John2
1Mŏng nar tal pei, mau mar tăm sai ta Ka-na, čar Ga-li-lê, mei Yang Yê-su mau măt ta iên.2Yang Yê-su jêh iên băl ƀing kna Yang di ăt nai ndơm sak mŏng mar hư̆n ya.3Jăng jai nơm jêh lĕ, mei Yang Yê-su ngơi ta Khua Yang: “Nai jêh lĕ nơm.”4Jêh hư̆n Yang Yê-su ngơi ta de: “Wơ mei, bruă hư̆n so ĕh rêng ta ăñ mdăh ta e? Mông ăñ ñăm trôh.”5Mei Khua Yang ngơi ta băl dư̆k: “Ăn mhŏ hui lĕ mơt năn pơp kăn ngơi ta pu me.”6Ta iên mau pro mlăm yăng mau nai thêm ta pơp jut rao băl Yo Thaĭ di, grăp mlăm dơi ĕh dŏng năng ai bar trôh ta pei lĭt dak.7Yang Yê-su ngơi ta hên: “Ăn tôh bêng dak mŏng grăp yăng hư̆n.” Jêh hư̆n hên tôh bêng trôh ta băr yăng.8Khua Yang ngơi ta hên: “Nar o ăn bŏk gơñ jêh iên sak ndơp ta nêh tơm mar.” Jêh hư̆n, hên ndơp.9Ƀê̆ dăh jai nêh dlăng mar ƀiñ dak jêh dơi ñjêng nơm (ƀê̆ dăh so kăn gư̆t u băh tŭk ĕh mau, bơ băl dư̆k — jêng băl bŏk dak hư̆n — hên gư̆t), nêh dlăng mar kuôl kăn tle10jêh iên ngơi ta kăn: “Grăp nêh nai krĕh ăn nơm kăh luôr, jêh hư̆n trôh mông năč jêh ñêt ñư̆l, hư̆n kăh nai ăn nơm man dơn. Bơ me ăt hôm thêm nơm kăh tăl trôh mông ho.”11Ho jêng pơp myang tal luôr Yang Yê-su mhŏ ta Ka-na, čar Ga-li-lê, Khua Yang nôh ƀlang pơp guh ang Yang di, jêh iên băl ƀing kna Khua Yang hên tip pơp Khua Yang.12Jêh bruă hư̆n, Yang Yê-su, mei Khua Yang jêh iên băl ŏh hên, wăt ta lĕ băl ƀing kna Yang di sak trôh ta uôn Ka-ƀê-na-um, ƀê̆ dăh hên gŭk mŏng iên so yau nar.13Mar Găn Gao băl Yo Thaĭ di jêh trôh mơñ, mông hư̆n Yang Yê-su sak ta Yê-ru-sa-lem.14Khua Yang so mŏng hih ƀư̆n băl blŏ ndrôk, biêp jêh iên sư̆m tơp, wăt băl mlih prăk gŭk mŏng iên.15Jai jêh buôñ ƀơn mŏng plat ta sei, Khua Yang prơh lĕ mơt băl ĕh du băh hih ƀư̆n, ju băk ta biêp jêh iên ndrôk, Khua Yang ăt srih ya ƀak băl mlih prăk jêh iên lơk jhưng băl ĕh.16Khua Yang ngơi ta băl blŏ sư̆m tơp: “Ăn ñôt lĕ mơt pơp hư̆n du băh o. Ei ru mhŏ hih Bap ăñ ji ĕh ñjêng tŭk blơ̆ bro.”17Băl ƀing kna Khua Yang wêh kăh wơi ta pơp čih, klăh iêu: “Nuih nhăm hur har yơng ta hih Yang Trôk ĕh jrăng sa luôn kuôn.”18Yơng bruă hư̆n, băl Yo Thaĭ tăm dăng jêh iên ngơi ta Khua Yang: “Năn pơp myang me lăm ƀlang ta hi jai me mhŏ grăp bruă ho?”19Yang Yê-su boh dơk, Khua Yang ngơi ta hên: “Ăn lăm rai lat hih ƀư̆n ho, jêh hư̆n mŏng pei nar ăñ jrăng lăm ndŏk hư̆t ĕh.”20Hư̆n jêng, băl Yo Thaĭ ngơi: “Hih ƀư̆n ho nai lăm ndŏk mŏng puôn jăt pro năm, ƀê̆ dăh kăn jrăng lăm ndŏk hư̆t ĕh mŏng pei nar?”21Ƀê̆ dăh, hih ƀư̆n Khua Yang khăng ngơi hư̆n čiêng ngơi ta hih ƀư̆n săk jăn Khua Yang tơm.22Hư̆n yơh, trôh mông Khua Yang băh tŭk khư̆t wêh dŏk brêh, băl ƀing kna Khua Yang di wêh kăh wơi pơp hư̆n Khua Yang jêh tuôm ngơi klăh iên, hư̆n hên tip Ră Ƀrăh jêh iên grăp pơp Yang Yê-su jêh ngơi.23Gao băh iên, mŏng mông Khua Yang gŭk ta Yê-ru-sa-lem mŏng nar Mar Găn Gao, ta tŭk mar, mau ŏk nêh đăo ta năn Khua Yang jăng jai hên so grăp pơp myang jêh Khua Yang mhŏ.24Ƀê̆ dăh, săk tơm Yang Yê-su so ăn nuih nhăm Khua Yang tip hên ôh, bơ yơng Khua Yang gư̆t lĕ grăp nau hên,25hư̆n jêng Khua Yang so mau pơp khơñ tăl mau nêh lăm nư̆k ta nai, bơ yơng Khua Yang gư̆t dêh năn pơp ĕh mau mŏng grăp nêh.
FAR EAST BROADCASTING COMPANY