Пс74
1Хор вуйлатышылан. «Ит пытаре» семлан. Асафын псаломжо. Муро.2Моктена ме Тыйым, Юмына, моктена,вет мемнан деке Тый чак улат!Ӧрыктарыше пашат-влак нерген еҥ-шамыч увертарат.3Каласенат Тый:«Палемдыме жапыште Мый чын судым ыштем.4Чытырналтше кеч мланде да тушто чыла илыше,тудым кучышо негыз меҥгым Мый пеҥгыдемдем.5Моктаныше-влаклан ойлем: ”Ида моктане”,да осал-влаклан: ”Ида нӧлтӧ тӱкыдам.6Кӱшкӧ тӱкыдам ида нӧлтӧ,вуйдам кӱшкӧ нӧлтен, [Юмо ваштареш] ида кутыро”».7Эрвел гыч огыл, касвел гыч огыл,ир мланде гычат огыл айдеме чапым нӧлтымаш,8а Юмо – чылаштлан судья:иктым Тудо ӱлыкшемда, весым нӧлта.9Вет Господьын кидыште тич темыме чаше,тушто шоҥалтеш тамлештарыме йошкар арака.Тиде аракам Господь темкала,мландымбалне илыше чыла осал еҥлантудын кучажымат йӱашышт логалеш.10А мый Иаковын Юмыж нерген ойлаш,Тудым курымеш моктен мураш тӱҥалам!11«Осал еҥ-шамычын тӱкыштым пудыртем,да чын ыштыше-влакын тӱкышт нӧлталтыт».
Institute for Bible Translation, Finland