O Yohanes12
1O wange butangahi de o Yahudio'a manga wange ma amo'o nage yohironga o Paska yaadonou, de o Yesus wotagi o Betania ma hoani'a geena'au o Lazarus womanoa-noa'a. O Lazarus guuna nage ma hila wohonengu'u de o Yesus wihiwango.2Geena'a o nyawa nage yoboa-boano yodiai o rame yoodo-odomo mangale o Yesus, de o ngo Marta mo'ileleani, de o Lazarus ma geena'a yomahidoodomo de o Yesus.3Geena de o ngo Maria ma ehe o gooro duru ihali-hali, ma bounu yaowa-owa nage yohironga o narwastu poelua o litere ma dobi'i, de modalihi o Yesus awi dou'u de ma i'ili de ami utu. De ma woa ma doda geena yaomango'a de ma bounu yaowa-owa geena.4Ma o Yudas o Yesus awi ninii'i womatengo nage aha wihigiama ma hoata o Yesusi'a, wotemo:5<<Idodoau ho ma gooro ma bounu 'ihemo-hemo geena 'ai wu'unua nage ma ija 'ao hali o hala'a o ratuhu haange , de ma pipi geena po'i'ula o nyawa yohu-huha'a?>>6O Yudas 'ogeena wotemo geena ma ngale 'a o nyawa huhawa wo'idaali'a, ma ena hababu una geena wotohi-tohi'i. Una ika de waehe o ni-nii'i manga tiwi nage yohiga-gagao'a una'a.7Ma o Yesus wotemo, <<Nimimada'a! Muna modiai o geena mangale moihi'adiai harage ma oraha ipohu'ou.8O nyawa yohu-huha 'ai tauri'a naga dede ngini, ma Ngoi 'aitauri'awa naga de de ngini.>>9Manga lepe o Yahudio'a ma nyawa yoihene na'o o Yesus o Betania ma hoano'a, ho ona ma ya'ai'a. Ona yo'ai'a geena yomau witaila'o o Yesus, ma de yomau witaila'oli o Lazarus nage o Yesus wihiwango o honengino.10Mangale geenau ho o Yahudio'a manga imam ma hae-hae'e yomau witooma o Lazarusi'a ma,11hababu mangale una ho, o Yahudio'a manga lepe yo'imada manga balu-baluhu goona de yonga'u o Yesusi'a.12Ma dewelano o nyawa yolepe-lepe ge yoboano yodiai manga wange ma amo'o nage yohironga o Paskah, wigiihene bali o Yesus o nge'omo ma goronano'au awi dumutu o Yerusalemino.13Geena'a de ona yoehe o palem ma ho'a-ho'a de yotagi Wihobo'o de yomauli-ulili, <<Ucehehe! Powipuji nanga Jou ma Dutu! Tanu ma Jou ma Dutu wihibara'ati Una nage woboa de ma Jou awi ronga. Wihibara'ati o Israel manga Oana!>>14O Yesus wama'e o 'eledei moi ma goo, de Wobalene. Ho idadi harage aitulihu'u'au o Bo'u Ibe-berehii'u:15<<Uwa nio hawana o Sion ma nyawa,Niwigelelo e nia Oana woboa,Wogogelu'u o 'eledei ma goo'a ma de'uo'a.>>16Wa'utu geena awi ni-nii'i ayomangaritiwahi ma haala geena. Ma ma oraha o Yesus wihiwangoli de wihilamo'o, aha de ona yomadanganono na'o nage o nyawa widiai Una'a geena itulihu'au o Bo'u 'ibe-berehi'u ma ngale Una.17O nyawa gee yoboa-boano ma oraha o Yesus o Lazarus wohongenu'u de wihiwangoli wiaho'o wohupu o boohu'ino, ona 'ayatogumua yohijarita ma ngale o Lazarus wihiwango.18Geenau ho o nyawa yolepe-lepe goona yotagi o Yesus wijai-jai. Hababu ona yoihene na'o Unau wodiai o dudunguu 'ihera-heranga geena.19Ho o Farisio'a moi de moi yoma'atemo, <<'Ayoyai, ngone 'apomado-dooawau! 'A niama'e o nyawa manga lepe yotagi winii'i 'una'a!>>20O nyawa gee yotagi-tagi o Yerusalemi'a ma ngale yodinii'i o do-doomu nage ma oraha o wange ma amo'o ma rame-rame geena, geena'a dau manga hidogorona'a o Yunanio'a ma yamuluo'a naga geena'a.21Ona ya'ai'a o Filipusi'a de yotemo, <<Tuanga, na'o 'aidadi de ngomi miomau mima'ama'e de o Yesus.>> (O Filipus awi ahala o Betsaida ma hoanino o Galilea ma daera'a.)22Ho o Filipus wa'ai'a wohingahu o Andreasi'a, de aha ona yamididi yohingahu o Yesusi'a.23O Yesus wotemo ona'a, <<Ma oraha yaadono'au ma Jou ma Dutu wodiaiou o Nyawa ma Ngoa'a Wihilamo'o.24Ma gou-goungu itiai 'ai demo neena: Na'o o bira o mui moi 'ayatudu'ua o tona'u'u de 'aihonengua, aha ena 'a 'ogeena 'a o mui moio'a. Ma na'o o bira ma mui geena ihongene, aha ma hasili 'ihupuno ma amoo'a.25O nyawa nage manga wowango yahininga, aha manga wowango iihanga. Ma o nyawa gee 'ayahiningawa manga wowango o dunia'a neena, aha yapaliara manga wowango geena 'ahiado-adoni'a26O nyawa gee yomau 'ileleani ngoi, halingou 'inii'i ngoi, la 'ai lole-leani geena idadi de de ngoi ia'a naga ngoi tai'a. O nyawa gee 'ileleani ngoi, aha 'ai Dea wo'ihoromati.>>27O Yesus wotemo, <<Ae, 'ai hingina ihuha. O'iau halingou totemo? Halingou totemo na'o, <Aba, noihilehene o hangihara neena>? Ma hababu halingou tamo'u o hangihara neena, ho ngoi toboa o duniano.28Aba, tanu nohimaiti ani 'umati o nyawa'a!>> Ho o 'ilingi da'u o horoga'u 'itemo, <<Ngoi tohimaito'au 'ai 'umati, de aha tohimaitoli.>>29O nyawa yolepe-lepe geena'a nage yoihene o 'ilingi geena de yotemo, <<Geeena o daarata ma 'ilingi!>> Ma naga ma yotemo, <<O uwa, geena o malai'ata 'itemo Una'a!>>30Geena'a de o Yesus wotemoli ona'a, <<O ilingi gee poihe-ihene geena ma dumutu 'a ngoinowa, ma duga ngini'a.31Neena ma orahi ya'adono'au ma Jou ma Dutu waha'imi o nyawa o dunia'a, de ma oraha neena o dunia yapa-paretano geena la o To'ata ma oana 'aimado-doawau.32De na'o Ngoi igoa'o'au o salipie, Ngoi aha tadiai, hiadono o nyawa moi-moi idadi yonga'u Ngoino.>> 33'Una o geena wotemo, ma ngale wohimaiti o 'iau ma nge'omo aha una wohongene.34O nyawa yolepe-lepe goona yotemo una'a, <<Imote'e o Hu'umu ma Bo'uo'a itulihu'u, ma Oana o Nyawa Wohiha-halamata wowango 'ahiado-adoni'a. De cara'iau ho ngona notemo na'o o Nyawa ma Ngoa'a aha Wigoa'a de Wohonenge? Naguunau o Nyawa ma Ngowa'a guuna?>>35O Yesus wopaluhu, <<O daranga geena 'aitaaowau naga nginio'a. Ho nimadagiou ma oraha o daraanga 'a demaenahi, la ngini 'uwa nidaene o daluhu. O nyawa gee yotagi-tagi o daluho'a, yohiana'owa 'ia'a yohi'ai'a.36Ma oraha ngoi naga nginio'ahi, geena harage 'a o daranga naga nginioa. Ho ngini halingou nionga'u ngoino ma daranga geena, la ngini nia wowango harage de o daraanga.>> O Yahudio'a 'ayonga'uwa o Yesusi'a
O Yesus wotemo o geena, de womagoa'a geena'a do'a de 'awomahimaituwau ona'a.37Ngaro 'ao lepeu o dudungu 'ihera-heranga wodiai to ona manga biono'a, ma ona 'ayonga'uwa una'a.38Ho geena idadio'au harage de itulihu'au ma Nabi Yesaya wotemo'au onane,<<Jou, nage miohiha-habari geena nagoonau yanga'u?Nagoona'au Nohimaiti na'o Ngona 'iholoi No'uaha?>>39Ona 'ayonga'uwa, hababu o Yesaya wotemo'au onane ma,<<Ma Jou ma Dutu wotemo,40<Ngoi to'idiai onayopilo'o de manga hingina 'i'opini;la 'ayomahimahima'ewa,de 'ayomahina'owa.La ona 'uwa yoma'ilioli ngoino,la 'uwa to'ihiai'i.> >>41O Yesaya 'ogeena wotemo hababu ma hila o mo-ma'e ma higorona'a wama'e'au o Yesus wihilamo'o, ho womaade-ade ma ngale o Yesus.42Ngaro o geena, ma manga lepe ma yonga'u o Yesusi'a, naga o Yahudio'a manga balu-baluhu hona. Ma ona 'ayomooinua yohingahu, hababu ona yo'idomodongo uwa hiadono o Farisio'a 'ayohigumadawa yoohama o dodoomu 'ibe-berehi ma woa'a.43O Yahudio'a ma balu-baluhu goona, ona geena 'iholoi yaigo 'a o nyawa yo'ihoromati ona'a na'o pohitero ma Jou ma Dutu wo'ihoromati.44Geena'a de o Yesus wohigaho'o wotemo na'o, <<O nyawa nage yonga'u-nga'u ngoino, ona geena yonga'u 'a ngoinowa duga, ma winga'u ma Jou ma Dutu'a nage Woihulo-hulo'o.45De o nyawa nage 'ima'e'au Ngoi, geena wima'e'au Una gee woihulo-hulo'o.46Ngoi toboa o duniano neena geena todadi o daraanga, la o nyawa moi-moi nage yonga'u-nga'u ngoino 'uwa yomanoa o daluho'a.47De o nyawa nage yoihe-ihene 'ai do-doto'o ma 'ayodinii'uwa, geena 'a ngoiwa to'ihu'umu. Hababu Ngoi toboa ma ngale 'ato'ihu'umuwa o nyawa o dunia'a neena, ma ena to'ihihalamata.48O nyawa nage 'ayadawonguwa de 'ayohigihenuwa 'ai do-doto'o, ona aha yo'iha'imi. De done aha o dunia ma baha'a, ma Jou ma Dutu aha wo'iha'imi ona'a de to Ngoi 'ai do-doto'o geena.49Hababu nage tohiade-ade geena duga 'a to ngoiwa ma hirete 'ai mau. Geena 'ai Dea nage woihulo-hulo'o wopareta o'iau naga halingou totemo de tohingahu.50De ngoi tana'o awi pareta geena niaha o wowango 'ahiado-adoni'a. Ho ngoi tohingahu imote'e 'ai Dea woihidemo'au.>>
O Yesus wotemo o geena, de womagoa'a geena'a do'a de 'awomahimaituwau ona'a.37Ngaro 'ao lepeu o dudungu 'ihera-heranga wodiai to ona manga biono'a, ma ona 'ayonga'uwa una'a.38Ho geena idadio'au harage de itulihu'au ma Nabi Yesaya wotemo'au onane,<<Jou, nage miohiha-habari geena nagoonau yanga'u?Nagoona'au Nohimaiti na'o Ngona 'iholoi No'uaha?>>39Ona 'ayonga'uwa, hababu o Yesaya wotemo'au onane ma,<<Ma Jou ma Dutu wotemo,40<Ngoi to'idiai onayopilo'o de manga hingina 'i'opini;la 'ayomahimahima'ewa,de 'ayomahina'owa.La ona 'uwa yoma'ilioli ngoino,la 'uwa to'ihiai'i.> >>41O Yesaya 'ogeena wotemo hababu ma hila o mo-ma'e ma higorona'a wama'e'au o Yesus wihilamo'o, ho womaade-ade ma ngale o Yesus.42Ngaro o geena, ma manga lepe ma yonga'u o Yesusi'a, naga o Yahudio'a manga balu-baluhu hona. Ma ona 'ayomooinua yohingahu, hababu ona yo'idomodongo uwa hiadono o Farisio'a 'ayohigumadawa yoohama o dodoomu 'ibe-berehi ma woa'a.43O Yahudio'a ma balu-baluhu goona, ona geena 'iholoi yaigo 'a o nyawa yo'ihoromati ona'a na'o pohitero ma Jou ma Dutu wo'ihoromati.44Geena'a de o Yesus wohigaho'o wotemo na'o, <<O nyawa nage yonga'u-nga'u ngoino, ona geena yonga'u 'a ngoinowa duga, ma winga'u ma Jou ma Dutu'a nage Woihulo-hulo'o.45De o nyawa nage 'ima'e'au Ngoi, geena wima'e'au Una gee woihulo-hulo'o.46Ngoi toboa o duniano neena geena todadi o daraanga, la o nyawa moi-moi nage yonga'u-nga'u ngoino 'uwa yomanoa o daluho'a.47De o nyawa nage yoihe-ihene 'ai do-doto'o ma 'ayodinii'uwa, geena 'a ngoiwa to'ihu'umu. Hababu Ngoi toboa ma ngale 'ato'ihu'umuwa o nyawa o dunia'a neena, ma ena to'ihihalamata.48O nyawa nage 'ayadawonguwa de 'ayohigihenuwa 'ai do-doto'o, ona aha yo'iha'imi. De done aha o dunia ma baha'a, ma Jou ma Dutu aha wo'iha'imi ona'a de to Ngoi 'ai do-doto'o geena.49Hababu nage tohiade-ade geena duga 'a to ngoiwa ma hirete 'ai mau. Geena 'ai Dea nage woihulo-hulo'o wopareta o'iau naga halingou totemo de tohingahu.50De ngoi tana'o awi pareta geena niaha o wowango 'ahiado-adoni'a. Ho ngoi tohingahu imote'e 'ai Dea woihidemo'au.>>
The Seed Company