Пс88
1Езрах тукым Ефамын туныктымашыже.2Тыйын порылыкет нерген, Господь,тӱҥалам эре мураш,Тыйын ӱшанле улмет нергентукым гыч тукымыш ойлаш.3Каласышым мый:порылыкет Тыйын курымашле,ӱшанле улметым Тый пылпомышто пеҥгыдемденат.Каласенат Тый:4«Ойырен налме еҥем дене ыштенам ойпидышым,шке Давид тарземлан товатмутым пуэнам:5тыйын урлыкетым курымешлан пеҥгыдемдем,престолым тылат тукым гыч тукымыш пуэм».6Ӧрыктарыше пашат-влакым, Господь, пылпомыш чапла,святой Суксо-шамыч Тыйын ӱшанле улметым моктат.7Пылпомышто кӧ уло Господь гай?Юмын эрге-влак коклаште кӧ уло Господь гай?8Лӱдмашым Юмо луктеш святой Суксо-влакын погынымаштышт,Тудын деч лӱдыт йырже улшо-влак чылан.9Господь Саваоф, кӧ уло весе Тый гает?Тый куатан улат, Господь,ӱшанле улмет Тыйым авырен шога.10Лӱшкышӧ теҥызлан Тый Оза улат,нӧлталтше толкынжо-влакым Тый лыпландарет.11Сеҥенат Тый Раавым, тудым пуштынат,тушман-влакетым виян кидет дене шалатенат.12Тыйын улыт кава ден мланде,вет уло сандалыкым да мо тушто уло – Тый ыштенат.13Тый ыштенат йӱдвел ден кечывалвелым,Тыйын лӱметлан Фавор ден Ермон куанат.14Виян Тыйын кидет, чоткыдо тудо!Пурла кидет кӱшкӧ нӧлталме!15Чын ыштымаш ден чын суд престолетын негызше улыт,порылыкет да ӱшанле улмет Тыйын ончылнет каят.16Пиалан улеш пуч йӱкым палыше калык!Чуриетын волгыдыштыжо, Господь, нуно коштыт.17Тыйын лӱметлан куанат кажне кечын,Тыйын чынлыкет нуным кӱшкӧ нӧлталеш.18Вет Тый нунын вий ден чапышт улат,Тыйын поро кумылет дене мемнан тӱкына нӧлталтеш.19Мемнан авыртышна – Господь деч,Израильын Святойжо деч – мемнан кугыжана.20Ала-кунам кончымаш гоч Тый ӱшанле еҥет-влаклан каласенат:«Патыр сарзылан пуэнам Мый полышым,калык кокла гыч ойырен налме еҥем кӱш нӧлталынам.21Муынам Мый Давидым, шке тарземым,тудым шке святой елеем дене шӱренам.22Мыйын кидем тудын пелен лиеш,Мыйын куатем тудым пеҥгыдемда.23Тушман огеш керт тудым сеҥен,осалым ыштыше ок шыгыремде.24Тудын ончылно тушманже-влакым темдалам,тудым ужмышудымо-шамычым пытарем.25Мыйын порылыкем да ӱшанле улмем лийыт пеленже,Мыйын лӱмем дене тудын тӱкыжӧ нӧлталтеш.26Тудын кидшым Мый теҥыз ӱмбаке,тудын пурла кидшым эҥер-влак ӱмбаке пыштем.27Мыйым тудо тыге лӱмдаш тӱҥалеш:”Тый мыйын Ачаем, мыйын Юмем, утарыше кӱ курыкем улат”.28Тудым Мый кугэргым ыштем,мландымбалысе кугыжа-влак коклаште тудо эн кугу лиеш.29Порылыкем тудын дене курымешлан лиеш,тудын дене ыштыме ойпидышем пеҥгыде.30Тудын тукымжым Мый курым-курымеш шуем,мыняр жап кава лиеш, тынар жап престолжо шогаш тӱҥалеш.31Но эргыж-влак Мыйын законем кодатда туныктымем семын ышташ огыт тӱҥал гын –32кӱштымашем пудыртат,сугынем огыт шукто –33тунам титакыштлан нуным тоя дене,сулыкыштлан лупш дене кырем.34Туге гынат, нунын деч порылыкем ом нал,ӱшанле улмем деч ом кораҥ.35Мый шке ойпидышем ом пудырто,умшам гыч лекше шомакем ом вашталте.36Икана товатленам шке святой лӱмем дене,Давидлан Мый ом шойышт:37курымеш лиеш тудын тукымжо,престолжо ончылнем кече семын эре лиеш,38тылзе семын курымешлан тудо пеҥгыде кодеш.Ӱшанле таныклыше – каваште».39Но кызыт Тый шыдешкенат шӱрен палемдыме еҥетлан,кораҥынат тудын деч, тудым шӱкалынат.40Кӱрлынат шке тарзет дене ыштыме ойпидышым,кугыжан вуйшӱдышыжым мландыш кудалтенат.41Шалатенат олажын чыла пырдыжшым,карманже-влакым сӱмырен шуэнат.42Воктеч эртен кайыше-шамыч тудым агат,пошкудыж-влаклан тудо воштылчык лийын.43Тушманже-шамычлан Тый сеҥаш полшенат,ваштарешыже шогышо-влакым куандаренат.44А тудын пӱсӧ кердыжым мӧҥгеш савыренат,кредалме годым тудым пеҥгыдемден отыл,45йолгышо чапым тудын деч налынат,престолжым мландымбак сӱмырен шуэнат.46Кӱчыкемденат тудын рвезе жапшым,намыс дене тудым леведынат.47Господь, мыняр жап эше Тый шылаш тӱҥалат?Мыняр жап йӱла тул семын шыдет?48Шарналте, могай кӱчык мыйын илышем,могай кӱлдымӧ илышлан айдеме эрге-влакым ыштенат!49Кӧ ила да ок уж колымашым?Кӧ вес тӱня деч чонжым утара?50Кушто Тыйын ончычсо порылыкет, Господь?Ӱшанле улмет дене тудым Тый Давидлан товатленат.51Ончал, Господь, кузе тарзет-влакым шӱктарат,калык-шамычын воштылмыштым мый шӱмыштем нумалам.52Тыйын тушманет-влак шудалыт, Господь,шӱрен палемдыметын кажне ошкылжым мыскылат!53Моктымо лийже Господь курым-курымеш!Аминь, аминь.
Institute for Bible Translation, Finland