O Hu-hulo'o1
1Tabea Aba Teofilus! 'Ai Bo'u 'idi-dihila'a tatulihi, tohingahuo'au mangale moi-moi nage o Yesus womulaenge wo'arajaanga de wodoto'o,2hiadono o horogade wodoa. Ma oraha 'awodoawahi, de o Omaha 'Iofi-ofi ma 'uaha, Una wohibehehongo'ahi Awi hu-hulo'i'a nage Wo'iili-ili'o'au.3Una wohangihara hiadono wohonenge o Salipo'a. Wohonengo'a, de o wange moruatino 'igi-gilio womahimaiti ona'a de o dudunguu ma lepe wohimaiti na'o Una 'igou-goungu wowango'au. De womaade-ade ona'a mangale ma Jou ma Dutu awi pareta.4Ma moi'u, o Yesus de awi huhulo'o yomalomuno yoodomo de wo'ihibehehongo onane, <<Uwa niamada o Yerusalem ma bendaro'a. Niodamaa neena'a hiadono 'ai Dea wo'ula o 'iau naga ge wohijajio'au, geenala o Omaha 'Iofi-ofi nage tinihingahuo'au 'a ma hilahi.5Hababu o Yohanes una wo'iohi'i o nyawa de o a'ele; ma aha 'aitaaowau de ngini aha niohi'i de o Omaha 'Iofi-ofi mangale ma Jou ma Dutu wo'ula o Omaha 'Iofi-ofi.>>6Ma moi geena o hu-hulo'o goona yomalomuno de o Yesus de yohano Una'a, <<Jou, neena nomau nohigo'oli o Israelo'a ma pareta?>>7O Yesus wopaluhu, <<Ngaro uwau niana'o muluo'a de idadi. Geena 'a o Aba ma hirete wohitatapi imote'e awi 'uaha.8Ma ngini aha niama'e o 'uaha, nage aha ma oraha Omaha 'Iofi-ofi niduguti. De ngini aha nihingahu o nyawa'a mangale Ngoi o Yerusalem ma bendaro'a, de o Yudea de o Samaria ma daera'a moi-moi, de hiadono o tona'a ma baha'a.>>9Iduangino o Yesus womaade-ade 'ogeena de Ma Jou ma Dutu wigoa'a o horogade awi hu-hulo'o manga biono'a, de wige-gelelo ena o 'amo-amo wihao'au.10Ona ayoge-gelelohi o diwangie nage o Yesus wodoa, 'itodo'anino ena o nyawa yamididi manga baju 'iare-arehe yomahigo'ode manga date'o'a.11De yamididi goona yotemo, <<Ee, ngini o Galilea ma nyawa! Uwau nimahigo'ode o diwangie nioge-gelelo. O Yesus nage niabiono'a geo wigoa'o'au horogade, aha woboali harage de 'aano niama'e'au o horogade wigoa'a.>>12Geena'a de o hu-hulo'o goona o Zaitun ma de'uo'a de yolio o Yerusalemu'u, ma ga'ulu poelua o kilo moi'ani .13Yomahiadonu'u o Yerusalemo'a o woa moi'a nage yomahido-dogumi'a de yodoade da'u o dingii moi 'ida-daduie. O hu-hulo'o ona geena o Petrus, o Yohanes, o Yakobus de o Andreas, o Filipus de o Tomas, o Bartolomeus de o Matius, o Yakobus o Alfeus awi ngoa'a, de o Simon nage witehongo o Zelot ma nyawa, de o Yudas o Yakobus awi ngoa'a.14Ona moi-moi 'ao hininga moi de 'aitauri'a yomalomu mangale yomadahaubayanga. Ona yomadahaubayanga de o nge-ngewe'a yamuluo naga de o ngo Maria o Yesus ma eha ma, de o Yesus awi riadodoto.15Ma moi geena, o nyawa yonga'u-nga'u o Yesusi'a ge yomalomuno poelua yaratuhu moi de monao'oni, de o Petrus womagoa'ie manga biono'a de womaade-ade wotemo,16<<Ri-riadodoto! O 'iau naga ge itulihu'u'au o Bo'u Ibe-berehi'u geena halingou idadi, geena la ma hila o Omaha 'Iofi-ofi 'ihidemo'au ma nge'omo o Daut, mangale o Yudas ge manga balu-baluhu ma oraha o Yesus witago'o.17O Yudas una geena ma hila de de ngone, de una ma wiili'o'au mangale wo'arajaanga de de ngone.>>
(18O Yudas una o tona'a moi womadama'e'au hababu awi ngelu'u ma bobangu wohihangu. Geena'a dau de woota'a wopaga'u de awi po'o irepa ho awi toto ma ihupuno.19Moi-moi o Yerusalemo'a yomanoa-noa ya'o'ina'o'au, ho ma tona'a geena yohironga de toona ma demo geenala Akeldama, ma mangariti o Aunu ma Tona'a.)20De o Petrus wotemoli, o Mazmur ma bo'uo'a naga ihitulihu'u onane:<Mada'ala awi woa'a 'amoiwau,de 'a moio ma uwa yomanoa geena'a.>Naga 'ihitulihu'u ma onane:<< <Mada'ala o nyawa ma homoa wialiti awi 'arajaanga.>21Hababu geena halingou womatengoli wodadi o ha'ihi de de ngone mangale o Yesus igou-goungu womomi'o'au. O nyawa guuna halingou ge 'aitauri'a wonii-nii'i de de ngone ma oraha o Yesus powinii'i 'ia'a naga bato, nage ma oraha o Yohanes woohi-ohi'i womulaenge o nyawa woohi'i, hiadono o Yesus wigoa'o'au o horogade to ngone nanga hidogorona'a.>>23Ho o nyawa yonga'u-nga'u yoboano geena'a ge de yo'iili'i yamididi geena la o Yusuf nage wihironga o Barsabas, una ma wiaho'o o Yustus, womatengoli geena la o Matias.24Geena'a de ona yohaubayanga onane, <<Jou ngona nana'o o nyawa moi-moi manga hininga. O Yudas wamada'au awi arajaanga geenala o hu-hulo'o, de wohonengo'au ho wohi'ai'a'au o ngii'a nage yadaene una geena'a. Ho miogaaho'o tanu nohimaitino ngomino o nyawa yamididi noona, naguunau nowiilii'i la wagagao o 'arajaanga geena o Yudas wialiti.>>26Yomadahaubayanga iduangino de yamididi goona yo'iili'i ho manga ronga yaundi, de o Matiasu'u witaana. Ho una wigoa'a wodadi o hu-hulo'o mangale yorimoi de o hu-hulo'o ma regu yamogio'o de moi.
(18O Yudas una o tona'a moi womadama'e'au hababu awi ngelu'u ma bobangu wohihangu. Geena'a dau de woota'a wopaga'u de awi po'o irepa ho awi toto ma ihupuno.19Moi-moi o Yerusalemo'a yomanoa-noa ya'o'ina'o'au, ho ma tona'a geena yohironga de toona ma demo geenala Akeldama, ma mangariti o Aunu ma Tona'a.)20De o Petrus wotemoli, o Mazmur ma bo'uo'a naga ihitulihu'u onane:<Mada'ala awi woa'a 'amoiwau,de 'a moio ma uwa yomanoa geena'a.>Naga 'ihitulihu'u ma onane:<< <Mada'ala o nyawa ma homoa wialiti awi 'arajaanga.>21Hababu geena halingou womatengoli wodadi o ha'ihi de de ngone mangale o Yesus igou-goungu womomi'o'au. O nyawa guuna halingou ge 'aitauri'a wonii-nii'i de de ngone ma oraha o Yesus powinii'i 'ia'a naga bato, nage ma oraha o Yohanes woohi-ohi'i womulaenge o nyawa woohi'i, hiadono o Yesus wigoa'o'au o horogade to ngone nanga hidogorona'a.>>23Ho o nyawa yonga'u-nga'u yoboano geena'a ge de yo'iili'i yamididi geena la o Yusuf nage wihironga o Barsabas, una ma wiaho'o o Yustus, womatengoli geena la o Matias.24Geena'a de ona yohaubayanga onane, <<Jou ngona nana'o o nyawa moi-moi manga hininga. O Yudas wamada'au awi arajaanga geenala o hu-hulo'o, de wohonengo'au ho wohi'ai'a'au o ngii'a nage yadaene una geena'a. Ho miogaaho'o tanu nohimaitino ngomino o nyawa yamididi noona, naguunau nowiilii'i la wagagao o 'arajaanga geena o Yudas wialiti.>>26Yomadahaubayanga iduangino de yamididi goona yo'iili'i ho manga ronga yaundi, de o Matiasu'u witaana. Ho una wigoa'a wodadi o hu-hulo'o mangale yorimoi de o hu-hulo'o ma regu yamogio'o de moi.
The Seed Company