nyawa nagonauhona halingou yomomi'oli o hongenino, de yowango o oraha aha iboa-boali, ona yomodo'awa.36Ona harage 'aomalae'ata, de 'ayohongenuwau. Ona geena ma Jou ma Dutu awi ngowa-ngowa'a, hababu ona yowango'au o hongenino.37O Musa mahirete wohingahuo'au de ma diai ngaro o nyawa yohongeno'au done yowangoli. Wohituliho'au ma ngale o ubutu ihihihi'a ihiru-hiru ge, Una watehongo ma Jou guuna, o Abraham, o Ishak, de o yakub manga Jou ma Dutu, wihuba-huba38Ho, ma Jou ma Dutu guuna 'oyohonge-hongenua manga Jou ma Dutu! Una o nyawa yowango-wango manga Jou ma Dutu hababu na'o ma Jou ma Dutu awi biono'a o nyawa moi-moi powango.>>39Yaa muluo naga o agama yodoto-doto'o yotemo, <<Ani ba-baluhu Aba Guru igoungu duru itero.>>40Ma hababu geena ho ona 'oyomoinuawau wihano o 'iani moi o Yesusi'a.41O Yesus wohano o nyawa yolepe-lepe'a geena'a, <<Itoto'iauho o nyawa yotemo ma 'Oana wohiha-halamata o Daut awi guti'u?42Ena mo-mongo o Daut mahirete wotemo'au o Mazmur ma bo'u ma doda'u,<Ma Jou wotemo 'ai Tuangi'a:Nogogelu'u 'ai guida'o'a43Hiadono tadiai ani ha-haturuunihigihene ngona'a.>44Hona'o o Daut witehongo ma 'oana wohiha-halamati'a geena ma Jou, itoto'iau una o Daut awi guti'u?>>45Ma oraha o nyawa manga lepe yohigihene o Yesus womaade-ade, una wo'itemo awi ni-nii'i'a,46<<Nima hitiari o agama yodoodoto-doto'i'a. Ona yaigo yomaadagi-dagi de manga baju i'a'alu'u, de yaigo yo'itabea o paha-paharo'a. Ona yaigo yogogele yodaduiha o dodoomu ma woa'a de orame'a.47Ona yo'ihohori'i o ba-bao'a de manga woa ma yaora. De yatamunu manga diiha geena, de yomadahaubayanga ya'a'a'ulu! Toona manga baradoha done durue itubuho!>>
De aha o Yesus wohano, <<Ho na'o ma baili ma dutu woliono, una done wo'idodoau yo'a'arajaangi'a ge?16Geena done woboano de wo'itooma wo'iboo-booti'a yo'a'arajaanga goona, de wo'ihi gagao yo'a'arajaanga ma homoali.>>
Ma nyawa yoihe-ihene geena'a yotemo o Yesusi'a.
<<E tanu uwa hiadono 'ogeena imadadi!>>17O Yesus wo'igelelo'a de wotemo, <<Na'o o geena, itoto'iau ma mangariti o Bo'u ibe-berehi ma rue'u neena?O heleo ge yaumo-umo'a o woa yodidiai, imadadio'au o woa ma babangini.18Moi-moi o nyawa na'o yo'itapadu ma heleo'u geena done yowedele; de nagoonau yo'itapadu ma heleo geena yo'ipeeto ho, yodadi harage 'a o beetou.>>19O agama'a yodoto-doto'o de o imam manga hae-hae'e yoma na'o ma hi'atero geena ma dumutu ona'a. Matiti geena ho ona yohi'ahali'i la witago'o 'ageena ma oraha, ma ona yo'idomodongo o nyawa yolepe-lepe'a.20Ho ona yohali'i ma oraha itero-tero. Ona yo'idahangu o nyawa-nyawa'a la, yomadiai harage 'ao nyawa yotitiai, de yohulo'o ona'a wibole ma goa-goa de manga ha-hano o Yesusi'a la ona hiadono idadi wi'ala'i, de wiaha ma gubernur awi pareta'a.21Ho ma nyawa-nyawa yo'idadahanguo'au ge, witemo o Yesusi'a, <<Aba guru, ngomi mia na'o moi-moi nateho-tehongo'auge, de ani dodoto'o geena itiai. De mia na'o Aba nodoto'o nimihi titiaino, ma ngale ma Jou ma Dutu awi mau o nyawano, hababu aba ngona o nyawa 'a noili-ili'uwa.22Matiti geena ho bee'a nimihingahuno, imote'e mia agama ma behehongo, 'Aidadi pohangu o balahiteenge ma 'oana maamo'i'a e'ola 'oidadiwa?>>23Ma o Yesus wana'o manga hingina'a itiiha. Matiti geena ho una wotemo,24<<Be'a niihimaitino o tiwi o hala'a o ngodumu moi. Tonagonau manga gambara de manga ronga neena?>>
Ona yopaluhu <<Toma 'oana ma amo'o!>>25O Yesus wo'itemoli ona'a <<Na'o o geena, nio'ula ma 'oana ma amo'i'a, na'o toma 'oana ma amo'o de ma Jou ma Dutu'a na'o toma Jou ma Dutu.>>26O nyawa yolepe-lepe manga biono'a geena 'amoio de 'oyama'ewa o Yesus awi hala. Ona 'ayohidiliilu'u de yoheranga touna awi babaluhu geena.27Ya muluo naga o Farizio'a yo'aino o Yesusino. Ona goona 'oyonga'uwa o nyawa yohongeno'a de yowangoli. Ona wihano o Yesusi'a,28<<Aba guru, o Musa watuliho'au tongone nanga bobita 'onaneda: Na'o naga o naulu moi wohongene de una awi ngowa'a 'oiwa, geena 'iani ma dodoto mimodo'a ma bao gumuna, la na'o o ngoa'a yomaa dama'e una wohi gila-gila, awi guti wohonge-hongeno'au ge.29Naga yatumudiingi olia'a de dodoto. O lia-lia'ie womodo'a, ma una hiadono wohongene awi ngowa'a 'a'oiwa.30De aha widadu'u miimodo'ali ma bao geena, ma una ma 'awohongene awi ngowa'a 'oiwa.31O geenali idadi ma dodotu'u moi oli hiadono yaa tumudiingi hona yohongene yoboobooti'a ma manga ngoa'a 'oiwa.32Ma baha'u ma ngewe'ali mohongene.33Ho na'o ma oraha o nyawa yohonge-hongene yowangoli, nagoonau done manga we'ata ma ngewe'a gumuna? Ona yaa tumudiingi hona mimodo'a'au.>>34O Yesus wopaluhu, <<O oraha neena o nyawa yowango-wango yomodo'a,35Ma o nyawa nagonauhona halingou yomomi'oli o hongenino, de yowango o oraha aha iboa-boali, ona yomodo'awa.36Ona harage 'aomalae'ata, de 'ayohongenuwau. Ona geena ma Jou ma Dutu awi ngowa-ngowa'a, hababu ona yowango'au o hongenino.37O Musa mahirete wohingahuo'au de ma diai ngaro o nyawa yohongeno'au done yowangoli. Wohituliho'au ma ngale o ubutu ihihihi'a ihiru-hiru ge, Una watehongo ma Jou guuna, o Abraham, o Ishak, de o yakub manga Jou ma Dutu, wihuba-huba38Ho, ma Jou ma Dutu guuna 'oyohonge-hongenua manga Jou ma Dutu! Una o nyawa yowango-wango manga Jou ma Dutu hababu na'o ma Jou ma Dutu awi biono'a o nyawa moi-moi powango.>>39Yaa muluo naga o agama yodoto-doto'o yotemo, <<Ani ba-baluhu Aba Guru igoungu duru itero.>>40Ma hababu geena ho ona 'oyomoinuawau wihano o 'iani moi o Yesusi'a.41O Yesus wohano o nyawa yolepe-lepe'a geena'a, <<Itoto'iauho o nyawa yotemo ma 'Oana wohiha-halamata o Daut awi guti'u?42Ena mo-mongo o Daut mahirete wotemo'au o Mazmur ma bo'u ma doda'u,<Ma Jou wotemo 'ai Tuangi'a:Nogogelu'u 'ai guida'o'a43Hiadono tadiai ani ha-haturuunihigihene ngona'a.>44Hona'o o Daut witehongo ma 'oana wohiha-halamati'a geena ma Jou, itoto'iau una o Daut awi guti'u?>>45Ma oraha o nyawa manga lepe yohigihene o Yesus womaade-ade, una wo'itemo awi ni-nii'i'a,46<<Nima hitiari o agama yodoodoto-doto'i'a. Ona yaigo yomaadagi-dagi de manga baju i'a'alu'u, de yaigo yo'itabea o paha-paharo'a. Ona yaigo yogogele yodaduiha o dodoomu ma woa'a de orame'a.47Ona yo'ihohori'i o ba-bao'a de manga woa ma yaora. De yatamunu manga diiha geena, de yomadahaubayanga ya'a'a'ulu! Toona manga baradoha done durue itubuho!>>
The Seed Company