Пс82
1Муро. Асафын псаломжо.2Юмем, шып ит лий, йӱкдымӧ ит лий,нимом ыштыде ит шого, Юмем!3Теве тушманет-влак пудыраненыт,Тыйым ужмышудымо-влак вуйыштым нӧлталыныт.4Тыйын калыкет ваштареш кутырен келшеныт,Тылат шерге еҥ-влак ваштареш нуно каҥашат.5Каласеныт: «Каена да калык кокла гыч нуным пытарена,тек Израильын лӱмжӧ йӧршешлан мондымо лиеш».6Ик ой дене кутырен келшеныт,ваштарешет ушемым ыштеныт:7Едом калык да Измаил тукым,Моав ден агарян-влак,8Гевал, Аммон да Амалик,филистим-влак ден Тирыште илыше-шамыч.9Нунын дек эсогыл Ассирий ушнен,Лотын эргыже-влаклан полыш кидшым шуен.10Ыште нунын дене тидымак, мом Тый Мадиамлан,Киссон эҥер воктене Сисара ден Иавинлан ыштенат.11Пытарыме лийыныт нуно Ен-Дорышто,капышт-влак мландыште терыс семын киеныт.12Ыште нунын онышт дене,кузе Орив да Зив дене ыштенат,нунын чыла вуйлатышышт дене –кузе Зевей да Салман дене ыштенат.13Вет нуно ойленыт:«Юмын мландыжым поген налына».14Юмем, тек нуно тӱтан дене тарватыме пурак гай,кугу мардеж дене нӧлталме арва гай лийыт.15Кузе тул чодырам йӱлалта, курыкым тулйылме когарта,16тугак нуным кугу мардежет дене покто,тӱтан мардежет дене чот лӱдыктӧ.17Намыс дене чурийыштым левед,тек нуно Тыйын лӱметым ӱжын кумалыт, Господь!18Тек вожылыт да пудыранат курымешлан,мыскылтышыш лектыт да колат.19Тыйын лӱмет – Господь.Тек нуно палат:Тый гына мландымбалне Чыла деч Кӱшылысӧ улат!
Institute for Bible Translation, Finland