O Hu-hulo'o8
1Wa'utu o Stefanus wihohonenge ge, o Saulus ma wohimode'e. Saulus wo'ihangihara o jama'ata o Yerusalemo'a
O Stefanus wohongeno'au de 'ageena ma wange ma o jama'ata o Yerusalemo'a imulaenge duru yo'ihangihara hiadono o nyawa yonga'u-nga'u moi-moi yamahi'abarihi o Yudea de o Samaria ma daera'a moi-moi. Ho 'a o hu-hulo'ou duga geena o Yerusalemo'ahi yogogele.2O Stefanus wohongeno'au de o nyawa nage ma Jou ma Dutu wihingou-ngounu o Stefanus wipoohu'u de widagali, de manga hininga duru 'ihuha'a.3Ma o Saulus womaduhunu womau wabinaha o jama'ata. Una wohupu ohama o woa-woa'a de wo'ihihupu o nyawa yonga'u-nga'u, o naulu e'ola o nge-ngewe'a de wo'iaha wo'ihiohama o bui'a.4O nyawa yonga'u-nga'u nage yomahi'a-'abarihi'a goona yohihabari o Habari ma Owa ma Jou ma Dutuno 'ia'a naga bato ona yotagi.5Manga hidogorona'a womatengo geenala o Filipus, una wotagi o bendara moi'a o Samaria'a. De geena'a do'a wohingahu mangale ma 'Oana o Nyawa wohiha-halamata nage ma Jou ma Dutu wohijajio'au.6Wa'utu o nyawa yolepe-lepe ge yoihene womaade-ade de yama'e o dudunguu 'ihera-heranga wo'adiai, de manga lepe yohigihene o'iau naga o Filipus wotemo.7Hababu o nyawa manga lepe nage o to'ata yo'ido-dongohamu'u, ma to'a-to'ata geena ihupuo'au 'aimaore-orehe. O nyawa yopa-paluga de yocuga-cuga ma manga lepe wo'ihiai'i.8Ho o awaha o ma bendaro'a geena duru yomagarago.9Ma ma bendaro'a geena womatengo awi ronga o Simon nage ma daaou o Samaria ma nyawa wo'idiai yoheranga de to una awi wua-wua'a, una womadiai harage una geena 'a o nyawa biahawa.10Ho ma bendaro'a geena nagoonau bato 'awige-gelelo. Ona yotemo, <<O nyawa nuuna de awi 'uaha'a nage ma Jou ma Dutuno, o 'uaha ge ika de yote o 'Uaha ma Amo'o.>>11De ona 'awige-gelelo o Simoni'a, hababu ma daaonou una wo'idiai o nyawa yoheranga de to una awi wua-wua'a12Ma o Filipus wo'ihingahu o Habari ma Owa mangale o'iau ma Jou ma Dutu wopareta awi 'awaha'a de mangale ma 'Oana o Nyawa wohiha-halamata nage ma Jou ma Dutu wiili-ili'o'au guuna geenala ma Yesus Kristus. Ho yonga'u o Habari ma Owa geena de yo'iohi'i o naulu de o ngewe'a.13O Simon ma hirete ma wonga'u. De nage wiohi'o'a de una 'aitauri'a winii'i o Filipusi'a. O Simon hiadono 'awohera-heranga nage wama'e o dudunguu 'ihera-heranga idadi.14O hu-hulo'o o Yerusalemo'a nage yoihene na'o o Samaria ma nyawa yadawongo'au ma Jou ma Dutu awi demo, hababu geena yohulo'o o Petrus de o Yohanes do'ai'a yotagi.15O Petrus de o Yohanes yotota'a de yomadahaubayanga la o Samaria ma nyawa yadawongo o Omaha 'Iofi-ofi.16Hababu ona'a 'amoiwahi o Omaha 'Iofi-ofi yo'idoboa. Ona aha 'ayo'iohi'o'a iduangino, de ma Jou Yesus awi ronga.17Geena'a de o Petrus de Yohanes manga giama yo'idatami'u o Samaria ma nyawa'a, de ona yadawongo o Omaha 'Iofi-ofi.18O Simon wama'e na'o ona o Omaha 'Iofi-ofi yadawongo, geena hababu o hu-hulo'o manga giama yo'idatami, ho o Simon womau wo'i'ula o pipi o Petrus de o Yohanesi'a,19Geena'a de wotemo, <<Ni'ulano o 'uaha geena ma la na'o ngoi ma to'idatami 'ai giama nagoona'au bato, o nyawa goona aha o Omaha 'Iofi-ofi yama'e.>>20O Petrus wopaluhu, <<Ma Jou ma Dutu aha nowihu'umu de 'a ani pipi geena! Note balide ma Jou ma Dutu awi cocatu idadi nagoo'o de o pipi?21Hababu ani hininga 'a itiaiwa ma Jou ma Dutu'a, ho ngona 'aidadiwa no'arajaanga de de ngomi.22Mangale geena Namada ani didiai iti-tiiha geena, de nomagaaho'o ma Jou'a la nowiapongo ani didibanga iti-tiiha geena.23Hababu ngoi tana'o ngona 'a o taleanou niomangie, de o diiha ani hininga'a niparetano.>>24Geena'a de o simon wotemo o Petrusi'a de o Yohanesi'a, <<Nimadahaubayanga ma Jou'a, la o'iau ge niotemo-temo'au 'a moi ma uwa idadi ngoio'a.>>25De o Petrus de o Yohanes yohingahuo'au ma Jou awi demo mangale o Yesus, de yohijarita o'iau nage yana'o'au de yama'e'au mangale o Yesus, de aha yolio o Yerusalemie. De manga dodagi ma hidogorona'a ika de yotulu-tulu o hoa-hoana ma regu'a o samaria ma daera'a, de yohingahu o Habari ma Owa o nyawa-nyawa'a geena'a.26Ma Jou awi malai'ata moi itemo o Filipusi'a, <<Notagi o 'oreharade, de nanii'i o nge'omo nage o Yerusalemo'a de nau'u de nohi'au'u o Gaza ma bendaro'a.>> O nge'omo geena 'ilii-liili.27Geena'a de o Filipus 'awogila-gila wotagi. O nge'omo ma goronano, wima'e womatengo o Etiopia manga 'adato'a wo'a-'arajaanga. Una geena o nyawa ma amo'o nage wogoa-goana o ngo Kandake o Etiopia manga 'oana o ngewe'a ami 'arataa moi-moi. O nyawa guuna wotagio'au o Yerusalemi'a mangale wohuba ma Jou ma Dutu'a de neena wolio awi kuda ma goroba'u wobalene. Wogogelu'u awi kuda ma goroba'a geena de wabaca ma Nabi Yesaya awi bo'u.29De o Omaha 'Iofi-ofi itemo o Filipusi'a, <<Ika nomahidutu'u o goroba'a geena.>>30Ho o Filipus wa'ai'a de wohigihene o nyawa guuna wobaca o Yesaya awi bo'u. O Filipus wohano una'a, <<Aba, nomangariti geena nabaca-baca ge?>>31De una wopaluhu, <<Cara'iau ngoi idadi tomangariti na'o 'amoiwa yohimangariti ngoino?>> Geena'a de una wihiduga o Fillipusi'a wodoa o kuda ma gorobade ho yomahidogogelu'u.32Neenau ma Bo'u 'Iofi-ofi maregu wabaca-baca ge itemo onane,<<Una harage de o duba yatuda mangale yatoa'a.De harage de o Duba ma ngoa'a 'iorehua na'o ma gogo yaguti,'ogeenali ma Una awomaade-adewa 'a betongo moi ma.33Una wihohedu de wi'adiai 'aiadilua.Una awi wowango yaiihanga o duniano,hiadono 'amoi ma 'ayadadiwa yohijarita to Una aw guti'u.>>34O Etiopiano guuna wotemo o Filipusi'a, <<Tonihanohi. O nabi guuna awi dumutu nagoona'a? Una ma hirete e'ola o nyawa ma homoa'a?>>35Ho o Filipus wagoa'oli ma dodoimi geena de womulaenge geenano wihingahu o Habari ma Owa mangale ma Yesus Kristus.36Manga dodagi ma hidogorona'a de yaadono o dingii moio'a de ma a'elo'a. De o nyawa o nyawa ma amo'o guuna wotemo, <<Ee nagelelohi, geena de o a'elo'a! Bote 'aidadiou ngoi noiohi'i?>>
[37O Filipus wotemo, <<Aba, na'o nonga'u de ani hininga ma ngodumu, idadi toniohi'i.>>
De una wopaluhu, <<Ngoi tonga'u tohigou-goungu ma Jou Yesus Kristus geena ma Jou ma Dutu awi Ngoa'a.>>]38Geena'a de watogumu awi kereta. De aha yamididi goona youti o a'elu'u ho o nyawa ma amo'o guuna o Filipus wiohi'i.39Wa'utu yohupu o a'elie, 'itodo'anino de ma Jou awi Omaha wiehe'au o Filipus, ho o nyawa ma amo'o guuna 'awima'ewau o Filipusi'a. Ma una awi dodagi wohigila-gila de awi hininga 'aiga-garago.40De o Fillipus womana'o ena o Asdod ma bendaro'au. Una womadagi o Asdod de waino de wohingahu o Habari ma Owa mangale ma Yesus Kristus o nyawa-nyawa'a o bendara ihinoimi'a hiadono wotota o Kaisareaano.
O Stefanus wohongeno'au de 'ageena ma wange ma o jama'ata o Yerusalemo'a imulaenge duru yo'ihangihara hiadono o nyawa yonga'u-nga'u moi-moi yamahi'abarihi o Yudea de o Samaria ma daera'a moi-moi. Ho 'a o hu-hulo'ou duga geena o Yerusalemo'ahi yogogele.2O Stefanus wohongeno'au de o nyawa nage ma Jou ma Dutu wihingou-ngounu o Stefanus wipoohu'u de widagali, de manga hininga duru 'ihuha'a.3Ma o Saulus womaduhunu womau wabinaha o jama'ata. Una wohupu ohama o woa-woa'a de wo'ihihupu o nyawa yonga'u-nga'u, o naulu e'ola o nge-ngewe'a de wo'iaha wo'ihiohama o bui'a.4O nyawa yonga'u-nga'u nage yomahi'a-'abarihi'a goona yohihabari o Habari ma Owa ma Jou ma Dutuno 'ia'a naga bato ona yotagi.5Manga hidogorona'a womatengo geenala o Filipus, una wotagi o bendara moi'a o Samaria'a. De geena'a do'a wohingahu mangale ma 'Oana o Nyawa wohiha-halamata nage ma Jou ma Dutu wohijajio'au.6Wa'utu o nyawa yolepe-lepe ge yoihene womaade-ade de yama'e o dudunguu 'ihera-heranga wo'adiai, de manga lepe yohigihene o'iau naga o Filipus wotemo.7Hababu o nyawa manga lepe nage o to'ata yo'ido-dongohamu'u, ma to'a-to'ata geena ihupuo'au 'aimaore-orehe. O nyawa yopa-paluga de yocuga-cuga ma manga lepe wo'ihiai'i.8Ho o awaha o ma bendaro'a geena duru yomagarago.9Ma ma bendaro'a geena womatengo awi ronga o Simon nage ma daaou o Samaria ma nyawa wo'idiai yoheranga de to una awi wua-wua'a, una womadiai harage una geena 'a o nyawa biahawa.10Ho ma bendaro'a geena nagoonau bato 'awige-gelelo. Ona yotemo, <<O nyawa nuuna de awi 'uaha'a nage ma Jou ma Dutuno, o 'uaha ge ika de yote o 'Uaha ma Amo'o.>>11De ona 'awige-gelelo o Simoni'a, hababu ma daaonou una wo'idiai o nyawa yoheranga de to una awi wua-wua'a12Ma o Filipus wo'ihingahu o Habari ma Owa mangale o'iau ma Jou ma Dutu wopareta awi 'awaha'a de mangale ma 'Oana o Nyawa wohiha-halamata nage ma Jou ma Dutu wiili-ili'o'au guuna geenala ma Yesus Kristus. Ho yonga'u o Habari ma Owa geena de yo'iohi'i o naulu de o ngewe'a.13O Simon ma hirete ma wonga'u. De nage wiohi'o'a de una 'aitauri'a winii'i o Filipusi'a. O Simon hiadono 'awohera-heranga nage wama'e o dudunguu 'ihera-heranga idadi.14O hu-hulo'o o Yerusalemo'a nage yoihene na'o o Samaria ma nyawa yadawongo'au ma Jou ma Dutu awi demo, hababu geena yohulo'o o Petrus de o Yohanes do'ai'a yotagi.15O Petrus de o Yohanes yotota'a de yomadahaubayanga la o Samaria ma nyawa yadawongo o Omaha 'Iofi-ofi.16Hababu ona'a 'amoiwahi o Omaha 'Iofi-ofi yo'idoboa. Ona aha 'ayo'iohi'o'a iduangino, de ma Jou Yesus awi ronga.17Geena'a de o Petrus de Yohanes manga giama yo'idatami'u o Samaria ma nyawa'a, de ona yadawongo o Omaha 'Iofi-ofi.18O Simon wama'e na'o ona o Omaha 'Iofi-ofi yadawongo, geena hababu o hu-hulo'o manga giama yo'idatami, ho o Simon womau wo'i'ula o pipi o Petrus de o Yohanesi'a,19Geena'a de wotemo, <<Ni'ulano o 'uaha geena ma la na'o ngoi ma to'idatami 'ai giama nagoona'au bato, o nyawa goona aha o Omaha 'Iofi-ofi yama'e.>>20O Petrus wopaluhu, <<Ma Jou ma Dutu aha nowihu'umu de 'a ani pipi geena! Note balide ma Jou ma Dutu awi cocatu idadi nagoo'o de o pipi?21Hababu ani hininga 'a itiaiwa ma Jou ma Dutu'a, ho ngona 'aidadiwa no'arajaanga de de ngomi.22Mangale geena Namada ani didiai iti-tiiha geena, de nomagaaho'o ma Jou'a la nowiapongo ani didibanga iti-tiiha geena.23Hababu ngoi tana'o ngona 'a o taleanou niomangie, de o diiha ani hininga'a niparetano.>>24Geena'a de o simon wotemo o Petrusi'a de o Yohanesi'a, <<Nimadahaubayanga ma Jou'a, la o'iau ge niotemo-temo'au 'a moi ma uwa idadi ngoio'a.>>25De o Petrus de o Yohanes yohingahuo'au ma Jou awi demo mangale o Yesus, de yohijarita o'iau nage yana'o'au de yama'e'au mangale o Yesus, de aha yolio o Yerusalemie. De manga dodagi ma hidogorona'a ika de yotulu-tulu o hoa-hoana ma regu'a o samaria ma daera'a, de yohingahu o Habari ma Owa o nyawa-nyawa'a geena'a.26Ma Jou awi malai'ata moi itemo o Filipusi'a, <<Notagi o 'oreharade, de nanii'i o nge'omo nage o Yerusalemo'a de nau'u de nohi'au'u o Gaza ma bendaro'a.>> O nge'omo geena 'ilii-liili.27Geena'a de o Filipus 'awogila-gila wotagi. O nge'omo ma goronano, wima'e womatengo o Etiopia manga 'adato'a wo'a-'arajaanga. Una geena o nyawa ma amo'o nage wogoa-goana o ngo Kandake o Etiopia manga 'oana o ngewe'a ami 'arataa moi-moi. O nyawa guuna wotagio'au o Yerusalemi'a mangale wohuba ma Jou ma Dutu'a de neena wolio awi kuda ma goroba'u wobalene. Wogogelu'u awi kuda ma goroba'a geena de wabaca ma Nabi Yesaya awi bo'u.29De o Omaha 'Iofi-ofi itemo o Filipusi'a, <<Ika nomahidutu'u o goroba'a geena.>>30Ho o Filipus wa'ai'a de wohigihene o nyawa guuna wobaca o Yesaya awi bo'u. O Filipus wohano una'a, <<Aba, nomangariti geena nabaca-baca ge?>>31De una wopaluhu, <<Cara'iau ngoi idadi tomangariti na'o 'amoiwa yohimangariti ngoino?>> Geena'a de una wihiduga o Fillipusi'a wodoa o kuda ma gorobade ho yomahidogogelu'u.32Neenau ma Bo'u 'Iofi-ofi maregu wabaca-baca ge itemo onane,<<Una harage de o duba yatuda mangale yatoa'a.De harage de o Duba ma ngoa'a 'iorehua na'o ma gogo yaguti,'ogeenali ma Una awomaade-adewa 'a betongo moi ma.33Una wihohedu de wi'adiai 'aiadilua.Una awi wowango yaiihanga o duniano,hiadono 'amoi ma 'ayadadiwa yohijarita to Una aw guti'u.>>34O Etiopiano guuna wotemo o Filipusi'a, <<Tonihanohi. O nabi guuna awi dumutu nagoona'a? Una ma hirete e'ola o nyawa ma homoa'a?>>35Ho o Filipus wagoa'oli ma dodoimi geena de womulaenge geenano wihingahu o Habari ma Owa mangale ma Yesus Kristus.36Manga dodagi ma hidogorona'a de yaadono o dingii moio'a de ma a'elo'a. De o nyawa o nyawa ma amo'o guuna wotemo, <<Ee nagelelohi, geena de o a'elo'a! Bote 'aidadiou ngoi noiohi'i?>>
[37O Filipus wotemo, <<Aba, na'o nonga'u de ani hininga ma ngodumu, idadi toniohi'i.>>
De una wopaluhu, <<Ngoi tonga'u tohigou-goungu ma Jou Yesus Kristus geena ma Jou ma Dutu awi Ngoa'a.>>]38Geena'a de watogumu awi kereta. De aha yamididi goona youti o a'elu'u ho o nyawa ma amo'o guuna o Filipus wiohi'i.39Wa'utu yohupu o a'elie, 'itodo'anino de ma Jou awi Omaha wiehe'au o Filipus, ho o nyawa ma amo'o guuna 'awima'ewau o Filipusi'a. Ma una awi dodagi wohigila-gila de awi hininga 'aiga-garago.40De o Fillipus womana'o ena o Asdod ma bendaro'au. Una womadagi o Asdod de waino de wohingahu o Habari ma Owa mangale ma Yesus Kristus o nyawa-nyawa'a o bendara ihinoimi'a hiadono wotota o Kaisareaano.
The Seed Company