O Yohanes20
1O Gereja ma wange 'aide-dewelanohi 'ai taluhohi. Ongo Maria Magdalena motagi o boohu o aru'i'a geena. De mama'e ma boohu'u geena ma ngoana ma dadato'o o heleo nage ilulu'o'au.2Ho 'amomapa-palitana mo'ihali'i o Simon Petrus de o ni-nii'i moi nage o Yesus wihiboho-bohono, de motemo ona'a, <<Ma Jou wiehe'au o boohu o aru 'i'a, ngomi 'amioana'owa 'ia'a winoa.>>3Geena'a de o Petrus de o ni-nii'i maregu goona yotagi o boohu'i'a.4Ona yamididi 'ayomapa-palitana ma o ni-nii'i ma moi nage 'iholoi wotaiti de o Petrus, ho 'una 'ihila womahiadono o boohu'i'a.5'Una wohidobe ma boohu'u ma doda'a de wama'e o hongene ma ha-hao geena'a, ma una 'awoohamua.6O Simon Petrus wotuuluno 'awogila-gila'a woohama ma boohu'u geena ma doda'a. 'Una wama'e o hongene ma ha-hao geena'a7Ma o Yesus awi hae'e ma li-li'o 'a'oiwau nage awi ha-hao ma date'o'a ho ma 'ena 'itinga'i'a iputuono.8De o di-dini'i gee wohila'a o boohu'i'a, ma woohama Una ma wama'e de wonga'u na'o o Yesus wowango'au. (9Hiadono ma oraha geena ona 'ayomangaritiwahi o'iau naga gee 'ihitulihu'u o Bo'u 'Ibe-berehi'u na'o o Yesus guuna wohonenge de wowangoli.)10Geena iduangino de o Yesus awi ni-nii'i yamididi goona yolio.11Ongo Maria Magdalena momahigo'ode o boohu o aru'u ma biono'a de moali-'ali. Moali ma de mohidobe o boohu'u ma doda'a,12de mama'e o malai'ata modidi ma baju ia'are-'arehe. 'Ena 'igogele o Yesus awi maiyeti ma dingiio'a, moi awi hae'iha de moioli awi dou'o.13O malai'ata modidi geena 'ihano, <<Yai dodoau ho noali?>>
Ngo Maria mopaluhu, <<'ai Jou Awi maiyeti yaehe'au, de 'atohi'ana'owa 'iya'a winoa'a.>>14Iduangino motemo 'ogeena, de momagelelo ami duduno'o de mima'e o Yesus womahigo'ode geena'a. Ma muna 'amina'owa na'o guuna o Yesus.15Ma o Yesus wohano muna'a, <<E yai, dodoau ho noali? Nagoonau no'ihali'i?>>
Ongo Maria muna momangitu na'o guuna o baili wo'a-'arajaanga ho motemo, <<Aba, na'o ngona nowigoa'o'au neena'a, de noihingahuno o ia'a nowinoa'u la towiehe.>>16O Yesus wotemo muna'a, <<Maria!>>
Ongo Maria momagelelo o Yesusi'a de motemo de o Ibranio'a manga demo, <<Rabuni!>> (Ma mangariti <<Aba Guru>>.)17O Yesus wotemo, <<Uwa noigagao hababu ngoi atoma'iliowahi 'ai Deade. Ma notagiou nohingahu 'ai riado-doti'a, na'o ma oraha neena ngoi tolio 'ai Dea'a de nia Deali, de Unali ma 'ai Jou ma Dutu de nia Jou ma Dutude.>>18Ho o ngo Maria Magdalena motagi mohingahu o Yesus awi ni-nii'i'a na'o muna mima'e'au ma Jou Yesus, de mohingahu moi-moi nage ma Jou wohidemo'au muna'a.19O gareja ma wange ma wange'u o wutu'u, o Yesus awi ni-nii'i yomalomuno o woa moio'a de yomahidebeno'a, hababu yo'idomodongo o Yahudio'a manga balu-baluhi'a. De o Yesus woboa womahigo'ode manga hidogorona'a de wotemo, <<Tabea, riado-doto! Tanu o dame de o hananga naga de de ngini.>>20Wotemo iduangino, de wo'ihimaiti awi giama de wi meheoho. Ma oraha ona wima'e ma Jou de duru yogarago.21Geena'a de o Yesus ma moiohi wotemo ona'a, <<Tanu o dame naga de de ngini. Harage de 'ai Dea woihulo'o Ngoi, 'ogeenali ma neena Ngoi tinihulo'o ngini'a niotagi.>>22Geena'a de Una awi Omaha woi'hiwua'a wotemo, <<Niadawongou Omaha 'Iofi-ofi.23Na'o ngini nio'iapongo o nyawa manga baradoha, ma Jou ma Dutu ma waapongo o nyawa goona manga baradoha. Ma na'o ngini 'ani'iapongua o nyawa manga baradoha, ma Jou ma Dutu ma 'awo'iapongua o nyawa goona manga baradoha.>>24O Tomas nage wihironga o Hago, o ni-nii'i nage yamogioo'o de modidio'a womatengo, una 'awiiwa ma oraha o Yesus woboa Awini-nii'i'a goona.25Ho o Yesus awi ni-nii'i ma regu yotemo una'a, <<Ngomi miwima'e'au ma Jou!>>
Ma o Tomas wopaluhu, <<Na'o ngoi 'atama'ewahi o pa'u ma rio awi giamo'a, de 'atodonoawahi 'ai ra-raga awi dabo'a o pa'u ma rio ge, de 'atodonoawahi 'ai giama awi meheoho ma dabo'a, geena 'a ma ile-ilewa ma 'atonga'uwa.>>26O wange tumudiingi ipahano de o Yesus awi ni-nii'i yomalomunoli ma ngiio'a geena, de o Tomas ma geena'a de de ona, Yamahidebeno'a. Ma o Yesus woboa de womahigo'ode manga hidogorona'a, de wotemo'au, <<Tabea! Tanu o dame naga de de ngini.>>27Geena'a de o Yesus Wotemo o Tomasi'a, <<Nagelelou 'ai giama de nodonoa'u 'ani ra-raga neena'a, de ani giama nodonoa'u 'ai meheoho ma dabo'a. Ani hingina uwau 'ilio-lioli ma nonga'u ou!>>28O Tomas wotemo o Yesusi'a, <<Ngona geena to ngoi 'ai Jou geena la ma Jou ma Dutu nage tonihuba-huba!>>29Ho o Yesus wotemo una'a, <<Ngona nonga'u hababu noima'e'au! Duru yohanaanga o nyawa nage yonga'u ngaro 'aima'ewa ma!>>30'Aolepehi o haala 'ihera-heranga nage o Yesus wodi-diai Awi ni-nii'i manga biono'a, ma 'aihitulihuwa ma bo'uo'a neena.31Ma neena moi-moi ihitulihu'u, la ngini nionga'u na'o o Yesus geena ma Oana o Nyawa Wohiha-halamata guuna, ma Jou ma Dutu Awi Ngoa'a, la de nia ngonga'u una'a, ngini niama'e o wowango de de 'Una 'ahiado-adoni'a.
Ngo Maria mopaluhu, <<'ai Jou Awi maiyeti yaehe'au, de 'atohi'ana'owa 'iya'a winoa'a.>>14Iduangino motemo 'ogeena, de momagelelo ami duduno'o de mima'e o Yesus womahigo'ode geena'a. Ma muna 'amina'owa na'o guuna o Yesus.15Ma o Yesus wohano muna'a, <<E yai, dodoau ho noali? Nagoonau no'ihali'i?>>
Ongo Maria muna momangitu na'o guuna o baili wo'a-'arajaanga ho motemo, <<Aba, na'o ngona nowigoa'o'au neena'a, de noihingahuno o ia'a nowinoa'u la towiehe.>>16O Yesus wotemo muna'a, <<Maria!>>
Ongo Maria momagelelo o Yesusi'a de motemo de o Ibranio'a manga demo, <<Rabuni!>> (Ma mangariti <<Aba Guru>>.)17O Yesus wotemo, <<Uwa noigagao hababu ngoi atoma'iliowahi 'ai Deade. Ma notagiou nohingahu 'ai riado-doti'a, na'o ma oraha neena ngoi tolio 'ai Dea'a de nia Deali, de Unali ma 'ai Jou ma Dutu de nia Jou ma Dutude.>>18Ho o ngo Maria Magdalena motagi mohingahu o Yesus awi ni-nii'i'a na'o muna mima'e'au ma Jou Yesus, de mohingahu moi-moi nage ma Jou wohidemo'au muna'a.19O gareja ma wange ma wange'u o wutu'u, o Yesus awi ni-nii'i yomalomuno o woa moio'a de yomahidebeno'a, hababu yo'idomodongo o Yahudio'a manga balu-baluhi'a. De o Yesus woboa womahigo'ode manga hidogorona'a de wotemo, <<Tabea, riado-doto! Tanu o dame de o hananga naga de de ngini.>>20Wotemo iduangino, de wo'ihimaiti awi giama de wi meheoho. Ma oraha ona wima'e ma Jou de duru yogarago.21Geena'a de o Yesus ma moiohi wotemo ona'a, <<Tanu o dame naga de de ngini. Harage de 'ai Dea woihulo'o Ngoi, 'ogeenali ma neena Ngoi tinihulo'o ngini'a niotagi.>>22Geena'a de Una awi Omaha woi'hiwua'a wotemo, <<Niadawongou Omaha 'Iofi-ofi.23Na'o ngini nio'iapongo o nyawa manga baradoha, ma Jou ma Dutu ma waapongo o nyawa goona manga baradoha. Ma na'o ngini 'ani'iapongua o nyawa manga baradoha, ma Jou ma Dutu ma 'awo'iapongua o nyawa goona manga baradoha.>>24O Tomas nage wihironga o Hago, o ni-nii'i nage yamogioo'o de modidio'a womatengo, una 'awiiwa ma oraha o Yesus woboa Awini-nii'i'a goona.25Ho o Yesus awi ni-nii'i ma regu yotemo una'a, <<Ngomi miwima'e'au ma Jou!>>
Ma o Tomas wopaluhu, <<Na'o ngoi 'atama'ewahi o pa'u ma rio awi giamo'a, de 'atodonoawahi 'ai ra-raga awi dabo'a o pa'u ma rio ge, de 'atodonoawahi 'ai giama awi meheoho ma dabo'a, geena 'a ma ile-ilewa ma 'atonga'uwa.>>26O wange tumudiingi ipahano de o Yesus awi ni-nii'i yomalomunoli ma ngiio'a geena, de o Tomas ma geena'a de de ona, Yamahidebeno'a. Ma o Yesus woboa de womahigo'ode manga hidogorona'a, de wotemo'au, <<Tabea! Tanu o dame naga de de ngini.>>27Geena'a de o Yesus Wotemo o Tomasi'a, <<Nagelelou 'ai giama de nodonoa'u 'ani ra-raga neena'a, de ani giama nodonoa'u 'ai meheoho ma dabo'a. Ani hingina uwau 'ilio-lioli ma nonga'u ou!>>28O Tomas wotemo o Yesusi'a, <<Ngona geena to ngoi 'ai Jou geena la ma Jou ma Dutu nage tonihuba-huba!>>29Ho o Yesus wotemo una'a, <<Ngona nonga'u hababu noima'e'au! Duru yohanaanga o nyawa nage yonga'u ngaro 'aima'ewa ma!>>30'Aolepehi o haala 'ihera-heranga nage o Yesus wodi-diai Awi ni-nii'i manga biono'a, ma 'aihitulihuwa ma bo'uo'a neena.31Ma neena moi-moi ihitulihu'u, la ngini nionga'u na'o o Yesus geena ma Oana o Nyawa Wohiha-halamata guuna, ma Jou ma Dutu Awi Ngoa'a, la de nia ngonga'u una'a, ngini niama'e o wowango de de 'Una 'ahiado-adoni'a.
The Seed Company