O LUKAS17
1O Yesus wo'itemo awi ni-nii'i'a, <<O'iau nage moi yodiai hiadono o nyawa ma homoa yobaradoha geena demaena'a. Ma yobodito o nyawa yodi-diai ma haala geena!2Iholoi yaowa o heleo 'iamo-amo'o, yo'ihili'o'a manga toma'a, de aha yo'iumo o gahi'u, uwa hiadono o nyawa manga ngonga'u ipauwa-pauwa neena, yodiai o baradoha.3Hababu geena, nimahitiari! Na'o nia riadodoto yodiai o baradoha ni'itaaeli'a. Na'o yoma toduba, ni'ihi apongi'a.4De na'o ona yobaradoha ngona'a o wange moi ma tumudiingi, ma na'o yodi-digalino yoboa ngonano de yomahilooaha, ngona 'iani no'ihiapongo.>>5Ma Jou Yesus awi hu-hulo'o, yotemo <<Jou, tanu mia ngonga'u 'uata.>>6Ma Jou wopaluhu, <<Na'o ngini de niangonga'uo'a ho o sa-sawi ma mui oni, ngini nia ade-ade o gota iamo-amo'i'a, <Noapu'u de o gahi'u nomahibeloho,> done ma gota geena yodomote'e nia hu-hulo'o.>>7<<Na'o ngini nia gilaongo moi, yo'a'arajaanga nia bailo'a e'ola nia duba yogoa-goana. Na'o ma oraha nia gilaongo geena woliono, marai done ngini 'aniotemowa una'a <Walao itaiti'ae la noodomoho>8Geena done nia gilaongi'a niotemo, <'ai inomo nanoa'u. Noma hinoa anibaju ibe-berehi de noitama toodomo de too'ele; la iduangino de aha ngona noodomo.>9Wolele-leani ge ngaro uwa niwihidaiana, hababu una wamote'o'au awi tuanga, wohulo-hulo'o10O geenali de ngini. Na'o ngini niadiaio'au nihulo-hulo'o ngin'a, geena done niotemo, <Ngomi 'ao le-leani biaha; ngomi duga mia diai mia 'arajaanga.> >>11O Yesus awi dodagio'a o Yerusalemi'a, Una wanii'i o Samaria de o Galilea ma hiribatingiha.12Ma oraha yodongohama o hoana moi'a, Una wiidoboano yaamogioo'o yopado-pado. Ona yomatinga'a manga ga'uli'a yomahigo'ono13de yomaorehe, <<Yesus! Tuanga! Tanu nimidora!>>14Ho de o Yesus wo'itaila'o'a, una wotemo, <<Niotagiou o imam-imami'a la niogaaho'o yataila'o nia roehe.>>
O nge'omo ma goronano ona yomao manga panya'e iai'o'au.15Geena'a de uma tengo wamao awi panya'e itogumu'au, una woma'ilio de wipuji ma Jou ma Dutu.16De aha o Yesus awi bionu'u, una wabu'u'u de wihuba de wosyukuuru o Yesusi'a. Una geena o Samaria'a ma nyawa.17Geena'a de o Yesus wotemo, <<'Aano nimogioo'o! Moi-moi nioai'o'au, ho 'ia'aona yaahiwohi?18Idodoau ho 'a o Yahudio 'awa ma nyawa woma'ilio de wosyukuuru ma Jou ma Dutu'a?>>19Geena'a de o Yesus wiitemo ma nyawa'a guuna, <<Nomagoa'ie de notagiou. Hababu ngona no nga'u, ho noai'o'au.>>20Yamuluo naga o Frisio'a yohano o Yesusi'a muluo'a ma Jou ma Dutu woboa la woparetau. O Yesus wopaluhu, <<Ma Jou ma Dutu awi pareta geena ihitihilawa de o dudunguu nage o nyawa 'ayama'e21hiadono o nyawa yotemo, <Bee'a niwima'e, Una nengo'a!> E'ola, <Una do'ae!> Hababu ma Jou ma Dutu wopareta'au nia hidogorona'a!>>22De iduangino geena o Yesus wo'itemo awi ni-nii'i'a, <<Ma oraha aha yaadono ngini done niomau iti o wange moi niwi ma'e o nyawa ma ngowa'a awi wange'a, ma ngini 'aidadiwa niwi ma'e.23Geena done o nyawa nitemo ngini'a, <Niwigelelo Una do'a> e'ola <Una nengo'a!> Ma uwa ngini niohupu niwi hali'i una'a.24Harage'a o leletongo icacawi o diwango'a, de ma bangoro ma dobi'o'a de ma dobi'i'a, o geenali done aha imadadi ma oraha o Nyawa ma Ngowa'a Awi wange'u.25Ma ma di-dihila'a Una 'iani wohangihara de o nyawa manga lepe awi olu'u ma oraha geena.26Na'o o nyawa ma ngowa'a awi wange'u womahi maiti imadiai harage 'amahila ma oraha ma nabi Nuh.27O nyawa yoodomo de yoo'ele de yomodo'a; 'a'ogeenau manga wowango, hiadono o Nuh woohama awi ngootili'a de o nguuihi iboa ho yo'iho-hongene o nyawa moi-moi geena.28O geenali de ma oraha o Lot 'awowangohi. O nyawa yoodomo de yoo'ele, yomawu'unu de yogoo'o, yomadabaili de manga woa yomahi goo'o.29Ma, ma oraha o Lot wohupuo'au o Sodomino, o wange geena o u'u de o walira iuti o diwangu'u ho ona yo'iho-hongeno'a moi-moi.30O geenau done imadadi na'o de ma oraha yaadono o Nyawa ma ngowa'a woboali.31Ma wange geena o nyawa nage da'u o woa ma de'uo'a uwau youti yaehe manga 'iahona moi-moi manga woa ma doda'a. 'Ogenali de o nyawa naga o bailo'a uwa yolio manga woano.32Nio hingina o'iau nage idaa-dadio'au o Lot ma we'ato'a!33O nyawa nage yodinii'i o dunia ma ba-baja aha iihanga manga wowango 'ahiado-adoni'a. Ma o nyawa nage o yanii'ua o dunia ma ba-baja, goona aha yohalamata.34Nio nga'u: O wutu geena, na'o o dangili moi yaamidi-di yomaiduo'a, done moi yo'iaha de moi yo'imada'a.35O ngewe'a yamidi-dio'a o bira yotutu'u, momatengo done miaha de momatengo done mimada'a.>> [36Na'o naga Yaamidi-di o bailo'a yo'arajaangi'a done moi yo'iaha de moi yo'imada'a.]>>37Awi ni-nii'i yohano o Yesusi'a, <<Jou o'ia'a geena aha idadi?>>
O Yesus wopaluhu, <<'Ia'a naga o aewani ma hongene, geena'a de o wogono'a o geenali de ngoi o Nyawa ma Ngowa'a toboa done o dunia'u moi yana'o.>>
O nge'omo ma goronano ona yomao manga panya'e iai'o'au.15Geena'a de uma tengo wamao awi panya'e itogumu'au, una woma'ilio de wipuji ma Jou ma Dutu.16De aha o Yesus awi bionu'u, una wabu'u'u de wihuba de wosyukuuru o Yesusi'a. Una geena o Samaria'a ma nyawa.17Geena'a de o Yesus wotemo, <<'Aano nimogioo'o! Moi-moi nioai'o'au, ho 'ia'aona yaahiwohi?18Idodoau ho 'a o Yahudio 'awa ma nyawa woma'ilio de wosyukuuru ma Jou ma Dutu'a?>>19Geena'a de o Yesus wiitemo ma nyawa'a guuna, <<Nomagoa'ie de notagiou. Hababu ngona no nga'u, ho noai'o'au.>>20Yamuluo naga o Frisio'a yohano o Yesusi'a muluo'a ma Jou ma Dutu woboa la woparetau. O Yesus wopaluhu, <<Ma Jou ma Dutu awi pareta geena ihitihilawa de o dudunguu nage o nyawa 'ayama'e21hiadono o nyawa yotemo, <Bee'a niwima'e, Una nengo'a!> E'ola, <Una do'ae!> Hababu ma Jou ma Dutu wopareta'au nia hidogorona'a!>>22De iduangino geena o Yesus wo'itemo awi ni-nii'i'a, <<Ma oraha aha yaadono ngini done niomau iti o wange moi niwi ma'e o nyawa ma ngowa'a awi wange'a, ma ngini 'aidadiwa niwi ma'e.23Geena done o nyawa nitemo ngini'a, <Niwigelelo Una do'a> e'ola <Una nengo'a!> Ma uwa ngini niohupu niwi hali'i una'a.24Harage'a o leletongo icacawi o diwango'a, de ma bangoro ma dobi'o'a de ma dobi'i'a, o geenali done aha imadadi ma oraha o Nyawa ma Ngowa'a Awi wange'u.25Ma ma di-dihila'a Una 'iani wohangihara de o nyawa manga lepe awi olu'u ma oraha geena.26Na'o o nyawa ma ngowa'a awi wange'u womahi maiti imadiai harage 'amahila ma oraha ma nabi Nuh.27O nyawa yoodomo de yoo'ele de yomodo'a; 'a'ogeenau manga wowango, hiadono o Nuh woohama awi ngootili'a de o nguuihi iboa ho yo'iho-hongene o nyawa moi-moi geena.28O geenali de ma oraha o Lot 'awowangohi. O nyawa yoodomo de yoo'ele, yomawu'unu de yogoo'o, yomadabaili de manga woa yomahi goo'o.29Ma, ma oraha o Lot wohupuo'au o Sodomino, o wange geena o u'u de o walira iuti o diwangu'u ho ona yo'iho-hongeno'a moi-moi.30O geenau done imadadi na'o de ma oraha yaadono o Nyawa ma ngowa'a woboali.31Ma wange geena o nyawa nage da'u o woa ma de'uo'a uwau youti yaehe manga 'iahona moi-moi manga woa ma doda'a. 'Ogenali de o nyawa naga o bailo'a uwa yolio manga woano.32Nio hingina o'iau nage idaa-dadio'au o Lot ma we'ato'a!33O nyawa nage yodinii'i o dunia ma ba-baja aha iihanga manga wowango 'ahiado-adoni'a. Ma o nyawa nage o yanii'ua o dunia ma ba-baja, goona aha yohalamata.34Nio nga'u: O wutu geena, na'o o dangili moi yaamidi-di yomaiduo'a, done moi yo'iaha de moi yo'imada'a.35O ngewe'a yamidi-dio'a o bira yotutu'u, momatengo done miaha de momatengo done mimada'a.>> [36Na'o naga Yaamidi-di o bailo'a yo'arajaangi'a done moi yo'iaha de moi yo'imada'a.]>>37Awi ni-nii'i yohano o Yesusi'a, <<Jou o'ia'a geena aha idadi?>>
O Yesus wopaluhu, <<'Ia'a naga o aewani ma hongene, geena'a de o wogono'a o geenali de ngoi o Nyawa ma Ngowa'a toboa done o dunia'u moi yana'o.>>
The Seed Company