O Hu-hulo'o19
1Apolos 'ao Korintuso'ahi, ena o Paulus 'una wonga-ngai moi o daera'a gee o ngooto ma dateo'awa, hiadono womahiadono o Efesusi'a. Geena'a dau de yoma'amae de o nyawa yonga'u-nga'u o Yesusi'a yamuluo naga.2De wotemo'au, <<Ria dodoto, bote niadawongo'au o Omaha 'Iofi-ofi nage ma oraha nio nga'u o Yesusi'a?>>
Ona yopaluhu, <<Ouwahi, de 'a ma ile-ile ma 'amiana'owahi na'o o omaha 'Iofi-ofi naga.>>3De o Paulus wo hano, <<Na'o 'ogeena, wa'utu ngini niohi'i, ngini niodinii'i to nagoonau manga dodoto'o?>>
De ona yopaluhu, <<Ngomi miohi'i, miodinii'i o Yohanes woohi-ohii'i awi dodoto'o.>>4Geena'a de o Paulus wotemoli, <<O Yohanes wo'iohi'i geena ma du-dungu na'o o nyawa goona yotoba'au. Ma geena ma oraha ma o Yohanes wohingahu o Israel ma nyawa'a na'o halingou yonga'u Una'a nage done aha woboa, geena la o Yesus.>>5Geena yoiheno'a o geena de ona yo'iohi'i geena ma dudunguu yonga'uo'au ma ma Jou Yesusi'a.6Ho ma wa'utu o Paulus awi giama wo'idatami'u manga hae'o'a, de o Omaha 'Iofi-ofi yo'iparetano ho yoma'ade-ade de o demo ma homoa nage o Omaha 'Iofi-ofi 'i'ula'au ona'a de yohingahu o behehongo ma Jou ma Dutuno.7Ona geena poelua ya mogio'o demididi'a.8O mede ha'angeno o Paulus womooino'a woma'ade-ade o nyawa-nyawa'a geena o dodoomu ma woa'a, de yoma'aributu de de ona mangale wo'ihidotoo la ona idadi yonga'u mangale o 'ia ma Jou ma Dutu wo pareta mangale wo'oana.9Ma yamuluo naga geena'a manga hininga 'iopini ho yoolu'u yonga'u. O nyawa moi-moi manga himango'a yomatoto'omuno geena'a manga biono'a de ona yohiiyete 'o dodoto'o mangale ma Jou ma Dutu awi mau o nyawa wo'ihihalamata ma nge'omo 'o Yesus. Ho o Paulus woimadau ona, de una de o nyawa yonga'u-nga'uo'au nage yohi'ai'a yomadoto-doto'o ma ngii geena ihironga o Tiranus. Geena'a dau o wange 'ihinoimi yomahi'adibanga de o nyawa-nyawa.10Una wadiai o 'arajaanga geena 'a womatogu-togumua o taunu modidino hiadono o Yahudio'a de o Yahudio'awa geena o Asia ma daera'a, Moi-moi yohigihene ma Jou awi demo.11Ma Jou ma Dutu wodiai o haa-haala 'ihera-heranga ma la-laagomo nge'omo o Paulus awi arajango'a.12Na'o o giama ma ngi-ngi'ili bolo o moha ma dobi'i nage o Paulus wapa'e'au la yo'idonoa o nyawa yopa-panya'e'a geena, yopa-panya'e goona aha manga panya'e 'iai'i, de to'ata nage yo'ido-dongohamu'u ma 'iloa.13O Yahudio'a yohou-houlu yamuluo naga yo'a-'adagi o hoana yanga-ngai moi yogini'i o to'ata nage o nyawa'a yo'ido-dongohami'a. Ona yohita-taili yapa'e ma Jou Yesus awi ronga na'o yogini'i ma to'ata geena. Ona yotemo ma to'ati'a geena, <<De o Yesus awi ronga ma nage o Paulus wohiha-habari ngoi tinigini'i!>>14Ma imam ma hae'e awi ronga o Skewa, awi ngoa-ngoa'a ya tumudingo'a. Goonau yadiai o geena.15Duga ma to'ata geena itemo, <<O Yesus towina'o de o Paulus ma towina'o o naguunau una, duga ngini neena o nagoonau ho niomau halingou tinidomote'e?>>16Geena'a de wito'a-to'ata guuna wo'ide-debulu ma de wo'ihobohali de 'a una itagi ho yoloa geena ma woa'a 'ena yodabo-dabo'au, de manga he'ono'a, hababu manga baju 'iraca-racangie manga roeho'a.17Ho moi-moi o Yahudio'a de o Yahudio'awa o Efesuso'a yomanoa-noa yoihene o'iau nage idadio'au geena'a ho yohawana. Ho ma Jou Yesus awi ronga 'awihilamo-lamo'o monga.18Manga lepe yonga'u-nga'uo'au o Yesusi'a, yoboa 'o 'awaha manga biono'a yomanga'u manga baradoha yodi-diaio'au ma hilahi geena.19De yohou-houlu goona manga bo'u ya'o'ito'omu ho o 'awaha manga biono'a de ya'o'ituu'u. Manga bo'u geena ma ija na'o yadoimi tanu poelua o tiwi o hala'a o ribuhu moritoa.20De ma nge'omo o 'iau hona nage 'ida-dadio'au nage hiadono o Habari mangale ma Jou Yesus 'ihi'ai'a monga itagi de 'iholoi monga ho nyawa yonga'u.21Geena 'i'o'iduangino, de o Paulus waputuhou wotagi wohi'ai'a o Makedonia ma daera'a de aha wohi'au'u o Akhaya ma daera'a, aha wogila-gilali o Yerusalemie. Una wotemo'au, <<Geena'a taie, de'iani o Roma'a ma bendari'a totagiohi.>>22Geena'a de woihulo'o awi duduhunu yamididi geena la 'o Timotius de o Erastus yohilau o Makedonia'a, ena una o Asia ma daera'ahi o wange mulo naga.23Poelua ma oraha geenau de irua'au o Efesuso'a hababu 'o dodoto'o mangale o Yesus.24Hababu ma bendaro'a geena womatengo awi ronga o Demetrius. Una awi 'arajaanga wodiai o 'iau o hala'ano. Una wodiai o woa-woa iete-ete'e o hala'ano ma rupa harage manga huba-huba ma ngi nage ma ronga o Artemis. Awi usaha geena awi nyawa ma oraha yo'a-'arajanga de de una o pipi ma amo'o yomadama'e.25Hababu geena wo'itoomuno o nyawa yo'a-'arajanga una'a, o nyawa-nyawa gee yo'a-'arajanga hala'ano yodi-diai ma homoa wotemo'au, <<Ria dodoto! Ngini nia na'o nanga 'arajaanga neena ngone pomadama'e o tiwi ma amo'o.26Neena ngini ma hirete niama'e'au de nio iheno'au 'o'iau o Paulus wodiai, nage una wotemo; na'o o'ia hona pohuba-huba nage 'o nyawa yadi-diai'u geena o gomangua. De una womadaga'unu manga lepeu awi dodoto'o yonga'u 'a nage o Efesuso'awa duga, ena hali'i o Asia ma daera ma yaluwungo'a.27Ma nge'omo neenau nanga 'arajaanga neena aha o nyawa yahohedu. De 'ageenawa duga, ma ena o Artemis tongone nanga gomanga o ngewe'a ma woa aha 'ayodaali'awau, de ena mahirete 'ayohiamo'uau. Ena momongo o gomanga geenau nage o Asia ma daera'a de o dunia'a moi-moi yahuba-huba.>>28O nyawa geena'adau nage yoihene 'ogeena duru yabuhulu, ho ona yomagorehe ya'ua-'uatie onane, <<Artemis, ena iholoi iamo'o! Ena geena ngomi o Efesuso'a mia gomanga!>>29Ho ma bendaro'a geena irua 'a ma moi'o. Geena'a de o nyawa yolepe-lepe goona yotagi yotuo-tuono yo'itago'o o Gayus de o Aristarkhus. O Gayus de o Aristkhus ona geena o Makedonia ma nyawa, o Paulus awi ma-manai awi dodagio'a. Ona yo'iaha o 'awaha manga do-doomu ma ngii'a ma bendaro'a geena.30O Paulus womau woohama o 'awaha manga hidogorona'a wo'inii'i ona'a, ma yonga'u-nga'u o Yesusi'a geena'a do'a nage 'awihigumadawa.31O nyawa yola-laagomo o Asia ma daera'a yamuluo naga yoma'amanai de o Paulus, yohulo'o o nyawa'a la yogaaho'o o Paulusi'a bali uwa womahimaiti o 'awaha nage yomalomu-lomu o do-doomu ma ngio'a geena.32Ma oraha geena o 'awaha yomato-toomuno o do-doomu ma woa'a goona yorua 'amamoi'u. Munu'a yohigaho-gaho'o oneena, munu'ali onee, hababu magilepe goona yana'owa bali idodoau ho yomalomuno geena'a.33Geena'a o Yahudio'a yamuluo naga yo'ihulo'o manga nyawa nage awi ronga o Aleksander la womaade-ade o nyawa yolepe-lepe manga biono'a . Awi giama wagoa'a, wo gaaho'o o nyawa-nyawa yomaliili, hababu womau wotemo, 'a ma hababuwa o Yahudi ma nyawa manga baradoha hiadono irua oneena.34Ma wa'utu o Efesuso'a ma nyawa yana'o o Aleksander guuna o Yahudio'a, ho ona yomaorehe poelua o jaama modidi, <<Artemis, ena iholoi ilamo'o! Ena geena o Efesuso'a mia gomanga!>>35Ma baha'u, ma jurutulihi o bendaro'a geena wo'ihilili o nyawa yolepe-lepe goona de wotemo onanee, <<Riado-doto o Efesus ma nyawa! Moi-moi o dunia'a ma nyawa yana'o, ngone o Efesuso'a neena pagoana pohidi-diai tongone nanga gomanga ngewe'a o Artemis ma woa. Ena geena i'uata. De ngone ma pagoana o Artemis ma heleow 'iofi-ofi nage 'iuti o diwangu'u.36Hababu o nyawa moi-moi yana'o geena, ngini halingou nimaliili, aha uwa pohida-dahaga naehe madiai.37Ngini nio'iaha'au noona yamididi neenano, nio temo bali, ona noona o nyawa ma diiha. Enamomongo ona noona yamididi 'ia-'iawa yotohi'i tongone nanga gomanga o Artemis ma ngiio'a de ona 'ayohoheduwa nanga gomanga geena.38Ho, na'o o Demetrius de awi ma-manai yo'a-'arajanga yo'itae o nyawa-nyawa'a, iholoi yaowa ma haala geena yaaha youru-uruhu ma ngii'a bolo ma gubernuri'a. Do'a aha moi de moi idadi yohingahu o'ia nage manga 'ala'i.39Ho na'o demaena o haala ma homoa nage niomau nio'ala'i, ifoloi yaowa niohi'atiai ma haala geena o 'awaha manga dodoomuo'a.40Hababu, o'ia naga idadi neena ma wange, geena idadi inahibodito. O Roma ma pamareta idadi inatae bali ngone pohirua hababu 'amaile-ilewa ma 'apomadapaluhuwa mangale pohitiai neena.>>41Iduangino wotemo 'ogeena, o bendaro'a manga guuna wogila-gila wohulo'o ona'a moi-moi la yolio.
Ona yopaluhu, <<Ouwahi, de 'a ma ile-ile ma 'amiana'owahi na'o o omaha 'Iofi-ofi naga.>>3De o Paulus wo hano, <<Na'o 'ogeena, wa'utu ngini niohi'i, ngini niodinii'i to nagoonau manga dodoto'o?>>
De ona yopaluhu, <<Ngomi miohi'i, miodinii'i o Yohanes woohi-ohii'i awi dodoto'o.>>4Geena'a de o Paulus wotemoli, <<O Yohanes wo'iohi'i geena ma du-dungu na'o o nyawa goona yotoba'au. Ma geena ma oraha ma o Yohanes wohingahu o Israel ma nyawa'a na'o halingou yonga'u Una'a nage done aha woboa, geena la o Yesus.>>5Geena yoiheno'a o geena de ona yo'iohi'i geena ma dudunguu yonga'uo'au ma ma Jou Yesusi'a.6Ho ma wa'utu o Paulus awi giama wo'idatami'u manga hae'o'a, de o Omaha 'Iofi-ofi yo'iparetano ho yoma'ade-ade de o demo ma homoa nage o Omaha 'Iofi-ofi 'i'ula'au ona'a de yohingahu o behehongo ma Jou ma Dutuno.7Ona geena poelua ya mogio'o demididi'a.8O mede ha'angeno o Paulus womooino'a woma'ade-ade o nyawa-nyawa'a geena o dodoomu ma woa'a, de yoma'aributu de de ona mangale wo'ihidotoo la ona idadi yonga'u mangale o 'ia ma Jou ma Dutu wo pareta mangale wo'oana.9Ma yamuluo naga geena'a manga hininga 'iopini ho yoolu'u yonga'u. O nyawa moi-moi manga himango'a yomatoto'omuno geena'a manga biono'a de ona yohiiyete 'o dodoto'o mangale ma Jou ma Dutu awi mau o nyawa wo'ihihalamata ma nge'omo 'o Yesus. Ho o Paulus woimadau ona, de una de o nyawa yonga'u-nga'uo'au nage yohi'ai'a yomadoto-doto'o ma ngii geena ihironga o Tiranus. Geena'a dau o wange 'ihinoimi yomahi'adibanga de o nyawa-nyawa.10Una wadiai o 'arajaanga geena 'a womatogu-togumua o taunu modidino hiadono o Yahudio'a de o Yahudio'awa geena o Asia ma daera'a, Moi-moi yohigihene ma Jou awi demo.11Ma Jou ma Dutu wodiai o haa-haala 'ihera-heranga ma la-laagomo nge'omo o Paulus awi arajango'a.12Na'o o giama ma ngi-ngi'ili bolo o moha ma dobi'i nage o Paulus wapa'e'au la yo'idonoa o nyawa yopa-panya'e'a geena, yopa-panya'e goona aha manga panya'e 'iai'i, de to'ata nage yo'ido-dongohamu'u ma 'iloa.13O Yahudio'a yohou-houlu yamuluo naga yo'a-'adagi o hoana yanga-ngai moi yogini'i o to'ata nage o nyawa'a yo'ido-dongohami'a. Ona yohita-taili yapa'e ma Jou Yesus awi ronga na'o yogini'i ma to'ata geena. Ona yotemo ma to'ati'a geena, <<De o Yesus awi ronga ma nage o Paulus wohiha-habari ngoi tinigini'i!>>14Ma imam ma hae'e awi ronga o Skewa, awi ngoa-ngoa'a ya tumudingo'a. Goonau yadiai o geena.15Duga ma to'ata geena itemo, <<O Yesus towina'o de o Paulus ma towina'o o naguunau una, duga ngini neena o nagoonau ho niomau halingou tinidomote'e?>>16Geena'a de wito'a-to'ata guuna wo'ide-debulu ma de wo'ihobohali de 'a una itagi ho yoloa geena ma woa'a 'ena yodabo-dabo'au, de manga he'ono'a, hababu manga baju 'iraca-racangie manga roeho'a.17Ho moi-moi o Yahudio'a de o Yahudio'awa o Efesuso'a yomanoa-noa yoihene o'iau nage idadio'au geena'a ho yohawana. Ho ma Jou Yesus awi ronga 'awihilamo-lamo'o monga.18Manga lepe yonga'u-nga'uo'au o Yesusi'a, yoboa 'o 'awaha manga biono'a yomanga'u manga baradoha yodi-diaio'au ma hilahi geena.19De yohou-houlu goona manga bo'u ya'o'ito'omu ho o 'awaha manga biono'a de ya'o'ituu'u. Manga bo'u geena ma ija na'o yadoimi tanu poelua o tiwi o hala'a o ribuhu moritoa.20De ma nge'omo o 'iau hona nage 'ida-dadio'au nage hiadono o Habari mangale ma Jou Yesus 'ihi'ai'a monga itagi de 'iholoi monga ho nyawa yonga'u.21Geena 'i'o'iduangino, de o Paulus waputuhou wotagi wohi'ai'a o Makedonia ma daera'a de aha wohi'au'u o Akhaya ma daera'a, aha wogila-gilali o Yerusalemie. Una wotemo'au, <<Geena'a taie, de'iani o Roma'a ma bendari'a totagiohi.>>22Geena'a de woihulo'o awi duduhunu yamididi geena la 'o Timotius de o Erastus yohilau o Makedonia'a, ena una o Asia ma daera'ahi o wange mulo naga.23Poelua ma oraha geenau de irua'au o Efesuso'a hababu 'o dodoto'o mangale o Yesus.24Hababu ma bendaro'a geena womatengo awi ronga o Demetrius. Una awi 'arajaanga wodiai o 'iau o hala'ano. Una wodiai o woa-woa iete-ete'e o hala'ano ma rupa harage manga huba-huba ma ngi nage ma ronga o Artemis. Awi usaha geena awi nyawa ma oraha yo'a-'arajanga de de una o pipi ma amo'o yomadama'e.25Hababu geena wo'itoomuno o nyawa yo'a-'arajanga una'a, o nyawa-nyawa gee yo'a-'arajanga hala'ano yodi-diai ma homoa wotemo'au, <<Ria dodoto! Ngini nia na'o nanga 'arajaanga neena ngone pomadama'e o tiwi ma amo'o.26Neena ngini ma hirete niama'e'au de nio iheno'au 'o'iau o Paulus wodiai, nage una wotemo; na'o o'ia hona pohuba-huba nage 'o nyawa yadi-diai'u geena o gomangua. De una womadaga'unu manga lepeu awi dodoto'o yonga'u 'a nage o Efesuso'awa duga, ena hali'i o Asia ma daera ma yaluwungo'a.27Ma nge'omo neenau nanga 'arajaanga neena aha o nyawa yahohedu. De 'ageenawa duga, ma ena o Artemis tongone nanga gomanga o ngewe'a ma woa aha 'ayodaali'awau, de ena mahirete 'ayohiamo'uau. Ena momongo o gomanga geenau nage o Asia ma daera'a de o dunia'a moi-moi yahuba-huba.>>28O nyawa geena'adau nage yoihene 'ogeena duru yabuhulu, ho ona yomagorehe ya'ua-'uatie onane, <<Artemis, ena iholoi iamo'o! Ena geena ngomi o Efesuso'a mia gomanga!>>29Ho ma bendaro'a geena irua 'a ma moi'o. Geena'a de o nyawa yolepe-lepe goona yotagi yotuo-tuono yo'itago'o o Gayus de o Aristarkhus. O Gayus de o Aristkhus ona geena o Makedonia ma nyawa, o Paulus awi ma-manai awi dodagio'a. Ona yo'iaha o 'awaha manga do-doomu ma ngii'a ma bendaro'a geena.30O Paulus womau woohama o 'awaha manga hidogorona'a wo'inii'i ona'a, ma yonga'u-nga'u o Yesusi'a geena'a do'a nage 'awihigumadawa.31O nyawa yola-laagomo o Asia ma daera'a yamuluo naga yoma'amanai de o Paulus, yohulo'o o nyawa'a la yogaaho'o o Paulusi'a bali uwa womahimaiti o 'awaha nage yomalomu-lomu o do-doomu ma ngio'a geena.32Ma oraha geena o 'awaha yomato-toomuno o do-doomu ma woa'a goona yorua 'amamoi'u. Munu'a yohigaho-gaho'o oneena, munu'ali onee, hababu magilepe goona yana'owa bali idodoau ho yomalomuno geena'a.33Geena'a o Yahudio'a yamuluo naga yo'ihulo'o manga nyawa nage awi ronga o Aleksander la womaade-ade o nyawa yolepe-lepe manga biono'a . Awi giama wagoa'a, wo gaaho'o o nyawa-nyawa yomaliili, hababu womau wotemo, 'a ma hababuwa o Yahudi ma nyawa manga baradoha hiadono irua oneena.34Ma wa'utu o Efesuso'a ma nyawa yana'o o Aleksander guuna o Yahudio'a, ho ona yomaorehe poelua o jaama modidi, <<Artemis, ena iholoi ilamo'o! Ena geena o Efesuso'a mia gomanga!>>35Ma baha'u, ma jurutulihi o bendaro'a geena wo'ihilili o nyawa yolepe-lepe goona de wotemo onanee, <<Riado-doto o Efesus ma nyawa! Moi-moi o dunia'a ma nyawa yana'o, ngone o Efesuso'a neena pagoana pohidi-diai tongone nanga gomanga ngewe'a o Artemis ma woa. Ena geena i'uata. De ngone ma pagoana o Artemis ma heleow 'iofi-ofi nage 'iuti o diwangu'u.36Hababu o nyawa moi-moi yana'o geena, ngini halingou nimaliili, aha uwa pohida-dahaga naehe madiai.37Ngini nio'iaha'au noona yamididi neenano, nio temo bali, ona noona o nyawa ma diiha. Enamomongo ona noona yamididi 'ia-'iawa yotohi'i tongone nanga gomanga o Artemis ma ngiio'a de ona 'ayohoheduwa nanga gomanga geena.38Ho, na'o o Demetrius de awi ma-manai yo'a-'arajanga yo'itae o nyawa-nyawa'a, iholoi yaowa ma haala geena yaaha youru-uruhu ma ngii'a bolo ma gubernuri'a. Do'a aha moi de moi idadi yohingahu o'ia nage manga 'ala'i.39Ho na'o demaena o haala ma homoa nage niomau nio'ala'i, ifoloi yaowa niohi'atiai ma haala geena o 'awaha manga dodoomuo'a.40Hababu, o'ia naga idadi neena ma wange, geena idadi inahibodito. O Roma ma pamareta idadi inatae bali ngone pohirua hababu 'amaile-ilewa ma 'apomadapaluhuwa mangale pohitiai neena.>>41Iduangino wotemo 'ogeena, o bendaro'a manga guuna wogila-gila wohulo'o ona'a moi-moi la yolio.
The Seed Company