Пс81
Асафын псаломжо.
1Юмо шогалын юмо тӱшка коклаште,юмо-влак коклаште судым ыштен:2«Мыняр жап те эше чын огыл судитледада осал-влак велне лийыда?3Йорло еҥ ден тулык йочалан чын судым ыштыза,пызырналтше ден незерлан чынлыкым ончыктыза.4Утарыза нужна ден йорлым,осал еҥын кидше гыч шупшын налза».5Но нине юмо-влак огыт пале, огыт умыло –коштыт нуно пычкемыште.Мландын чыла негызше лӱҥгалтеш.6«Мый каласышым: кеч те юмо,Чыла деч Кӱшылысын эргыже улыда,7но те еҥ-шамыч семын коледа,тӧра-влак семын пытеда».8Кынел, Юмем, судитле мландым,вет чыла калык Тыйын улыт!Institute for Bible Translation, Finland