Пс76
1Хор вуйлатыше Идифунлан. Асафын псаломжо.2Юмо деч полышым йодын кумалам,Юмым сӧрвалем, да Тудо мыйым колеш.3Кунам мылам неле, кычалам Господьым,кидем Тудын дек йӱдымат нӧлталме,ынеж лыплане мыйын чонем.4Юмо нерген шонен, каньысырланем,шонкалем мый – чонемланже шуй чучеш.5От пу Тый мылам шинчам петыраш,чонем пудырана – ом керт кутыренат.6Ончычсо жапым, эртен кайыше ийлам шонкалем.7Йӱдым шарналтем мурым мурымем,шӱмыштем шонкалем, чонем вашмутым кычалеш:8йӧршешлан мо Господь мемнам Шкеж деч кораҥден,суапшым ок ончыкто мо тетла?9Йӧршешлан мо пытен Тудын порылыкшо,тукым гыч тукымыш ойлымо мутшылан мучаш толын мо?10Монден мо Юмо сайым ышташ,шыдешкымыжлан кӧра тетла ынеж чамане мо?11Шоненам мый:«Чыла деч Кӱшылысын кидше мемнам тетла ок арале –теве мо ойгандара чонем».12Мом Господь ыштен, мый ом мондо.Ондак ыштыме ӧрыктарыше пашат-влакым шарнем,13Тыйын ыштыме пашат-влак нерген,кӱдыратле пашат-влак нерген шонкалем.14Юмына, Тыйын корнет святой!Уло мо мемнан Юмына гай вес кугу Юмо?15Тый ӧрыктарыше паша-влакым ыштыше Юмо улат,калык-влак коклаште шке куатет ончыктенат.16Виян кидет дене Тый шке калыкетым,Иаков ден Иосиф эрге-влакым, утаренат.17Вӱд-влак Тыйым ужыныт, Юмына,вӱд-влак Тыйым ужыныт да лӱдыныт,пундашдыме келгыт-шамыч чытыреныт.18Пыл-влак вӱдым йоктареныт,каваште кӱдырчӧ кӱдыртен,Тыйын волгенче пикшет-влак чоҥештылыныт.19Тыйын кӱдыртымӧ йӱкет пылпомышышто шергылтын,волгенче-влак тӱням волгалтареныт –мланде лӱҥгалтын да чытырнен.20Тыйын корнет эртен теҥыз гочын,йолгорнет келге вӱд гоч каен,Тыйын йол кышатым нигӧ ужын огыл.21Тый шке калыкетым шорык кӱтӱ семынМоисей ден Ааронын кидышт дене наҥгаенат.
Institute for Bible Translation, Finland