1 TIMOTIUS1
1Tabea Timotius, ngoi o Paulus, ma Kristus Yesus awi hu-hulo'o, ngoi totulihi o hurata neena. Ngoi todadi o hu-hulo'o geena imote'e ma Jou ma Dutu wonahiha-halamata awi hulo-hulo'o de ma Jou Yesus Kristus to ngone nanga ngonganono awi hulo-hulo'o. Timotius, ngona geena harage de 'ai ngoa'a ma dutu hababu nonga'u ma Jou Yesusi'a harage de 'a Ngoi!
Togaaho'o ma Jou ma Dutu'a to ngone nanga Dea de Ma Kristus Yesusi'a, to ngone nanga Jou, la Una wo'ula ngona'a o bara'ati de o hanaanga, de wohimaiti awi hibohono ngona'a.3Ngoi tomau la ngona nomanoa o Efesuso'a harage de tohingahuo'au ma oraha ngoi totagi o Makedonia'a. Hababu o Efesuso'a yamuluo naga yohidagi o do-doto'o iti-tiaiwa, ho ngona halingou no'ihulo'o la yomatogumu.4De no'ihingahu la uwau yodaali'a o jarita nage ma haidaa 'a'oiwa de manga o ahala yohijarita 'ai boo-bootuau. Nage ma duangu'u duga 'ayoma'aributu moi de moi, de 'aitagiwa o 'iau naga ge ma Jou ma Dutu womau wadiai, nage 'a idadi padiai duga 'a ponga'u Una'a.5'Ai do-doto'o neena ma dumutu la ngone pama'e o hininga 'iofi-ofi, de nanga hininga'a idadi pana'o ma diai, de igou-goungu ponga'u ma Jou'a. De geenau ona idadi poma'adora moi de moi.6Naga munu'a 'ayodinii'uwau 'ogeena de 'a yaigo yoma'aade-ade a o jarita nage ma haidaa 'a 'oiwa.7Ona yomau yodadi o agama'a yodoto-doto'o ena momongo ona ma hirete 'ayomangaritiwa o demo-demo nage yohingahu-ngahu e'ola 'ayomangaritiwa o 'iau naga ge yohigou-goungu'u yohingahu.8Ngone pana'o o agama ma hu'umu geena yaowa, na'o la o nyawa yodoto'o harage de ma Jou ma Dutu awi ma'uhuutu.9De halingou poda-danganono na'o o agama ma hu'umu geena 'a ma dumutua o nyawa'a nage manga wowango iti-tiai. Ma ena nage o hu'umu yapale-paleni'a, yoti-tingi'ai'a, nage wihingounua ma Jou ma Dutu'a, nage 'ayodiini'i 'a toona manga mau, ge 'a winga'u-nga'uwa ma Jou'a, yoto-tooma manga dea de manga eha'a, de nage yoto-tooma o nyawa ma homoa'a,10yoma'apa'e itimaronga, de nage yoma'apa'e yomahinau-naulu, yo'itohi-tohi'i o nyawa, o nyawa yoelu-elu'u, o ha'ihi ma ngelu'u, de nagoonau hona nage yodiai o 'iau hona ima'ati-tili'utu de o do-doto'o iti-tiai.11O do-doto'o geena naga o Habari ma Owa'a nage Una wohiga-gao ngoino mangale tohi'awaha, geenala o Habari ma Owa nage ma Jou ma Dutuno nage wo'umati ge yadaene wipuji.12Ngoi totemo amaowa'a ma Kristus Yesusi'a to ngone nanga Jou. Una woi'ula'au o guata mangale towileleani. Ngoi totemo 'amaowa'a Una'a hababu Una wamao'u ngoi totongohono de yadaene taga-gao o 'arajaanga geena,13ngaro ma hila towironga ma diiha, to'ihangihara o nyawa yo nga'u-nga'u'a, de towihohedu. Ma ma Jou ma Dutu wohimaiti awi dora ngoino hababu ma oraha geena ngoi 'atonga'uwahi ho 'atana'owa o 'iau tadiai.14De nanga Jou Yesus awi hininga ma rahai ngoino, Una woiduhunu ho ngoi towinga'uo'au Una'a de to'idora o nyawa'a. Geenau wona'ula ngoneno moi-moi nage porimoio'au de ma Kristus Yesus.15Ngone ika de potemo onane: <<Ma Kristus Yesus woboa o duniano neena ma ngale wo'ihihalamata o nyawa yoba-baradoha.>> De duru igoungu o demo neena ho ngona halingou nadawongo de ani hininga ma ngodumu. De ngoiou neena o nyawa toba-baradoha ma diiha naga o nyawa yoba-baradoha'a.16Ma ngaro 'ogeena ma, ma Jou ma Dutu wohimaiti awi dora ngoino, la ma Kristus Yesus idadi wohimaiti awi dongohono nage ma batingi 'oiwa ma nge'omo ngoino, nage duru toba-baradoha. De 'ogeena, o nyawa-nyawa ma regu aha ima'e ngoi de idadi yana'o na'o ona ma idadi yonga'u Una'a de yama'e o wowango 'ahiado-adoni'a.17Ma Jou ma Dutu, una o 'Oana moi awi pareta 'aitogu-togumua. Tanu o nyawa moi-moi wihoromati de wipuji 'ahiado-adoni'a. Una ge naga 'ahiado-adonia'a nage 'a powima'e-ma'ewa, a de 'a Una duga ma Jou ma Dutu! Amin.18E, Timotius! Ngona harage de 'Ai ngoa'a mahirete. O 'arajaanga neena tohiga-gagao ngona'a, imote'e ma Jou ma Dutu awi behehongo nage ma hila o jama'ata manga nabi 'ihingahuo'au mangale ngona. De o behehongo geena, ngona halingou nomaduhunu nohigou-goungu'u ani 'arajaango'a, harage de o hurudado womatengo womaduhunu wohigou-goungu'u o paraango'a.19Nomaduhunu de tatapu nonga'u ma Kristusi'a de 'aitauri'a nodomote'e nage ani hininga'a ge namao iti-tiai. Naga munu'a 'ayodaali'awau geena, ho ona 'ayonga'uwau ma Jou'a.20Geena dau ma doda'a geenala o Himeneus de o Aleksander. Ona yamididi to'ihu'umo'au to'i'ula o To'ata ma 'Oani'a, la ona yomadoto'o yatogumu ma Jou ma Dutu wihohedu.
Togaaho'o ma Jou ma Dutu'a to ngone nanga Dea de Ma Kristus Yesusi'a, to ngone nanga Jou, la Una wo'ula ngona'a o bara'ati de o hanaanga, de wohimaiti awi hibohono ngona'a.3Ngoi tomau la ngona nomanoa o Efesuso'a harage de tohingahuo'au ma oraha ngoi totagi o Makedonia'a. Hababu o Efesuso'a yamuluo naga yohidagi o do-doto'o iti-tiaiwa, ho ngona halingou no'ihulo'o la yomatogumu.4De no'ihingahu la uwau yodaali'a o jarita nage ma haidaa 'a'oiwa de manga o ahala yohijarita 'ai boo-bootuau. Nage ma duangu'u duga 'ayoma'aributu moi de moi, de 'aitagiwa o 'iau naga ge ma Jou ma Dutu womau wadiai, nage 'a idadi padiai duga 'a ponga'u Una'a.5'Ai do-doto'o neena ma dumutu la ngone pama'e o hininga 'iofi-ofi, de nanga hininga'a idadi pana'o ma diai, de igou-goungu ponga'u ma Jou'a. De geenau ona idadi poma'adora moi de moi.6Naga munu'a 'ayodinii'uwau 'ogeena de 'a yaigo yoma'aade-ade a o jarita nage ma haidaa 'a 'oiwa.7Ona yomau yodadi o agama'a yodoto-doto'o ena momongo ona ma hirete 'ayomangaritiwa o demo-demo nage yohingahu-ngahu e'ola 'ayomangaritiwa o 'iau naga ge yohigou-goungu'u yohingahu.8Ngone pana'o o agama ma hu'umu geena yaowa, na'o la o nyawa yodoto'o harage de ma Jou ma Dutu awi ma'uhuutu.9De halingou poda-danganono na'o o agama ma hu'umu geena 'a ma dumutua o nyawa'a nage manga wowango iti-tiai. Ma ena nage o hu'umu yapale-paleni'a, yoti-tingi'ai'a, nage wihingounua ma Jou ma Dutu'a, nage 'ayodiini'i 'a toona manga mau, ge 'a winga'u-nga'uwa ma Jou'a, yoto-tooma manga dea de manga eha'a, de nage yoto-tooma o nyawa ma homoa'a,10yoma'apa'e itimaronga, de nage yoma'apa'e yomahinau-naulu, yo'itohi-tohi'i o nyawa, o nyawa yoelu-elu'u, o ha'ihi ma ngelu'u, de nagoonau hona nage yodiai o 'iau hona ima'ati-tili'utu de o do-doto'o iti-tiai.11O do-doto'o geena naga o Habari ma Owa'a nage Una wohiga-gao ngoino mangale tohi'awaha, geenala o Habari ma Owa nage ma Jou ma Dutuno nage wo'umati ge yadaene wipuji.12Ngoi totemo amaowa'a ma Kristus Yesusi'a to ngone nanga Jou. Una woi'ula'au o guata mangale towileleani. Ngoi totemo 'amaowa'a Una'a hababu Una wamao'u ngoi totongohono de yadaene taga-gao o 'arajaanga geena,13ngaro ma hila towironga ma diiha, to'ihangihara o nyawa yo nga'u-nga'u'a, de towihohedu. Ma ma Jou ma Dutu wohimaiti awi dora ngoino hababu ma oraha geena ngoi 'atonga'uwahi ho 'atana'owa o 'iau tadiai.14De nanga Jou Yesus awi hininga ma rahai ngoino, Una woiduhunu ho ngoi towinga'uo'au Una'a de to'idora o nyawa'a. Geenau wona'ula ngoneno moi-moi nage porimoio'au de ma Kristus Yesus.15Ngone ika de potemo onane: <<Ma Kristus Yesus woboa o duniano neena ma ngale wo'ihihalamata o nyawa yoba-baradoha.>> De duru igoungu o demo neena ho ngona halingou nadawongo de ani hininga ma ngodumu. De ngoiou neena o nyawa toba-baradoha ma diiha naga o nyawa yoba-baradoha'a.16Ma ngaro 'ogeena ma, ma Jou ma Dutu wohimaiti awi dora ngoino, la ma Kristus Yesus idadi wohimaiti awi dongohono nage ma batingi 'oiwa ma nge'omo ngoino, nage duru toba-baradoha. De 'ogeena, o nyawa-nyawa ma regu aha ima'e ngoi de idadi yana'o na'o ona ma idadi yonga'u Una'a de yama'e o wowango 'ahiado-adoni'a.17Ma Jou ma Dutu, una o 'Oana moi awi pareta 'aitogu-togumua. Tanu o nyawa moi-moi wihoromati de wipuji 'ahiado-adoni'a. Una ge naga 'ahiado-adonia'a nage 'a powima'e-ma'ewa, a de 'a Una duga ma Jou ma Dutu! Amin.18E, Timotius! Ngona harage de 'Ai ngoa'a mahirete. O 'arajaanga neena tohiga-gagao ngona'a, imote'e ma Jou ma Dutu awi behehongo nage ma hila o jama'ata manga nabi 'ihingahuo'au mangale ngona. De o behehongo geena, ngona halingou nomaduhunu nohigou-goungu'u ani 'arajaango'a, harage de o hurudado womatengo womaduhunu wohigou-goungu'u o paraango'a.19Nomaduhunu de tatapu nonga'u ma Kristusi'a de 'aitauri'a nodomote'e nage ani hininga'a ge namao iti-tiai. Naga munu'a 'ayodaali'awau geena, ho ona 'ayonga'uwau ma Jou'a.20Geena dau ma doda'a geenala o Himeneus de o Aleksander. Ona yamididi to'ihu'umo'au to'i'ula o To'ata ma 'Oani'a, la ona yomadoto'o yatogumu ma Jou ma Dutu wihohedu.
The Seed Company