O Yohanes18
1iduangino o Yesus womadahaubayanga 'ogeena, de aha Una de Awi ni-nii'i yotagi o Kidron ma a'ele ma hononga'a. Geena'a o baili o ngai moi ho o Yesus de Awi ni-nii'i yoohama geena'a.2O Yudas nage o wiwu'u-wu'unu o Yesus guuna, wohi'ana'o o dingii geena; hababu o Yesus de awi ni-nii'i ikade yomalomu-lomu geena'a.3Ho o Yudas wotagi geena'a de wo'iaha o Roma'a manga hurudado o bolu moi de ma Jou ma Dutu awi Woa ma go-goana yamuluo naga nage ma 'imam ma hae-hae'e de o Farisio'a yo'ihulo'o. Ona yoaha o poci o oboro de o dia.4O Yesus wana'o'au moi-moi nage done idadi 'una'a. Ho womahidutu'u nage yoboa-boano goona de Una wohano, <<Naguunau niwihali'i?>>5Ona yopaluhu, <<O Yesus o Nazaret ma nyawa.>>
O Yesus wotemo, <<Ngoiou neena.>>
O Yudas gee o Yesus wiwu'u-wu'unu guuna womahigo'ode geena'a de de ona.6Ma oraha o Yesus wotemo na'o, <<Ngoiou neena,>> de ona moi-moi yomahuhu'u manga duduno'o de 'ayolubade.7Ma moiohi o Yesus wohano ona'a, <<Naguunau niwihali'i?>>
Ona yopaluhu, <<O Yesus o Nazaret ma nyawa.>>8O Yesus wotemo, <<Tohidemo'au na'o Ngoiou neena. Ho na'o i goungu Ngoi nihalli'i, ni'imada'a 'ai ni-nii'i noona yotagi.>> (9De 'ogeena wotemo, idadio'au o'iau naga gee o Yesus wohidemo'au: <<Aba o nyawa nage ngoino no'ula-'ula, 'a moio ma 'ayoihanguwa.>>)10O Simon Petrus nage o dia o ngai moi woaha, wahiatie de widingi'a ma 'Imam ma Amo'o awi gilaongi'a womatengo ho wihioto awi ngau'u ma guida'a hiadono watoa'o'a. O gilaongo guuna awi ronga o Malkus.11Ho o Yesus wotemo o Petrusi'a, <<Ani dia nasarumo'oli! Igoungu Ngoi halingou tohangihara, geena harage de Halingou tao'ele hawo'ino nage 'ai Dea wo'ula mangale tao'le?>>12Geena'a de o Roma'a manga hurudado de manga 'apita de ma Jou ma Dutu awi Woa ma go-goana nage o Yahudio'a yo'ilulo-hulo'o goona witago'o o Yesusi'a de wili'o.13Ma di-dihila'a ona o Yesus wiaha wihitaali o Hanasi'a, o Kayafas ma toroa. O Kayafas geena o 'Imam ma Amo'o ma taunu geena.14De unau geena wo'ihitiario'au o Yahudio'a manga balu-baluhi'a na'o 'iholoi yaowa womatengo wohongene mangale to ngone nanga nyawa moi-moi.15O Simon Petrus de o ni-nii'i ma regu womatengo o Yesus winii'i. O ni-nii'i ma regu guuna wina'o ma 'Imam ma Amo'o; ho una ma woohama de o Yesus ma 'Imam ma Amo'o awi woa ma bibini'a.16Ena o Petrus una woda-damaa ma duduno'a, o ngoano'a. Geena'a de o ni-nii'i ma regu guuna nage wina'o ma Imam ma Amo'o, wohupu de womaade-ade de o gilaongo momatengo nage o ngoana mogoa-goana, geena'a de wihiohama o Petrus do'ai'a o woa ma bibini'a.17O gilaongo o ngoana mogoa-goana gumuna motemo o Petrusi'a, <<Ee, ngonao ma o nyawa guuna awi ni-nii'i to?>>
O Petrus wopaluhu, <<Ouwa.>>18Ma oraha geena o loo'o ho o gi-gilaongo de yogoa-goana goona o u'u yotaulieu de yomaau'i'a geena'a. O Petrus wa'ai'a de womahigo'ode woma'au'u de de ona.19De Ma 'Imam ma Amo'o o Yesusi'a wihano ma ngale awi ni-nii'i de awi do-doto'o.20O Yesus wopaluhu, <<Ngoi 'aitauri'a tomaade-ade tohibo-booti'a o 'awaha manga biono'a, 'aitauri'a todoto'o o do-doomu ma woa'a-woa'a de ma Jou Dutu awi Woa'a, nage biaha o Yahudio'a yomalomu-lomu ma ngiio'a. Omaiwa o iani tohidemo tohipongo-pongono.21Idodoau ho ngona nohano Ngoino? No'ihanou ona'a nage yoihe-'iheno'au Ngoi todoto'o. Ma raio'au ona yana'o o'iau totemo.>>22Ma oraha o Yesus wotemo 'ogeena, de womatengo ma Jou ma Dutu awi woa wogoa-goana guuna wipo'a o Yesusi'a de wotemo, <<Animooino'a cara nomaade-ade 'ogeena o 'Imam ma Amo'i'a de!>>23O Yesus wopaluhu, <<Nao ngoi totemo o 'iani 'a ma gounguwa, 'anohidemo bato. Ma na'o o'iau naga totemo-temo geena la ma goungu, dodoau ho noipo'a?>>24Geena'a de o Hanas wohulo'o o nyawa'a wiaha o Yesus Kayafasi'a ma Imam ma Amo'o guuna, de awi giama yali'o'a o.25O Simon Petrus 'a womaau'i'ahi womahigo'ode, de o nyawa-nyawa yotemo una'a, <<Marai ngona ma o nyawa guuna awi ni-nii'i to?>>
Ma o Petrus womahipongono wotemo, <<Ouwa!>>26Ma 'Imam ma Amo'o awi gilaongo womatengo una geena yadaene awi riadodoto de o nyawa nage awi ngau'u o Petrus waoto. Una wotemo, <<Marai ngonau tonima'e o bailo'a nage de o Yesus to?>>27Geena'a de o Petrus womahipongonoli wotemo, <<O'uwa.>> De ma oraha geena o namo iholene.28O dedewelanohi de o Yesus wihihupu o Kayafas awi woa'a wiaha o Roma'a manga gubernuru awi 'adato'a. O Yahudio'a ma hirete 'ayoohamua o 'adato ma doda'a, la uwa yomedili 'imote'e manga agama ma 'atoranga, hababu ona yomau yoodo-odomo manga wange ma amo'u'u nage 'ihironga o Paskah.29Hababu geena o Pilatus wohupu ona'a de wohano, <<Imote'e ngini O 'iau awi hala o nyawa nuuna?>>30Ona yopaluhu, <<Na'o la una 'a o 'iawa wahala, ngomi 'amiwiahawa o nyawa Nuuna ngona'a aba Gubernur.>>31O Pilatus wotemo ona'a, <<Niwiehe la niwihu'umu imote'e ti ngini ma hirete nia agama ma aturanga!>>
Ma o Yahudio'a yopaluhu, <<Ngomi o Yahudio'a ma nyawa mia haaka 'a'oiwa mangale o nyawa mio'ihu'umu mio'iho-honenge.>> (32Neena idadi la o'iau naga ge o Yesus wohidemo'au ma ngale done wohonenge ma do-dagi, geena aha idadi.)33O Pilatus woohamoli awi 'adato ma doda'a de o Yesus wiaho'ino de wihano, <<Oo, bote Ngona o Yahudio'a manga oana?>>34O Yesus wopaluhu, <<O ha-hano neena 'a ngonano ma hirete e'ola, naga o nyawa ma regu yohidemo'au ngona'a mangale Ngoi?>>35O Pilatus wopaluhu, <<Ngoi neena 'ao o Yahudio'awa ma nyawa! Nage niaha ngoino geena to ngona ma hirete ani nyawa de o imam ma hae-hae'e. O'iau nadiaio'au?>>36O Yesus wotemo, <<Ngoi 'ai Pareta 'a o dunianowa neena. Na'o la 'ai Pareta o duniano neena, 'ai nyawa-nyawa aha yoparaanga la ngoi uwa 'ihigiama hoata o Yahudio'a manga balu-baluhi'a. Ma ma goungu to Ngoi 'Ai Pareta 'a o dunianowa neena!>>37Ho o Pilatus wohano 'una'a, <<Na'o 'ogeena, ngona ma Oana?>>
O Yesus wopaluhu una'a, <<Ngona ma hirete notemo na'o Ngoi to oana. Ngoi tomaboa o duniano de Taino o duniano neena ma dumutu mangale tohingahu iti-tiai. O nyawa nage yaigo-igo iti-tiai ge'ena, yohigihene Ngoino.>>38O Pilatus wopaluhu, <<iti-tiai geena o'iau?>> O Yesus wihu'umu wiho-honenge (Mat. 27:15-31; Mrk. 15:6-20; Luk. 23:13-25)
Geena'a de o Pilatus wohupuoli awi 'adato'a de wotemo o Yahudi ma nyawa'a, <<'A o ngai moi ma 'atodama'ewa o Nyawa nuuna awi hala.39Ma Imote'e nia biaha o Paskah ma wange'u, Ngoi to'ihihupu ngini'a o nyawa womatengo o buino. Niomode'e ngoi towihihupu ngini'a o Yahudio'a manga Oana nage o Yesus nuuna?>>40Ona yopaluhu yomaore-orehe, <<Uwa Una, ma o Barabas!>> (O Barabas 'una geena woora-ora.)
O Yesus wotemo, <<Ngoiou neena.>>
O Yudas gee o Yesus wiwu'u-wu'unu guuna womahigo'ode geena'a de de ona.6Ma oraha o Yesus wotemo na'o, <<Ngoiou neena,>> de ona moi-moi yomahuhu'u manga duduno'o de 'ayolubade.7Ma moiohi o Yesus wohano ona'a, <<Naguunau niwihali'i?>>
Ona yopaluhu, <<O Yesus o Nazaret ma nyawa.>>8O Yesus wotemo, <<Tohidemo'au na'o Ngoiou neena. Ho na'o i goungu Ngoi nihalli'i, ni'imada'a 'ai ni-nii'i noona yotagi.>> (9De 'ogeena wotemo, idadio'au o'iau naga gee o Yesus wohidemo'au: <<Aba o nyawa nage ngoino no'ula-'ula, 'a moio ma 'ayoihanguwa.>>)10O Simon Petrus nage o dia o ngai moi woaha, wahiatie de widingi'a ma 'Imam ma Amo'o awi gilaongi'a womatengo ho wihioto awi ngau'u ma guida'a hiadono watoa'o'a. O gilaongo guuna awi ronga o Malkus.11Ho o Yesus wotemo o Petrusi'a, <<Ani dia nasarumo'oli! Igoungu Ngoi halingou tohangihara, geena harage de Halingou tao'ele hawo'ino nage 'ai Dea wo'ula mangale tao'le?>>12Geena'a de o Roma'a manga hurudado de manga 'apita de ma Jou ma Dutu awi Woa ma go-goana nage o Yahudio'a yo'ilulo-hulo'o goona witago'o o Yesusi'a de wili'o.13Ma di-dihila'a ona o Yesus wiaha wihitaali o Hanasi'a, o Kayafas ma toroa. O Kayafas geena o 'Imam ma Amo'o ma taunu geena.14De unau geena wo'ihitiario'au o Yahudio'a manga balu-baluhi'a na'o 'iholoi yaowa womatengo wohongene mangale to ngone nanga nyawa moi-moi.15O Simon Petrus de o ni-nii'i ma regu womatengo o Yesus winii'i. O ni-nii'i ma regu guuna wina'o ma 'Imam ma Amo'o; ho una ma woohama de o Yesus ma 'Imam ma Amo'o awi woa ma bibini'a.16Ena o Petrus una woda-damaa ma duduno'a, o ngoano'a. Geena'a de o ni-nii'i ma regu guuna nage wina'o ma Imam ma Amo'o, wohupu de womaade-ade de o gilaongo momatengo nage o ngoana mogoa-goana, geena'a de wihiohama o Petrus do'ai'a o woa ma bibini'a.17O gilaongo o ngoana mogoa-goana gumuna motemo o Petrusi'a, <<Ee, ngonao ma o nyawa guuna awi ni-nii'i to?>>
O Petrus wopaluhu, <<Ouwa.>>18Ma oraha geena o loo'o ho o gi-gilaongo de yogoa-goana goona o u'u yotaulieu de yomaau'i'a geena'a. O Petrus wa'ai'a de womahigo'ode woma'au'u de de ona.19De Ma 'Imam ma Amo'o o Yesusi'a wihano ma ngale awi ni-nii'i de awi do-doto'o.20O Yesus wopaluhu, <<Ngoi 'aitauri'a tomaade-ade tohibo-booti'a o 'awaha manga biono'a, 'aitauri'a todoto'o o do-doomu ma woa'a-woa'a de ma Jou Dutu awi Woa'a, nage biaha o Yahudio'a yomalomu-lomu ma ngiio'a. Omaiwa o iani tohidemo tohipongo-pongono.21Idodoau ho ngona nohano Ngoino? No'ihanou ona'a nage yoihe-'iheno'au Ngoi todoto'o. Ma raio'au ona yana'o o'iau totemo.>>22Ma oraha o Yesus wotemo 'ogeena, de womatengo ma Jou ma Dutu awi woa wogoa-goana guuna wipo'a o Yesusi'a de wotemo, <<Animooino'a cara nomaade-ade 'ogeena o 'Imam ma Amo'i'a de!>>23O Yesus wopaluhu, <<Nao ngoi totemo o 'iani 'a ma gounguwa, 'anohidemo bato. Ma na'o o'iau naga totemo-temo geena la ma goungu, dodoau ho noipo'a?>>24Geena'a de o Hanas wohulo'o o nyawa'a wiaha o Yesus Kayafasi'a ma Imam ma Amo'o guuna, de awi giama yali'o'a o.25O Simon Petrus 'a womaau'i'ahi womahigo'ode, de o nyawa-nyawa yotemo una'a, <<Marai ngona ma o nyawa guuna awi ni-nii'i to?>>
Ma o Petrus womahipongono wotemo, <<Ouwa!>>26Ma 'Imam ma Amo'o awi gilaongo womatengo una geena yadaene awi riadodoto de o nyawa nage awi ngau'u o Petrus waoto. Una wotemo, <<Marai ngonau tonima'e o bailo'a nage de o Yesus to?>>27Geena'a de o Petrus womahipongonoli wotemo, <<O'uwa.>> De ma oraha geena o namo iholene.28O dedewelanohi de o Yesus wihihupu o Kayafas awi woa'a wiaha o Roma'a manga gubernuru awi 'adato'a. O Yahudio'a ma hirete 'ayoohamua o 'adato ma doda'a, la uwa yomedili 'imote'e manga agama ma 'atoranga, hababu ona yomau yoodo-odomo manga wange ma amo'u'u nage 'ihironga o Paskah.29Hababu geena o Pilatus wohupu ona'a de wohano, <<Imote'e ngini O 'iau awi hala o nyawa nuuna?>>30Ona yopaluhu, <<Na'o la una 'a o 'iawa wahala, ngomi 'amiwiahawa o nyawa Nuuna ngona'a aba Gubernur.>>31O Pilatus wotemo ona'a, <<Niwiehe la niwihu'umu imote'e ti ngini ma hirete nia agama ma aturanga!>>
Ma o Yahudio'a yopaluhu, <<Ngomi o Yahudio'a ma nyawa mia haaka 'a'oiwa mangale o nyawa mio'ihu'umu mio'iho-honenge.>> (32Neena idadi la o'iau naga ge o Yesus wohidemo'au ma ngale done wohonenge ma do-dagi, geena aha idadi.)33O Pilatus woohamoli awi 'adato ma doda'a de o Yesus wiaho'ino de wihano, <<Oo, bote Ngona o Yahudio'a manga oana?>>34O Yesus wopaluhu, <<O ha-hano neena 'a ngonano ma hirete e'ola, naga o nyawa ma regu yohidemo'au ngona'a mangale Ngoi?>>35O Pilatus wopaluhu, <<Ngoi neena 'ao o Yahudio'awa ma nyawa! Nage niaha ngoino geena to ngona ma hirete ani nyawa de o imam ma hae-hae'e. O'iau nadiaio'au?>>36O Yesus wotemo, <<Ngoi 'ai Pareta 'a o dunianowa neena. Na'o la 'ai Pareta o duniano neena, 'ai nyawa-nyawa aha yoparaanga la ngoi uwa 'ihigiama hoata o Yahudio'a manga balu-baluhi'a. Ma ma goungu to Ngoi 'Ai Pareta 'a o dunianowa neena!>>37Ho o Pilatus wohano 'una'a, <<Na'o 'ogeena, ngona ma Oana?>>
O Yesus wopaluhu una'a, <<Ngona ma hirete notemo na'o Ngoi to oana. Ngoi tomaboa o duniano de Taino o duniano neena ma dumutu mangale tohingahu iti-tiai. O nyawa nage yaigo-igo iti-tiai ge'ena, yohigihene Ngoino.>>38O Pilatus wopaluhu, <<iti-tiai geena o'iau?>> O Yesus wihu'umu wiho-honenge (Mat. 27:15-31; Mrk. 15:6-20; Luk. 23:13-25)
Geena'a de o Pilatus wohupuoli awi 'adato'a de wotemo o Yahudi ma nyawa'a, <<'A o ngai moi ma 'atodama'ewa o Nyawa nuuna awi hala.39Ma Imote'e nia biaha o Paskah ma wange'u, Ngoi to'ihihupu ngini'a o nyawa womatengo o buino. Niomode'e ngoi towihihupu ngini'a o Yahudio'a manga Oana nage o Yesus nuuna?>>40Ona yopaluhu yomaore-orehe, <<Uwa Una, ma o Barabas!>> (O Barabas 'una geena woora-ora.)
The Seed Company