Пс43
1Хор вуйлатышылан. Корей эрге-влакын туныктымашышт.2Юмына, ме шке пылышна дене колынна –ача-кочана-влак мыланна каласкаленыт,мом Тый нунын илыме жапыште, акрет кечылаште, ыштенат.3Шке кидет дене Тый калык-влакым пытаренат,нунын мландешышт ача-кочана-влакым вераҥденат,кырен шалатенат йот тукым-влакым, нуным поктен колтенат.4Шке кердышт дене огыл ачана-влак мландым налыныт,шке вийышт огыл нунылан сеҥымашым конден,а Тыйын кидет, вий-куатет да волгыдо чуриет,вет Тый нунын дек поро кумылан лийынат.5Тый Юмем, мыйын Кугыжам улат!Пу Иаковлан сеҥымашым.6Тый денет ӧрген чактарена тушманым,Тыйын лӱмет дене тошкена мемнан ваштареш шогалшым.7Мый шке пикшемлан ом ӱшане,кердем мыйым ок утаре.8Тый мемнам тушман деч утарет,мемнам ужмышудымо-влакым намысыш пуртет.9Кажне кечын ме Юмо дене моктанена,лӱметым курымеш мокташ тӱҥалына.10Но кызыт Тый мемнам кодышыч, вожылмашыш пуртышыч,сарзына-влак дене пырля шыч лек кредалаш.11Тый мемнам тушман деч куржыктышыч,мемнам ужмышудымо-влак погынам агат.12Шорык семын пуышыч мемнам шӱшкылаш,калык коклашке шалатышыч мемнам.13Парышым налде, калыкет ужалышыч,шулдо ак дене Тый пуышыч.14Пошкудына-влаклан мемнам Тый пуышыч мыскылаш,мемнан йыр илыше-шамычлан – вурсаш да воштылаш.15Калык-влак коклаште мемнам воштылчыкым ыштышыч,йот тукым-влак вуйыштым мыланна воштыл рӱзалтат.16Кече мучко чытем мыскылымашым,чуриемым вожылмаш леведеш –17колам шӱктарымым, игылтмым,тушман да ӱчым шуктышо-влак ӱмбакем шӧрын ончат.18Чыла тиде мемнан дене лийын,но ме Тыйым монден огынал,пудыртен огынал ойпидышетым,19шӱмна Тый дечет кораҥын огыл,йолна Тыйын корнет деч ӧрдыжкӧ каен огыл.20Тулпире-влакын мландыштышт мемнам Тый кырышыч,колымашын ӱмылжӧ дене мемнам леведыч.21Шке Юмынам монден,вес юмо дек киднам нӧлтална гын,22Юмо тидым пален ок нал ыле мо?Вет Тудо шӱмын чыла шолыпшым пала.23Тылат верч мемнам кажне кечын пуштедат,шӱшкылшаш шорыклан шотлат.24Помыжалт, Господь, молан Тый малет?Кынел, курымешлан мемнам ит кудалте.25Молан Тый чуриетым шылтет,орлыкнам, шыгыремдалт илымынам мондет?26Мемнан чонна пуракыште кия,капна мландыш пижын шинчын.27Кынел, Господь, полшаш мыланна,порылыкетлан кӧра мемнам утаре!
Institute for Bible Translation, Finland