Mark5
1Jêh hư̆n hên sak trôh ta hang dak đăh tŏ, trôh ta čar Yê-ra-sê.2Jai Khua Yang du băh plŭng, mhăč rŏk, ju nau nêh yang djŏh mư̆t sak drông Khua Yang băh tŭk tu môč,3nêh ho mau tŭk gŭk mŏng grăp tu môč, jêh iên so mau nêh dơi ñư̆p čăp kăn ôh, khă nai čăp ta kliêng đai ăt so dơi ya,4bơ yơng ŏk dŏ kăn jêh nai khuă ta kông jêh iên kliêng đai, ƀê̆ dăh kliêng đai jêh kăn lăm tĕ, jêh iên kông jêh kăn lăm rai, jêh hư̆n so mau nêh djăp pơp ktang no di ñư̆p kăn ôh.5Grăp nar lôh wăt măng mŏng grăp tŭ môč jêh iên tŏng grăp dôn yôk, kăn ôr mbriêu jêh iên tuôr săk jăn kăn tơm ta bôk mau nhañ.6Jai so Yang Yê-su băh wăč, kăn răn băh tŏ jêh iên buôn săk mŏng sô̆ ta măt Khua Yang.7Tĕh dơk ôr mbriêu, kăn ngơi: “Wơ Yê-su, Kuôn Yang Trôk Tŏng Tê̆ Hĭn, năn pơp ăñ mau ta Khua Yang? Ăñ kôh dăn Khua Yang kăt săk ta măt Yang Trôk, ei ru lăm knap ăñ.”8Bơ yơng Khua Yang jêh lăh ta ĕh, klăh iêu: “Wơ yang djŏh! Ăn du băh nêh ho.”9Khua Yang lup ĕh: “Đô̆ nă năn me?” Ĕh têh ta Khua Yang: “Năn ăñ jêng Pôl Ka Han, bơ yơng băl hi ŏk ngăn.”10Jêh hư̆n ĕh răn ƀăn kôh dăn Khua Yang no di Khua Yang ei ru prơh băl ĕh du băh wăl hư̆n.11Mông hư̆n, ta iên mau ju pôl sư̆r ŏk ngăn jai nai phưi sa băt tŏng yôk,12hư̆n yơh ĕh kôh dăn Khua Yang, klăh iêu: “Dăn ăn ta băl hi mư̆t mŏng pôl sư̆r, no di băl hi dơi mư̆t mŏng ĕh.”13Khua Yang ăn pơp dơi ta ĕh, jêh iên jai jêh du băh iên hư̆n grăp yang djŏh mư̆t mŏng pôl sư̆r, jêh hư̆n pôl sư̆r — năng ai bar bau mlăm — băh dôn yôk ĕh tuôt iêu dak sĭ sô̆ jêh iên khư̆t krăm mŏng dak sĭ.14Đơ băl kĕ sư̆r tuôt du jêh iên têh sơm bruă hư̆n mŏng uôn ram wăt ta uôn đăm, hư̆n yơh ŏk nêh trôh no di dlăng bruă trôh hư̆n.15Hên trôh ta Yang Yê-su jêh iên so nêh yang djŏh mư̆t — hư̆n jêng nêh jêh Pôl Ka Han yang djŏh mư̆t — jai gŭk ta iên, kăn čư̆t sŏh găl jêh iên mŏng săk jăn pơp mĭn kăn ang, hư̆n hên bhŭng tlŏh nŏh.16Đơ nêh so bruă hư̆n lŏ têh ta hên đô̆ nă bruă jêh trôh ta nêh yang djŏh mư̆t jêh iên bruă yơng ta pôl sư̆r.17Jêh iên hên pŏk dơk kôh dăn Khua Yang du băh wăl teh hên di.18Jai Khua Yang sak čơng mŏng plŭng, nêh jêh yang djŏh mư̆t kôh dăn Khua Yang no di kăn dơi gŭk băk Khua Yang.19Khua Yang so ăn kăn gre, ƀê̆ dăh tơ tă kăn: “Ăn du ta hih me, sak tŏng tuôm ta nêh mŏng hih nhăk me no di têh sơm ta hên bruă ram Yang Trôk jêh mhŏ ta me jêh iên đô̆ nă Khua Yang lăm ƀlang nuih tlŏng đač ta me.”20Jêh băh iên, kăn sak jêh iên dư̆ng têh sơm mŏng wăl Đê-ka-ƀô-lơ đô̆ nă bruă ram Yang Yê-su jêh mhŏ ta kăn, jêh iên grăp nau nêh nai dlăng ndrơh gơ gu.21Jai jêh Yang Yê-su hao plŭng sak găn hang đăh tŏ ju dŏ hư̆t, ju pôl uôn lan ŏk ngăn tăm ƀư̆n jư̆m dar Khua Yang, jêh iên Khua Yang jai gŭk ta kêng dak sĭ.22Tŏ hư̆n, ju nau mŏng băl kĕ kriê hih ƀư̆n, năn jêng Yai-ru, trôh ta iên, jai jêh so Khua Yang, kăn čuôn krŭng ta jŏng Khua Yang.23Kăn buôn săk kôh dăn Khua Yang jai kăn ngơi klăh iêu: “Kuôn ur dêt ăñ ji kjham ngăn ru. Dăn Khua Yang sak no di Khua Yang bi ti tŏng de no di de dơi băh pơp ji jêh iên dơi brêh.”24Hư̆n jêng Khua Yang sak băk kăn, ju pôl uôn lan ŏk ăt hên hui gre Khua Yang jêh iên tŏng ñhêt jư̆m dar Khua Yang.25Mau ju nau u ur ji huôr mham măt bar năm,26jêh tŭ pơp knap mñai yau ngăn ru bơ yơng ŏk nai dak gư̆n jêh iên lăm le lĕ mơt ngăn drăp de di, ƀê̆ dăh so mau ƀơn pơp tŭ dơn, ƀê̆ dăh mlih mŏng iên, pơp ji ĕh ñjêng kjham hĭn,27jai jêh tŏng pĕh yơng ta Yang Yê-su, trôh mông sak mơñ băh kơi Khua Yang mŏng mbar pôl uôn lan ŏk, de bi tŏng ao Khua Yang.28Bơ yơng de mĭn klăh iêu: “Ndă ăñ čuôm gu bi ta ao Khua Yang gu hư̆n ăñ jrăng dơi băh.”29Mhăč rŏk, pơp ji huôr mham de di dơi dư̆t, jêh iên de gư̆t năl mŏng săk jăn de, jêng săk jăn de jêh băh pơp kuôp ji.30Mông hư̆n rŏk, Yang Yê-su, gư̆t năl băh săk jăn Yang di jêng pơp myang băh săk Khua Yang ĕh sak, hư̆n yơh wiêng măt iêu pôl ŏk, Khua Yang lup klăh iêu: “Nêh tơm tuôm bi tŏng ao ăñ ji?”31Băl ƀing kna Yang di ngơi ta Khua Yang: “Khua so ru băl pôl ŏk hên ñhêt Khua, ƀê̆ dăh khua wêh lup: ‘Nêh tơm bi tŏng ăñ’ lăh?”32Khua Yang ăt hôm dlăng jư̆m dar no di dlăng nêh tơm mhŏ bruă hư̆n.33Mông hư̆n, de u ur, bơ yơng jêh de bhŭng jêh iên prơ prăm, gư̆t bruă jêh trôh ta de, hư̆n de sak mơñ, čư̆p măt mŏng teh ta măt Khua Yang jêh iên têh sơm ta Khua Yang lĕ mơt bruă trôh hư̆n ta pơp klă.34Ƀê̆ dăh Khua Yang ngơi ta de: “Wơ kuôn ur, pơp đăo kuôn jêh lăm băh kuôn. Ăn sak mŏng pơp ngăp nge jêh iên dơi tlĕh băh pơp kuôp ji kuôn di.”35Mŏng mông Khua Yang jai hôm ngơi, mau nêh băh hih kăn kĕ kriê hih ƀư̆n sak têh klăh iêu: “Kuôn u ur me jêh khư̆t ru. Pơp mhŏ wêh lăm rŭng khua ya?”36Ƀê̆ dăh jai jêh tŏng pơp hên ngơi, Yang Yê-su ngơi ta nêh kĕ kriê hih ƀư̆n: “Ei ru bhŭng. Čuôm gu đăo gu.”37Khua Yang so ăn nêh dơ dêh sak gre băk Khua Yang, čuôm gu Pê-trôih, Ya-kơ jêh iên Yô-han, ŏh kăn Ya-kơ.38Khua Yang sak trôh hih kăn kĕ kriê hih ƀư̆n jêh iên so pơp nai mhŏ khŭk khăk wăt pơp nai ñim jêh iên ôr mbriêu sư̆k rư̆k.39Jai mư̆t mŏng tŏ, Khua Yang ngơi ta hên: “Pơp mhŏ pu me nguôt nư̆ng jêh iên ôr ñim? Kuôn sei ho so khư̆t, ƀê̆ dăh de jai bê̆.”40Hư̆n jêng băl ĕh gơm mưč Khua Yang, ƀê̆ dăh jai jêh prơh lĕ mơt băl ĕh du ling, Khua Yang ndơm gu bap, mei kuôn sei hư̆n jêh iên đơ băl sak băk Khua Yang, jêh hư̆n Khua Yang sak ta tŭk kuôn sei bê̆.41Jai jêh kŏng ti kuôn sei, Khua Yang ngơi ta de: “Ta-li-tha, kum!” Pơp hư̆n dơi lơ lang klăh iêu: “Wơ kuôn ur dêt, ăñ yua kuôn ăn dŏk tŏng tê̆.”42Mhăč rŏk, de dŏk tŏng tê̆ jêh iên djhuang sak (bơ yơng de jêh măt bar năm ru), jêh iên đơ băl gŭk ta iên hên ndrăt, hơ̆ hă ngăn yơh.43Khua Yang mhŏ khĭm tă jă hên klăh iêu so ăn ju nau nêh dơi gư̆t bruă ho, jêh iên Khua Yang ngơi ta hên ăn de kuôn sei hư̆n sông.
FAR EAST BROADCASTING COMPANY