O Hu-hulo'o15
1Yamuluo naga yonga'u-nga'u nage o Yahudio'a o Yudea ma daerano yoboa o Antiokhia ma bendaro'a de yo'idoto'o o nyawa yonga'u-nga'u'a nage o Yahudio'awa ona yotemo, <<Na'o niomahunatua imote'e o Musa awi do-doto'o geena 'aidadiwa niohalamata.>>2Ma, o Paulus de o Barnabas yaributu toona manga di-dibanga geena. O jama'ata yaputuhu iduangino, o Paulus de o Barnabas de o Antiokhia ma nyawa yamulo naga, yotagi o Yerusalemie la yaade-ade mangale o haala geena de o hu-hulo'o, de o jama'ata manga balu-baluhu.3O Antiokhia ma jama'ata yo'ihiota'a hiadono o bendara ma duduno'a, geena'a de aha yotagi yanii'i o Fenesia de o Samaria ma daera'a. Geena'a yaie de yohiade-ade yotemo o Yahudio'awa ma nyawa ma yotoba'au de yonga'u ma Jou ma Dutu'a. De ma nyawa yonga'u-nga'u geena'a yogarago hababu ma habari geena yoihene.4O Yerusalemie yomahiadono, o jama'ata de o hu-hulo'o de o jama'ata ma balu-baluhu yo'idawongo ona'a de manga garago'a. Geena'a de yohiade-ade o'iau naga nage ma Jou ma Dutu Wadiaio'au ma nge'omo onano.5Ma o Farisio'a yamuluo naga yonga'u-nga'uo'au nage ya'aie yomahigo'ono de yotemo, <<O Yahudio'awa nage yonga'u- nga'u ona halingou yomahunata, de halingou yodini'i o Musa awi dodoto'o.>>6Geena'a de o hu-hulo'o de o jama'ata ma balu-baluhu yomatoomu la yaade-ade mangale ma haala geena.7Ma oraha yomahi'adibanga ma daaono nage iduangino, o Petrus womagoa'ie de wotemo, <<Riadodoto! Ngini ma hirete niana'o mangale ma oraha ipaha-paha'a, ma Jou ma Dutu woiili'o'au ngoi niahidogorona'a mangale tohingahu o Habari ma Owa geena o Yahudio'awa ma nyawa'a la ona yoihene de yonga'u.8De ma Jou ma Dutu nage wana'o o nyawa manga hininga'a, Wohimaito'au na'o Una wo'idawongo'au. Una wohimaiti geena ma ngeomo Wo'i ula Awi Omaha 'Iofi-ofi 'aimatero de wo'ula'au ngoneno.9Ma Jou ma Dutu woili-ili'ua ngone de de ona. Una waberehi manga hininga hababu yonga'u.10De dodoau ho ngini neena niomau ma Jou ma Dutu niwitaili de o gina itu-tubuho nio'i'ula o nyawa'a nage yonga'u-nga'u o Yesusi'a? Ena nanga edete de nanga dotumu de ngone ma hirete ma paa'unua.11Ngone halingou uwa 'ogeena podiai. Ngone ponga'u hababu ma Jou Yesus awi hininga ma owa ho ngone idadi pohalamata; 'ogeenali ma ona.>>12Ho o nyawa yomato-toomuno geena'a yomaliilo'au. Geena'a de ona yohigihene o Paulus de 'o Barnabas yohiade-adeli o haala 'ihera-heranga de o dudunguu 'ila-laagomo nage ma Jou ma Dutu wohidadio'au ma nge'omo ona naga o nyawa-nyawa manga hidogorona'a o Yahudio'awa.13O Paulus de o Barnabas yoade-ade iduangino, de o Yakobus wotemo, <<Riadodoto! Bee'a niohigihenohi.14O Simon Petrus aha iduangino wohiade-ade cara'i'au ma Jou ma Dutu ma mulaengohi wohimaito'au Awi owa o Yahudio'awa ma nyawa'a, ma nge'omo Wo'iili'i o nyawa-nyawa manga hidogorona'a mangale yodadi to Una awi 'awaha.15Geena imote'e ma Jou ma Dutu awi demo nage o nabi-nabi yohidemo'au ma hilahi hababu naga 'itulihu'u'au onane:16Ma Jou ma Dutu wotemo, <O Dautu de awi guti'u yo'oanuwau.><Ma aha toboali mangale towigoa'a womatengo o Dautu awi guti'u la wodadi o 'oanoli.Geena harage o woa moi iluba'au,de o nyawa yohigo'oli la idadi i'uatoli.17La moi-moi o nyawa ma homoali yo'aino Ngoino.De nage o Yahudio'awa ma, nage To'iaho'o'au mangale yodadi to Ngoi 'ai 'awaha.>Geenau ma Jou wotemo, de Unau wodiai moi-moi neena.18Nage Wohidemo'au 'a ma hilahi.>>19O Yakobus wotemo, <<Hababu geena, na'o 'imote'e ngoi, 'aidadiwa po'ihihuha o Yahudio'awa nage winga'uo'au ma Jou ma Dutu'a.20Ma halingou po'iduhurata ona'a, de po'ibehehongo la uwa yaodomo o inomo nage o nyawa yohihuba'au o gomangi'a, e'ola o aunu, e'ola o 'aewani nage yahori'i ho ma 'aunu 'aiuihua. De uwa yoma'apa'e ngaro itimaronga.21Hababu o Musa awi do-doto'o ma hilahi o nyawa yabaca'au o Sabat ma wange ihinoimi o do-doomu ma woa'a, de 'ihihabari o bendara yanoimi'a.>>22O hu-hulo'o de o jama'ata ma balu-baluhu de ma jama'ata moi-moi yaputuhu yo'iili'i yamuluo naga ona'a mangale yo'ihulo'o o Antiokhia ma bendaro'a yotagi yoma'anii'i de o Paulus de o Barnabas. Ho yo'iili'i o Silas de o Yudas nage wihironga o Barsabas. Yamididi noona geena o nyawa yo'ihoromati naga o nyawa yonga'u-nga'u o Yerusalemo'a.23Goona yamididi'a, o hu-hulo'o, de o jama'ata ma balu-baluhu yo'ula o hurata moi ma demo onane:
<<Tabea, riadodoto nage nionga'u-nga'u, o Yahudio'awa ma nyawa nimanoa-noa o Antiokhia ma bendaro'a, o Siria'a de o kilikia'a ma daera'a. Ngomi neena o hu-hulo'o de o jama'ata ma balu-baluhu, geena la tingini nia riadodoto.24Ngomi mioihene na'o tongomi mia manai yamuluo naga yau'u ngini'u de nia hininga yohihuha de nia hininga ma yaruae de to ona manga dodoto'o. Ena momongo ngomi 'amio'ihulo'ua yadiai 'ogeena.25Hababu geenau hiadono ngomi mima'aaturo'au de miorimio'au yamulo naga mio'iili'i de mio'ihulo'o yotagi ngini'u. Ona aha yotagi de nanga riadodoto o Barnabas de o Paulus nage mio'idora-dora.26Yamididi noona geena ngaro yo'itooma ma 'a yodaali'awa hababu yadiai nanga Jou Yesus Kristus awi 'arajaanga.27Ho ngomi miohulo'o o Yudas de o Silas yohi'au'u ngini'u. Yohingahu ngini'a o habari nage 'itulihu'u'au neena ma hurato'a.28O Omaha 'Iofi-ofi de de ngomi miohitatapuo'au la uwa mio'ulali o gina nage 'iholoi itubuho la 'ena duga 'aneena:29Uwa niaodomo 'o 'inomo o gomanga ihihuba'au; uwa nia odomo o aunu; uwa nia odomo o 'aewani ma a'eme nage 'ihonenge 'a yahori'i ho ma aunu 'aiuihua; de uwa nima'apa'e ngaro itimaronga. Na'o ma 'autoranga geena moi-moi niodinii'o'au, geena ma mangariti niodiaio'a yaowa-owa. O geenahi yai'a mia hurata neena.>>30Ma oraha yomahilooaho'au de yotagio'au o Antiokhia ma bendaru'u. Dau yau'u de o jama'ata moi-moi yo'iahoino yomalomu aha de ma hurata geena yo'ula.31Ma oraha o jama'ata goona yabaca'au ma hurata geena de yogarago, hababu ma hurata ma doda'a geena manga hingina yo'ihi'uata.32O Yudas de o Silas ona geena ma ma nabi, ma daao yo'iade-ade o nyawa yonga'u-nga'u'a o Antiokhia'a. Yo'ihi'uata la 'o jama'ata ona manga hingina iholoi 'i'uata.33O Yudas de o Silas yomanoa geena'a o wange muluono naga, de o nyawa yonga'u-nga'u nage o Antiokhia'a yo'ihigumada yolio de yogaaho'o la yohiadono manga tabea o nyawa-nyawa'a nage yo'ihulo-hulo'o'au yo'aino. [34Ma o silas waputuho'au womanoa geena'a o Antiokhia'a.]35O Paulus de o Barnabas manga wange muluo naga geena'a o Antiokhia'a. Geena'a dau ona de o nyawa maregu manga lepe yodoto'o de yohihabari ma Jou awi demo.36Aitaaowa de o Paulus wotemo'au o Barnabasi'a, <<Naino ngone potagioli nanga riadodoti'a nage yonga'u-nga'uo'au o Yesusi'a o bendara ihinoimi'a nage ia'a naga pohihabario'au ma Jou awi demo, la pana'o ona cara'iau.>>37De o Barnabas womau wiaha o Yohanes Markus.38Ma o Paulus woolu'u na'o o Markus wiaha. Hababu ma moi geena o Pamfilia'a wo'imada'au de woolu'u waduanga manga 'arajaanga.39Ho marai o Paulus de o Barnabas yoma'angamo, ma baha'u yoma'atinga'a. O Barnabas wiaha o Markus, de ona o Siprus ma nuuhie yohidete.40Ho o Paulus wiili'i o Silas. Ho nage yonga'u-nga'u o Antiokhia'a yoihigiama ma hoata o Paulus de o Silas ma Jou'a la Una wo'igoana de wo'ipaliara.41Ona yo'iloliti o siria de o kilikia ma daera; gena'a yohi'uata o jama'ata manga ngo-nga'u.
<<Tabea, riadodoto nage nionga'u-nga'u, o Yahudio'awa ma nyawa nimanoa-noa o Antiokhia ma bendaro'a, o Siria'a de o kilikia'a ma daera'a. Ngomi neena o hu-hulo'o de o jama'ata ma balu-baluhu, geena la tingini nia riadodoto.24Ngomi mioihene na'o tongomi mia manai yamuluo naga yau'u ngini'u de nia hininga yohihuha de nia hininga ma yaruae de to ona manga dodoto'o. Ena momongo ngomi 'amio'ihulo'ua yadiai 'ogeena.25Hababu geenau hiadono ngomi mima'aaturo'au de miorimio'au yamulo naga mio'iili'i de mio'ihulo'o yotagi ngini'u. Ona aha yotagi de nanga riadodoto o Barnabas de o Paulus nage mio'idora-dora.26Yamididi noona geena ngaro yo'itooma ma 'a yodaali'awa hababu yadiai nanga Jou Yesus Kristus awi 'arajaanga.27Ho ngomi miohulo'o o Yudas de o Silas yohi'au'u ngini'u. Yohingahu ngini'a o habari nage 'itulihu'u'au neena ma hurato'a.28O Omaha 'Iofi-ofi de de ngomi miohitatapuo'au la uwa mio'ulali o gina nage 'iholoi itubuho la 'ena duga 'aneena:29Uwa niaodomo 'o 'inomo o gomanga ihihuba'au; uwa nia odomo o aunu; uwa nia odomo o 'aewani ma a'eme nage 'ihonenge 'a yahori'i ho ma aunu 'aiuihua; de uwa nima'apa'e ngaro itimaronga. Na'o ma 'autoranga geena moi-moi niodinii'o'au, geena ma mangariti niodiaio'a yaowa-owa. O geenahi yai'a mia hurata neena.>>30Ma oraha yomahilooaho'au de yotagio'au o Antiokhia ma bendaru'u. Dau yau'u de o jama'ata moi-moi yo'iahoino yomalomu aha de ma hurata geena yo'ula.31Ma oraha o jama'ata goona yabaca'au ma hurata geena de yogarago, hababu ma hurata ma doda'a geena manga hingina yo'ihi'uata.32O Yudas de o Silas ona geena ma ma nabi, ma daao yo'iade-ade o nyawa yonga'u-nga'u'a o Antiokhia'a. Yo'ihi'uata la 'o jama'ata ona manga hingina iholoi 'i'uata.33O Yudas de o Silas yomanoa geena'a o wange muluono naga, de o nyawa yonga'u-nga'u nage o Antiokhia'a yo'ihigumada yolio de yogaaho'o la yohiadono manga tabea o nyawa-nyawa'a nage yo'ihulo-hulo'o'au yo'aino. [34Ma o silas waputuho'au womanoa geena'a o Antiokhia'a.]35O Paulus de o Barnabas manga wange muluo naga geena'a o Antiokhia'a. Geena'a dau ona de o nyawa maregu manga lepe yodoto'o de yohihabari ma Jou awi demo.36Aitaaowa de o Paulus wotemo'au o Barnabasi'a, <<Naino ngone potagioli nanga riadodoti'a nage yonga'u-nga'uo'au o Yesusi'a o bendara ihinoimi'a nage ia'a naga pohihabario'au ma Jou awi demo, la pana'o ona cara'iau.>>37De o Barnabas womau wiaha o Yohanes Markus.38Ma o Paulus woolu'u na'o o Markus wiaha. Hababu ma moi geena o Pamfilia'a wo'imada'au de woolu'u waduanga manga 'arajaanga.39Ho marai o Paulus de o Barnabas yoma'angamo, ma baha'u yoma'atinga'a. O Barnabas wiaha o Markus, de ona o Siprus ma nuuhie yohidete.40Ho o Paulus wiili'i o Silas. Ho nage yonga'u-nga'u o Antiokhia'a yoihigiama ma hoata o Paulus de o Silas ma Jou'a la Una wo'igoana de wo'ipaliara.41Ona yo'iloliti o siria de o kilikia ma daera; gena'a yohi'uata o jama'ata manga ngo-nga'u.
The Seed Company