O Hu-hulo'o9
1Ma oraha geena, o Saulus awi niata madiiha 'aidogo monga awi hininga'a, mangale womau wo'ihangira de wo'itooma o nyawa yonga'u-nga'u ma Jou Yesusi'a. Una wotagi ma Imam ma Amo'i'a2de wogaaho'o o hurata wi'ula la wotagi o Yahudio'a manga do-doomu ma woa ma balu-baluhi'a o Damsyiko'a, la na'o geena'a do'a wo'ima'e o naulu e'ola o ngewe'a nage yodinii'i o Yesus awi dodoto'o, geena wo'itago'o de wo'iaha o Yerusalemi'a.3Wa'utu ma hurata demaena'au, una wotagi o Damsyiki'a. Wa'utu womahihorio'au ma Bendari'a geena, itodo'anino de o daraanga o diwangu'u widihiwa wihigilolitino.4O Saulus 'awohiduluba'u o tona'o'a, de woihene o ilingi itemo una'a onane, <<Saulus, Saulus! Dodoau ho noihangihara?>>5O Saulus wohano, <<Aba, Ngona naguunau ho?>>
De o ilingi geena itemoli, <<Ngoi neena o Yesus nage noiha-hangihara.6Ma neena, nomagoa'ieu de nohi'ai'au o Damsyik bendari'a, geena'a aha nihingahu 'o'iau halingou nadiai.>>7O nyawa nage yonii-nii'i de o Saulus 'ayohidiliilu'u hababu ona yoihene o ilingi geena ma 'amoiwa yo'ima'e.8Geena'a de o Saulus wogoa'a de awi la'o wapelenga, ma 'awomahima'ewau. Ho ona awi ma-manai halingou yaga-gao awi giami'a de wituda yoohama o Damsyik ma bendaro'a.9O wange haangeno, una 'awomahima'ewa de 'a maile ma 'awoodomua de 'awoo'elua.10O Damsyiko'a womatengo wonga'u-nga'u o Yesusi'a awi ronga o Ananias. O mama'e moi ma doda'a, ma Jou wotemo o Ananiasi'a, <<Ananias!>>
O Ananias wopaluhu, <<Ee Jou!>>11Ma Jou wotemo, <<Neena notagiou o nge'omi'a nage ma ronga O nge'omo 'Iri'o-ri'oti'a de nahali'i o Yudas awi woa'a. Geena'a nowihali'i o nyawa moi nage awi ronga o Saulus. Una guuna o Tarsus ma nyawa, De neena naga womadahaubayanga ma gi-giria'a.>>12De o ma-ma'e moi ma doda'a o Saulus nowima'e ngona Ananias no'ai'a una'a, de ani giama nowidatami'u la una womahima'eli.13O Ananias wopaluhu, <<Ae Jou, o nyawa guuna toiheno'au o 'awaha awiteho-tehongo na'o unau geena wo'ihangihara o nyawa manga lepe nage yodadio'au ma Jou ma Dutu awi 'awaha o Yerusalemo'a.14De neena una woboanou neena'a de awi hurata o imam ma hae-hae'o'a mangale wihigumada wo'itago'o o nyawa yonga'u-nga'u Ngona'a.>>15Duga ma Jou wotemo o Ananiasi'a, <<Notagiou! Hababu, Una towiili'o'au la woileleani. Una aha wohingahu mangale Ngoi naga o Yahudio'awa ma nyawa'a, o 'oa-'oani'ali ma de o Israel ma nyawa-nyawa'a.16De Ngoi mahirete aha towihimaiti ma hangihara moi-moi halingou wamo'u hababu woinii'i Ngoi.>>17Geena'a de o Ananias wotagio'au ma woa'a geena de awi giama widatami o Saulusu'u de wotemo, <<E riadodoto Saulus, ma Jou Yesus nage ngona nowima'e ma oraha ani dodagio'a nohi'aino neenano, Unau woihulo'o tai'aino la ngona idadi nomahima'eli de o Omaha 'Iofi-ofi nipareta.>>18'Ageena ma oraha de harage de o nao'o ma unaha o Saulus awi la'ono ihupu ho womahima'e'auoli. Geena'a 'a de o Saulus womagoa'ie de wiohi'i.19De nage woodomo'au de wo'uatoli. O Saulus wodoto'o o Damsyiko'a
O Saulus womanoa o Damsyiko'a o wange muluo'a naga de o nyawa yonga'u-nga'u.20Ma wa'utu geenau, o Saulus woohama o Yahudio'a manga dodoomu ma woa-woa'a de wohingahu na'o o Yesus geena ma Jou ma Dutu Awi Ngoa'a.21O nyawa moi-moi duru yoheranga nage yoihene o Saulus awi dodoto. Ona yama'atemo, <<Ae, ma nuunau, ika de wo'itooma o nyawa yonga'u-nga'u o Yesusi'a o Yerusalemo'a. De una woboa neenano mangale wo'itago'o o nyawa yonga'u-nga'u de wo'iaha o imam ma hae-hae'i'a.>>22Duga o Sauluso'a o 'uaha 'aidogo monga. Una wohinyata na'o o Yesus geena ma Oana o Nyawa Wohiha-halamata nage ma Jou ma Dutu wohija-jajio'au, hiadono o Yahudio'a nage yomanoa-noa o Damsyiko'a 'ayadadiwau wilawana.23Geena ipahanao 'aitaaowa de o Yahudio'a yomahi'aduga yomau o Saulus witooma.24O wange de wutu 'awida-damaa moi-moi o bendara ma ngoana ma amo'o'a yomau witoomau na'o waboa geenano. Ma manga hininga'a geena o Saulus wana'o'au.25De ma moi geena o wutu'u de o Saulus Awi ni-nii'i wiehe wihiloa o karanjaanga 'iamo-amo'u'u widohongoda'u'u, aha de wihiguti o bendara ma betoono ma duduno'a.O Saulus wihiguti da'uu'u o bendara ma betoonu'u26De o Saulus wotagi o Yerusalemi'a. Do'a wai'a de womau womahiganu de o Yesus awi ni-nii'i. Ma ona 'awidomodongo, hababu 'awinga'uwa na'o una ma wodadio'au o Yesus awi ni-nii'i.27Ma o Barnabas wa'ai'a wiehe o Saulus, ho wiaha o hu-hulo'i'a. De wo'ihijarita ma oraha o Saulus awi dodagi ma hidogorona'a de wima'e ma Jou Yesusi'a de cara'iau ma Jou Yesus womaade-ade o Saulusi'a. O Barnabas wohijaritali mangale cara'iau o Saulus womooini wodoto'o mangale ma Jou Yesus o Damsyiko'a.28De o Saulus widawongo ho womanoa de-de ona de yoma'ahupuohama. De geena'a duru womooino'a wodoto'o mangale ma Jou Yesus o Yerusalemo'a.29O Saulus ma yoma'aributu de o Yahudio'a nage yapa'e-pa'e o Yunanio'a manga demo, ma ona yomaduhunu yomau witooma.30Wa'utu o nyawa yonga'u-nga'u ma regu yoiheno'au geena, de ona wiaha o Saulus o Kaisarea'u. Geena'a de wihidingoto o Tarsusu'u.31De o jama'ata o Yudea ma daera'a, o Galilea ma daera'a de o Samaria ma daera'a, moi-moi yoma'aaha yomahi'adi-diai. Manga ngonga'u 'i'uata monga, de manga wowango ma hidogorona'a ona duru wihoromati ma Jou ma Dutu, o jama'ata goona o Omaha 'Iofi-ofi yo'iduhunu, ho ona 'ayolepe monga.32O Petrus wotagi wagiloliti wo'iadono ma Jou ma Dutu awi 'awaha. Una ma wotulu wo'iadono ma Jou ma Dutu awi 'awaha o Lida ma hoano'a.33Do'a, wima'e womatengo wopa-paluga awi ronga o Eneas, o taunu tuangelou 'awomo-momi'uwau awi dangilo'a.34O Petrus wotemo o Eneasi'a, <<Eneas, ma Yesus Kristus nowihiai'i. Nomomi'ie de nohidiai'a 'a ani dangili.>> 'Ageena ma oraha de o Eneas womagoa'o'au.35Ho o nyawa-nyawa o Lida ma hoano'a de o Saron ma daera'a wima'e o Eneas 'awopalugawau ho ona moi-moi idadi yonga'u o ma Jou Yesusi'a.36O Yope ma bendaro'a momatengo ami ronga o ngo Tabita, ami ronga geena na'o o Yunanio'a ma demo geenala o ngo Dorkas. Muna geena monga'u-nga'u o Yesusi'a. Muna 'aitauri'a modiai yaowa-owa de mo'iduhunu o nyawa yohu-huha.37Ma oraha geena mopanya'e de mohonenge. Nage ami maiyeti yaohi'o'a, de minoa'u da'u o ngii nage 'idaduie.38O nyawa nage yonga'u-nga'u o Yesusi'a o Yope ma bendaro'a ge yoihene o Petrus o Lida ma hoano'a nage ima'atinga'a 'ai'a'uluwa de o Yope. Ho ona yohulo'o yamididi yotagi o Petrusi'a de yobehehongo, <<Nomataitino neenano.>>39O Petrus woiheno'au o behehongo geena de wotagi yoma'anii'i de-de ona. Yomahiadoni'a o Yope'a, wiiaha o ngiio'a nage idaduie. O nge-ngewe'a yomaba-babaono geena'a yoboa-boano ge moi-moi yohidutu'u o Petrusi'a, yoali de yohimaiti una'a o baju de o baju i'a-'a'ulu'u nage o ngo Dorkas mo'idi-dini'i ma oraha 'amowango-wangohi.40O Petrus wohulo'o ona moi-moi yohupu'a, de watilabu'u'u de wohaubayanga. Geena'a de wodaali'a ma ngewe'a gumuna ami maiyeti'a de wotemo, <<Tabita, nomomi'ieu!>> Ho ami la'o mapelenga de nage mima'e o Petrus de momomi'ieu de momagogelu'u.41Geena'a de o Petrus wagagao ami giami'a de miduhunu momagoa'a. De aha o Petrus wo'iaho'o ma Jou ma Dutu awi 'awaha 'ogeenali ma o nge-ngewe'a yomaba-babao ge, de wo'ihimaiti, o ngo Tabita mowango'auoli.42O 'iau naga ida-dadio'au ge ma habari itagi o Yope ma bendaro'a yaedono'au, ho o nyawa manga lepe yonga'u o ma Jou Yesusi'a.43Geena'a de, o Petrus womanoa o wange muluo naga o Yope ma bendaro'a o Simon awi woa'a. O Simon awi 'arajaanga wodi-diai o 'iau hona o 'aewani ma 'aino.
De o ilingi geena itemoli, <<Ngoi neena o Yesus nage noiha-hangihara.6Ma neena, nomagoa'ieu de nohi'ai'au o Damsyik bendari'a, geena'a aha nihingahu 'o'iau halingou nadiai.>>7O nyawa nage yonii-nii'i de o Saulus 'ayohidiliilu'u hababu ona yoihene o ilingi geena ma 'amoiwa yo'ima'e.8Geena'a de o Saulus wogoa'a de awi la'o wapelenga, ma 'awomahima'ewau. Ho ona awi ma-manai halingou yaga-gao awi giami'a de wituda yoohama o Damsyik ma bendaro'a.9O wange haangeno, una 'awomahima'ewa de 'a maile ma 'awoodomua de 'awoo'elua.10O Damsyiko'a womatengo wonga'u-nga'u o Yesusi'a awi ronga o Ananias. O mama'e moi ma doda'a, ma Jou wotemo o Ananiasi'a, <<Ananias!>>
O Ananias wopaluhu, <<Ee Jou!>>11Ma Jou wotemo, <<Neena notagiou o nge'omi'a nage ma ronga O nge'omo 'Iri'o-ri'oti'a de nahali'i o Yudas awi woa'a. Geena'a nowihali'i o nyawa moi nage awi ronga o Saulus. Una guuna o Tarsus ma nyawa, De neena naga womadahaubayanga ma gi-giria'a.>>12De o ma-ma'e moi ma doda'a o Saulus nowima'e ngona Ananias no'ai'a una'a, de ani giama nowidatami'u la una womahima'eli.13O Ananias wopaluhu, <<Ae Jou, o nyawa guuna toiheno'au o 'awaha awiteho-tehongo na'o unau geena wo'ihangihara o nyawa manga lepe nage yodadio'au ma Jou ma Dutu awi 'awaha o Yerusalemo'a.14De neena una woboanou neena'a de awi hurata o imam ma hae-hae'o'a mangale wihigumada wo'itago'o o nyawa yonga'u-nga'u Ngona'a.>>15Duga ma Jou wotemo o Ananiasi'a, <<Notagiou! Hababu, Una towiili'o'au la woileleani. Una aha wohingahu mangale Ngoi naga o Yahudio'awa ma nyawa'a, o 'oa-'oani'ali ma de o Israel ma nyawa-nyawa'a.16De Ngoi mahirete aha towihimaiti ma hangihara moi-moi halingou wamo'u hababu woinii'i Ngoi.>>17Geena'a de o Ananias wotagio'au ma woa'a geena de awi giama widatami o Saulusu'u de wotemo, <<E riadodoto Saulus, ma Jou Yesus nage ngona nowima'e ma oraha ani dodagio'a nohi'aino neenano, Unau woihulo'o tai'aino la ngona idadi nomahima'eli de o Omaha 'Iofi-ofi nipareta.>>18'Ageena ma oraha de harage de o nao'o ma unaha o Saulus awi la'ono ihupu ho womahima'e'auoli. Geena'a 'a de o Saulus womagoa'ie de wiohi'i.19De nage woodomo'au de wo'uatoli. O Saulus wodoto'o o Damsyiko'a
O Saulus womanoa o Damsyiko'a o wange muluo'a naga de o nyawa yonga'u-nga'u.20Ma wa'utu geenau, o Saulus woohama o Yahudio'a manga dodoomu ma woa-woa'a de wohingahu na'o o Yesus geena ma Jou ma Dutu Awi Ngoa'a.21O nyawa moi-moi duru yoheranga nage yoihene o Saulus awi dodoto. Ona yama'atemo, <<Ae, ma nuunau, ika de wo'itooma o nyawa yonga'u-nga'u o Yesusi'a o Yerusalemo'a. De una woboa neenano mangale wo'itago'o o nyawa yonga'u-nga'u de wo'iaha o imam ma hae-hae'i'a.>>22Duga o Sauluso'a o 'uaha 'aidogo monga. Una wohinyata na'o o Yesus geena ma Oana o Nyawa Wohiha-halamata nage ma Jou ma Dutu wohija-jajio'au, hiadono o Yahudio'a nage yomanoa-noa o Damsyiko'a 'ayadadiwau wilawana.23Geena ipahanao 'aitaaowa de o Yahudio'a yomahi'aduga yomau o Saulus witooma.24O wange de wutu 'awida-damaa moi-moi o bendara ma ngoana ma amo'o'a yomau witoomau na'o waboa geenano. Ma manga hininga'a geena o Saulus wana'o'au.25De ma moi geena o wutu'u de o Saulus Awi ni-nii'i wiehe wihiloa o karanjaanga 'iamo-amo'u'u widohongoda'u'u, aha de wihiguti o bendara ma betoono ma duduno'a.O Saulus wihiguti da'uu'u o bendara ma betoonu'u26De o Saulus wotagi o Yerusalemi'a. Do'a wai'a de womau womahiganu de o Yesus awi ni-nii'i. Ma ona 'awidomodongo, hababu 'awinga'uwa na'o una ma wodadio'au o Yesus awi ni-nii'i.27Ma o Barnabas wa'ai'a wiehe o Saulus, ho wiaha o hu-hulo'i'a. De wo'ihijarita ma oraha o Saulus awi dodagi ma hidogorona'a de wima'e ma Jou Yesusi'a de cara'iau ma Jou Yesus womaade-ade o Saulusi'a. O Barnabas wohijaritali mangale cara'iau o Saulus womooini wodoto'o mangale ma Jou Yesus o Damsyiko'a.28De o Saulus widawongo ho womanoa de-de ona de yoma'ahupuohama. De geena'a duru womooino'a wodoto'o mangale ma Jou Yesus o Yerusalemo'a.29O Saulus ma yoma'aributu de o Yahudio'a nage yapa'e-pa'e o Yunanio'a manga demo, ma ona yomaduhunu yomau witooma.30Wa'utu o nyawa yonga'u-nga'u ma regu yoiheno'au geena, de ona wiaha o Saulus o Kaisarea'u. Geena'a de wihidingoto o Tarsusu'u.31De o jama'ata o Yudea ma daera'a, o Galilea ma daera'a de o Samaria ma daera'a, moi-moi yoma'aaha yomahi'adi-diai. Manga ngonga'u 'i'uata monga, de manga wowango ma hidogorona'a ona duru wihoromati ma Jou ma Dutu, o jama'ata goona o Omaha 'Iofi-ofi yo'iduhunu, ho ona 'ayolepe monga.32O Petrus wotagi wagiloliti wo'iadono ma Jou ma Dutu awi 'awaha. Una ma wotulu wo'iadono ma Jou ma Dutu awi 'awaha o Lida ma hoano'a.33Do'a, wima'e womatengo wopa-paluga awi ronga o Eneas, o taunu tuangelou 'awomo-momi'uwau awi dangilo'a.34O Petrus wotemo o Eneasi'a, <<Eneas, ma Yesus Kristus nowihiai'i. Nomomi'ie de nohidiai'a 'a ani dangili.>> 'Ageena ma oraha de o Eneas womagoa'o'au.35Ho o nyawa-nyawa o Lida ma hoano'a de o Saron ma daera'a wima'e o Eneas 'awopalugawau ho ona moi-moi idadi yonga'u o ma Jou Yesusi'a.36O Yope ma bendaro'a momatengo ami ronga o ngo Tabita, ami ronga geena na'o o Yunanio'a ma demo geenala o ngo Dorkas. Muna geena monga'u-nga'u o Yesusi'a. Muna 'aitauri'a modiai yaowa-owa de mo'iduhunu o nyawa yohu-huha.37Ma oraha geena mopanya'e de mohonenge. Nage ami maiyeti yaohi'o'a, de minoa'u da'u o ngii nage 'idaduie.38O nyawa nage yonga'u-nga'u o Yesusi'a o Yope ma bendaro'a ge yoihene o Petrus o Lida ma hoano'a nage ima'atinga'a 'ai'a'uluwa de o Yope. Ho ona yohulo'o yamididi yotagi o Petrusi'a de yobehehongo, <<Nomataitino neenano.>>39O Petrus woiheno'au o behehongo geena de wotagi yoma'anii'i de-de ona. Yomahiadoni'a o Yope'a, wiiaha o ngiio'a nage idaduie. O nge-ngewe'a yomaba-babaono geena'a yoboa-boano ge moi-moi yohidutu'u o Petrusi'a, yoali de yohimaiti una'a o baju de o baju i'a-'a'ulu'u nage o ngo Dorkas mo'idi-dini'i ma oraha 'amowango-wangohi.40O Petrus wohulo'o ona moi-moi yohupu'a, de watilabu'u'u de wohaubayanga. Geena'a de wodaali'a ma ngewe'a gumuna ami maiyeti'a de wotemo, <<Tabita, nomomi'ieu!>> Ho ami la'o mapelenga de nage mima'e o Petrus de momomi'ieu de momagogelu'u.41Geena'a de o Petrus wagagao ami giami'a de miduhunu momagoa'a. De aha o Petrus wo'iaho'o ma Jou ma Dutu awi 'awaha 'ogeenali ma o nge-ngewe'a yomaba-babao ge, de wo'ihimaiti, o ngo Tabita mowango'auoli.42O 'iau naga ida-dadio'au ge ma habari itagi o Yope ma bendaro'a yaedono'au, ho o nyawa manga lepe yonga'u o ma Jou Yesusi'a.43Geena'a de, o Petrus womanoa o wange muluo naga o Yope ma bendaro'a o Simon awi woa'a. O Simon awi 'arajaanga wodi-diai o 'iau hona o 'aewani ma 'aino.
The Seed Company