O Hu-hulo'o10
1O Kaisarea ma bendaro'a womatengo awi ronga o Kornelius. Una o Roma manga hurudado o bolu moi manga 'apita moi ma ronga <<O Italia ma hurudado.>>2Una awi wowango itiai ma Jou ma dutu awi biono'a, de awi woa ma doda'u moi-moi wihuba de wihoromati ma Jou ma Dutu'a. Una 'ao Yahidia'awa ma nyawa ma wo'iduhunu manga lepe o Yahudio'a yohu-huha, de 'aitauri'a wohaubayanga ma Jou ma Dutu'a.3Ma moi geena, poelua o ta'o haange o wange 'i'umulu'o'au, o Kornelius wama'e o ma-mama'e, wa'utu geena una wama'e ma Jou ma Dutu awi malai'ata 'iboa de wiaho'o, <<E Kornelius!>>4O Kornelius woda-dananoho ena'a de awi hawano'a wotemo, <<Dodoau Aba?>>
O malai'ata geena ipaluhu, <<Ani haubayanga moi-moi geena ma Jou ma Dutu wadawongo'au, de ma Jou ma Dutu awi hininga yadaene o nyawa yohu-huha no'iduhunuo'au. De Una 'awahi-hininga o'iau naga ge nadi-diaio'au.5Ho neena no'ihulo'o o nyawa yotagi da'uie o Yope ma bendarie la wiehe o Simon gee biaha wihiaho'o o Petrus.6Una wotulu'a o nyawa'a womatengo awi woa'a nage awi 'arajaanga wodi-diai o 'iau hona o 'aewani ma 'aino, una awi ronga o Simonoli, nage womanoa o ngooto ma date'o'a.>>7Ma oraha o malai'ata wiade-ade o Korneliusi'a 'itagio'au de o Kornelius wo'iaho'o awi gilaongo awi woa'a yamididi de awi hurudado womatengo nage awi wowango itiai ma Jou ma Dutu awi biono'a.8O Kornelius wohijarita ona'a o'iau naga ge wama'e'au, geena'a de wo'ihulo'o yotagi da'uie o Yope ma bendari'a.9Ma dewelano, ma oraha yahaange goona manga dodagi ma hidogorona'a hali'i yaadonou o Yope ma bendari'a, de o wange i'orona o Petrus wodoa o woa ma de'ude nage ma diaio'a ma ngale womadahaubayanga.10Geena'a de wamao wihawini, ho womau woodomo. Ma ma oraha o inomo yodiai ma gi-giria'a, 'itodo'anino de wama'e o mama'e moi.11Una wama'e o diwanga 'ipelenga, de o'iau naga moi harage de o moha 'ingoa-ngoata ihidelu'u ma libu'u hoato'a 'ili'o'de ihiguti o tona'u'u.12Ma doda'a do'a o hagala 'aewani ma dou o ngai hoato'a de o hagala 'aewani 'imatoba-toba'a de o namo o ginita'a.O Petrus awi ma-ma'e13Geena'a de naga o 'ilingi 'itemo una'a, <<Ee Petrus! I'au natoa'a de naodomo!>>14O Petrus wotemo, <<'Ouwa Jou! 'Omaiwahi taodomo o'iau naga ge mia bo-bohono, de mia emo-emono imote'e o Yahudio'a mia agama'a ma 'autoranga.>>15Ma o ilingi geena 'itemoli una'a, <<O'iau naga ge ma Jou ma Dutu wotemo 'aidadi niaodomo, geena uwa notemo ani bohono.>>16O mama'e geena idadi 'ihigali hiadono ma haange, geena'a de o moha geena 'ihidoa o horogade.17O Petrus woheranga watibanga o'iau ma dumutu o ma-ma'e geena. Una 'awomatiba-tibangohi de o nyawa ge o Kornelius wo'ihulo-hulo'o yama'e'au o Simon nage wodi-diai o 'iau hona o 'aewani ma 'aino awi woa, de ona geena o ngoana ma biono'au.18Geena'a de o nyawa yo'iaho'ino de yohano, <<Neena'a o woa'a de o nyawa'a naga womahido-dogumi'a awi ronga o Simon Petrus?>>19Ma oraha o Petrus 'awatiba-tibangohi womau wana'o o ma-ma'e geena ma mangariti, de o Omaha 'Iofi-ofi 'itemo una'a, <<Ee Petrus, o nyawa yahaange naga nihali'i.20I'au nouti dau'u'u nomatai-taiti, de uwa ani hingina 'ilio-lio no'inii'i ona'a, hababu ona geena Ngoi to'ihulo'o.>>21Ho o Petrus wouti'u de wotemo ona'a, <<Ngoiou neena nage nihali'i riadodoto. O'iau nia dumutu niaino?>>22Ona yopaluhu yotemo, <<Ma 'apita o Kornelius wohulo'o mia'aino. Una geena o nyawa ma owa de wohingou-ngounu de wihoromati ma Jou ma Dutu'a, de o Yahudio'a moi-moi duru wihoromati. Ma Jou ma Dutu awi malai'ata moi wihulo'o una wogaaho'o, Aba, no'ai'a awi woa'a, mangale wohigihene o'iau naga ge aha Aba nohingahu una'a.>>23Geena'a de o Petrus wotemo, <<Nainou nioohamino, la nimaiduohi o wutu moi neena'a.>> De ona yomaiduohi o wutu moi geena'a.
Ma dewelano o Petrus womomi'ie de wotagi de de ona yomatuono. Yamuluo naga yonga'u-nga'u o Yope ma bendaro'a da'u ma yonii'i.24Ma dewelano, ona yomahiadono o Kaisarea'u. Dau O Kornelius de awi riadodoto de awi ma-manai nage wo'iaho-aho'ino yo'ita-tamaau.25Ma oraha o Petrus womahiadonou o Kornelius awi woa'a de o Kornelius wihobo'i'a de watilabu'u'u o Petrus awi biono'a, wihuba.26Ma o Petrus widuhunu wigoa'a de wotemo, <<Nomagoa'ie! Ngoi ma hirete ma 'a o nyawa.>>27Yoma'atemo ma gigiria'a de o Kornelius, de o Petrus woohama o woa ma doda'a. Geena'a dau una wo'ima'e manga lepe'a yomalomuno.28Geena'a de wotemo ona'a, <<Ngini ma hirete niana'o o Yahudio'a mia agama ma 'autoranga 'ihigumadawa ngomi o Yahudi ma nyawa mima'aadono e'ola bolo mimagiamanai de o Yahudio'awa ma nyawa. Duga ma Jou ma Dutu wohimaito'au ngoino na'o nagoona'au bato ngoi 'aidadiwa tamao'u to'iemono e'ola ayadaenua to'imanai.29Geenau ho ma oraha Aba nogaaho'o la toboa, ngoi 'ai hingina 'aitubuhowa ta'aino. Ho neena ngoi tomau tana'o, dodoau ho noiaho'o toboa?>>30O Kornelius wopaluhu, <<O wange hoata 'ipaha-paha'a poelua done ma oraha oneenau naga, ngoi tomadahaubaanga ma gi-giria'a o woa'a o ta'o haange o wange i'umulu'o'au, de itodo'anino ena harage de o nyawa moi womahigode 'ai biono'a. De awi pa'eanga 'ileto-letongo.31De wotemo ngoino, <Ee Kornelius! Ani haubayanga moi-moi geena ma Jou ma Dutu wadawongo'au, de Una 'awahi-hininga o'iau naga ge no'i'ula mangale no'iduhunu o nyawa yohu-huha.32Ho neena no'ihulo'o o nyawa yotagi da'uie o Yope ma bendarie la wiaho'o o Simon gee biaha wihiaho'o o Petrus. Una wotulu'a o nyawa'a womatengo awi woa'a nage awi 'arajaanga wodi-diai o 'iau hona o 'aewani ma 'aino, una awi ronga o Simonli, nage womanoa o ngooto ma date'o'a.>33Geenau ho ngoi 'atogila-gila to'ihulo'o niaho'o Aba. De ngona noboa neenano de ani hingina 'iha-hanaanga. Ho neena ngomi moi-moi mimalomuno neena'a ma Jou ma Dutu awi biono'a, mangale miohigihene moi-moi nage ma Jou ma Dutu wohulo'o nohidemo ngomino.>>34Geena'a de o Petrus wotemo, <<Neena ngoi tana'o itiaio'au ma Jou ma Dutu 'awo'ili-ili'uwa o nyawa.35Ma, ma Jou ma Dutu wo'idawongo moi-moi o nyawa o hagala ba-bangihano ge Wihingounu de wihoromati, nage yodiai o haala iti-tiai ma Jou ma Dutu awi biono'a.36Riadodoto, ngini niana'o'au o Habari ma Owa nage ma Jou ma Dutu wohingahu-ngahu o Israel ma nyawa'a. Ma Habari ma Owa'a geena itemo, o nyawa idadi yoma'atiai de ma Jou ma Dutu, ma nge'omo ma Yesus Kristus. Unau geena o nyawa moi-moi nanga Jou.37Ngini niana'o o'iau naga gee 'idadi-dadio'au o Yudea ma daera'a yaedono'au 'imulaenge o Galilea ma daera'a, nage 'ipahano o Yohanes wohingahu o nyawa-nyawa'a, mangale ona halingou yo'iohi'i.38Ngini niana'o ma Jou ma Dutu wiili'o'au o Yesus o Nazaretino, de wi'ula o Omaha 'Iofi-ofi de o 'uaha. Ngini ma niana'o o Yesus wo'a-'adagi wogiloliti mangale wodiai yaowa-owa. Una ma wo'ihiai'i o nyawa moi-moi nage o To'ata ma 'Oana yo'iparetano, hababu ma Jou ma Dutu naga de de una.39Ngomiou ma hirete miama'e-ma'e 'iau honaa moi-moi wodiai o Yahudio'a manga daera de o Yerusalem ma bendaro'a. Ngaro 'ogeena ma ona Wihidele o salipo'a de Witooma.40Duga o wange haange'a de ma Jou ma Dutu wihimomi'oli ngaro wohonengo'au ma, de ma Jou ma Dutu wodiai ho idadi womahimaiti o nyawa'a,41ma o 'amoi-moi'awa o nyawa, duga 'a ngomino nage ma Jou ma Dutu miili'o'au ma hilahi mangale miodadi o ha'ihi. Ngomi mimahidoodomo de mimahidoo'ele de de Una nage womomi'ieli o honengo'a.42De Una wohulo'o ngomi miohihabari o Habari ma Owa geena o nyawa-nyawa'a, de halingou miohiha'ihii na'o Unau geena ma Jou ma Dutu wiili'o'au wodadi Ha'imi o nyawa yowango-wangohi de yohone-honengo'au.43Unau geena, nage o nabi moi-moi yohidemo yotemo na'o, nagoona yonga'u Una'a, manga baradoha aha waapongo de to Una awi 'uaha.>>44O Petrus 'awomaade-adehi de o Omaha 'Iofi-ofi 'i'uti de yo'iparetano o nyawa moi-moi nage yohigihene o habari geena.45O Yahudio'a nage yonga'u-nga'u o Yesusi'a nage o Petrus winii-nii'u'u o Yope'u da'u, yoheranga yama'e ma Jou ma Dutu wo'ula o Omaha 'Iofi-ofi o nyawa ma homoa'a nage o Yahudio'awa.46Hababu yoihene 'a o Yahudio'awa yomaade-ade de o demo 'irupa-rupa'a de yohilamo-lamo'o ma Jou ma Dutu. Geena'a de o Petrus wotemoli,47<<Bei'a no'itaila'o! O nyawa-nyawa noona yadawongo'au o Omaha 'Iofi-ofi harage de ngomi mia dawongo. Ho, 'amoiwau yo'itato'o ona yo'iohi'i de o a'ele to?>>48Ho o Petrus wohulo'o ona yo'iohi'i de ma Yesus Kristus awi ronga. Geena'a de aha ona yogaaho'o la o Petrus womanoa de de ona o wange muhuonohi naga.
O malai'ata geena ipaluhu, <<Ani haubayanga moi-moi geena ma Jou ma Dutu wadawongo'au, de ma Jou ma Dutu awi hininga yadaene o nyawa yohu-huha no'iduhunuo'au. De Una 'awahi-hininga o'iau naga ge nadi-diaio'au.5Ho neena no'ihulo'o o nyawa yotagi da'uie o Yope ma bendarie la wiehe o Simon gee biaha wihiaho'o o Petrus.6Una wotulu'a o nyawa'a womatengo awi woa'a nage awi 'arajaanga wodi-diai o 'iau hona o 'aewani ma 'aino, una awi ronga o Simonoli, nage womanoa o ngooto ma date'o'a.>>7Ma oraha o malai'ata wiade-ade o Korneliusi'a 'itagio'au de o Kornelius wo'iaho'o awi gilaongo awi woa'a yamididi de awi hurudado womatengo nage awi wowango itiai ma Jou ma Dutu awi biono'a.8O Kornelius wohijarita ona'a o'iau naga ge wama'e'au, geena'a de wo'ihulo'o yotagi da'uie o Yope ma bendari'a.9Ma dewelano, ma oraha yahaange goona manga dodagi ma hidogorona'a hali'i yaadonou o Yope ma bendari'a, de o wange i'orona o Petrus wodoa o woa ma de'ude nage ma diaio'a ma ngale womadahaubayanga.10Geena'a de wamao wihawini, ho womau woodomo. Ma ma oraha o inomo yodiai ma gi-giria'a, 'itodo'anino de wama'e o mama'e moi.11Una wama'e o diwanga 'ipelenga, de o'iau naga moi harage de o moha 'ingoa-ngoata ihidelu'u ma libu'u hoato'a 'ili'o'de ihiguti o tona'u'u.12Ma doda'a do'a o hagala 'aewani ma dou o ngai hoato'a de o hagala 'aewani 'imatoba-toba'a de o namo o ginita'a.O Petrus awi ma-ma'e13Geena'a de naga o 'ilingi 'itemo una'a, <<Ee Petrus! I'au natoa'a de naodomo!>>14O Petrus wotemo, <<'Ouwa Jou! 'Omaiwahi taodomo o'iau naga ge mia bo-bohono, de mia emo-emono imote'e o Yahudio'a mia agama'a ma 'autoranga.>>15Ma o ilingi geena 'itemoli una'a, <<O'iau naga ge ma Jou ma Dutu wotemo 'aidadi niaodomo, geena uwa notemo ani bohono.>>16O mama'e geena idadi 'ihigali hiadono ma haange, geena'a de o moha geena 'ihidoa o horogade.17O Petrus woheranga watibanga o'iau ma dumutu o ma-ma'e geena. Una 'awomatiba-tibangohi de o nyawa ge o Kornelius wo'ihulo-hulo'o yama'e'au o Simon nage wodi-diai o 'iau hona o 'aewani ma 'aino awi woa, de ona geena o ngoana ma biono'au.18Geena'a de o nyawa yo'iaho'ino de yohano, <<Neena'a o woa'a de o nyawa'a naga womahido-dogumi'a awi ronga o Simon Petrus?>>19Ma oraha o Petrus 'awatiba-tibangohi womau wana'o o ma-ma'e geena ma mangariti, de o Omaha 'Iofi-ofi 'itemo una'a, <<Ee Petrus, o nyawa yahaange naga nihali'i.20I'au nouti dau'u'u nomatai-taiti, de uwa ani hingina 'ilio-lio no'inii'i ona'a, hababu ona geena Ngoi to'ihulo'o.>>21Ho o Petrus wouti'u de wotemo ona'a, <<Ngoiou neena nage nihali'i riadodoto. O'iau nia dumutu niaino?>>22Ona yopaluhu yotemo, <<Ma 'apita o Kornelius wohulo'o mia'aino. Una geena o nyawa ma owa de wohingou-ngounu de wihoromati ma Jou ma Dutu'a, de o Yahudio'a moi-moi duru wihoromati. Ma Jou ma Dutu awi malai'ata moi wihulo'o una wogaaho'o, Aba, no'ai'a awi woa'a, mangale wohigihene o'iau naga ge aha Aba nohingahu una'a.>>23Geena'a de o Petrus wotemo, <<Nainou nioohamino, la nimaiduohi o wutu moi neena'a.>> De ona yomaiduohi o wutu moi geena'a.
Ma dewelano o Petrus womomi'ie de wotagi de de ona yomatuono. Yamuluo naga yonga'u-nga'u o Yope ma bendaro'a da'u ma yonii'i.24Ma dewelano, ona yomahiadono o Kaisarea'u. Dau O Kornelius de awi riadodoto de awi ma-manai nage wo'iaho-aho'ino yo'ita-tamaau.25Ma oraha o Petrus womahiadonou o Kornelius awi woa'a de o Kornelius wihobo'i'a de watilabu'u'u o Petrus awi biono'a, wihuba.26Ma o Petrus widuhunu wigoa'a de wotemo, <<Nomagoa'ie! Ngoi ma hirete ma 'a o nyawa.>>27Yoma'atemo ma gigiria'a de o Kornelius, de o Petrus woohama o woa ma doda'a. Geena'a dau una wo'ima'e manga lepe'a yomalomuno.28Geena'a de wotemo ona'a, <<Ngini ma hirete niana'o o Yahudio'a mia agama ma 'autoranga 'ihigumadawa ngomi o Yahudi ma nyawa mima'aadono e'ola bolo mimagiamanai de o Yahudio'awa ma nyawa. Duga ma Jou ma Dutu wohimaito'au ngoino na'o nagoona'au bato ngoi 'aidadiwa tamao'u to'iemono e'ola ayadaenua to'imanai.29Geenau ho ma oraha Aba nogaaho'o la toboa, ngoi 'ai hingina 'aitubuhowa ta'aino. Ho neena ngoi tomau tana'o, dodoau ho noiaho'o toboa?>>30O Kornelius wopaluhu, <<O wange hoata 'ipaha-paha'a poelua done ma oraha oneenau naga, ngoi tomadahaubaanga ma gi-giria'a o woa'a o ta'o haange o wange i'umulu'o'au, de itodo'anino ena harage de o nyawa moi womahigode 'ai biono'a. De awi pa'eanga 'ileto-letongo.31De wotemo ngoino, <Ee Kornelius! Ani haubayanga moi-moi geena ma Jou ma Dutu wadawongo'au, de Una 'awahi-hininga o'iau naga ge no'i'ula mangale no'iduhunu o nyawa yohu-huha.32Ho neena no'ihulo'o o nyawa yotagi da'uie o Yope ma bendarie la wiaho'o o Simon gee biaha wihiaho'o o Petrus. Una wotulu'a o nyawa'a womatengo awi woa'a nage awi 'arajaanga wodi-diai o 'iau hona o 'aewani ma 'aino, una awi ronga o Simonli, nage womanoa o ngooto ma date'o'a.>33Geenau ho ngoi 'atogila-gila to'ihulo'o niaho'o Aba. De ngona noboa neenano de ani hingina 'iha-hanaanga. Ho neena ngomi moi-moi mimalomuno neena'a ma Jou ma Dutu awi biono'a, mangale miohigihene moi-moi nage ma Jou ma Dutu wohulo'o nohidemo ngomino.>>34Geena'a de o Petrus wotemo, <<Neena ngoi tana'o itiaio'au ma Jou ma Dutu 'awo'ili-ili'uwa o nyawa.35Ma, ma Jou ma Dutu wo'idawongo moi-moi o nyawa o hagala ba-bangihano ge Wihingounu de wihoromati, nage yodiai o haala iti-tiai ma Jou ma Dutu awi biono'a.36Riadodoto, ngini niana'o'au o Habari ma Owa nage ma Jou ma Dutu wohingahu-ngahu o Israel ma nyawa'a. Ma Habari ma Owa'a geena itemo, o nyawa idadi yoma'atiai de ma Jou ma Dutu, ma nge'omo ma Yesus Kristus. Unau geena o nyawa moi-moi nanga Jou.37Ngini niana'o o'iau naga gee 'idadi-dadio'au o Yudea ma daera'a yaedono'au 'imulaenge o Galilea ma daera'a, nage 'ipahano o Yohanes wohingahu o nyawa-nyawa'a, mangale ona halingou yo'iohi'i.38Ngini niana'o ma Jou ma Dutu wiili'o'au o Yesus o Nazaretino, de wi'ula o Omaha 'Iofi-ofi de o 'uaha. Ngini ma niana'o o Yesus wo'a-'adagi wogiloliti mangale wodiai yaowa-owa. Una ma wo'ihiai'i o nyawa moi-moi nage o To'ata ma 'Oana yo'iparetano, hababu ma Jou ma Dutu naga de de una.39Ngomiou ma hirete miama'e-ma'e 'iau honaa moi-moi wodiai o Yahudio'a manga daera de o Yerusalem ma bendaro'a. Ngaro 'ogeena ma ona Wihidele o salipo'a de Witooma.40Duga o wange haange'a de ma Jou ma Dutu wihimomi'oli ngaro wohonengo'au ma, de ma Jou ma Dutu wodiai ho idadi womahimaiti o nyawa'a,41ma o 'amoi-moi'awa o nyawa, duga 'a ngomino nage ma Jou ma Dutu miili'o'au ma hilahi mangale miodadi o ha'ihi. Ngomi mimahidoodomo de mimahidoo'ele de de Una nage womomi'ieli o honengo'a.42De Una wohulo'o ngomi miohihabari o Habari ma Owa geena o nyawa-nyawa'a, de halingou miohiha'ihii na'o Unau geena ma Jou ma Dutu wiili'o'au wodadi Ha'imi o nyawa yowango-wangohi de yohone-honengo'au.43Unau geena, nage o nabi moi-moi yohidemo yotemo na'o, nagoona yonga'u Una'a, manga baradoha aha waapongo de to Una awi 'uaha.>>44O Petrus 'awomaade-adehi de o Omaha 'Iofi-ofi 'i'uti de yo'iparetano o nyawa moi-moi nage yohigihene o habari geena.45O Yahudio'a nage yonga'u-nga'u o Yesusi'a nage o Petrus winii-nii'u'u o Yope'u da'u, yoheranga yama'e ma Jou ma Dutu wo'ula o Omaha 'Iofi-ofi o nyawa ma homoa'a nage o Yahudio'awa.46Hababu yoihene 'a o Yahudio'awa yomaade-ade de o demo 'irupa-rupa'a de yohilamo-lamo'o ma Jou ma Dutu. Geena'a de o Petrus wotemoli,47<<Bei'a no'itaila'o! O nyawa-nyawa noona yadawongo'au o Omaha 'Iofi-ofi harage de ngomi mia dawongo. Ho, 'amoiwau yo'itato'o ona yo'iohi'i de o a'ele to?>>48Ho o Petrus wohulo'o ona yo'iohi'i de ma Yesus Kristus awi ronga. Geena'a de aha ona yogaaho'o la o Petrus womanoa de de ona o wange muhuonohi naga.
The Seed Company