O Yohanes19
1Geena'a de o Pilatus woohama de wo'ihulo'o o hurudado wipoha o Yesusi'a, de o Bo-boha o guminino yadiai'u nage ma doe'a de ma doto'a.2De o hurudado yodiai o Yesus awi tuala moi o gota ma jaga-jagano 'ihi-hihi'a de yohinoa'u awi haeo'a ma ngale wihohedu. Geena iduanga de o baju i'a-'a'ulu'u ma uungu wihino'au,3de ya'ai'a yogi-gilio'a Una'a yotemo, <<Tabea! O Yahudio'a manga O ana!>> De ona wipo'a.4Geena iduangino de o Pilatus ma moiohi wohupu de wotemo o nyawa yolepe-lepe'a, <<Bei'a niwigelelo towihihupuno nia biono'a, la niana'o na'o ngoi 'atodama'ewa Awi hala 'a moi ma.>>5Ho o Yesus wohupu de Awi tuala 'ihi-hihi'a de Awi baju i'a-'a'ulu'u ma uungu, de o Pilatus wotemo ona'a, <<Bee'a niwigelelo o Nyawa guuna.>>6Wa'utu o 'imam ma hae-hae'e de yogoa-goana goona wima'e o Yesus, de yohiga-gaho'o, <<Niwihidele o salipo'a! Niwihidele o salipo'a!>>
De o Pilatus wotemo ona'a, <<Ine niwieheno la ngini ma hirete niwihidele o salipo'a Ngoi 'atodama'ewa awi halaa moi ma.>>7O Yahudio'a ma nyawa yopaluhu, <<Imote'e to ngomi mia hu'umu, 'una geena halingou wihu'umu wiho-hongene, hababu una womahironga ma Jou ma Dutu Awi Ngoa'a.>>8O Pilatus nage wo'iheno'a 'ogeena yotemo, de 'iholoioli wohawana.9Ho woohamoli awi 'adato ma doda'a de ma oraha o Yesus wihiohami'a de o Pilatus wohano Una'a, <<Ngona neena ni 'ahala 'ianou?>>
Ma o Yesus 'awopaluhua.10Ho o Pilatus wotemoli, <<'Anoolu'u nomaade-ade ngoino? Ngona 'anana'owa ngoi neena to'uaha tonihipidili de tonihidele o salipo'a?>>11De o Yesus Wopaluhu, <<Na'o ma Jou ma Dutu 'anowi'ulawa o 'uaha geena, ngona'a ma ile-ile ma 'aidadiwa noipareta. Hababu geena o nyawa nage 'ihigiama ma hoata ngona'a, to ona 'iholoi manga baradoha iamo'o de to ngona.>>12Ma oraha o Pilatus woihene 'ogeena de ma nge'omo wodahali'i la o Yesus wihipidili. Duga o Yahudio'a yohigaho-gaho'o o Pilatusia, <<Na'o ngona nowihipidili, geena ngona 'aniogiamanaiwau de o Roma'a manga Kaisar! Hababu nagoonau nage yomanga'u ma oana, ona geena ma Kaisar awi haturuu!>>13Ho gee o Pilatus wo'iheno'a manga demo geena, de wohulo'o o Yesus wihihupu'a de o Pilatus wogogelu'u o 'uruhio'a, o ngii nage biaha wataila'o o nyawa manga hala ma diai nage yatehongo o Mehele o Heleono. (O Ibranio'a yohironga o Gabata.)14Ma oraha geena poelua o wange 'i'orona'au, manga wange ma amo'o nage 'ihironga o Paskah yaadonou. O Pilatus wotemo o Yahudioa ma nyawa-nyawa'a go'ona, <<Neena nia oana!>>15De ona yohigaho-gaho'o, <<Niwitooma! Niwitooma! Niwihidele o salipo'a!>>
O Pilatus wohano ona'a, <<halingou ngoi towihidele Salipo'a 'ania oana?>>
De o 'imam ma hae-hae'e yopaluhu, <<'Amia oana duga 'a o Roma ma Kaisar womatengo'a!>>16Ma baha'u o Pilatus o Yesus wihigiama ma hoata ona'a ma ngale Wihidele o salipo'a. Ho o hurudado wiehee de wi'aha'au Una mangale wihidele o salipo'a.17O Yesus wihihupu ma bendaro'a geena, de Wamo'u awi salipi de waaha o ngii moi'a nage yohironga <<O Hae'e ma Obongo ma Ngii>>. (O Ibranio'a yohironga o Golgota.)18Geena'a do'a Una wihidele o salipo'a. Wihidihidele o Salipo'a de de Una o nyawa yamididi. Womatengo awi gubalio'a, de womatengo awi guidao'a ho o Yesus una ma gorona'a.19O Pilatus wohulo'o yohidapa'u'o o Yesus awi salipo'o Awi hae'e ma de'ude yohitulihi'a onane, <<O Yesus o Nazaretino, o Yahudio'a manga Oana.>>20O Yahudio'a manga lepe yabaca 'ihituli-tulihi'a geena, hababu o Yesus wihide-hidele o salipo'a ma dingii geena o 'ai'a'uli'awa ima'atinga'a de o Yerusalem ma bendara. Nage ihitulihi'a geena o Ibranio'a de o Latino'a de o Yunanio'a ma demo.21O imam ma hae-hae'e o Pilatusi'a yotemo, <<Uwa 'ihitulihi'a <O Yahudio'a manga Oana>, ma nihituli'a, <O nyawa nuuna wotemo, Ngoi neena o Yahudio'a manga Oana.> >>22Ma o Pilatus wopaluhu, <<O'iau tatuliho'au geena 'ogeenau.>>23O hurudado nage o Yesus iduangino wihidele o salipo'a, de awi pa'eanga yaehe ho yomahi'ado'u o yadiai dobi'i hoato'a ho o nyawa moi o dobi'i moi. De awi baju i'a-'a'ulu'u ma yaehe. Awi baju i'a-'a'ulu'u 'a ma ngodumu geena yodiai da'u de 'ihi'au'u hiadono da'u'u ma didini oiwa.24Ho o hurudado goona yoma'atemo, <<Uwa paraca-racanga o baju 'i'a-'a'ulu'u neena. Niaino poundi la naguunau wadaene geena una waehe.>> 'Ogeena idadi la imote'e harage de o'iau naga ge ihitulihu'u'au o Bo'u 'Ibe-berehi'u geenala:<<Ona yomahi'ado'u 'ai pa'eangade 'ai baju 'i'a-'a'ulu'u yoduundi.>>De geena itiai, o hurudado goona yodiai 'ogeena.25O Yesus awi salipi ma dateo'a, yomahigo-o'go'ode o Yesus ma eha, de ma eha o dodoto, o ngo Maria o Klopas ma we'ata, de ngo Maria Magdalena.26Nage o Yesus wo'ima'e ma eha de awi ni-nii'i nage wihiboho-bohono womahigo'ode ma eha ami date'o'a de wotemo ma eha'a, <<'E yai de, guuna nowidiai harage de to ngona 'ani ngoa'a.>>27Aha de wotemoli awi ni-nii'i'a guuna, <<Gumuna nomidiai harage de to ngona ani eha.>> Ho 'imulaenge ma oraha geena de o ni-nii'i guuna miaha'au o Yesus ma eha momanoa awi woa'a.28O Yesus wana'o'au na'o ma oraha neena Awi 'arajaanga moi-moi waduango'au. De geena mangale la o'iau naga gee 'ihitulihu'u'au o Bo'u 'Ibe-berehi'u ge idadi, de wotemo, <<'ai ngomaha idudungu.>>29Geena'a o angguru ma cu'a o hawo'o moi yaoma-'omangie. Ho o spons yohitabu ma angguru ma cu'a'u, de o gota o hisop ma jaga'a yohitopo'o'o de yohitubode Awi 'ulu ma 'aide yohitigi.30De aha o Yesus wataili ma angguru ma cu'a geena, de wotemo, <<iduango'au!>>
Geena'a de awi hae'e womaponu'u de awi ngomaha 'itoa'a.31O Yahudio'a ma balu-baluhu yoolu'u o nyawa yohone-honengu'u o salipo'a manga maiyeti 'ogeena 'ihideli'a manga wange ma amo'u'u nage ihironga o Sabat ma wange. 'Iholoioli o Sabat ma wange geena o wange ma amo'o moi 'iditinga'a. Ma oraha o Yesus wihidele o salipo'a geena o Sabat ma wange yaadonou. Ho O Yahudio'a yotagi o Pilatusi'a yogaaho'o o nyawa ge yo'ihide-hidelei'a o salipo'a, manga dou yatobi'i la itaiti yohonenge de manga maiyeti yohiguti.32Ho o hurudado ya'ai'a de yohitihila yatobi'i yamididi manga dou gee yoidihidele de o Yesus salipo'a33Geena ya'adono o Yesusi'a, 'ena wima'e wohongeno'au. Ho to una 'ayatobi'uwa.34Duga o Yesus awi meheohi'a o hurudado womatengo wihitadi, de o 'uama ho 'ihupu o aunu de o a'ele.35O nyawa nage wama'e-ma'e o'iau naga ge idadio'au geena, una wohingahu moi-moi, la ngini ma nionga'u. De awi ha'ihi geena itiai, de wana'o geena ma gou-goungu itiai.36Geena idadi, mote'e harage 'ihituliho'au o Bo'u 'Ibe-berehi'a geenala, <<'wi obongo Amoio ma Itobi'ua.>>37De o Bo'u Ibe-berehi 'ihitulihu'u onaneli, <<Ona aha wigegelelo Una'a nage witadio'au.>>38Geena iduangino de o Yusuf o Arimateano wogaaho'o o Pilatusi'a la 'una iadadi wohiguti o Yesus Awi maiyeti. (O Yusuf geena o Yesus awi ni-nii'i ma 'awomaiu-iunu hababu wo'idomodongo o Yahudio'a manga balu-baluhu.) O Pilatus wohigumada ho wa'ai'a waehe o Yesus awi maiyeti.39O Nikodemus nage ma hila o wutu'u de woboa-boa o Yesusino, 'una ma wonii'i o Yusuf. O Nikodemus wo'aha o gota ma titigono ma bounu yaowa-owa gee yohironga o mur 'ihiganu'u de o gaharu poelua o kilo moruange'u la wi maiyeti yohi'ili.40Yamididi goona o Yesus awi maiyeti ya'ehe, de yahao. Yohihao de o moha o lenan yohidahao de o mur de o gaharu ihia-aganu'u geena, imote'e o Yahudio'a manga adata o hongene yopoohu'u.41Nage o Yesus wihide-hidele o salipo'a ma dateo'a, geena'a o baili moi de ma doda'a o boohu'u o aruu'u ma hungi o ngai moi omaiwahi yo'iboohu'u.42Hababu o boohu'u geena 'a ma horino, de Sabat ma wange hali'i yaadono, ho ona wipoohu'u geena'a.
De o Pilatus wotemo ona'a, <<Ine niwieheno la ngini ma hirete niwihidele o salipo'a Ngoi 'atodama'ewa awi halaa moi ma.>>7O Yahudio'a ma nyawa yopaluhu, <<Imote'e to ngomi mia hu'umu, 'una geena halingou wihu'umu wiho-hongene, hababu una womahironga ma Jou ma Dutu Awi Ngoa'a.>>8O Pilatus nage wo'iheno'a 'ogeena yotemo, de 'iholoioli wohawana.9Ho woohamoli awi 'adato ma doda'a de ma oraha o Yesus wihiohami'a de o Pilatus wohano Una'a, <<Ngona neena ni 'ahala 'ianou?>>
Ma o Yesus 'awopaluhua.10Ho o Pilatus wotemoli, <<'Anoolu'u nomaade-ade ngoino? Ngona 'anana'owa ngoi neena to'uaha tonihipidili de tonihidele o salipo'a?>>11De o Yesus Wopaluhu, <<Na'o ma Jou ma Dutu 'anowi'ulawa o 'uaha geena, ngona'a ma ile-ile ma 'aidadiwa noipareta. Hababu geena o nyawa nage 'ihigiama ma hoata ngona'a, to ona 'iholoi manga baradoha iamo'o de to ngona.>>12Ma oraha o Pilatus woihene 'ogeena de ma nge'omo wodahali'i la o Yesus wihipidili. Duga o Yahudio'a yohigaho-gaho'o o Pilatusia, <<Na'o ngona nowihipidili, geena ngona 'aniogiamanaiwau de o Roma'a manga Kaisar! Hababu nagoonau nage yomanga'u ma oana, ona geena ma Kaisar awi haturuu!>>13Ho gee o Pilatus wo'iheno'a manga demo geena, de wohulo'o o Yesus wihihupu'a de o Pilatus wogogelu'u o 'uruhio'a, o ngii nage biaha wataila'o o nyawa manga hala ma diai nage yatehongo o Mehele o Heleono. (O Ibranio'a yohironga o Gabata.)14Ma oraha geena poelua o wange 'i'orona'au, manga wange ma amo'o nage 'ihironga o Paskah yaadonou. O Pilatus wotemo o Yahudioa ma nyawa-nyawa'a go'ona, <<Neena nia oana!>>15De ona yohigaho-gaho'o, <<Niwitooma! Niwitooma! Niwihidele o salipo'a!>>
O Pilatus wohano ona'a, <<halingou ngoi towihidele Salipo'a 'ania oana?>>
De o 'imam ma hae-hae'e yopaluhu, <<'Amia oana duga 'a o Roma ma Kaisar womatengo'a!>>16Ma baha'u o Pilatus o Yesus wihigiama ma hoata ona'a ma ngale Wihidele o salipo'a. Ho o hurudado wiehee de wi'aha'au Una mangale wihidele o salipo'a.17O Yesus wihihupu ma bendaro'a geena, de Wamo'u awi salipi de waaha o ngii moi'a nage yohironga <<O Hae'e ma Obongo ma Ngii>>. (O Ibranio'a yohironga o Golgota.)18Geena'a do'a Una wihidele o salipo'a. Wihidihidele o Salipo'a de de Una o nyawa yamididi. Womatengo awi gubalio'a, de womatengo awi guidao'a ho o Yesus una ma gorona'a.19O Pilatus wohulo'o yohidapa'u'o o Yesus awi salipo'o Awi hae'e ma de'ude yohitulihi'a onane, <<O Yesus o Nazaretino, o Yahudio'a manga Oana.>>20O Yahudio'a manga lepe yabaca 'ihituli-tulihi'a geena, hababu o Yesus wihide-hidele o salipo'a ma dingii geena o 'ai'a'uli'awa ima'atinga'a de o Yerusalem ma bendara. Nage ihitulihi'a geena o Ibranio'a de o Latino'a de o Yunanio'a ma demo.21O imam ma hae-hae'e o Pilatusi'a yotemo, <<Uwa 'ihitulihi'a <O Yahudio'a manga Oana>, ma nihituli'a, <O nyawa nuuna wotemo, Ngoi neena o Yahudio'a manga Oana.> >>22Ma o Pilatus wopaluhu, <<O'iau tatuliho'au geena 'ogeenau.>>23O hurudado nage o Yesus iduangino wihidele o salipo'a, de awi pa'eanga yaehe ho yomahi'ado'u o yadiai dobi'i hoato'a ho o nyawa moi o dobi'i moi. De awi baju i'a-'a'ulu'u ma yaehe. Awi baju i'a-'a'ulu'u 'a ma ngodumu geena yodiai da'u de 'ihi'au'u hiadono da'u'u ma didini oiwa.24Ho o hurudado goona yoma'atemo, <<Uwa paraca-racanga o baju 'i'a-'a'ulu'u neena. Niaino poundi la naguunau wadaene geena una waehe.>> 'Ogeena idadi la imote'e harage de o'iau naga ge ihitulihu'u'au o Bo'u 'Ibe-berehi'u geenala:<<Ona yomahi'ado'u 'ai pa'eangade 'ai baju 'i'a-'a'ulu'u yoduundi.>>De geena itiai, o hurudado goona yodiai 'ogeena.25O Yesus awi salipi ma dateo'a, yomahigo-o'go'ode o Yesus ma eha, de ma eha o dodoto, o ngo Maria o Klopas ma we'ata, de ngo Maria Magdalena.26Nage o Yesus wo'ima'e ma eha de awi ni-nii'i nage wihiboho-bohono womahigo'ode ma eha ami date'o'a de wotemo ma eha'a, <<'E yai de, guuna nowidiai harage de to ngona 'ani ngoa'a.>>27Aha de wotemoli awi ni-nii'i'a guuna, <<Gumuna nomidiai harage de to ngona ani eha.>> Ho 'imulaenge ma oraha geena de o ni-nii'i guuna miaha'au o Yesus ma eha momanoa awi woa'a.28O Yesus wana'o'au na'o ma oraha neena Awi 'arajaanga moi-moi waduango'au. De geena mangale la o'iau naga gee 'ihitulihu'u'au o Bo'u 'Ibe-berehi'u ge idadi, de wotemo, <<'ai ngomaha idudungu.>>29Geena'a o angguru ma cu'a o hawo'o moi yaoma-'omangie. Ho o spons yohitabu ma angguru ma cu'a'u, de o gota o hisop ma jaga'a yohitopo'o'o de yohitubode Awi 'ulu ma 'aide yohitigi.30De aha o Yesus wataili ma angguru ma cu'a geena, de wotemo, <<iduango'au!>>
Geena'a de awi hae'e womaponu'u de awi ngomaha 'itoa'a.31O Yahudio'a ma balu-baluhu yoolu'u o nyawa yohone-honengu'u o salipo'a manga maiyeti 'ogeena 'ihideli'a manga wange ma amo'u'u nage ihironga o Sabat ma wange. 'Iholoioli o Sabat ma wange geena o wange ma amo'o moi 'iditinga'a. Ma oraha o Yesus wihidele o salipo'a geena o Sabat ma wange yaadonou. Ho O Yahudio'a yotagi o Pilatusi'a yogaaho'o o nyawa ge yo'ihide-hidelei'a o salipo'a, manga dou yatobi'i la itaiti yohonenge de manga maiyeti yohiguti.32Ho o hurudado ya'ai'a de yohitihila yatobi'i yamididi manga dou gee yoidihidele de o Yesus salipo'a33Geena ya'adono o Yesusi'a, 'ena wima'e wohongeno'au. Ho to una 'ayatobi'uwa.34Duga o Yesus awi meheohi'a o hurudado womatengo wihitadi, de o 'uama ho 'ihupu o aunu de o a'ele.35O nyawa nage wama'e-ma'e o'iau naga ge idadio'au geena, una wohingahu moi-moi, la ngini ma nionga'u. De awi ha'ihi geena itiai, de wana'o geena ma gou-goungu itiai.36Geena idadi, mote'e harage 'ihituliho'au o Bo'u 'Ibe-berehi'a geenala, <<'wi obongo Amoio ma Itobi'ua.>>37De o Bo'u Ibe-berehi 'ihitulihu'u onaneli, <<Ona aha wigegelelo Una'a nage witadio'au.>>38Geena iduangino de o Yusuf o Arimateano wogaaho'o o Pilatusi'a la 'una iadadi wohiguti o Yesus Awi maiyeti. (O Yusuf geena o Yesus awi ni-nii'i ma 'awomaiu-iunu hababu wo'idomodongo o Yahudio'a manga balu-baluhu.) O Pilatus wohigumada ho wa'ai'a waehe o Yesus awi maiyeti.39O Nikodemus nage ma hila o wutu'u de woboa-boa o Yesusino, 'una ma wonii'i o Yusuf. O Nikodemus wo'aha o gota ma titigono ma bounu yaowa-owa gee yohironga o mur 'ihiganu'u de o gaharu poelua o kilo moruange'u la wi maiyeti yohi'ili.40Yamididi goona o Yesus awi maiyeti ya'ehe, de yahao. Yohihao de o moha o lenan yohidahao de o mur de o gaharu ihia-aganu'u geena, imote'e o Yahudio'a manga adata o hongene yopoohu'u.41Nage o Yesus wihide-hidele o salipo'a ma dateo'a, geena'a o baili moi de ma doda'a o boohu'u o aruu'u ma hungi o ngai moi omaiwahi yo'iboohu'u.42Hababu o boohu'u geena 'a ma horino, de Sabat ma wange hali'i yaadono, ho ona wipoohu'u geena'a.
The Seed Company