Пс52
1Хор вуйлатышылан. Пуэн шоктыман семӱзгар дене. Давидын туныктымашыже.2Ушдымо еҥ шке семынже шона: «Юмо уке».Тыгай еҥ-влак пужленыт, ыштат нуно йырнык пашам,уке нунын коклаште порым ыштыше.3Пылпомыш гыч Юмо айдеме эрге-влак ӱмбак онча –уло мо шонен моштышо, Юмым кычалше?4Но чыланат кораҥыныт, чылан йӧрдымӧ лийыныт,уке порым ыштыше, иктат уке.5Нимат огыт умыло мо осалым ыштыше нине еҥ-влак,мыйын калыкемым киндым кочмо семын кочшода Юмын лӱмжым ӱжде илыше-влак?6Тудо верыште, кушто лӱдмаш уке,нуным пеш кугу лӱдмаш авалта.Тыйым шыгыремдылше-влакын лулегыштым Юмо шалатен кышка.Намысыш пуртет тый нуным,вет Юмо нуным Шкеж деч кораҥден.7Сион гыч Израильлан утарымаш толжо ыле!Куана Иаков, Израиль йывырта,кунам пленыште улшо калыкшым Юмо мӧҥгеш пӧртылта.
Institute for Bible Translation, Finland