Пс75
1Хор вуйлатышылан. Кылан семӱзгар дене. Асафын псаломжо. Муро.2Иуда мландыште Юмым палат,Израильыште Тудын лӱмжӧ кугу.3Салимыште Тудо ила,Сионышто Тудын илыме верже.4Тушто Тудо йоҥеж пикшым, авыртыш ден кердымда моло саргуралым пудыртен.5Чапет Тыйын волгалтеш,янлык илыме курык-влак деч Тый куатан улат.6Лӱддымӧ сарзе-влакын мо улыштым поген налме,нуным омо темдалын, кидыштышт вий кодын огыл.7Тыйын кӱштымӧ йӱкет деч, Иаковын Юмыжо,орва ден имне-влакат пуйто пич омо дене мален колтеныт.8Лӱдмашым лукшо Юмо Тый улат,Тыйын шыдешкымет годым чурий ончылнет кӧ шоген кертеш?9Увертаренат пылпомыш гыч Тый судым,да мланде лӱдмыж дене шыпланен.10Шогалын Юмо судым ышташ,мландымбалне пызырналт илыше чыла еҥым Тудо утара.11Еҥ-влакын шыдыштат конда Тылат чапым,кодшо шыдетым саргурал семын Тый ӱштальыч ӱмбакет.12Господь Юмыланда сӧрымаш-влакым пуызада нуным шуктыза,тек йыр улшо-влак чылан лӱдмашым лукшо Юмылан пӧлекым кондат.13Вуйлатыше-влакым Тудо темдалеш,мландымбалысе кугыжа-влаклан Юмо лӱдмашан.
Institute for Bible Translation, Finland