1 Thessalonians5
1Wơ ŏh mi, yơng ta mông jêh iên nuk, ŏh mi so hôm ke hi čih ta ŏh mi ôh.2Bơ yơng ŏh mi tơm gư̆t klă ngăn ru đa lăh nar Khua Yang jrăng trôh — ndrơm klăh di nêh blăč mŏng tluông măng.3Jai jêh nai ngơi: “Êngiê jêh iên đăp nang,” hư̆n pơp rai lêk ăp răp tôh tŏng hên, ndrơm klăh di pơp ji lai săk ta ju nau nêh u ur jai trơ triêu, jêh iên ngĭn ngăn hên so dơi tlĕh ƀă.4Ƀê̆ dăh, wơ ŏh mi, ŏh mi so gŭk mŏng tŭk ngo măng no di nar hư̆n jrăng trôh ta ŏh mi ăp răp ndrơm klăh di băl blăč.5Bơ yơng ŏh mi jêng kuôn pơp ang jêh iên kuôn nơ nar di gơ gu. Băl băn so geh jêng ting ju tluông măng mdăh pơp ngo măng ôh,6hư̆n yơh, ei ru băl băn bê̆ klăh di nêh dơ dêh, ƀê̆ dăh, ăn băl băn ngĕh măt jêh iên ang măt.7Bơ yơng nêh bê̆ jêng bê̆ mông mơ măng, jêh iên băl ñư̆l jêng ñư̆l mông mơ măng ya.8Ƀê̆ dăh băl băn gŭk ting ju nơ nar, hư̆n yơh ăn băl băn ang măt, sŏh ao ksi pơp đăo di wăt ta pơp khăp khơñ, jêh iên đuôn ksi — jêng pơp čang mơn tŏng tlĕh.9Bơ yơng Yang Trôk so kčăh ăn băl băn tŭ pơp hao nuih, ƀê̆ dăh no di dơn pơp tŏng tlĕh yơng băh Khua Yang băl băn, jêng Yang Tŏng Tlĕh Yê-su,10Mtao jêh khư̆t bơ yơng băl băn, no di băl băn wăt di lăh ngĕh mdăh bê̆, băl băn dơi brêh băk Khua Yang gơ gu.11Kơt iên, ăn jôh lih ndăng găp, nêh ho ăn lăm ndŏk nêh tŏ, ndrơm klăh di ŏh mi krĕh mhŏ.12Wơ ŏh mi, hi dăn ŏh mi ăn gư̆t kăh tôr lĕ mơt nêh tuôm tŭ pơp ăr măh mŏng mbar ŏh mi, têk lăm ŏh mi mŏng Khua Yang, tơ ti lăh ŏh mi,13jêh iên ăn mĭn ta hên ƀơn pơp mpŭ mŏng pơp khăp khơñ bơ yơng bruă mhŏ hên di. Ăn gŭk brêh geh guôp ndăng găp.14Gao băh iên, wơ ŏh mi, hi čhôl trôt ŏh mi: ăn ƀuăh mkra băl so mau pơp bhiên, ăn jôh lih nêh plơ̆ nuih, ăn mđĭ ai nêh djhup dư̆r, ăn gir ăt ta lĕ mơt grăp nau nêh.15Ăn răng, ei ru ăn nai sŏk pơp ƀai plơ̆ pơp ƀai ta nai, ƀê̆ dăh, ăn răn ƀăn tư̆ng juôi pơp nhăp găl ta ŏh mi jêh iên ta grăp nau nêh.16Ăn čhô̆ brơn răn ƀăn.17Ăn kuôl dăn so mdei.18Mŏng grăp bruă, ăn gư̆t lăh găl, bơ yơng hư̆n jêng pơp Yang Trôk khơñ ta ŏh mi mŏng Yang Tŏng Tlĕh Yê-su.19Man lăm nga Yang Ngăt Găl.20Ei ru mưč pơp ngơi băl têh luôr.21Ăn ksiêm dlăng grăp bruă. Ăn ñôt kjăp năn pơp nhăp găl.22Ăn diêr wăč băh djăp mta pơp ndrơm klăh di pơp djŏh ƀai.23Dăn Yang Trôk tơm mau pơp đăp nang lăm ƀrăh ngôr ŏh mi nư̆m nơn, jêh iên dăn Yang Trôk ñăt mgang lĕ mơt pơp mĭn, ngăt nhuôl, săk jăn ŏh mi so mau ju mta pơp ƀuăh ôh mŏng nar Yang Tŏng Tlĕh Yê-su, jêng Khua Yang băl băn, jrăng trôh.24Sĭt suôr ngăn Mtao kuôl ndơm ŏh mi, ăt jêng Mtao jrăng mhŏ bruă hư̆n.25Wơ ŏh mi, ăt ăn kuôl dăn ta hi ƀă.26Dăn kôh čhưn lĕ mơt ŏh mi ta pơp čư̆m ƀrăh.27Ăñ sŏk năn Khua Yang yua ŏh mi dlăng ră ñuôr ho ta lĕ mơt băl đăo iêt băk.28Dăn pơp đač Khua Yang băl băn, jêng Yang Tŏng Tlĕh Yê-su, gŭk băk ŏh mi.
FAR EAST BROADCASTING COMPANY