Пс51
1Хор вуйлатышылан. Давидын туныктымашыже.2Идумей Доикын Саул деке толмекше да «Ахимелехын пӧртышкыжӧ Давид толын» манын увертарымекше, Давид тидым возен.3Мом осал пашат дене моктанет, «талешке»?Юмын порылыкшо эре мый денем.4Весылан пытымашым кычалеш йылмет,бритве гай пӱсӧ тудо, осал чоя айдеме!5Поро дечын путырак тый осалым,чыным ойлымо деч путырак шояклымым йӧратет.6Пытымашыш наҥгайыше мутым,чояланыше йылмым тый йӧратет.7Садланак Юмо тыйым курымешлан пытара,пӱтырен куча да омашет гыч луктын шуа,илыше-влакын мландышт гыч вожге кукла.8Ужыт тидым чын ыштыше-влак да лӱдыт,вара тыйын нергенет воштыл каласат:9«Теве айдеме, кӧ Юмым шке аралтышыжлан шотлен огыл,а шке кугу поянлыкшылан ӱшанен,осал пашаж дене вийым поген».10А мый Юмын пӧртыштӧ ладыра олив пушеҥге гай уламда Юмын порылыкшылан курым-курымеш инанем.11Чыла пашатлан мый Тыйым курымеш моктем,инанаш тӱҥалам Тыйын лӱметлан,вет Тый шке ӱшанле-влакет дек поро улат.
Institute for Bible Translation, Finland