Пс49
Асафын псаломжо.
1Господь – юмо-влакын Юмышт – ойлада эрвел гыч касвел марте чыла айдемым ӱжын пога.2Чыла дечат сӧрал Сион гыч Юмо волгалт лишемеш,3толеш мемнан Юмына, да йӱк деч посна огыл:Тудын ончылныжо – чыла пытарыше тул,Тудын йырже – тале тӱтан мардеж.4Шке калыкшым судитлымашкеТудо пылпомыш ден мландым ӱжеш:5«Погыза Мый декем Мыйын ӱшанле-влакем,нуно, надырым конден, ыштеныт Мый денем ойпидышым».6Пылпомыш увертара Тудын чынлыкшым,вет Юмо улеш судья.7«Колышт, калыкем, Мый ойлаш тӱҥалам,Израиль, Мый ваштарешет таныклем,Мый Юмо, тыйын Юмет, улам.8Надырет верч огыл Мый тыйым шылталем,йӱлалтен пуымо надырет эре Мыйын ончылнем.9Ом нал суртет гыч ӱшкыжым,кудывечет гыч казатага-влакымат.10Вет Мыйын улыт чодырасе чыла янлык,тӱжемле курык ӱмбалне улшо вольыкат.11Палем курык ӱмбалысе чыла кайыкым,нурышто илыше чонан-влакат Мыйын улыт.12Шужем ыле гынат, Мый тылат ом каласе ыле,вет тӱня да чыла, мо тушто уло – Мыйын улыт.13Кочкам мо Мый ӱшкыж шылым,казатага вӱрым йӱам мо?14Кондо Юмылан надыр шотеш моктымашым,Чыла деч Кӱшылысылан мом сӧрыметым шукто.15Ӱж Мыйым неле кече годым –Мый тыйым утарем,тунам тый Мыйым чапландарет».16Сулыкан еҥлан Юмо ойла:«Кузе тый Мыйын кӱштымаш-влакем увертараш,ойпидышем нерген умшат дене кутыраш тоштат,17кунам Мыйын шылталыме мутем дек ужмышудымо улат,Мыйын шомакем кӱлдымыш луктат?18Шолыштшо еҥым ужмек, тудым йолташлан шотлет,яжар-влак денат тый келшен илет.19Умшатым почат осал мутым ойлаш,йылмет ондален кутыркала.20Шинчет да шке иза-шольыч ӱмбак шоякым ойлет,аватын эргыж ӱмбак лавырам кышкет.21Чыла тидым тый ыштылынат – Мый шып лийынам,шоналтенат тый: Мый тый гаетак улам.Но Мый тыйым мут кучаш шогалтем,чыла сулыкетым шинча ончыкет луктам.22Умылыза тидым, Юмым мондышо-влак,уке гын Мый тендам пытарем,да нигӧ утарыше ок лий.23Кӧ надыр шотеш моктымашым конда,тудо Мыйым жапла,кӧ чын корно дене кая,тудлан Мый Юмын утарымашыжым ончыктем».Institute for Bible Translation, Finland