1 Thessalonians4
1Hư̆n yơh, ta kơi dư̆t, wơ ŏh mi, hi kuôl dăn jêh iên čhôl trôt ŏh mi mŏng Khua Yang, jêng Yang Yê-su, ndrơm klăh di ŏh mi jêh sŏk dơn băh hi đô̆ nă jêng pơp yuôm ta ŏh mi no di brêh jêh iên lăm găl nuih nhăm Yang Trôk, ăt klăh di ŏh mi hôm brêh, no di ŏh mi dơi gao hĭn băh iên ya.2Bơ yơng ŏh mi gư̆t lĕ mơt năn pơp hi jêh tơ ti lăh ta ŏh mi yơng băh Yang Yê-su.3Bơ yơng ho jêng pơp khơñ Yang Trôk di, hư̆n jêng pơp ƀrăh ngôr ŏh mi di: ăn ŏh mi diêr wăč băh pơp dŏng tư̆r;4grăp nau nêh mŏng ŏh mi ăn gư̆t răng ta săk jăn tơm mŏng pơp ƀrăh ngôr jêh iên năng mpŭ,5so dơi hui pơp he khơñ dŏng tư̆r, (ndrơm băl uôn lan ling lač jêng băl so gư̆t năl Yang Trôk);6no di so ăn ju nau nêh mhŏ tih jêh iên mblơm ŏh mi băn mŏng bruă ho, bơ yơng Yang Trôk jêng Mtao jrăng rŭ nua yơng ta lĕ mơt pơp hư̆n, ndrơm klăh di hi ăt jêh ngơi luôr jêh iên buôi ŏh mi.7Bơ yơng Yang Trôk so kuôl ndơm băl băn trôh ta pơp ƀơ̆ ñơ̆, ƀê̆ dăh mư̆t mŏng pơp ƀrăh ngôr.8Kơt iên, nêh tơm ơ̆ dơn pơp tơ ti lăh ho so geh ơ̆ dơn kuôn nêh ôh, ƀê̆ dăh jêng ơ̆ dơn Yang Trôk, Mtao ăn Yang Ngăt Găl Yang di ta ŏh mi.9Ƀê̆ dăh yơng ta ŏh mi tŏng khăp ndăng găp, ŏh mi so hôm ke hi čih ta ŏh mi ôh, bơ yơng ŏh mi tơm jêh Yang Trôk tơ ti lăh ăn tŏng khăp ndăng găp.10Bơ yơng yŏng ngăn, ŏh mi tuôm mhŏ klăh iên ta lĕ mơt ŏh mi gŭk mŏng tar ƀar čar Ma-sê-đoan. Ƀê̆ dăh wơ ŏh mi, hi čhôl trôt ŏh mi ăn lŏ ktưn hĭn ta iên ya,11jêh iên ăn gir gŭk brêh găl, mĭn ta bruă tơm di, mhŏ dêh bruă ta plang ti tơm, klăh di hi tuôm tơ ti lăh ŏh mi,12no di ŏh mi dơi gŭk brêh geh guôp ta măt nêh bôk dih jêh iên so bhơi ju mta pơp ôh.13Wơ ŏh mi, so hi khơñ ŏh mi so gư̆t ju mta pơp yơng ta lĕ mơt nêh jai bê̆, no di ŏh mi tlĕh băh pơp nguôt nư̆ng ndrơm klăh di nêh dơ dêh jêng băl so mau pơp čang mơn.14Bơ yơng ndă di băl băn đăo ru Yang Yê-su jêh khư̆t jêh iên wêh dŏk brêh, hư̆n Yang Trôk ăt jrăng lăm ndơp lĕ mơt băl jêh bê̆ trôh ta Khua Yang mơn băh Yang Yê-su.15Mơn băh pơp ngơi Yang Trôk di, hi ngơi pơp ho ta ŏh mi, klăh iên băl băn, jêng nêh nar o hôm brêh, lĕ mơt nêh hôm gŭk tăl trôh mông Khua Yang lŏ wêh jư̆r, ngĭn ngăn so sak luôr ta băl jêh bê̆ ƀă.16Bơ yơng Khua Yang tơm jrăng jư̆r băh trôk tê̆ ta dơk ôr tĕh, ta dơk khua nêh myang, wăt ta dơk kei Yang Trôk di, jêh iên lĕ mơt nêh jêh khư̆t mŏng Yang Tŏng Tlĕh jrăng dŏk brêh luôr hĭn.17Jêh hư̆n, băl băn, jêng nêh nar o hôm brêh, jêng nêh hôm gŭk ta iên, jrăng hơk tŏng tê̆ ju băk ta hên mŏng ñuôi tŭk no di tŏng tuôm Khua Yang tŏng nuông wang, jêh hư̆n kăh, băl băn jrăng gŭk băk Yang Trôk hui hai.18Kơt iên, ăn jôh lih ndăng găp ta pơp ngơi ho.
FAR EAST BROADCASTING COMPANY