Пс47
1Муро. Корей эрге-влакын псаломышт.2Господь кӱдыратле да чот моктымомемнан Юмынан олаштыже, шке святой курыкыштыжо.3Тиде – сӧрал да кӱкшӧ вер, уло мландын куанже,Сион курык – кӱдыратле Кугыжан олаже,тудо – йӱдвелысе тора курык гай.4Тиде олан карманыштыже Юмымчоткыдо аралтыш семын палат.5Теве кугыжа-влак погынен толыныт,ола ӱмбаке кержалташ шонен пыштеныт.6Мом нуно ужыныт – ӧрмашым луктын,нуно пудыраненыт, куржыныт мӧҥгеш.7Тушто нуным авалтен лӱдмаш,ӱдырамашын азам ыштымыж годсо гай орланымаш –8эрвел мардежын Фарсис корабль-влакым шалатымыж семыннуным Тый пытаренат.9Мо нерген колынна, тудымак Господь Саваофын олаштыже,мемнан Юмынан олаштыже, ужынна –курымешлан тудым Юмо пеҥгыдемден.10Юмына, ме Тыйын храмыштетТыйын порылыкет нерген шонкалена.11Юмына, лӱмет шарлен чыла вере,моктат Тыйым мланде тӱр марте,пурла кидет чынлык дене темын.12[Господь], Тыйын чын судет-влаклантек куана Сион курык,тек Иудан олаже-влак куанат.13Кайыза Сион йыр, тудым савырныза,башньыже-влакым шотлен лекса.14Ончалза тудын пеҥгыде пырдыжшым,ончал савырныза карманже-влакым –каласкаледа вара ончыкылык тукымлан.15Вет тиде Юмо – курымешлан мемнан Юмына,колымешкына мемнам Тудо вӱден наҥгая.
Institute for Bible Translation, Finland