Пс56
1Хор вуйлатышылан. «Ит пытаре» семлан. Саул деч курыкпомышыш шылын куржмеке, Давидын возымашыже.2Серлаге, Юмем, мыйым серлаге,вет чонемже Тылат инана.Туткар эртен кайымешке,мый шулдыретын ӱмылешыже шылам.3Чыла деч Кӱшылысӧ Юмым,мыйым пыдал налше Юмым, сӧрвален йодам.4Колта кава гыч Тудо полышым да утара,мыйым поктылшо-влакым вожылмашыш пурта.Юмо мылам шке порылыкшым,ӱшанле улмыжым ончыкта!5А мый лев-влак коклаште улам,айдеме эрге-шамычым кочшо-влак коклаште кием,нунын пӱйышт – умдо да пикш,йылмышт – пӱсӧ керде.6Юмем, кава деч кӱшкӧ лий нӧлталме,пӱтынь мланде ӱмбалне лийже Тыйын чапет!7Йолемлан нуно вапшым шынденыт –чыла ӱшаным мый йомдаренам,ончылнем вынемым кӱнченыт,но тушко шкештак пурен каеныт.8Шӱмем мыйын ямде, Юмем, шӱмем мыйын ямде –мый мураш да чапландараш тӱҥалам.9Помыжалт, чонем, помыжалтса, кӱсле ден арфе!Мый ӱжара дене кынелам10да Тыйым, Господь, калык-влак коклаште чапландарем,тукым-шамыч коклаште моктен мурем.11Вет Тыйын порылыкет кава марте шуэш,Тыйын ӱшанле улмет – пыл ора дек шумеш.12Юмем, кава деч кӱшкӧ лий нӧлталме,пӱтынь мланде ӱмбалне лийже Тыйын чапет!
Institute for Bible Translation, Finland