Пс50
1Хор вуйлатышылан. Давидын псаломжо.2Давид тудым Вирсавия дене мален лекмекше, тудын деке пророк Нафанын толмыж деч вара возен.3Юмем, шке порылыкет дене мыйым серлаге,шуко сайлыкет дене осал паша-влакем ӱштын кудалте.4Мушкын колто сулыкем,титакем деч мыйым эрыкте.5Осал паша-влакемым мый палем,сулыкемже – эре ончылнем.6Тыйын, ик Тыйын ваштареш сулыкым ыштенам,Тыйын шинча ончылнет осалым ыштенам.Тыйын каласымет – чын,Тыйын судет – яндар.7Сулыкан мый шочынам,ава мӱшкыр гыч лекмекак, сулыкан лийынам.8Но Тый шӱмыштӧ чын улмым йӧратет,да мыланем шке мунлылыкетым ончыктет.9Ӱмбакем иссоп укш дене шыжыкте – лиям яндар,муш мыйым – лиям лум дечат ошо.10Пу мылам куан ден йывыртыме йӱкым колаш –куанат тек луэм-влак, кудыштым Тый шалатенат.11Шке ончалтышетым сулыкем деч кораҥде,чыла осал пашамым ӱштын кудалте.12Юмем, кӧргыштем яндар шӱмым ыште,шӱлышем уэмде, пеҥгыдемде.13Шке чуриет ончыч мыйым ит кораҥде,святой Шӱлышетым мый дечем ит нал.14Пӧртылтӧ мылам утарыметлан куаным,чолга Шӱлышет дене мыйым пеҥгыдемде.15Тунам мый осалым ыштыше-влакым Тыйын корнетлан туныктем,да сулыкан-шамыч Тый декет савырнат.16Юмем, мыйым утарыше Юмем!Вӱр йоктарымаш деч мыйым утаре,тунам йылмем Тыйын чынлыкетым куанен мокта.17Господь! Поч мыйын умшам,тунам мый Тыйым чапландарем.18Вольык надырым кондем ыле,но тудым Тый ынет нал,йӱлалтен пуымо надыр Тылат ок келше.19Юмылан келшыше надыр – кӱрышталтше шӱм-чон,кӱрышталтше да ӱҥышемше шӱмым Тый изиэш от уж, Юмем.20Шке порылыкет дене, [Господь,] Сионлан сайлыкым ыште,Иерусалимын пырдыжшым угыч нӧлтал.21Тунам келша Тыланет чын надыр,йӱлалтен пуымо да пӱтынек пуымо надыр,тунам жертвенникышкет самырык ӱшкыж-влакым пыштат.
Institute for Bible Translation, Finland