Пс44
1Хор вуйлатышылан. «Лилий-влак» семлан возымо. Корей эрге-влакын туныктымашышт. Йӧратымаш муро.2Сӧрал шомак шӱмем гыч йоген лекте.Каласем мый: шке мурем кугыжалан пӧлеклем,йылмем уста возкалышын пераж гай.3Чыла айдеме деч сӧрал улат тый,суапле шомак умшат гычын лектеш –тыге тыйым Юмо курымешлан суапландарен.4Талешке, кыдалышкет кердетым сакалте,ончыкто чапет ден виет.5Куатет дене чаплане,чынлык, ӱҥышӧ лиймаш да чын ыштымаш верчкудалын лек тый кредалаш.Тек тыйын пурла кидет ӧрыктарыше пашам ончыкта.6[Талешке!] Пикшет-влак пӱсӧ улыт,тушман-влакетын шӱмышкышт нуно керылтыт –Тыйын ончылнет, Кугыжа, калык-влак йӧралтыт.7Юмем, Тыйын престолет курым-курымеш,Тыйын кугыжан тоят – чынлык тоя.8Тый чын ыштымым йӧратет,закондымылыкым ужмет ок шу.Сандене Юмо, тыйын Юмет, куан ӱй дене тыйымпеленет улшо-влак деч утларак шӱрен.9Тыйын чыла вургемет смирна, алой да кассий пушан улыт;слон лу дене сӧрастарыме полатла гыч тыйым кӱсле йӱк веселаҥда.10Кугыжан ӱдыр-шамыч полатыштет пагалыме ӱдырамаш-влак коклаште улыт,Офирысе шӧртньым чийыман кугыжанвате пурла могырыштет шога.11Колышт, ӱдыр, да ончо, пылышетым савыре –калыкетым, шке ачатын пӧртшым мондо.12Тыйын моторлыкетлан кугыжан шӱм-чонжо ылыжеш,тудо – тыйын озат, тудлан вуетым саве.13Тир ӱдыр толеш пӧлек дене,калык кокла гыч эн поян-шамычаттыйын поро кумылетым тӱҥалыт кычалаш.14Кугыжан налшаш ӱдыржӧ полатыш мия, тудо пеш сӧрал,вургемже шӧртньӧ дене тӱрлымӧ.15Сынле вургеманым тудым кугыжа дек кондат,а почешыже – йолташ ӱдыржӧ-влакым.16Куанен да йывыртен нуным кондат,кугыжан полатышке нуно пурат.17Кугыжа, тыйын эргыч-влак ача-кочат-шамычым алмаштат,пӱтынь мланде мучко нуным вуйлатышылан шогалтет.18Лӱметым тукым гыч тукымыш мондалтдымым ыштем,калык-влак мокташ тӱҥалыт тыйым курым-курымеш.
Institute for Bible Translation, Finland