1 TESALONIKA1
1Tabea! Ri-ridodoto o Tesalonika ma jama'ata, nage niodadi nanga Dea ma Jou ma Dutu awi 'awaha de to ma Jou Yesus Kristus awi 'awaha.
O hurata neena ngomino geenala o Paulus, o Silas de o Timotius. Ngomi miogaaho'o tanu ma Jou ma Dutu niwi'ula o bara'ati, o dame de o hanaanga ngini'a.2Ngomi 'aitauri'a miotemo 'amaowa'a ma Jou ma Dutu'a, hababu ngini riadodoto nia go'oie de nia gogelu'u yaowa. Miohaubayanga ma Jou ma Dutu'a nanga Dea guuna, ngomi 'aitauri'a minida-danganono ho 'aitauri'a minidahaubayanga ngini'a. Ngomi 'amioda-danganono o 'iau hona nage niodiaio'au hababu nionga'u ma Kristusi'a, cara'iau nio'idora o nyawa munu'a hiadono nio'ileleani, de cara'iau ngini tatapu niodiai yaowa-owa ngaro o huha niaohana ma, hababu nimahinganono ma Yesus Kristusi'a to ngone nanga Jou.4Riadodoto nage ma Jou ma Dutu niwihiboho-bohono, ngomi miana'o ngini geena ma Jou ma Dutu niwiili'o'au.5Ngomi ma ina'o geena, hababu ngomi miohingahu o Habari ma Owa ngini'a, 'a de mia demo-demowa duga bato ma de o Omaha 'Iofi-ofi ma 'uaha. De ngomi duru mionga'u na'o o Habari ma Owa geena 'igoungu itiai. Ngini niana'o cara'iau ngomi mia wowango mangale nimiduhunu ngini'a, ma oraha miowango nia hidogorona'a.6Ngini niodini'o'au cara'iau to ngomi mia wowango de cara'iau ma Jou Yesus awi wowango. Ngaro ngini duru niohangihara, ma ngini 'anioga-garago niadawongo o Habari ma Owa nage ngomi minihingahu ngini'a. O garago geena o Omaha 'Iofi-ofino.7De geenau ho o nyawa yonga'u-nga'u o Makedonia de o Akhaya'a moi-moi 'inima'e nia go'oie de nia gogelu'u de idadi yomadulu.8Hababu nginino ho o habari mangale ma Jou Yesus 'itota'au hiadono o Makedonia de o Akhaya'a. De 'ageenawa duga; ma o nyawa 'ia'a bato ya'o'ina'o'au mangale ngini nionga'u ma Jou ma Dutu'a geena, hiadono ngomi 'aiparaluwau miotemoli geena.9O nyawa goona moi-moi yoade-ade mangale cara'iau ngini nimidawongo ngomi nage ma hila mioboa ngini'a. Ona yoade-ade mangale ngini nage niamada o gomanga de nioboa ma jou ma Dutu'a nage 'awomatengo-tengo'a de nage wowango-wango, mangale niwile-leani Una'a.10Ona yoade-ade mangale cara'iau ngini nioda-dama'au ma Jou ma Dutu awi Ngoa'a woboali da'u o horoga de wau'u, o Yesusou guuna, ngaro wohongeno'au ma ma Jou ma Dutu wihimomi'oli. O Yesus guunau nage wonahipidi-pidili ma Jou ma Dutu awi hu'umanino nage aha 'iboa.
O hurata neena ngomino geenala o Paulus, o Silas de o Timotius. Ngomi miogaaho'o tanu ma Jou ma Dutu niwi'ula o bara'ati, o dame de o hanaanga ngini'a.2Ngomi 'aitauri'a miotemo 'amaowa'a ma Jou ma Dutu'a, hababu ngini riadodoto nia go'oie de nia gogelu'u yaowa. Miohaubayanga ma Jou ma Dutu'a nanga Dea guuna, ngomi 'aitauri'a minida-danganono ho 'aitauri'a minidahaubayanga ngini'a. Ngomi 'amioda-danganono o 'iau hona nage niodiaio'au hababu nionga'u ma Kristusi'a, cara'iau nio'idora o nyawa munu'a hiadono nio'ileleani, de cara'iau ngini tatapu niodiai yaowa-owa ngaro o huha niaohana ma, hababu nimahinganono ma Yesus Kristusi'a to ngone nanga Jou.4Riadodoto nage ma Jou ma Dutu niwihiboho-bohono, ngomi miana'o ngini geena ma Jou ma Dutu niwiili'o'au.5Ngomi ma ina'o geena, hababu ngomi miohingahu o Habari ma Owa ngini'a, 'a de mia demo-demowa duga bato ma de o Omaha 'Iofi-ofi ma 'uaha. De ngomi duru mionga'u na'o o Habari ma Owa geena 'igoungu itiai. Ngini niana'o cara'iau ngomi mia wowango mangale nimiduhunu ngini'a, ma oraha miowango nia hidogorona'a.6Ngini niodini'o'au cara'iau to ngomi mia wowango de cara'iau ma Jou Yesus awi wowango. Ngaro ngini duru niohangihara, ma ngini 'anioga-garago niadawongo o Habari ma Owa nage ngomi minihingahu ngini'a. O garago geena o Omaha 'Iofi-ofino.7De geenau ho o nyawa yonga'u-nga'u o Makedonia de o Akhaya'a moi-moi 'inima'e nia go'oie de nia gogelu'u de idadi yomadulu.8Hababu nginino ho o habari mangale ma Jou Yesus 'itota'au hiadono o Makedonia de o Akhaya'a. De 'ageenawa duga; ma o nyawa 'ia'a bato ya'o'ina'o'au mangale ngini nionga'u ma Jou ma Dutu'a geena, hiadono ngomi 'aiparaluwau miotemoli geena.9O nyawa goona moi-moi yoade-ade mangale cara'iau ngini nimidawongo ngomi nage ma hila mioboa ngini'a. Ona yoade-ade mangale ngini nage niamada o gomanga de nioboa ma jou ma Dutu'a nage 'awomatengo-tengo'a de nage wowango-wango, mangale niwile-leani Una'a.10Ona yoade-ade mangale cara'iau ngini nioda-dama'au ma Jou ma Dutu awi Ngoa'a woboali da'u o horoga de wau'u, o Yesusou guuna, ngaro wohongeno'au ma ma Jou ma Dutu wihimomi'oli. O Yesus guunau nage wonahipidi-pidili ma Jou ma Dutu awi hu'umanino nage aha 'iboa.
The Seed Company