O LUKAS16
1O Yesus wo'ihi ade-ade awi ni-nii'i'a, <<Naga womatengo wo'aya. Una awi nyawa moi o pipi wogaga-gao. Ma nyawa o 'aya geena wihingahu, bali awi nyawa o pipi woga-ga-gao ge wabooto'au womahi goo'o.2Ho una wiiaho'o awi pipi wogaga-gaoge de wiitemo, <Itoto'iau neena ho to ihene 'ai pipi nabo-oto'au? Oraha neena no'ulano moi-moi natuli-tuliho'au ma oraha 'ano'arajaangohi, ho'iau ma amo'o 'ai pipi nohihupuo'au. Ngona 'ai dadiwau 'ai pipi noga-gagao>3Ho ma pipi woga-ga-gao ge woma tibanga, de wotemo, <Ngoi 'iani o'iau todiai neena? 'Ai tuanga awoihi 'arajaanguau. Topacolo, ataa'unua; toga-gaaho'o, 'aimae'e.4O 'ouwa itiai de 'ai a'alo'a; na'o ngoi woihigumada nowau ngoi 'iani aimanai yolepe, la manga woa'a tomanoa!>5Ho ma pipi wogaga-gao ge wo'iaho'o ma nyawa-nyawa nage de manga nagi-nagimo'a awi tuangi'a. Ma di-dihila'a, una witemo, <Ani nagimi o'ia moi tongona?>6Una wopaluhu, <O Zaitun ma gooro ma tampayanga o ratuhu moi.> De ma pipi woga-ga-gao ge, wotemo <Neena ani nagimi ma hurata. Nogogelu'u de itaiti'a natulihi: 'amoritoa'a.>7De una witemoli womatengo'ali, <Na'o tongona aninagimi o'iamoi?> Una wopaluhu, <O bira o 'arongo o ribuhu moi.> Awi pipi wogaga-gao ge wotemo una'a, <Iya! Neena ani nagimi ma hurata. U'ou natulihu'u: o ratuhu tuangele.>8Ho awi tuanga wiihidaiyana awi tiwi woga-ga-gao'a nage ma ngale wobarija; Hababu o nyawa o dunia'a neena iholoi yopade yohia'ala toona manga wowango mahirete de nage o nyawa yowango-wango o daraango'a.>>9De aha o Yesus woma ade-adeli wotemo, <<Nio ihene! Ngini niapa'e, o dunia ma 'arataa neena la nimadama'e o manai, la na'o ma araata o dunia'a neena 'aino'a ma ija 'oiwau, ngini aha nio ohama o ngi 'ahiado-adoni'a.10O nyawa na'o o haala ma ete-ete'e ma yo'inga'u, geena o 'ianaga ma amo-amo'o'a ma yo'inga'u. Ma o nyawa yo'inga'uwa o 'ianaga moi ite-ete'e geena ma la-laagomo'a ma 'ayo'inga'uwau11Ho na'o ma ngale o araata o dunia'a neena ma ngini 'oninga'uwau, nagoonahi ninga'u nihi gogoana o arata 'ahiado-adoni'a?12De na'o o nyawa manga araata, ma ngona 'ani nga'uwau, nagoonau yo'ula tongona ani araata?13'Amoiwa o nyawa yo'arajaanga manga tuanga yamidi-dio'a; hababu done 'amoi'ahi wihibohono de moi'a 'ouwa, e'olah ona done'a moi'ahi iholoi yo'idomote'e de moi'a 'ouwa. O geenali de ngini. Ngini 'aidadiwa nio 'arajaanga ma Jou ma Dutuo'a de o dunia ma arataa'a.>>14O Farisio'a ma nyawa yoihene o Yesus awi ade-ade, ona wihiiete hababu ona yotopo'ana o pipi.15Ma, o Yesus womaade-ade ona'a, <<Ngini neena na'o o nyawa manga la'o'a duru nioitiai ma, ma Jou ma Dutu wana'o, nia hingina ma doda'a. Hababu o'iau nage potee 'i'a'ulie imote'e o nyawa ngone, ma Jou Ma Dutu awi daila'o'a 'itipo'o'u.16O hu'umu o Musa wo'ula-'ula de o nabi-nabi manga dodoto'o, 'ayamote'ohi hiadono o Yohanes woohi-ohi'i awi oraho'a. Geena'a de ihi'aino o habari ma owa toma Jou ma Dutu ihiabari itoa-toa'uwa na'o una wo'oano'au. De o nyawa ma ngalepe yomau yoohama yodadi ma Jou ma Dutu awi umata.17Iholoi igapanga o diwanga de otona'a iihanga, ma ma Jou ma Dutu awi pareta 'aohurufu moi ma 'iani imadadi.18Nagoonau yo'iolu'u manga we'ata de yomodo'a de o ngewe'a moi, ma nyawa guuna wohudala. De na'o o nyawa mimodo'a ma ngewe'a miolu-olu'i'a geena, ona ma yohudala.>>19<<Naga moi o nyawa o 'aya de awi baju 'ama hali-hali, de awi wowango duru yaowa.20Awi woa ma ngoana ma biono'a winoa'u o nyawa o huha woatengo, awi ronga o Lazarus. Awi roehe yaomango'a de o dabo.21Una duru wodabali wo'aya-'aya awi inomo, na'o awi ama'u'u ituraba geena aha waodomo. O 'aho ma ya'aino yalae-laeme awi dabo.22Geena'a de ma nyawa o huha geena wohongene de o malai'ata wiaha o ngi 'ira-rahaio'a o Abraham awi date'o'a, da'u o horoga'a. Ma nyawa wo'aya ge ma wohongene de wipoohu'u.23Yohonge-hongene manga ngio'a una duru wohangihara. De ma oraha una woma tailaode, una wima'e o Abraham awi ga'uli'a, de o Lazarus o Abraham awi date'o'a.24O 'aya ma nyawa nage woma orehe wotemo <Aba Abraham, tanu noidora! Nowi hulo'o la o Lazarus watono'a awi raraga de wa'aino la wapeha'a 'ai ahi-ahili. Ngoi duru tohangihara o u'u neena!>25Ma o Abraham wopaluhu, <Noda-danganono 'ai ngowa'a: Ngona hiadono nohonengo'a nama'e'au 'ayaowa-owa, de o Lazarus wadaene 'aiti-tiiha. O oraha neena una yaowa-owa, de ngona 'iani nohangihara.26De aha ngona de ngomi nanga hidogorona'a idiaio'au o ba'oro ma amo-amo'o, ho o nyawa nengi'a 'aidadiwa ya'ai'a de o nyawa geena'a 'aidadiwa ya'aino!>27Ma nyawa o 'aya guuna wotemo, <Na'o o geena, Aba, togaaho'o la nowihulo'o o Lazarus wotagi 'ai dea awi woa'a.28Do'a 'ai ria dodoto yamotoahi. Ho tanu nowi hulo'o o Lazarus wo'ihitiari la uwa yoota'a o ngi iha-hangihara'u neena.>29O Abraham wopaluhu, <Ona'a de maena o Musa awi bo'u de o nabi manga bo'u! Po'imada'a la ona aha yanii'i naga ituli-tuliho'au ge!>30De o 'aya ma nyawa wopaluhu, <Geena 'ai dadiwa, Aba Abraham. Na'o o nyawa yohonengo'a de yowango, de yoboa ona'a, geena done yotoba yodiai o baradoha.>31Ma o Abraham wopaluhu, <Na'o 'aihingounua o Musa de o nabi-nabi, manga pareta maraio'a ona 'oyonga'ua, ngaro naga o nyawa yohongeno'au de yowangoli de yo'iade-ade ona'a.> >>
The Seed Company