Пс45
1Хор вуйлатышылан. Корей эрге-влакын мурышт. Вичкыж йӱкын мурыман.2Юмо мыланна – аралтыш да куат,йӧсӧ лийме годым вашке полшышо.3Сандене ме огына лӱд, кеч мланде чытырналтше,курык-влак теҥыз келгытыш порволышт,4кеч тудын вӱдшӧ шаулыжо, шоҥешталтшеда лӱшкымыж деч курык-влак чытырнышт.5Эҥер вӱдйогын-влак веселаҥдат Юмын олажым,Чыла деч Кӱшылысын святой илыме вержым.6Юмо – ола покшелне, тудо ок чытырне,эрден эрак тӱҥалын, полша Юмо тудлан.7Калык-влак пудыранат,кугыжаныш-влак чытырнат,[Чыла деч Кӱшылысын] йӱкшӧ деч мланде лӱҥгалтеш.8Господь Саваоф – мемнан дене,Иаковын Юмыжо мемнам арала.9Толза да Господьын мом ыштымыжым ончалза,ӧрыктарыше паша-влакым Тудо мландымбалне ыштен.10Господь мланде тӱр марте сар-влакым чарен:йоҥежым туген, умдым пудыртен,сарлык орва-влакым тул дене йӱлалтен.11«Чарнен шогалза да пален налза: Мый Юмо улам,калык-влак деч кӱшнӧ,уло мланде ӱмбалне эн кугу улам».12Господь Саваоф – мемнан дене,Иаковын Юмыжо мемнам арала.
Institute for Bible Translation, Finland