Пс38
1Хор вуйлатыше Идифунлан. Давидын псаломжо.2Каласенам мый:коштмо корнемым эскераш тӱҥалам,йылмемлан ом пу сулыкым ышташ,ончылнем осал еҥ улмо годым умшамым суралем.3Мый йылмыдыме, йӱкдымӧ лийынам,эсогыл сай нерген ойлен омыл,да ойгем эшеат кугемын.4Шӱмемже кӧргыштем йӱлаш тӱҥалын,чот шонкалымем дене тул эшеат вияҥын.Тунам умшам гыч мут-влак лектыч:5«Полшо умылаш, Господь, мыйын ӱмырем,мыняр кечым мыланем шотлымо:мылам палашлан – могай кӱчык илышем.6Шеч наре пуэнат Тый илышашлык кечым,уло илышемже Тыйын ончылнет – уке дене иктак,кажне айдемын илышыже – ик шӱлалтыш дене иктак.7Ӱмыл семын коштеш вет айдеме,тырша тудо чылтак арам,пога да ок пале – кӧлан чыла тиде логалеш.8А кызытше мылам мом вучыман, Господь?Лач Тыланет мый инанен илем.9Утаре мыйым чыла закондымылыкем деч,ит пу мыйым ушдымо еҥлан мыскылаш.10Мый йылмыдыме лийынам, ом поч умшамым,вет чыла тиде – Тый дечет.11Кораҥде мый дечем кидетым –кырыметым мый тетла чытен ом керт.12Тый айдемым сулыкшылан шылталет, мут кучаш шогалтет гын,мом тудо йӧратен ила – когарш кочмо семын пыта,вет айдемын илышыже – ик шӱлалтыш дене иктак!13Господь, кол мыйын кумалмем,колышт сӧрвален кычкырымем,шинчавӱдем ужмеке, шып ит шого.Вет Тыйын ончылнет мый ача-кочам-влак семынаккусныл коштшо ӧрдыжъеҥ улам.14Ит ончо шыдын ӱмбакем,тышечын кайымем да уке лиймем деч ончычтек мый кеч изишак куанем».
Institute for Bible Translation, Finland