Revelation19
1Ta kơi bruă hư̆n, ăñ tŏng dơk ngơi klăh di dơk ngơi pôl nêh ŏk klăk klai ôr tĕh tŏng trôk, klăh iêu:“Ha-lê-lu-ya!Pơp tŏng tlĕh, pơp guh ang jêh iên pơp myang ĕh du plơ̆ ta Yang Trôk băl băn,2Bơ yơng grăp pơp phat dôih Yang di jêng ngĭn ngăn jêh iên geh tŏng,bơ yơng Khua Yang phat dôih de u ur čhơng tăt ramhư̆n jêng nêh lăm ƀơ̆ ñơ̆ teh dih ta pơp krĕh mưng čhơng tăt de di.Khua Yang jêh rŭ nua un ta mham băl dư̆k ndra Yangdi băh ti de hư̆n.”3Jêh hư̆n hên wêh ngơi tal bar, klăh iêu:“Ha-lê-lu-ya!Ñuôi băh tŭk de hư̆n ĕh drôh tŏng tê̆ tăl trôh răn ƀăn, hui hai.”4Bar jăt puôn nau khua u rañ jêh iên puôn pơp păm brêh hên buôn săk mŏng sô̆ jêh hư̆n hên kôh mpŭ Yang Trôk, Mtao jai gŭk tŏng jhưng mtao, ngơi klăh iêu:“A-men. Ha-lê-lu-ya!”5Mau dơk ngơi ngơi băh jhưng mtao ĕh wao, klăh iêu:“Ăn kôh mpŭ Yang Trôk băl băn,wơ lĕ mơt băk dư̆k ndra Khua Yang,jêh iên wăt băl bhŭng mpŭ Khua Yang,nêh đăm wăt nêh ram!”6Jêh hư̆n ăñ tŏng dơk ngơi klăh di dơk băh pôl nêh ŏk ngăn, klăh di dơk ŏk buông dak nggôr, jêh iên ndrơm klăh di dơk tăr nĕh nggôr tĕh, klăh iêu:“Ha-lê-lu-ya!Bơ yơng Yang Trôk jêng Yang Trôk băn di, hư̆n jêng Mtao Dơi Lĕ, kĕ kriê.7Ăn băn čhô̆ brơn, muñ kdŏ,jêh iên yơr pơp guh ang ta Khua Yangbơ yơng mar tăm sai Biêp Kuôn di jêh trôh,jêh iên mŏ măn Yang di jêh prăp prê săk jăn ru,8pơp nai jao ta de hư̆n jêng de jrăng sŏh čhum aota mnal nhơ drưh ang ƀrăh ngôr.”(Bơ yơng mnal nhơ jêng čiêng ngơi ta lĕ mơt bruă kpă băl đăo ƀrăh di).9Jêh hư̆n nêh myang hư̆n ngơi ta ăñ: “Ăn čih; Găl jôn ta nêh tơm dơi nai ndơm mŏng mar tăm sai Biêp Kuôn.” Nêh hư̆n wêh ngơi ta ăñ: “Ho jêng grăp pơp ngơi ngĭn ngăn Yang Trôk di.”10Ăñ buôn săk ta jŏng nêh myang hư̆n no di kôh mpŭ kăn, ƀê̆ dăh nêh hư̆n ngơi ta ăñ: “Ei ru mhŏ klăh iên! Ăñ băh gu jêng dư̆k klăh me jêh iên băl ŏh mi me gu ya, hư̆n jêng nêh ñôt kjăp pơp têh sơm Yang Yê-su di. Ăn kôh mpŭ Yang Trôk, bơ yơng pơp têh sơm Yang Yê-su di jêng pơp khơñ băh pơp ngơi têh luôr.”11Jêh hư̆n ăñ so trôk ĕh pơk ta măt ăñ, dlăng tŏ hư̆n, ƀơn ƀle hĕ nơ nang, jêh iên Mtao hao tŏng ƀle hĕ hư̆n nai năn jêng sĭt suôr jêh iên ngĭn ngăn, Khua Yang phat dôih jêh iên tăm mblăh hui si pơp kpă.12Măt Khua Yang klăh di piêt iñ, ŏk đuôn mtao tŏng bôk Khua Yang, mau ju mlăm năn nai čih ta iên ƀê̆ dăh so mau nêh gư̆t čuôm gu Khua Yang tơm gư̆t.13Khua Yang sŏh ju blăh ao jhŭng nai ñŭk mŏng mham, jêh iên năn Khua Yang nai kuôl jêng Pơp Ngơi Yang Trôk di.14Grăp pôl ka han tŏng trôk hui gre Khua Yang ta ƀle hĕ nơ nang, hên sŏh ao mnal nhơ nang khu jêh iên ƀrăh ngôr.15Ju mlăm pêh đao sôt nhañ ĕh lôh băh dơk Khua Yang, no di yơng băh pêh hư̆n Khua Yang jrăng mblăh grăp čar, jêh hư̆n Khua Yang jrăng kĕ kriê hên ta mŏng jra ksi, jêh iên Khua Yang juôt thŭng păt nơm ĕh gŭk bêng pơp hao nuih ram Yang Trôk di, Mtao Dơi Lĕ.16Khua Yang mau ju mlăm năn nai čih tŏng ao jhŭng jêh iên tŏng tơm nu Khua Yang: “Mtao ta lĕ mơt mtao jêh iên Yang ta lĕ mơt yang.”17Jêh hư̆n ăñ so ju nau nêh myang dŏk mŏng măt năr, jêh iên nêh hư̆n kuôl tĕh dơk, ngơi ta lĕ mơt pôl sư̆m jai ĕh păr tŏng trôk, klăh iêu: “Sak ta o gơñ, ăn tŏng ƀư̆n mŏng mar sông sa ram Yang Trôk di,18no di sa čĭ băl mtao, čĭ băl khua ram, čĭ băl ka han prăl ktang, čĭ pôl ƀle hĕ jêh iên ka han hao tŏng dôn kơi ĕh, wăt ta čĭ grăp nau nêh, khă nêh êngiê mdăh băl dư̆k, băl ku sei wăt nêh ram.”19Jêh hư̆n, ăñ so păm bri jêh iên grăp mtao mŏng teh dih wăt ta pôl ka han băl ĕh jêh nai tŏng ƀư̆n ju tŭk no di tăm mblăh ta Mtao hao tŏng kơi ƀle hĕ wăt ta pôl ka han Yang di.20Jêh hư̆n nai mau ñư̆p păm bri, wăt ta băl têh luôr huôk ĕh di, hư̆n jêng băl mhŏ pơp ndrơh myang ta măt ĕh, mơn băh iên yơh ĕh dơi mplư đơ băl dơn têl kđăm păm bri di wăt ta băl kôh mpŭ ta rup yang ĕh. Lĕ bar hư̆n jăng jai brêh ƀê̆ dăh nai čĕ mŏng war iñ nai jhu ta lưu huyñ.21Đơ băl dŏng iên mŏng băl ĕh nai lăm khư̆t lĕ ta pêh đao Mtao hao tŏng dơn kơi ƀle hĕ, hư̆n jêng pêh đao ĕh lôh băh dơk Khua Yang, jêh iên lĕ mơt pôl sư̆m ĕh hơm ndư̆l yơng băh čĭ băl ĕh.
FAR EAST BROADCASTING COMPANY