Revelation18
1Ta kơi lĕ mơt bruă hư̆n ăñ so ju nau nêh myang dơ dêh jư̆r băh trôk, mau pơp myang ram ngăn, jêh iên teh dih đat ang yơng băh pơp guh ang nêh hư̆n di.2Ta dơk ngơi bêng pơp kdrăm, nêh myang hư̆n ôr tĕh, klăh iêu:“Ƀa-ƀi-lôn ram jêh dlưh ru!Ĕh jêh ñjêng tŭk gŭk ta băl yang djŏh,tŭk buôn săk ta băl yang ƀơ̆,jêh iên tŭk buôn ta grăp pôl sư̆m ƀơ̆ ñơ̆, năng nai diêr.3Bơ yơng lĕ mơt grăp čar jêh ñư̆l yơng băh nơm hao nuih ta pơp čhơng tăt ĕh di,grăp mtao mŏng dôn teh jêh mhŏ tih čhơng tăt ta ĕh,băl tăč blŏ mŏng teh dih jêh ñjêng ndrŏng săh mơn pơp ktang băh pơp brêh pliă plia ĕh di.”4Jêh hư̆n ăñ tŏng dơk dơ dêh ngơi băh trôk:“Wơ uôn lan ăñ, ăn du lat băh ĕh,no di ơn pu me gŭk mŏng pơp tih ĕh di,jêh iên no di ơn pu me jrăng tŭ ju băk pơp knap mñai băk ĕh.5Bơ yơng pơp tih ĕh nai dăp jua trôh tŏng trôk ru,jêh iên Yang Trôk wêh kăh wơi lĕ mơt bruă djŏh ƀai ĕh di.6Ăn mhŏ ta ĕh klăh di jêh ĕh mhŏ,jêh iên plŏ hư̆t khăñ ta bar dŏ, mkă hui si bruă mhŏ ĕh di;mŏng kčok jêh ĕh lŭk, ăn tŏng lŭk ta ĕh khăñ ta bar dŏ.7Ĕh čŏng lăm rik săk ĕh tơm jêh iên ĕh brêh pliă plia đô̆ nă,hư̆n ăn tôh ta ĕh pơp ji kôr jêh iên nguôt nư̆ng klăh iên ya.Bơ yơng ĕh ngơi mŏng nuih nhăm ĕh, klăh iêu:‘Ăñ gŭk brêh klăh di mtao u ur,ăñ so geh jêng u ur ndrau ôh,jêh iên ăñ jrăng so găn gao pơp ñim biêk.’8Bơ yơng hư̆n yơh, mŏng ju nar, grăp pơp knap mñai ĕh jrăng trôh:khư̆t ôm, ôr ñim, nguôt sap,jêh iên ĕh jrăng tŭ pơp hăr sa băh iñ,bơ yơng Yang jêng Yang Trôk, Mtao phat dôih ĕh, jêng Mtao pơp myang.”9Grăp mtao mŏng teh dih, jêng băl mhŏ tih čhơng tăt jêh iên brêh pliă plia ju băk ĕh, jrăng ôr ñim jêh iên ngơi jhat ta ĕh mŏng mông băl ĕh so ñuôi iñ hăr sa ĕh.10Jai hên dŏk băh wăč bơ yơng bhŭng ta pơp knap mñai ĕh tŭ, hên ngơi:“Knap mñai, knap mñai ta uôn ram,Ba-ƀi-lôn, hư̆n jêng uôn ram kdrăm ka ăh!Bơ yơng băh gu ju mông, pơp kmhal me jêh trôh.”11Jêh hư̆n lĕ mơt băl tăč blŏ mŏng dôn teh ôr ñim jêh iên tlŏng nư̆ng ta ĕh, bơ yơng so hôm mau nêh ruôt pơp no hên di ôh —12pơp no ta măh, ƀak, mau yuôm, mai yuôm, mnal nhơ, mnal brông, mnal brai ndrŭng, mnal brông hăr jêh iên djăp pơp ta jhi lơ-hau, djăp pơp mhŏ ta la yo, djăp pơp mhŏ ta jhi yuôm, ta kuông, ta ksi, ta kư̆m thăč,13ta jhi kuê̆, dak buôh krăč, pơp ƀau kăh, dak gư̆n, čai jhi ƀau, dak ño, dak ndriêng, ƀhŭk bum, ba mi, puh ndrôk, biêp bei, ƀle hĕ jêh iên deh mblăh, wăt ta băl dư̆k jêh iên ngăt nhuôl nai.14“Ple dơm phŭk me di, pơp khơñ ngăn ngăt nhuôl di, jêh ĕh du wăč băh me, djăp mta pơp khăñ khăh jêh iên drưh ang jêh nga ƀliêt băh me, jêh iên pơp hư̆n so hôm dơi nai lŏ wêh so ôh.”15Đơ băl tăč blŏ djăp mta pơp no ho, jêng băl jêh ĕh ñjêng ndrŏng săh, hên jrăng dŏk dlăng ĕh băh wăč, hên ôr ñim jêh iên tlŏng nư̆ng bơ yơng bhŭng pơp ji kôr klăh ĕh,16ngơi klăh iêu:“Knap mñai, knap mñai ta uôn ramtuôm sŏh mnal ao nhơ,mnal brông, mnal brông hărjêh iên nai pơm săk ĕh ta măh,mau yuôm, mai yuôm,17bơ yơng băh gu ju mông, lĕ mơt pơp ndrŏng săh drưh ang klăh iên jêh rai lêk.”Grăp khua gai plŭng, grăp năč hao plŭng sak tŭk o tŏ, nêh đru mŏng plŭng, wăt ta nêh juôi sa mŏng dak hên gŭk băh wăč gơ gu,18jêh iên hên ôr ñim jai hên so ñuôi iñ hăr sa ĕh, hên ngơi: “Mau ya uôn ram klăh di uôn ram ho?”19Hên srih dô̆ buh tŏng bôk hên jêh iên hên ôr, hên ñim, hên tlŏng nư̆ng, klăh iêu:“Knap mñai, knap mñai uôn ram,tŭk hư̆n grăp nau nêh mŏng ĕh mau plŭng đăm ram sak dak sĭjêh ĕh ñjêng ndrŏng săh mơn băh ngăn drăp ĕh,bơ yơng băh gu ju mông, ĕh jêh rai lêk lĕ mơt.”20(“Ăn čhô̆ brơn yơng ta ĕh, wơ trôk,wăt băl đăo ƀrăh, băl ƀing kna jêh iên băl têh luôr,bơ yơng Yang Trôk jêh kčăh pơp pu me kčŭt pơp tih ĕh!”)21Jêh hư̆n ju nau nêh myang prăl ktang hơk bôk mau klăh di păl kriêt ram jêh iên čĕ mŏng dak sĭ, nêh hư̆n ngơi:“Klăh iêu ya, nai jrăng čĕ jač uôn ram Ƀa-ƀi-lôn mŏng teh,jêh iên so hôm dơi nai lŏ wêh so ôh,22dơk nêh pĕ brô̆, băl mhŏ ñak,nêh ôh kei, jêh iên nêh ôh nŭngso hôm nai lŏ wêh tŏng băh me ôh,grăp nêh jei tiso hôm nai wêhso mŏng me ôh,dơk păl pĕh baso hôm nai lŏ wêh tŏng băh me ya,23pơp ang iñ kđenso hôm ĕh wêh đang ang băh tŭk me ôh,dơk kăn tle ta dơk de mŏ ătso hôm nai wêh tŏng băh tŭk me ya,bơ yơng đơ nêh tăč blŏ me di jêng băl mau pơp ndrŏng săh mŏng dôn teh,bơ yơng grăp čar kwar jêh me mplư ta pơp mdian me di.24Mham băl têh luôr wăt ta băl đăo ƀrăh,jêh iên đơ lĕ mơt mham nêh nai lăm khư̆t mŏng dôn teh jêh nai ban mŏng tŭk ĕh.”
FAR EAST BROADCASTING COMPANY