Пс48
1Хор вуйлатышылан. Корей эрге-влакын псаломышт.2Калык-влак, тидым колыштса,тӱнямбалне илыше-шамыч, тӱткын колыштса –3тыглай айдеме да лӱмлӧ,поян еҥ ден нужнат.4Умшам луктеш ушан шомакым,шӱм шонкалымашем-влак умылаш туныктат.5Мый туштен ойлымаш дек пылышем савырем,кӱсле сем почеш муам неле йодышлан вашмутым.6Молан лӱдаш мылам орлык толмо жап годым,кунам осаллык мыйым чыла велым авыра?7Нуно шке вийыштлан ӱшанат,шуко поянлыкышт дене моктанат.8Иза-шольыжым айдеме сулен налын ок керт,тудлан верч Юмылан акым ок пу.9Тудын чонжым сулен налаш ак пеш шерге,да тидым ышташ ок лий нигунам.10Вет, шӱгарыш логалде,курымеш илаш иктат ок код.11Кажныже ужеш: кугу ушан еҥ-влакат колат,шотдымо ден ушдымо семынак пытат,шке погыштым весылан кодат.12Кеч нуно мландыштлан шке лӱмыштым пуэныт,шӱгар курымешлан нунын пӧртышт,тукым гыч тукымыш илемышт лиеш.13Чапыште улшо еҥат курымеш ок иле,вольык семын тудат пыта.14Тиде корнышт – ушдымылык,кеч почешышт кайыше-влак нунын шонымыштым сайлан шотлат.15Шорык семын нуным поктен пуртат вес тӱняш,кӱташ тӱҥалеш нуным колымаш,вес кечынак чын ыштыше-влак олмешышт тӱҥалыт озаланаш.Нунын вийышт пыта, шӱгар лиеш нунын илыме верышт. 16Но Юмо, мыйым Шкеж дек налын,вес тӱнян кидше деч чонем утара.17Ит кӧране, кунам айдеме поя,кунам пӧртшын чапше кушкеш:18кола тудо – нимом ок нал пеленже,чапше ок кай тудын почешыже.19Кеч илымыж годым шкенжым пиаланлан шотлен –вет тыйым моктат, кунам тыйын чылажат воранен толеш –20ача-кочаж-влак деке тудо кая,кудышт тетла волгыдым огыт уж.21Чапыште лиеш гынат, ок умыло айдеме:вольык семын тудат пыта.
Institute for Bible Translation, Finland