O Yohanes21
1Geena iduangino de o Yesus ma moiohi womahimaiti Awi ni-nii'i'a o Tiberias ma talaga ma batingo'a. Onane ma jarita:2Ma moi geena o Simon Petrus, o Tomas nage wihironga o Hago, o Natanael o Kana ma hoanino o Galilea ma daera'a, o Zebedeus awi ngoa-ngoa'a, de o Yesus awi ni-nii'i ma regu yamididi yomalomuno geena'a.3De o Simon Petrus wotemo ona'a, <<Ngoi tomau totagi o nao'o totago'o.>>
Ona yotemo, <<Ngomi ma mionii'i.>> Ho ona yotagi o ngootilu'u yopalene. Ma o wutu moi geena onao'o 'amoio ma yomadama'ewa.4Ma oraha o wange aha ihiwa de'o Yesus womahigo-ode o talaga ma batingo'a, ma ona 'awina'owa na'o Una guuna o Yesus.5Ma o Yesus wotemo ona'a, <<E ma-manai, ngini de nia nao'o'a?>>
Ona yopaluhu, <<'Aoiwa.>>6O Yesus wotemo, <<Nia homa niaumo nia ngootili ma guida'u. Ngini aha nimadama'e o nao'o.>> Geena'a de manga homa geena yaumo, ma 'ayaa'unuawau yado-doba'aoli hababu ma nao'o 'a o lepe'a.7O ni-nii'i nage o Yesus wihiiboho-bohono wotemo o Petrusi'a, <<Do'au guuna ma Jou!>> Ma oraha o Simon Petrus woihene na'o guuna ma Jou, de wapa'eli awi baju (hababu 'aano una womataai'o'a) de womatebulu o 'a'elu'u wohi'aiha o dudungiha.8O ni-nii'i ma regu yotuulu o dudungiha o ngootilu'u ma de ma homa yododoba'a ma nao'o 'ioma-'omanga. Ona de o dudungo'a ena 'ai'a'uluwa imatinga'a, poelua o metere o ratuhu moi'o.9Nage ona youti o dudungiha, de yama'e o u'u ma ngaboho geena'a de ma de'uo'a o nao'o de o roti.10O Yesus Wotemoli ona'a, <<Bee'a niaahano o nao'o o ngai muluoni nage aha niatago'ino.>>11O Simon Petrus wopalene o ngootilie de watoba'a ma homa geena o dudungiha. Ma homa geena yaoma-'omanga de o nao'o 'aila-laagomo, o ngai ratuhu moi de o moritoa de haange'a. De ngaro 'ogeena ma lepe'a, o homa geena 'airacangua.12O Yesus wotemo ona'a, <<Niaino poodomou.>> O ni-nii'i goona 'amoiwa yomooini yohano Una'a, <<Aba Ngona naguunau?>> Hababu ona yanao'au na'o Una guuna ma Jou Yesus.13Geena'a de o Yesus womahidutu'u ona'a waehe o roti geena de woi'ula ona'a. O nao'o ma 'ogeenali wodiai.14Neena geena ma haangeu o Yesus womahimaiti Awi ni-nii'i'a, ma oraha Una wihimomi'o'ali o hongenino.15Yoodomo yaduangino de o Yesus wotemo o Simon Petrusi'a, <<Ee Simon o Yohanes awi ngoa'a, ngona de ona neena, ngona 'iholoi noihibohono Ngoino?>>
O Petrus wopaluhu, <<'Igoungu Jou. Ngona nana'o, ngoi tonihibohono Ngona'a.>>
O Yesus wopaluhu, <<Na'o 'ogeena no'igoana no'ihidi-diaino o nyawa nage yonga'u-nga'u Ngoino, 'imatero harage de o duba ma go-goana yagoana manga duba ma ngoa-ngoa'a.>>16Wodigalioli ma modidi'a o Yesus wohano o Petrusi'a, <<Ee Simon o Yohanes awi ngoa'a, ngona noihibohono Ngoino?>>
O Petrus wopaluhu, <<I goungu Jou. Ngona nana'o ngoi tonihibohono Ngona'a.>>
O Yesus wotemo una'a, <<No'igoana no'ihidi-diaino o nyawa nage yonga'u-nga'u Ngoino, 'imatero harage de o duba ma go-goana yogoana manga duba.>>17Wohidigalioli ma haange'a o Yesus wohano una'a, <<Ee Simon o Yohanes awi ngoa'a, noihibohono Ngoino?>>
O Petrus awi hingina 'ihuha hababu o Yesus wohano una'a hiadono ma haange'a. Ho o Petrus wopaluholi, <<Jou, Ngona nana'o o'iau hona moi-moi. Ngona nana'o tonihibohono Ngona'a!>>
Geena'a de o Yesus wotemo una'a, <<No'igoana no'ihidi-diaino o nyawa nage yonga'u-nga'u Ngoino, 'imatero harage de o duba yogo-goana manga duba yogoana.18Igou-goungu itiai 'ai demo neena: Ma oraha ngona 'a o doguuluohi, ngona ma hirete 'ani gorona nabulu, de 'ia'au naga bato notagi imote'e to ngona ani mau. Ma done na'o ngona nopere'io'au, ngona aha 'ani giama no'ula, de o nyawa ma homoa nili'o de niaha 'ia'a naga ge ngona noolui'a.>>19(O Yesus 'ogeena wotemo geena wohimaiti cara'iau done o Petrus wohongene, mangale wihilamo'o ma Jou ma Dutu'a.) Geena iduangino de o Yesus wotemo o Petrusi'a, <<Noinii'ou ngoino!>>20Wa'utu o Petrus womalelo'o awi duduno'o de wima'e o ni-nii'i nage o Yesus wihiboho-bohono wo'inii'i manga duduniha. (Unau guuna nage ma oraha 'ipaha-paha'a ge yoma'adate'u'u de o Yesus wa'utu yoodomo, de nage wohano o Yesusi'a, <<Jou, nagoonau aha niwu'unu?>>)21Ma oraha o Petrus wima'e o ni-nii'i guuna de wohano o Yesusi'a, <<Jou cara'iau de nuuna awi wowango?>>22O Yesus wopaluhu, <<Na'o Ngoi tomau una tatapu wowango hiadono toboali, geena 'a to ngonawa ani aturu. Ma ngona, noinii'ou ngoino!>>23Ho ma habari geena Awi ni-nii'i yo'o'iiheno'au, na'o o ni-nii'i guuna done 'awohonengua. 'Ena momongo o Yesus 'awotemowa na'o o ni-nii'i guuna done 'awohonengua, ma 'ena wotemo, <<Na'o Ngoi tomau una tatapu wowango hiadono toboali, geena 'a to ngonawa ani aturu.>>24O Yesus awi ni-nii'i guunau nage wohiha'ihi moi-moi neena. De unau ma wotulihi neena. De ngone moi-moi pana'o, o'iau naga wotemo geena itiai.25Ma lepehi o haa-haala ma homoa nage o Yesus wodi-diaio'au. Na'o la moi-moi geena patulihi pamoi-moi, ngoi tamao o dunia'a neena 'ayaohonua yadaoto moi-moi o bo'u nage aha 'ituli-tulihu'u geena.
Ona yotemo, <<Ngomi ma mionii'i.>> Ho ona yotagi o ngootilu'u yopalene. Ma o wutu moi geena onao'o 'amoio ma yomadama'ewa.4Ma oraha o wange aha ihiwa de'o Yesus womahigo-ode o talaga ma batingo'a, ma ona 'awina'owa na'o Una guuna o Yesus.5Ma o Yesus wotemo ona'a, <<E ma-manai, ngini de nia nao'o'a?>>
Ona yopaluhu, <<'Aoiwa.>>6O Yesus wotemo, <<Nia homa niaumo nia ngootili ma guida'u. Ngini aha nimadama'e o nao'o.>> Geena'a de manga homa geena yaumo, ma 'ayaa'unuawau yado-doba'aoli hababu ma nao'o 'a o lepe'a.7O ni-nii'i nage o Yesus wihiiboho-bohono wotemo o Petrusi'a, <<Do'au guuna ma Jou!>> Ma oraha o Simon Petrus woihene na'o guuna ma Jou, de wapa'eli awi baju (hababu 'aano una womataai'o'a) de womatebulu o 'a'elu'u wohi'aiha o dudungiha.8O ni-nii'i ma regu yotuulu o dudungiha o ngootilu'u ma de ma homa yododoba'a ma nao'o 'ioma-'omanga. Ona de o dudungo'a ena 'ai'a'uluwa imatinga'a, poelua o metere o ratuhu moi'o.9Nage ona youti o dudungiha, de yama'e o u'u ma ngaboho geena'a de ma de'uo'a o nao'o de o roti.10O Yesus Wotemoli ona'a, <<Bee'a niaahano o nao'o o ngai muluoni nage aha niatago'ino.>>11O Simon Petrus wopalene o ngootilie de watoba'a ma homa geena o dudungiha. Ma homa geena yaoma-'omanga de o nao'o 'aila-laagomo, o ngai ratuhu moi de o moritoa de haange'a. De ngaro 'ogeena ma lepe'a, o homa geena 'airacangua.12O Yesus wotemo ona'a, <<Niaino poodomou.>> O ni-nii'i goona 'amoiwa yomooini yohano Una'a, <<Aba Ngona naguunau?>> Hababu ona yanao'au na'o Una guuna ma Jou Yesus.13Geena'a de o Yesus womahidutu'u ona'a waehe o roti geena de woi'ula ona'a. O nao'o ma 'ogeenali wodiai.14Neena geena ma haangeu o Yesus womahimaiti Awi ni-nii'i'a, ma oraha Una wihimomi'o'ali o hongenino.15Yoodomo yaduangino de o Yesus wotemo o Simon Petrusi'a, <<Ee Simon o Yohanes awi ngoa'a, ngona de ona neena, ngona 'iholoi noihibohono Ngoino?>>
O Petrus wopaluhu, <<'Igoungu Jou. Ngona nana'o, ngoi tonihibohono Ngona'a.>>
O Yesus wopaluhu, <<Na'o 'ogeena no'igoana no'ihidi-diaino o nyawa nage yonga'u-nga'u Ngoino, 'imatero harage de o duba ma go-goana yagoana manga duba ma ngoa-ngoa'a.>>16Wodigalioli ma modidi'a o Yesus wohano o Petrusi'a, <<Ee Simon o Yohanes awi ngoa'a, ngona noihibohono Ngoino?>>
O Petrus wopaluhu, <<I goungu Jou. Ngona nana'o ngoi tonihibohono Ngona'a.>>
O Yesus wotemo una'a, <<No'igoana no'ihidi-diaino o nyawa nage yonga'u-nga'u Ngoino, 'imatero harage de o duba ma go-goana yogoana manga duba.>>17Wohidigalioli ma haange'a o Yesus wohano una'a, <<Ee Simon o Yohanes awi ngoa'a, noihibohono Ngoino?>>
O Petrus awi hingina 'ihuha hababu o Yesus wohano una'a hiadono ma haange'a. Ho o Petrus wopaluholi, <<Jou, Ngona nana'o o'iau hona moi-moi. Ngona nana'o tonihibohono Ngona'a!>>
Geena'a de o Yesus wotemo una'a, <<No'igoana no'ihidi-diaino o nyawa nage yonga'u-nga'u Ngoino, 'imatero harage de o duba yogo-goana manga duba yogoana.18Igou-goungu itiai 'ai demo neena: Ma oraha ngona 'a o doguuluohi, ngona ma hirete 'ani gorona nabulu, de 'ia'au naga bato notagi imote'e to ngona ani mau. Ma done na'o ngona nopere'io'au, ngona aha 'ani giama no'ula, de o nyawa ma homoa nili'o de niaha 'ia'a naga ge ngona noolui'a.>>19(O Yesus 'ogeena wotemo geena wohimaiti cara'iau done o Petrus wohongene, mangale wihilamo'o ma Jou ma Dutu'a.) Geena iduangino de o Yesus wotemo o Petrusi'a, <<Noinii'ou ngoino!>>20Wa'utu o Petrus womalelo'o awi duduno'o de wima'e o ni-nii'i nage o Yesus wihiboho-bohono wo'inii'i manga duduniha. (Unau guuna nage ma oraha 'ipaha-paha'a ge yoma'adate'u'u de o Yesus wa'utu yoodomo, de nage wohano o Yesusi'a, <<Jou, nagoonau aha niwu'unu?>>)21Ma oraha o Petrus wima'e o ni-nii'i guuna de wohano o Yesusi'a, <<Jou cara'iau de nuuna awi wowango?>>22O Yesus wopaluhu, <<Na'o Ngoi tomau una tatapu wowango hiadono toboali, geena 'a to ngonawa ani aturu. Ma ngona, noinii'ou ngoino!>>23Ho ma habari geena Awi ni-nii'i yo'o'iiheno'au, na'o o ni-nii'i guuna done 'awohonengua. 'Ena momongo o Yesus 'awotemowa na'o o ni-nii'i guuna done 'awohonengua, ma 'ena wotemo, <<Na'o Ngoi tomau una tatapu wowango hiadono toboali, geena 'a to ngonawa ani aturu.>>24O Yesus awi ni-nii'i guunau nage wohiha'ihi moi-moi neena. De unau ma wotulihi neena. De ngone moi-moi pana'o, o'iau naga wotemo geena itiai.25Ma lepehi o haa-haala ma homoa nage o Yesus wodi-diaio'au. Na'o la moi-moi geena patulihi pamoi-moi, ngoi tamao o dunia'a neena 'ayaohonua yadaoto moi-moi o bo'u nage aha 'ituli-tulihu'u geena.
The Seed Company