O Yohanes5
1Geena iduangino de o wange muluo naga, de o Yahudio'a manga wange ma amo'o yaadono, ho o Yesus wotagi o Yerusalemi'a.2O Yerusalem ma bendaro'a nage o ngoana moi yohironga, <<O Duba ma Ngoana.>> Ma date'o'a o lulupanga moi nage o Ibranio'a yohironga o Bethesda. Ma lulupango'a geena ihigilolito'a de o da-daluhu motoa'a.3De ma ngiio'a geena manga lepe yopa-panya'e yomaiduha: Munu'a yopilo-pilo'o, yocuga-cuga de yopa-paluga. Ona yodamaa ma lulupanga geena ma a'ele 'ilua'a.4Hababu de ma oraho'a ika de ma Jou awi malai'ata 'iuti ma lulupangu'u geena de yalua'a ma a'ele. De yopa-panya'e nage yohila youti ma lulupangu'u geena ma oraha ma a'ele 'ilua'o'au geena yoai'i, oiau naga bato manga panya'e.5Geena'a dau womatengo wopanya'e o taunu moruange de tuangelou.6Ma oraha o Yesus wima'e ma nyawa guuna womaiduha geena'a, de Una ma wana'o ma nyawa guuna ma daaou wopanya'e 'ogeena, ho o Yesus wohano una'a, <<Nomode'e ani panya'e 'iai'i?>>7Wopa-panya'e guuna wopaluhu, <<Aba, neena'a dau 'amoiwa o nyawa 'ihiguti o lulupangu'u na'o ma oraha ma a'ele 'ilua'a. De na'o ma oraha ngoi mahirete to uti ma lulupangu'u, o nyawa ma homoa yohila'u youti.>>8O Yesus wotemo una'a, <<Nomomi'ie, ani 'o'owa nagoa'a la notagiou.>>9'Ageena ena, ma nyawa guuna woai'o'au. Una awi 'o'owa wagoa'a de wotagio'au.
Geena idadi o Sabat ma wange'u.10Mangale geena, o Yahudio'a ma balu-baluhu witaaele ma nyawa'a nage awi panya'e aha 'iai'ino, <<E! O wange neena o Sabat ma wange ho 'imote'e naga agama ma 'autoranga 'aidadiwa ani 'o'owa nagoa'a.>>11Ma o nyawa guuna wopaluhu, <<O nyawa nage woihiai'i 'ai panya'e, Una woihulo'o 'ai 'o'owa tagoa'a de totagi.>>12Ona yohano una'a, <<Nage wohulo'o ani 'o'owa nagoa'a de notagi geena naguunau?>>13Ma o nyawa nage awi panya'e 'iai'o'au wina'owa naguunau ma nyawa guuna, hababu o Yesus womaihango'au do'a o nyawa manga gilepe'a.14Geena ipaha, de o Yesus de o nyawa guuna yoma'ama'e ma Jou ma Dutu awi Woa'a de o Yesus wotemo una'a, <<Ani panya'e 'iai'o'au ho uwa nodiaioli o baradoha, la uwa iholoioli nohangihara.>>15Ho o nyawa guuna wohupu, de wohijarita o Yahudio'a manga agama'a ma balu-baluhu, na'o awi panya'e geena o Yesus mahirete wohiai'i.16De mangale geena ho o Yahudio'a ma nyawa manga balu-baluhu yomau wianiaya o Yesusi'a, hababu Una wohiai'i o Sabata ma wange'u.17Ma o Yesus wotemo ona'a, <<'ai Dea 'awomatogumuau wo'arajaanga hiadono neena, ho Ngoi ma halingou to'arajaanga.>>18O demo-demo geenau hiadono o Yahudio'a manga balu-baluhu iholoioli yohihali'i yomau witooma. Ona 'ogeena yodiai geena bu'ana la 'a Wapalene o agama'a ma 'autoranga mangale o Sabata ma wange, ma hababu Wotemo na'o ma Jou ma Dutu geena ma to Una awi Dea; ma mangariti una womahitero de ma Jou ma Dutu.19O Yesus wopaluhu, o nyawa-nyawa'a goona wotemo 'onane, <<Tinitemo tinihigou-goungu e, Ngoi ma Jou ma Dutu awi Ngoa'a 'aidadiwa o 'iani hona To diai 'a de to Ngoi 'ai mau. Ngoi todiai duga 'a o 'iau nage tama'e-ma'e 'Ai Dea wodiai. Hababu o 'iau naga ge 'ai Dea wadiai, geenau ma Ngoi tadiai.20Hababu 'ai Dea woihibohono de wohimaiti Ngoino Awi Ngoa'a o 'iau hona moi-moi nage Una ma hirete wodi-diai. De aha wohimaiti Ngoino o 'arajaanga 'iholoioli 'ila-laagomo, hiadono ngini nioheranga.21Harage 'ai Dea guuna wo'ihiwango o nyawa yohone-honengu'u, 'Ogenali ma Ngoi to Una awi Ngoa'a, Ngoi to'i'ula o wowango 'ahiado-adoni'a o nyawa'a nage tomau yama'e o wowango.22'Ai dea ma hirete 'awo'iha'imua nagoonau bato. Hababu o 'uaha moi-moi mangale wo'iha'imi, Wo'ula'au Ngoino Awi Ngoa'ino.23'Ai Dea 'ogeena wadiai la o nyawa moi-moi Yohoromati Ngoino awi Ngoa'a harage de 'ai Dea'a. O nyawa nage 'ayohoromatiwa Ngoino Awi Ngoa'a geena 'ai Dea'a ma wihigihenua nage Woihulo-hulo'o toboano.24Igou-goungu itiai 'ai demo-demo neena: Nagoonau yoihene 'ai demo-demo, de winga'u Una'a ge woihulo-hulo'o, ona yama'e o wowango 'ahiado-adoni'a. Ona aha 'ayo'ihu'umua, yo'ihipidili o honengo'a mangale 'ayoma'atinga'uwau de ma Jou ma Dutu, de yama'e'au o wowango 'ahiado-adoni'a.25Ngoi ma Jou ma Dutu Awi Ngoa'a, Tinitemo neena: Ma aha oraha yaadono, de neena yaadono'au, o nyawa nage yoma'atinga'a de ma Jou ma Dutu aha yoihene 'ai ilingi, De ge yoihe-ihene goona aha yowango de ma Jou ma Dutu 'ahiado-adoni'a.26Hababu harage 'ai Dea mahirete Una geena o wowango matiti, 'ogeenali ma Ngoi Awi Ngoa'a Woidiai o wowango ma titi.27De Una woi'ula'au o 'uaha mangale to'iha'imi o nyawa'a, hababu Ngoi o Nyawa ma Ngoa'a.28Uwa nioheranga nage nioihene o 'iau naga ge Tohidemo-demo neena, hababu ma oraha aha iboa o nyawa nage yohone-honengo'au moi-moi yoihene 'ai ilingi,29de o nyawa nage yadiaio'au yaowa-owa aha yomomi'i mangale yowango 'ahiado-adoni'a. Ma o nyawa nage yadiaio'au iti-tiiha aha yomomi'i mangale yo'ihu'umu.>>30O Yesus wotemoli, <<Ngoi 'aidadiwa Todiai o 'iau hona moi-moi 'a de tongoi mahirete 'ai mau. Ngoi o nyawa to'iha'imi imote'e 'a o 'iau naga ge ma Jou ma Dutu wohulo'o. De 'ai butuhu geena 'iadili, hababu 'a to ngoiwa ma hirete 'ai mau tanii'i, ma ena to 'Ai Dea ge woihulo-hulo'o Awi mau.31Na'o Ngoi tomahiha'ihi mangale 'a Ngoi mahirete, 'ai ha'ihi geena 'aigounguwahi.32Ma naga womatengo geenala 'ai Dea woha'ihi mangale Ngoi, de Ngoi tana'o to Una awi ha'ihi geena 'igoungu.33Ngini niohidingoto'au ania hu-hulo'o o Yohanes woohi-ohi'i'a la yohano mangale Ngoi de una wohingahuo'au o haala nage iti-tiai mangale Ngoi.34Neena tinihingahu ngini'a, Ngoi 'ataparaluwa o ha'ihi o nyawano, ma Totemo 'ogeena la niama'e o halamata.35O Yohanes una geena ihi'atero harage de o hilo 'ito'a-to'ara de ma daraanga ho ngini 'anioga-garago niadawongo ma hiwa geena ngaro 'ajai-jai ma.36Ma naga ma nyonyata munu'a 'iholoioli i'uata de ge o Yohanes wohingahu-ngahu mangale Ngoi, geena la o 'arajaanga ge 'ai Dea wohulo'o Tadiai de neena Tadiai. Geenau ihinyata na'o Ngoiou neena 'ai Dea woihulo'o.37De 'ai Dea nage Woihulo-hulo'o ma wohingahu mangale ngoi. Ngini 'omaiwahi nioihene Awi ilingi de 'omaiwahi niama'e Awi biono.38Awi demo-demo imanoawa ania hininga ma doda'a hababu ngini 'anionga'uwa Ngoino nage Woihulo-hulo'o.39Ngini nimadoto'o nihidi-diai o Bo'u 'Ibe-berehi hababu ngini niotemo geena dau ma doda'a idadi niama'e o wowango 'ahiado-adoni'a. De o bo'u 'ibe-berehi mahirete ihiha'ihi mangale Ngoi.40Ma ngini nioolu'u nioboa Ngoino mangale niama'e o wowango 'ahiado-adoni'a.41Ngoi 'atahali'ua o nyawa ihiie.42Ngoi tinina'o ngini. Nia hininga ma doda'a, Ngini niwidorawa ma Jou ma Dutu'a.43Hababu ngoi toboa de 'ai Dea awi ronga, ma ngini 'anidawongua Ngoi. Ma na'o o nyawa ma homoa yoboa de to ona mahirete manga ronga, ngini niomau ni'idawongo.44Ngini 'anionga'uwa Ngoino hababu ngini niomau 'a ngini de ngini nimahiie, de nioolu'u ma Jou ma Dutu nage womatengo-tengo'a niwihiie ngini.45Uwa niotemo na'o ngoi aha tinihihala ngini 'ai Dea awi biono'a. O Musa nage nimahingano-nganono, una aha niwihihala ngini'a.46Na'o ngini nionga'u o Musa'a, maraio'au ngini ma aha nionga'u Ngoino, hababu Una wotulihi awi bo'uo'a geena mangale Ngoi.47Ma na'o 'anionga'uwa nage o Musa watuli-tulihu'u, maraio'au 'anionga'uwa o 'iau naga ge Tohidemo-demo>>.
Geena idadi o Sabat ma wange'u.10Mangale geena, o Yahudio'a ma balu-baluhu witaaele ma nyawa'a nage awi panya'e aha 'iai'ino, <<E! O wange neena o Sabat ma wange ho 'imote'e naga agama ma 'autoranga 'aidadiwa ani 'o'owa nagoa'a.>>11Ma o nyawa guuna wopaluhu, <<O nyawa nage woihiai'i 'ai panya'e, Una woihulo'o 'ai 'o'owa tagoa'a de totagi.>>12Ona yohano una'a, <<Nage wohulo'o ani 'o'owa nagoa'a de notagi geena naguunau?>>13Ma o nyawa nage awi panya'e 'iai'o'au wina'owa naguunau ma nyawa guuna, hababu o Yesus womaihango'au do'a o nyawa manga gilepe'a.14Geena ipaha, de o Yesus de o nyawa guuna yoma'ama'e ma Jou ma Dutu awi Woa'a de o Yesus wotemo una'a, <<Ani panya'e 'iai'o'au ho uwa nodiaioli o baradoha, la uwa iholoioli nohangihara.>>15Ho o nyawa guuna wohupu, de wohijarita o Yahudio'a manga agama'a ma balu-baluhu, na'o awi panya'e geena o Yesus mahirete wohiai'i.16De mangale geena ho o Yahudio'a ma nyawa manga balu-baluhu yomau wianiaya o Yesusi'a, hababu Una wohiai'i o Sabata ma wange'u.17Ma o Yesus wotemo ona'a, <<'ai Dea 'awomatogumuau wo'arajaanga hiadono neena, ho Ngoi ma halingou to'arajaanga.>>18O demo-demo geenau hiadono o Yahudio'a manga balu-baluhu iholoioli yohihali'i yomau witooma. Ona 'ogeena yodiai geena bu'ana la 'a Wapalene o agama'a ma 'autoranga mangale o Sabata ma wange, ma hababu Wotemo na'o ma Jou ma Dutu geena ma to Una awi Dea; ma mangariti una womahitero de ma Jou ma Dutu.19O Yesus wopaluhu, o nyawa-nyawa'a goona wotemo 'onane, <<Tinitemo tinihigou-goungu e, Ngoi ma Jou ma Dutu awi Ngoa'a 'aidadiwa o 'iani hona To diai 'a de to Ngoi 'ai mau. Ngoi todiai duga 'a o 'iau nage tama'e-ma'e 'Ai Dea wodiai. Hababu o 'iau naga ge 'ai Dea wadiai, geenau ma Ngoi tadiai.20Hababu 'ai Dea woihibohono de wohimaiti Ngoino Awi Ngoa'a o 'iau hona moi-moi nage Una ma hirete wodi-diai. De aha wohimaiti Ngoino o 'arajaanga 'iholoioli 'ila-laagomo, hiadono ngini nioheranga.21Harage 'ai Dea guuna wo'ihiwango o nyawa yohone-honengu'u, 'Ogenali ma Ngoi to Una awi Ngoa'a, Ngoi to'i'ula o wowango 'ahiado-adoni'a o nyawa'a nage tomau yama'e o wowango.22'Ai dea ma hirete 'awo'iha'imua nagoonau bato. Hababu o 'uaha moi-moi mangale wo'iha'imi, Wo'ula'au Ngoino Awi Ngoa'ino.23'Ai Dea 'ogeena wadiai la o nyawa moi-moi Yohoromati Ngoino awi Ngoa'a harage de 'ai Dea'a. O nyawa nage 'ayohoromatiwa Ngoino Awi Ngoa'a geena 'ai Dea'a ma wihigihenua nage Woihulo-hulo'o toboano.24Igou-goungu itiai 'ai demo-demo neena: Nagoonau yoihene 'ai demo-demo, de winga'u Una'a ge woihulo-hulo'o, ona yama'e o wowango 'ahiado-adoni'a. Ona aha 'ayo'ihu'umua, yo'ihipidili o honengo'a mangale 'ayoma'atinga'uwau de ma Jou ma Dutu, de yama'e'au o wowango 'ahiado-adoni'a.25Ngoi ma Jou ma Dutu Awi Ngoa'a, Tinitemo neena: Ma aha oraha yaadono, de neena yaadono'au, o nyawa nage yoma'atinga'a de ma Jou ma Dutu aha yoihene 'ai ilingi, De ge yoihe-ihene goona aha yowango de ma Jou ma Dutu 'ahiado-adoni'a.26Hababu harage 'ai Dea mahirete Una geena o wowango matiti, 'ogeenali ma Ngoi Awi Ngoa'a Woidiai o wowango ma titi.27De Una woi'ula'au o 'uaha mangale to'iha'imi o nyawa'a, hababu Ngoi o Nyawa ma Ngoa'a.28Uwa nioheranga nage nioihene o 'iau naga ge Tohidemo-demo neena, hababu ma oraha aha iboa o nyawa nage yohone-honengo'au moi-moi yoihene 'ai ilingi,29de o nyawa nage yadiaio'au yaowa-owa aha yomomi'i mangale yowango 'ahiado-adoni'a. Ma o nyawa nage yadiaio'au iti-tiiha aha yomomi'i mangale yo'ihu'umu.>>30O Yesus wotemoli, <<Ngoi 'aidadiwa Todiai o 'iau hona moi-moi 'a de tongoi mahirete 'ai mau. Ngoi o nyawa to'iha'imi imote'e 'a o 'iau naga ge ma Jou ma Dutu wohulo'o. De 'ai butuhu geena 'iadili, hababu 'a to ngoiwa ma hirete 'ai mau tanii'i, ma ena to 'Ai Dea ge woihulo-hulo'o Awi mau.31Na'o Ngoi tomahiha'ihi mangale 'a Ngoi mahirete, 'ai ha'ihi geena 'aigounguwahi.32Ma naga womatengo geenala 'ai Dea woha'ihi mangale Ngoi, de Ngoi tana'o to Una awi ha'ihi geena 'igoungu.33Ngini niohidingoto'au ania hu-hulo'o o Yohanes woohi-ohi'i'a la yohano mangale Ngoi de una wohingahuo'au o haala nage iti-tiai mangale Ngoi.34Neena tinihingahu ngini'a, Ngoi 'ataparaluwa o ha'ihi o nyawano, ma Totemo 'ogeena la niama'e o halamata.35O Yohanes una geena ihi'atero harage de o hilo 'ito'a-to'ara de ma daraanga ho ngini 'anioga-garago niadawongo ma hiwa geena ngaro 'ajai-jai ma.36Ma naga ma nyonyata munu'a 'iholoioli i'uata de ge o Yohanes wohingahu-ngahu mangale Ngoi, geena la o 'arajaanga ge 'ai Dea wohulo'o Tadiai de neena Tadiai. Geenau ihinyata na'o Ngoiou neena 'ai Dea woihulo'o.37De 'ai Dea nage Woihulo-hulo'o ma wohingahu mangale ngoi. Ngini 'omaiwahi nioihene Awi ilingi de 'omaiwahi niama'e Awi biono.38Awi demo-demo imanoawa ania hininga ma doda'a hababu ngini 'anionga'uwa Ngoino nage Woihulo-hulo'o.39Ngini nimadoto'o nihidi-diai o Bo'u 'Ibe-berehi hababu ngini niotemo geena dau ma doda'a idadi niama'e o wowango 'ahiado-adoni'a. De o bo'u 'ibe-berehi mahirete ihiha'ihi mangale Ngoi.40Ma ngini nioolu'u nioboa Ngoino mangale niama'e o wowango 'ahiado-adoni'a.41Ngoi 'atahali'ua o nyawa ihiie.42Ngoi tinina'o ngini. Nia hininga ma doda'a, Ngini niwidorawa ma Jou ma Dutu'a.43Hababu ngoi toboa de 'ai Dea awi ronga, ma ngini 'anidawongua Ngoi. Ma na'o o nyawa ma homoa yoboa de to ona mahirete manga ronga, ngini niomau ni'idawongo.44Ngini 'anionga'uwa Ngoino hababu ngini niomau 'a ngini de ngini nimahiie, de nioolu'u ma Jou ma Dutu nage womatengo-tengo'a niwihiie ngini.45Uwa niotemo na'o ngoi aha tinihihala ngini 'ai Dea awi biono'a. O Musa nage nimahingano-nganono, una aha niwihihala ngini'a.46Na'o ngini nionga'u o Musa'a, maraio'au ngini ma aha nionga'u Ngoino, hababu Una wotulihi awi bo'uo'a geena mangale Ngoi.47Ma na'o 'anionga'uwa nage o Musa watuli-tulihu'u, maraio'au 'anionga'uwa o 'iau naga ge Tohidemo-demo>>.
The Seed Company